ស្វីស៖ អង្គការសុខភាពពិភពលោក(WHO)បានពង្រឹងការណែនាំស្តីពីការការពារគុណភាពខ្យល់របស់ខ្លួន នៅថ្ងៃពុធសប្តាហ៍នេះ ដោយនិយាយថា ការបំពុលបរិយាកាសឥឡូវនេះ គឺជាការគំរាមកំហែងផ្នែកបរិស្ថានដ៏ធំបំផុតមួយចំពោះសុខភាពមនុស្សដែលធ្វើអោយមនុស្សស្លាប់មុនអាយុចំនួន ៧ លាននាក់ក្នុងមួយឆ្នាំ។

ឡុងដ៍៖ នាយករដ្ឋមន្ត្រីអង់គ្លេសលោក បូរីស ចនសុន បានប្រាប់ទៅកាន់ប្រទេសបារាំងអោយអត់ធ្មត់ និងទុកឱកាសអោយសម្ពន្ធមិត្តដូចជា សហរដ្ឋអាមេរិក និង អូស្ត្រាលីបានធូរស្រាលអារម្មណ៍ ចំពោះមុខជម្លោះកិច្ចព្រមព្រៀងនាវាមុជទឹកដើរដោយថាមពលនុយក្លេអ៊ែរត្រីភាគី ដែលបានធ្វើឲ្យបារាំងខាតបង់រាប់សិបពាន់លានដុល្លារ។

ប៉ារីស៖ សេតវិមាននៅថ្ងៃពុធសប្តាហ៍នេះបញ្ជាក់ថា បារាំងនឹងបញ្ជូនឯកអគ្គរដ្ឋ ទូតរបស់ខ្លួនមកកាន់ទីក្រុងវ៉ាស៊ីនតោនវិញនៅសប្តាហ៍ក្រោយ បន្ទាប់ពីការជជែកគ្នាតាមទូរស័ព្ទរបស់ប្រធានាធិបតីបារាំងលោក អេម៉ានុយអែល ម៉ាក្រុង ជាមួយសមភាគីអាមេរិកលោក ចូ បៃដិន ជុំវិញជម្លោះនាវាមុជទឹក។