ស្តុកខុម ៖ លោក Pal Jonson រដ្ឋមន្ត្រីការពារជាតិស៊ុយអែត បាននិយាយ កាលពីថ្ងៃព្រហស្បតិ៍ថា ប្រទេសប្រេស៊ីល ចង់ទិញយន្តហោះចម្បាំង Gripen បន្ថែម ចំនួន២០គ្រឿង ដែលផលិតដោយក្រុមហ៊ុនការពារជាតិ Saab ក្នុងចំណោម ៣៦គ្រឿង ដែលទីក្រុង ប្រាស៊ីលីយ៉ា មានរួចហើយ។ លោកអះអាងបែបនេះ បន្ទាប់ពីចុះហត្ថលេខា លើសេចក្តីប្រកាសអំពីចេតនាទិញ ជាមួយរដ្ឋមន្ត្រីការពារជាតិប្រេស៊ីល លោក Jose Mucio នៅទីក្រុង Stockholm។ ថ្លែងប្រាប់សន្និសីទសារព័ត៌មាន, លោក Pal Jonson បានប្រកាសថា «យើងពិតជាមានមោទនភាព ដែលប្រេស៊ីល បង្ហាញពីចេតនា និងការចាប់អារម្មណ៍ ក្នុងការទិញ Gripen ២០គ្រឿង ផ្សេងទៀត»។ លោក Jonson បានបន្ថែមថា យន្តហោះបន្ថែមនេះ នឹងត្រូវផលិត នៅក្នុងប្រទេសប្រេស៊ីល។ រដ្ឋមន្ត្រីការពារជាតិប្រេស៊ីល លោក Mucio បាននិយាយថា «ការបញ្ជាទិញថ្មីនេះ មានន័យថា ភាពជាដៃគូរបស់យើងដំណើរការបានល្អ»។…

វ៉ាស៊ីនតោន ៖ លោកប្រធានាធិបតី Donald Trump បានអះអាង កាលពីថ្ងៃព្រហស្បតិ៍ថា សហរដ្ឋអាមេរិកនឹងមើលថែ ប្រទេសគុយបា បន្ទាប់ពីរដ្ឋបាលទីក្រុងវ៉ាស៊ីនតោន ហ៊ុមព័ទ្ធសេដ្ឋកិច្ច ប្រទេសជាកោះមួយនេះ។ អំឡុងការថ្លែងទៅកាន់អ្នកសារព័ត៌មាន នៅក្នុងការិយាល័យ Oval នាសេតវិមាន, លោក ប្រធានាធិបតី Donald Trump បាននិយាយថា សហរដ្ឋអាមេរិកនឹងយកចិត្តទុកដាក់ លើប្រទេសគុយបា ប៉ុន្តែ មេដឹកនាំរូបនេះ ហៅរដ្ឋាភិបាលប្រទេសគុយបាថា «តឹងតែង និង អាក្រក់ខ្លាំងណាស់»។ បើតាម Al Jazeera , ចាប់តាំងពីដើមឆ្នាំមក, រដ្ឋបាលរបស់ លោក Trump បានបិទការនាំចេញប្រេង ទ្រង់ទ្រាយធំទៅកាន់ប្រទេសគុយបា បន្ទាប់ពីអាមេរិកចាប់ផ្តើមប្រតិបត្តិការយោធាដើម្បីចាប់ខ្លួនប្រធានាធិបតីវេណេស៊ុយអេឡា លោក Nicolas Maduro កាលពីដើមឆ្នាំ ។ លោក Trump បានលើកឡើង បន្ទាប់ពីប្រតិបត្តិការនោះថា នឹងមិនមានការផ្ទេរប្រេង ឬ មូលនិធិ ពីវេណេស៊ុយអេឡា ទៅ គុយបា…

មូស្គូ ៖ ប្រធានាធិបតីរុស្ស៊ី លោក Vladimir Putin បានបញ្ជាក់ជាថ្មីនៅថ្ងៃ ព្រហស្បតិ៍ ថា ប្រទេសរុស្ស៊ីមិនដែលបដិសេធ ឬបិទផ្លូវក្នុងការសន្ទនាកម្រិតការទូតជាមួយបណ្តាប្រទេសនៅតំបន់អឺរ៉ុបនោះឡើយ ។ ការអះអាងបែបនេះរបស់លោក Putin ត្រូវបានធ្វើឡើងនៅក្នុងជំនួបជាមួយថ្នាក់ដឹកនាំនៃទីភ្នាក់ងារសារព័ត៌មានអន្តរជាតិធំៗ ក្នុងឱកាសនៃកិច្ចប្រជុំវេទិកាសេដ្ឋកិច្ចអន្តរជាតិទីក្រុងសង់ភីតស្បឺគ ហៅកាត់ថា SPIEF ។ ទាក់ទិនបញ្ហាសង្គ្រាមអ៊ុយក្រែន លោក Putin បានលើកឡើងថា អឺរ៉ុបមិនអាចដើរតួជា “អ្នកសម្របសម្រួលអព្យាក្រឹត” ក្នុងរឿងជម្លោះនេះបានទេ ដោយសារតែអឺរ៉ុបកំពុងផ្តល់ជំនួយយោធា និងហិរញ្ញវត្ថុដោយផ្ទាល់ទៅឱ្យភាគីម្ខាងទៀត ។ ប៉ុន្តែទោះបីជាយ៉ាងណា មេដឹកនាំរុស្ស៊ីរូបនេះ បានសង្កត់ធ្ងន់ថា បញ្ហានេះមិនមែនមានន័យថា រុស្ស៊ីបដិសេធការប្រាស្រ័យទាក់ទង ឬច្រានចោលការពិភាក្សាជាមួយអឺរ៉ុបនោះទេ ។ ក្រៅពីសង្គ្រាមអ៊ុយក្រែន លោក Putin មានវ័យ៧៣ឆ្នាំរូបនេះ ក៏បានបដិសេធ ចំពោះការចោទប្រកាន់ដែលថា រុស្ស៊ីជាអ្នកកាត់ផ្តាច់ការផ្គត់ផ្គង់ថាមពលទៅអឺរ៉ុប ។ លោកបានបកស្រាយថា តាមពិតទៅ គឺភាគីអឺរ៉ុបខ្លួនឯងទៅវិញទេ ដែលបដិសេធមិនព្រមទិញថាមពលពីរុស្ស៊ី ដោយរំពឹងថា សេដ្ឋកិច្ចរបស់រុស្ស៊ី នឹងដួលរលំដោយសារតែការធ្វើបែបនេះ ។ គួរបញ្ជាក់ថា ទំនាក់ទំនងរវាងរុស្ស៊ី និងអឺរ៉ុប…

វ៉ាស៊ីនតោន ៖ ប្រធានាធិបតីអាមេរិក លោក Donald Trump បានថ្លែងអះអាងថា រូបលោកនឹងបើកចំហ ក្នុងការជួបទល់មុខផ្ទាល់ជាមួយមេដឹកនាំកំពូលអ៊ីរ៉ង់ លោក Mojtaba Khamenei ប្រសិនបើភាគីទាំងពីរឈានដល់កិច្ចព្រមព្រៀងសន្តិភាព ។ លោក Trump បានប្រាប់អ្នកយកព័ត៌មាននៅសេតវិមាន កាលពីថ្ងៃ ព្រហស្បតិ៍ យ៉ាងដូច្នេះថា ខ្ញុំមិនចង់ជួបគាត់ទេ ប៉ុន្តែប្រសិនបើខ្ញុំអាចជួបគាត់មែន នោះខ្ញុំនឹងមានកិត្តិយសណាស់ដែលបានជួបគាត់ ។ ខ្ញុំពិតជាចង់ឃើញ ពួកយើងធ្វើកិច្ចព្រមព្រៀង ហើយប្រសិនបើពួកយើងមានកិច្ចព្រមព្រៀង នោះវាអាចទៅរួច ដែលខ្ញុំនឹងជួបគាត់… ខ្ញុំនឹងយល់ព្រមចំពោះរឿងនេះ ប៉ុន្តែខ្ញុំដឹងថា ខ្ញុំមិនមែនជាមនុស្សដែលគាត់ចូលចិត្តទេ ។ នៅពេលត្រូវបានសួរនាំថាតើកិច្ចប្រជុំបែបនេះ អាចកើតឡើងនៅសហរដ្ឋអាមេរិកដែរឬទេ ? លោក Trump បានឆ្លើយតបយ៉ាងខ្លីថា ខ្ញុំមិនបានស្នើឱ្យធ្វើបែបនេះទេ ប៉ុន្តែមនុស្សមួយចំនួនគាំទ្រការធ្វើបែបនេះ ។ ចំណែក រដ្ឋមន្ត្រីការបរទេសអាមេរិក លោក Marco Rubio ក៏បានអះអាងកាលពីថ្ងៃ អង្គារ ដែរថា លោកជឿជាក់ថា មេដឹកនាំកំពូលថ្មីរបស់អ៊ីរ៉ង់នៅមានជីវិត ហើយកំពុងចូលរួមយ៉ាងសកម្ម នៅក្នុងការចរចារវាងសហរដ្ឋអាមេរិក និងអ៊ីរ៉ង់ ដែលកំពុងដំណើរការ ។ គួរកត់សម្គាល់ ភាពតានតឹងក្នុងតំបន់មជ្ឈិមបូព៌ា បានចាប់កក្រើកឡើងវិញ…

មូស្គូ ៖ លោក វ្ល៉ាឌីមៀ ពូទីន ប្រធានាធិបតីប្រទេសរុស្ស៊ី បានអះអាង កាលពីថ្ងៃព្រហស្បតិ៍ថា សង្គ្រាមអ៊ីរ៉ង់ បានជំរុញឲ្យអាមេរិក ផ្លាស់ប្តូរការយកចិត្តទុកដាក់របស់ខ្លួន លើអ៊ុយក្រែន។ លោក ពូទីន ប្រាប់អ្នកកាសែតបរទេស រួមទាំង AFP នៅទីក្រុង Saint Petersburg ថា សហរដ្ឋអាមេរិកបានផ្លាស់ប្តូរការយកចិត្តទុកដាក់របស់ខ្លួន ចេញពីការព្យាយាមបញ្ចប់ជម្លោះអ៊ុយក្រែន ចាប់តាំងពីប្រទេសមួយនេះ បានចាប់ផ្តើមសង្រ្គាមប្រឆាំងនឹងអ៊ីរ៉ង់។ លោករៀបរាប់ថា «តាមធម្មជាតិ យើងទាំងអស់គ្នាអាចមើលឃើញ និងយល់បានថា រដ្ឋបាលសហរដ្ឋអាមេរិក កំពុងត្រូវបានបង្ខំឱ្យផ្លាស់ប្តូរការយកចិត្តទុកដាក់របស់ខ្លួន និងដោះស្រាយបញ្ហានេះ លើសពីអ្វីផ្សេងទៀត» ។ ការអះអាងរបស់មេដឹកនាំរុស្ស៊ីរូបនេះ បានធ្វើឡើង ចំពេលដែលសង្គ្រាម ដែលអូសបន្លាយពេលចូលដល់ឆ្នាំទី ៥ មួយនេះ បាននិងកំពុងកក្រើកឡើងវិញ។ ជាក់ស្តែង កាលពីថ្ងៃអង្គារ រុស្ស៊ីបានប្រើប្រាស់មីស៊ីលចំនួន ៧៣គ្រាប់ និងយន្តហោះគ្មានមនុស្សបើករហូតដល់ ៦៥៦គ្រឿងវាយប្រហារលើទីក្រុងនានារបស់អ៊ុយក្រែន បណ្តាលឱ្យមនុស្ស ១៧នាក់ស្លាប់ និង១០០នាក់ទៀតរបួស ។ ការវាយប្រហារទ្រង់ទ្រាយធំនេះ បានកើតឡើងក្រោយរុស្ស៊ីចោទអ៊ុយក្រែន ថាបានប្រើប្រាស់ដ្រូនវាយប្រហារអគារស្នាក់នៅរបស់និសិ្សត ក្នុងតំបន់…

បរទេស ៖ មនុស្សភាគច្រើន នៅក្នុង៣៦ប្រទេស មានទស្សនៈអវិជ្ជមាន ចំពោះអ៊ីស្រាអែល ព្រោះតែមិនទុកចិត្តលើលោកនាយករដ្ឋមន្ត្រី Benjamin Netanyahu ។ នេះបើតាមការស្ទង់មតិ របស់មជ្ឈមណ្ឌលស្រាវជ្រាវអាមេរិក ព្យូ (Pew) ចេញផ្សាយ កាលពីថ្ងៃព្រហស្បតិ៍។ បើតាម Anadolu , ការស្ទង់មតិ ដែលបានធ្វើឡើង នៅថ្ងៃទី៨ ខែកុម្ភៈ ដល់ថ្ងៃទី ១៣ ខែឧសភា ឆ្នាំ២០២៦ បានរកឃើញថា ជាមធ្យម ៦៧% នៃមនុស្សពេញវ័យ ក្នុងប្រទេសទាំងនោះ មើលអ៊ីស្រាអែលថា ជាប្រទេសមិនអំណោយផល ខណៈដែល ២៥% មានទស្សនៈអំណោយផល។ យ៉ាងណា ទិដ្ឋភាពមានលក្ខណៈអវិជ្ជមានជាពិសេសនេះ មាននៅក្នុងប្រទេស ដែលសម្បូរជនជាតិមូស្លីមភាគច្រើន ដោយបានស្ទង់មតិ រួមមានទាំង នៅបង់ក្លាដែស ឥណ្ឌូនេស៊ី ម៉ាឡេស៊ី ប៉ាគីស្ថាន តួកគី ភាគខាងលិច និង ហ្សេរុយសាឡឹម ខាងកើត។ ការស្រាវជ្រាវបង្ហាញថា ភាគច្រើននៅក្នុងប្រទេស ដែលត្រូវបានស្ទង់មតិ…

ញូវដែលី ៖ រដ្ឋាភិបាលឥណ្ឌា ត្រៀមដកលុយចេញពីហោប៉ៅដល់ទៅ ២ ពាន់លានដុល្លារ យកទៅបញ្ជាទិញយន្តហោះគ្មានមនុស្សបើកយោធា ពីក្រុមហ៊ុនផលិតក្នុងស្រុក នៅឆ្នាំ ២០២៦ នេះ ។ វាគឺជាការបញ្ជាទិញយន្តហោះគ្មានមនុស្សបើកយោធាដ៏ធំបំផុតមិនធ្លាប់មានក្នុងប្រវត្តិសាស្ត្ររបស់ប្រទេសឥណ្ឌា ស្របពេលមានការប្រែប្រួលផ្នែកភូមិសាស្រ្តនយោបាយ បង្កឡើងពីជម្លោះសកល និងក្នុងតំបន់ ។ ការសម្រេចចិត្តរបស់ឥណ្ឌានេះដែរ កើតឡើងបន្ទាប់ពីមានការប៉ះទង្គិចគ្នាផ្នែកយោធាជាមួយប៉ាគីស្ថាន និងការមើលឃើញពីប្រសិទ្ធភាពដ្រូនតម្លៃថោក ដែលប្រើក្នុងសង្គ្រាមសម័យទំនើបនៅអ៊ុយក្រែន និងអ៊ីរ៉ង់ ។ បើតាម Economic Times, ការបញ្ជាទិញដ៏ធំនេះ ផ្ដោតសំខាន់លើប្រភេទដ្រូនយុទ្ធសាស្ត្រ និងដ្រូនប្រយុទ្ធ ដែលមានសមត្ថភាពខ្ពស់ ក្នុងការឈ្លបយកការណ៍ និងវាយប្រហារចំគោលដៅជាក់លាក់ ។ យោងតាមសហព័ន្ធយន្តហោះគ្មានមនុស្សរបស់ឥណ្ឌា , គម្រោងនេះនឹងត្រូវពន្លឿនបន្ទាន់ ដើម្បីឆ្លើយតបនឹងតម្រូវការប្រតិបត្តិការការពារជាតិឱ្យទាន់ពេលវេលា ខណៈការចែកចាយដ្រូនទាំងនោះ ត្រូវបានរំពឹងថា នឹងបញ្ចប់នៅចន្លោះពី ១៨ ទៅ ២៤ ខែ ។ គួរកត់សម្គាល់ រដ្ឋាភិបាលឥណ្ឌា បានផ្តល់អាទិភាពខ្ពស់ដល់យុទ្ធសាស្ត្រ “Make in India” ដែលនឹងផ្តល់អត្ថប្រយោជន៍ដល់ក្រុមហ៊ុនផលិតដ្រូន និងគ្រឿងបន្លាស់ក្នុងស្រុកជាង ៦០០ក្រុមហ៊ុន ។ យុទ្ធសាស្រ្តនេះ ផ្តោតសំខាន់លើការបញ្ជាទិញដោយផ្ទាល់ពីក្រុមហ៊ុនផលិត និងក្រុមហ៊ុនធុរកិច្ចបង្កើតថ្មីក្នុងស្រុក ដើម្បីពង្រឹងប្រព័ន្ធអេកូឡូស៊ីការពារជាតិរបស់ប្រទេសអាស៊ីខាងត្បូងមួយនេះ ៕  ប្រភព ៖…