មូស្គូ ៖ ប្រធានាធិបតីរុស្ស៊ី លោក Vladimir Putin បាននិយាយកាលពីថ្ងៃ សុក្រ ថា បច្ចុប្បន្ន រូបលោកមើលមិនឃើញមានហេតុផល ឬចំណុចសំខាន់ណាមួយ ដែលត្រូវជួបតទល់ជាមួយមេដឹកនាំអ៊ុយក្រែន លោក Volodymyr Zelensky នោះទេ ។ ការអះអាងនេះ កើតឡើងបន្ទាប់ពីលោក Zelensky បានផ្ញើលិខិតចំហមួយច្បាប់ទៅកាន់លោក Putin ដើម្បីស្នើសុំជួបចរចាដោយផ្ទាល់ ក្នុងគោលបំណងបញ្ចប់សង្គ្រាម ដែលបានអូសបន្លាយជិត ៥ ឆ្នាំកន្លងមកនេះ ។ បើតាម Straits Times, លោកប្រធានាធិបតី Putin និយាយថា លិខិតចំហរបស់លោក ហ្សេឡិនស្គី មានផ្ទុកនូវសម្តីមិនសមរម្យ និងគំរាមកំហែងជាច្រើន ដែលបង្ហាញថាវាមិនមែនជាសំណើស្មោះត្រង់ក្នុងការចរចាសន្តិភាពនោះទេ។ ផ្ទុយទៅវិញ លោក Putin លោក ពូទីន ចង់ឲ្យក្រុមអ្នកជំនាញ និងមន្ត្រីការទូតនៃប្រទេសទាំងពីរ ធ្វើការសម្របសម្រួល និងស្វែងរកដំណោះស្រាយឲ្យចេញជារូបរាងជាមុនសិន ទើបថ្នាក់ដឹកនាំកំពូលជួបគ្នាជាក្រោយ ។ ជាការឆ្លើយតប លោកប្រធានាធិបតី Zelensky បានបញ្ជាក់ថា…

តេហេរ៉ង់ ៖ រដ្ឋមន្ត្រីការបរទេសអ៊ីរ៉ង់ លោក Abbas Araghchi បានប្រកាសបដិសេធជាផ្លូវការ នូវលទ្ធភាពជួបតទល់រវាងមេដឹកនាំកំពូលរបស់ខ្លួន លោក Mojtaba Khamenei និងប្រធានាធិបតីអាមេរិក លោក Donald Trump ដោយហៅគំនិតនេះថា “មិនឆ្លុះបញ្ចាំងពីការពិត” ។ ការបដិសេធភ្លាមៗនេះ បានធ្វើឡើងបន្ទាប់ពីលោកប្រធានាធិបតី Trump បានថ្លែងប្រាប់ប្រព័ន្ធផ្សព្វផ្សាយថា លោកមានបំណង និងបើកចំហក្នុងការជួបពិភាក្សាដោយផ្ទាល់ជាមួយមេដឹកនាំកំពូលថ្មីរបស់អ៊ីរ៉ង់ ប្រសិនបើភាគីទាំងពីរអាចឈានដល់កិច្ចព្រមព្រៀងសន្តិភាពណាមួយ ។ លោក Araghchi បានថ្លែងប្រាប់ទូរទស្សន៍ Al Mayadeen ថា ភាគីទាំងអស់គួរតែមានភាពប្រាកដនិយម និងរស់នៅក្នុងពិភពពិតជាក់ស្តែង ។ លោកបានបញ្ជាក់ថា មេដឹកនាំកំពូលថ្មីកំពុងគ្រប់គ្រងកិច្ចការជាតិយ៉ាងដិតដល់ ប៉ុន្តែការមិនបង្ហាញខ្លួនជាសាធារណៈកន្លងមក គឺដោយសារតែហេតុផលសន្តិសុខ ។ បើតាម AFP, ទោះបីជាមានការចរចាដោយប្រយោល និងកិច្ចខិតខំប្រឹងប្រែង ដើម្បីរក្សាបទឈប់បាញ់ក៏ដោយ ក៏ការឈានទៅដល់ជំនួបរវាងមេដឹកនាំកំពូលនៃប្រទេសទាំងពីរ នៅតែជារឿងលំបាក និងមិនទាន់អាចទៅរួចឡើយទេក្នុងពេលនេះ ។ ម្យ៉ាងវិញទៀត ទំនាក់ទំនងរវាងសហរដ្ឋអាមេរិក-អ៊ីរ៉ង់ ក៏ស្ថិតក្នុងស្ថានភាពតានតឹងខ្លាំង បន្ទាប់ពីមេដឹកនាំកំពូលអ៊ីរ៉ង់មុន គឺលោក Ali…

បរទេស ៖ ប្រធានាធិបតីចិន លោក ស៊ី ជីនពីង នឹងអញ្ជើញបំពេញទស្សនកិច្ច ទៅកាន់ប្រទេសកូរ៉េខាងជើង ចាប់ពីថ្ងៃទី៨ ដល់ថ្ងៃទី៩ ខែមិថុនា ។ វានឹងក្លាយជាដំណើរទស្សនកិច្ចលើកដំបូង របស់លោក ស៊ី ជីនពីង ទៅកាន់កូរ៉េខាងជើងក្នុងរយៈពេលជិត ៧ ឆ្នាំ ​និងមានរយៈពេលជាងកន្លះឆ្នាំ បន្ទាប់ពីលោក ស៊ី ជីនពីង បានធ្វើដំណើរ ទៅដល់ទីក្រុងសេអ៊ូល កាលពីចុងខែតុលា ឆ្នាំ២០២៥ ។ អ្នកវិភាគជឿថា ដំណើរទៅទីក្រុងព្យុងយ៉ាងលើកនេះ ផ្តល់ជ័យជម្នះដ៏ធំ សម្រាប់តំបន់ឧបទ្វីបកូរ៉េ ដោយសារតែ មេដឹកនាំចិន រូបនេះ ទើបតែបានទៅបំពេញបេសកកម្ម នៅកូរ៉េខាងត្បូង កាលពីជាងកន្លះឆ្នាំមុន ។ ​លោក John Delury មន្ត្រីជាន់ខ្ពស់ នៃសមាគមអាស៊ី Asia Society​និយាយថា សម្រាប់ លោក​ ស៊ី ជីនពីង ដែលចេញទៅក្រៅប្រទេស មិនសូវញឹកញាប់​ ហើយត្រូវធ្វើទស្សនកិច្ច នៅកូរ៉េ​ទាំងពីរ ក្នុងរយៈពេល មិនដល់មួយឆ្នាំនេះ នឹងក្លាយជា ​ជ័យជម្នះដ៏ធំ​…

មូស្គូ ៖ អនុរដ្ឋមន្ត្រីការបរទេសរុស្ស៊ីលោក Sergey Ryabkov កាលពីថ្ងៃព្រហស្បតិ៍បានគំរាមធ្ងន់ៗថា រាល់សកម្មភាពវាយប្រហារប្រឆាំងនឹងបូរណភាពទឹកដីរបស់ប្រទេសរុស្ស៊ី នោះទីក្រុងមូស្គូនឹងត្រូវបង្ខំចិត្តប្រើប្រាស់អាវុធនុយក្លេអ៊ែរ ដើម្បីជាការសងសឹកទៅវិញ ។ ការគំរាមនេះ ត្រូវបានធ្វើឡើងបន្ទាប់ពីអ៊ុយក្រែនបានបំបាក់មុខមាត់រុស្ស៊ីនៅលើឆាកអន្តរជាតិ តាមរយៈការប្រើប្រាស់យន្តហោះដ្រូនទ្រង់ទ្រាយធំ ទម្លុះប្រព័ន្ធខែលការពារដែនអាកាសវាយលុកលើទីក្រុង St. Petersburg របស់រុស្ស៊ីកាលពីថ្ងៃ ពុធ ។ ការវាយប្រហារនោះ កើតឡើងតែប៉ុន្មានម៉ោងប៉ុណ្ណោះ មុនពេលលោកប្រធានាធិបតីរុស្ស៊ី Vladimir Putin បើកវេទិកាសេដ្ឋកិច្ចអន្តរជាតិប្រចាំឆ្នាំដ៏ធំ SPIEF ដែលមានការចូលរួមពីមនុស្សរាប់ម៉ឺននាក់មកពី ១៣០ ប្រទេសទូទាំងពិភពលោក ។ ថ្លែងក្នុងទឹកមុខពោលពេញដោយកំហឹង លោក Sergey Ryabkov និយាយថា ការបញ្ចេញអាវុធនុយក្លេអ៊ែរ នឹងកើតឡើងភ្លាមៗ ក្នុងសេណារីយ៉ូដ៏ធ្ងន់ធ្ងរបំផុតណាមួយ ។ លោក Ryabkov សង្កត់ធ្ងន់ថា ការបង្ខំចិត្តប្រើអាវុធប្រល័យលោកនេះ ត្រូវបានចែងយ៉ាងលម្អិតរួចរាល់ហើយ នៅក្នុងគោលលទ្ធិយោធា និងគោលនយោបាយរារាំងនុយក្លេអ៊ែររបស់រុស្ស៊ី ។ លោកថា គោលលទ្ធិយោធានេះ គឺជាការផ្ញើសញ្ញាមួយថា ការបំពានលើបូរណភាពទឹកដីរបស់រុស្ស៊ី ពីសំណាក់ប្រទេសដទៃ មិនថា គ្មាន ឬមានអាវុធនុយក្លេអ៊ែរនោះទេ វានឹងជំរុញឱ្យទីក្រុងមូស្គូបង្ខំចិត្តប្រើប្រាស់អាវុធប្រល័យលោក ។ ដើមឡើយ គោលលទ្ធិយោធារុស្ស៊ីចែងថា អាចប្រើអាវុធនុយក្លេអ៊ែរ លុះត្រាតែមានការវាយប្រហារដែលគំរាមកំហែងដល់អស្ថិរភាពនៃរដ្ឋ…

កៀវ ៖ លោក Volodymyr Zelenskyy ប្រធានាធិបតី ទេសអ៊ុយក្រែនកាលពីថ្ងៃព្រហស្បតិ៍ បានផ្ញើលិខិតចំហរដ៏កម្រមួយទៅកាន់ភាគីរុស្ស៊ី ដើម្បីស្នើសុំជួបចរចាទល់មុខគ្នាដោយផ្ទាល់ ជាមួយលោកប្រធានាធិបតី Vladimir Putin ។ នៅក្នុងសំបុត្រមួយច្បាប់នោះ, លោក Zelensky រៀបរាប់ថា «អ៊ុយក្រែនស្នើឱ្យបញ្ចប់សង្រ្គាមនេះ តាមរយៈការភ្ជាប់ទំនាក់ទំនងដោយផ្ទាល់ រវាងពួកយើង គឺ រូបខ្ញុំ និង លោក ពូទីន»។ លោកបន្តថា «លោកបានស្នើឲ្យកំណត់កាលបរិច្ឆេទច្បាស់លាស់ សម្រាប់កិច្ចប្រជុំបែបនេះ ហើយ អ៊ុយក្រែនបានត្រៀមខ្លួនរួចរាល់ សម្រាប់បទឈប់បាញ់ពេញលេញ អំឡុងរយៈពេល នៃ ការចរចានោះ»។ ឆ្លើយតបនឹងរឿងនេះ វិមានក្រឹមឡាំង និយាយថា លោក Vladimir Putin មិនទាន់ទទួលបានលិខិតមួយច្បាប់នេះនៅឡើយទេ ប៉ុន្តែវិមានក្រឹមឡាំង​បញ្ចាក់ថា ទ្វារទីក្រុងមូស្គូបើកចំហរចាំទទួលមេដឹកនាំអ៊ុយក្រែនរូបនេះជានិច្ច ហើយជួបនៅពេលណាក៏បានឲ្យតែនៅក្នុងទីក្រុងមូស្គូ ។ យ៉ាងណា មេដឹកនាំអ៊ុយក្រែន បានបដិសេធទុកជាមុន នៅក្នុងលិខិតនេះថា មិនអាចជួបនៅមូស្គូ តាមសំណើរបស់រុស្ស៊ី នោះឡើយ ។ ក្រោយពីបានដឹងដំណឹងនេះ, ប្រធានាធិបតីអាមេរិក លោក Donald…

វ៉ាស៊ីនតោន ៖ សហរដ្ឋអាមេរិក បានអះអាងជាថ្មីថា ខ្លួននៅតែបន្តបើកចំហទ្វារចរចាជាមួយកូរ៉េខាងជើងដោយគ្មានលក្ខខណ្ឌអ្វីទាំងអស់ ដើម្បីបោះជំហានឈានដល់គោលដៅលុបបំបាត់អាវុធនុយក្លេអ៊ែរទាំងស្រុងនៅលើឧបទ្វីបកូរ៉េ ។ នេះបើតាម Korea Times ។ ការបង្ហាញជំហរចរចារបស់អាមេរិក ត្រូវបានធ្វើឡើងភ្លាមៗ បន្ទាប់ពីមេដឹកនាំកំពូលកូរ៉េខាងជើង លោក Kim Jong Un កាលពីថ្ងៃ ពុធ បានចុះត្រួតពិនិត្យរោងចក្រផលិតសារធាតុផ្សំគ្រាប់បែកនុយក្លេអ៊ែរដ៏ថ្មីសន្លាងមួយ និងបានដាក់មហិច្ឆតាពង្រឹងកងកម្លាំងនុយក្លេអ៊ែរក្នុងល្បឿនលឿនបំផុត ។ យោងតាម DW,  នៅពេលចុះពិនិត្យមើលរោងចក្រនេះផ្ទាល់ លោក Kim បានអះអាងថា បច្ចុប្បន្នសមត្ថភាពផលិតសារធាតុនុយក្លេអ៊ែររបស់កូរ៉េខាងជើង បានកើនឡើងទ្វេដង បើធៀបនឹង ៥ ឆ្នាំមុន ។ ជាមួយគ្នានេះ លោក Kim ក៏បានប្រកាសពីផែនការជំរុញ និងពង្រីកកម្លាំងអាវុធនុយក្លេអ៊ែររបស់កូរ៉េខាងជើង ឱ្យកើនឡើងយ៉ាងលឿនបំផុត ដើម្បីត្រៀមលក្ខណៈទប់ទល់នឹងការគំរាមកំហែងផ្នែកយោធារបស់សហរដ្ឋអាមេរិក និងកូរ៉េខាងត្បូង ។ ការសម្ញែងរោងចក្រថ្មីនេះ ធ្វើឡើងបន្ទាប់ពីកូរ៉េខាងជើងធ្លាប់បានបង្ហាញរោងចក្រចម្រាញ់សារធាតុអ៊ុយរ៉ាញ៉ូមសម្ងាត់ដំបូងរបស់ខ្លួន កាលពីខែកញ្ញា ឆ្នាំ២០២៤ ។ យោងតាមមន្ត្រីជាន់ខ្ពស់កូរ៉េខាងត្បូង, មកទល់ពេលនេះ កូរ៉េខាងជើងកំពុងដំណើរការរោងចក្រចម្រាញ់សារធាតុអ៊ុយរ៉ាញ៉ូម ដែលជាធាតុផ្សំសំខាន់សម្រាប់ផលិតគ្រាប់បែកនុយក្លេអ៊ែរសរុបចំនួន ៤ កន្លែងជារៀងរាល់ថ្ងៃ ។ ចាប់តាំងពីកិច្ចចរចាជាមួយអាមេរិកបានបរាជ័យកាលពីឆ្នាំ២០១៩ មក កូរ៉េខាងជើង បានបដិសេធរាល់ការចរចា ហើយងាកមកផ្តោតលើការធ្វើទំនើបកម្មអាវុធខ្លួនយ៉ាងខ្លាំងក្លា ។ តួយ៉ាង…