-
នាយករដ្ឋមន្ត្រីអង់គ្លេស ទម្លាក់រដ្ឋមន្ត្រីការបរទេសក្នុងអំឡុងព្រឹត្តិកាណ៍ការរុះរើគណៈរដ្ឋមន្ត្រីធំ
នាយករដ្ឋមន្រ្តីអង់គ្លេស លោក Boris Johnson នៅថ្ងៃពុធ បានតែងតាំងគណៈរដ្ឋមន្រ្តីថ្មីមួយ ដើម្បីកែប្រែរដ្ឋាភិបាល Brexiteer របស់ខ្លួន បន្ទាប់ពីមានភាពចម្រូងចម្រាសទាក់ទងនឹងរឿងកូវីដ -១៩ អាហ្វហ្គានីស្ថាន និងពន្ធគយ ដែលធ្វើឱ្យរដ្ឋមន្ត្រីការបរទេសលោក Dominic Raab ធ្លាក់ចុះពីតំណែងរដ្ឋមន្រ្តីការបរទេស។ លោក Raab ត្រូវបានផ្លាស់ប្តូរទៅជាលេខាធិការយុត្តិធម៌ ប៉ុន្តែនឹងរក្សាតួនាទីជាឧបនាយករដ្ឋមន្ត្រីដដែល។ អតីតមេធាវី ដែលតំណាងឱ្យលោក Johnson កាលពីខែមេសាឆ្នាំមុន បានប្រឈមនឹងការរិះគន់ជាបន្តបន្ទាប់ ចំពោះការដោះស្រាយវិបត្តិអាហ្វហ្គានីស្ថានរបស់គាត់។ លេខាធិការពាណិជ្ជកម្ម លោក Liz Truss ដែលជាអ្នកធ្វើកិច្ចព្រមព្រៀងជាច្រើន ចាប់តាំងពីការចាកចេញរបស់ចក្រភពអង់គ្លេសពីសហភាពអឺរ៉ុប Brexit កាលពីខែ មករា និងត្រូវឡើងជំនួសតំណែងលោកវិញ។ ដោយឡែក លោក Michael Gove ជាមន្ត្រីតែងតាំងក្នុង Brexit នឹងត្រូវជំនួសតំណែងរដ្ឋមន្ត្រីក្រសួងមហាផ្ទៃ លោក Priti Patel ដែលជាមន្ត្រីតែងតាំងក្នុង Brexite ដ៏សំខាន់ម្នាក់ទៀត ដែលកំពុងស្ថិតនៅក្រោមសម្ពាធ ទាក់ទិននឹងករណីកំណើនការធ្វើចំណាកស្រុកពីប្រទេសបារាំង។
-
ក្រុមហ៊ុន Pfizer និង Moderna ៖ ប្រសិទ្ធិភាពការពាររបស់វ៉ាក់សាំងធ្លាក់ចុះជាលំដាប់តាមពេលវេលានៃការចាក់
ក្រុមហ៊ុន Pfizer និង Moderna បានឲ្យដឹងថា ប្រសិទ្ធិភាពការពាររបស់វ៉ាក់សាំង អាចថយចុះជាលំដាប់តាមពេលវេលានៃការទទួលបានវ៉ាក់សាំង ខណៈក្រុមនិយ័តករថ្នាំអាមេរិកកំពុងរៀបចំពិចារណាថាតើត្រូវអនុម័តកម្មវិធីបង្កើនប្រសិទ្ធភាពដែរឬទេ។ នៅចំពោះមុខកិច្ចប្រជុំដ៏សំខាន់មួយនៃគណៈកម្មការប្រឹក្សាវ៉ាក់សាំង របស់រដ្ឋបាលចំណីអាហារ និងឱសថ (FDA) កាលពីថ្ងៃ សុក្រ ក្នុងការពិភាក្សាអំពីការផ្តល់ដូសជំនួយដល់ប្រជាជន ក្រុមហ៊ុន Pfizer បានដាក់របាយការណ៍សិក្សាមួយនៅថ្ងៃពុធដែលមជ្ឍមណ្ឌល Kaiser Permanente រដ្ឋកាលីហ្វ័រញ៉ាខាងត្បូង បានបញ្ជាក់ពីប្រសិទ្ធភាពវ៉ាក់សាំងនៃថា នឹងថយចុះតាមធម្មជាតិ «ដោយមិនគិតពីវ៉ារ្យ៉ង់»។ ក្រុមហ៊ុន Pfizer បានបង្ហាញទិន្នន័យ ដែលថាប្រសិទ្ធិភាពនៃការពាររបស់វ៉ាក់សាំង បានធ្លាក់ចុះពី ៦ ទៅ ៨ ខែបន្ទាប់ពីការចាក់វ៉ាក់សាំងទី២ និងចាប់ផ្ដើមមិនសូវមានប្រសិទ្ធភាពបន្តិចម្តងៗ ក្នុងរយៈពេលពីរខែបន្ទាប់។ ប្រសិទ្ធភាពវ៉ាក់សាំង បានធ្លាក់ចុះប្រហែល ៦ ភាគរយរៀងរាល់ ២ ខែ បន្ទាប់ពីការចាក់លើកទី ២ និងធ្លាក់ចុះពី ៩៦,២ ភាគរយក្នុងមួយសប្តាហ៍ និងធ្លាក់ចុះដល់ ៨៣,៧ ភាគរយក្នុងរយៈពេលបួនខែក្រោយមក។ ក្រុមហ៊ុនក៏បានដកស្រង់ទិន្នន័យអ៊ីស្រាអែល ដែលបង្ហាញថា វ៉ាក់សាំងដូសទី៣ បានស្តារការការពារឡើងវិញរហូតដល់៩៥ ភាគរយប្រឆាំងមេរោគកូវីដ-១៩។ នេះបើយោងតាមឯកសារ…
-
ព្រះមហាក្សត្រម៉ាឡេស៊ីសាទរនឹងកិច្ចព្រៀមព្រៀងទ្វេភាគីរវាងរដ្ឋាភិបាលនិងគណបក្សប្រឆាំង
កាលពីថ្ងៃពុធ ទី១៥ កញ្ញា ព្រះមហាក្សត្រម៉ាឡេស៊ី ព្រះចៅ Sultan Abdullah Ahmad Shah បានកោតសរសើរចំពោះកិច្ចព្រមព្រៀងទ្វេភាគីដែល លោកIsmail Sabri Yaakob អាចបន្តកាន់អំណាចយ៉ាងតិច ១១ ទៀត។ ព្រះបរមរាជវាំងបានសម្តែងក្តីសង្ឃឹមថាជាមួយនឹងការចុះហត្ថលេខាលើអនុស្សរណៈយោគយល់នេះ វិបត្តិនយោបាយនឹងបញ្ចប់ភ្លាមៗ ខណៈដែលសមាជិកសភានឹងដាក់ចេញនូវរបៀបវារៈនយោបាយនិងរួបរួមគ្នាដើម្បីដោះស្រាយបញ្ហាការរីករាលដាលជំងឺកូវីដ-១៩ ។ ក្រោមអនុស្សរណៈនៃការយោគយល់គ្នាស្តីពីការផ្លាស់ប្តូរនិងស្ថិរភាពនយោបាយដែលបានចុះហត្ថលេខារវាងរដ្ឋាភិបាល និងគណបក្សប្រឆាំង Pakatan Harapan (PH) កាលពីថ្ងៃទី១៣ កញ្ញារដ្ឋាភិបាលបានយល់ព្រមអនុម័តកំណែទម្រង់។ កំណែទម្រងនេះមានដូចជា កំណត់អាណត្តិនាយករដ្ឋមន្រ្តីត្រឹម ១០ ឆ្នាំ និងហាមអ្នកតាក់តែងច្បាប់មិនផ្លាស់ប្តូរគណបក្ស។
-
អគ្គលេខាធិការ អ.ស.ប៖គំនិតដែលថាអង្គការសហប្រជាជាតិអាចដោះស្រាយបញ្ហាប្រទេសអាហ្វហ្គានីស្ថានគឺជាការស្រមើស្រមៃ
កាលពីថ្ងៃពុធ ទី ១៥ កញ្ញាអគ្គលេខាធិការអង្គការសហប្រជាជាតិបាននិយាយថា គំនិតដែលថាស្ថាប័នពិភពលោកអាចដោះស្រាយបញ្ហានៅប្រទេសអាហ្វហ្គានីស្ថានគឺជាការស្រមើស្រមៃ។ អគ្គលេខាធិការអង្គការសហប្រជាជាតិលោក Antonio Guterres បាននិយាយថា៖ «ការគិតដែលថាយើង អាចដោះស្រាយបញ្ហានៅប្រទេសអាហ្វហ្គានីស្ថានគឺជាការស្រមើស្រមៃមួយ ដែលបញ្ហានោះពួកគេមិនអាចធ្វើដោះស្រាយបានទាំងដែលពួកគេមានទ័ពនិងថវិការក្នុងការដោះស្រាយ»។ នេះបើតាមការស្រង់សម្តីរបស់សារព័ត៌មាន Reuters ។ លោក Guterres បាននិយាយថា លោកគាំទ្រទៅលើកិច្ចខំប្រឹងប្រែងក្នុងការបញ្ចុះបញ្ចូលក្រុមតាលីបង់អោយបង្កើតរដ្ឋាភិបាលដែលមានភាពប្រសើរជាងពេលដែលពួកគេគ្រប់គ្រងប្រទេសនេះកាលពី ២០ ឆ្នាំមុន។ លោកបាននិយាយថា អង្គការសហប្រជាជាតិមានសមត្ថភាពតិចតួចក្នុងការសម្រុះសម្រួលភាគីទាំងពីរ ហើយលោកបញ្ជាក់ថាអង្គការសហប្រជាជាតិគួរតែផ្តោតលើជំហររបស់ខ្លួនដែលជាអង្គការអន្តរជាតិមួយដែលនៅទីនោះដើម្បីគាំទ្រប្រជាជនអាហ្វហ្គានីស្ថាន» ។ គួរបញ្ជាក់ផងដែរថា ក្រុមតាលីបង់បានគ្រប់គ្រងប្រទេសអាហ្វហ្គានីស្ថានបានជោគជ័យបន្ទាប់ពីសហរដ្ឋអាមេរិកសម្រេចដកទ័ពចេញពីប្រទេសនេះ។
-
លោកឌូតឺតេបន្តមិនសហការជាមួយតុលាការ ICC ករណីសង្គ្រាមគ្រឿងញៀន
-
អាល្លឺម៉ង់៖ ចិនបដិសេធមិនឱ្យនាវាចម្បាំងអាល្លឺម៉ង់ចូលសំចត
ចិនបដិសេធមិនឱ្យនាវាចម្បាំងអាល្លឺម៉ង់ Bayern ដែលជានាវាសម្រាប់បាញ់ប្រហារនាវាជ្រមុជទឹក ចូលសំចតនៅក្នុងកំពង់ផែរបស់ខ្លួន។ នេះបើតាមការលើកឡើងរបស់អ្នកនាំពាក្យក្រសួងការបរទេសអាល្លឺម៉ង់កាលពីថ្ងៃពុធ។ នាវាអាល្លឺម៉ង់បានហែលចេញពីដែនដីអាល្លឺម៉ង់កាលពីខែមុន ក្នុងបេសកកម្មរយៈពេល ៦ខែទៅកាន់សមុទ្រចិនខាងត្បូង។ ខណៈចិនធ្វើការទាមទារថា ផ្ទៃសមុទ្រចិនខាងត្បូងប្រមាណ ៩០% ជាដែនទឹករបស់ខ្លួន រដ្ឋធានីប៊ែរឡាំងបានធ្វើការសង្កត់ធ្ងន់ថា ខ្លួនមិនទទួលស្គាល់ការទាមទារនេះទេ។ ទោះបីជាអាល្លឺម៉ង់មិនទទួលស្គាល់ក្ដី កន្លងទៅរដ្ឋមន្ត្រីការពារជាតិអាល្លឺម៉ង់អ្នកស្រី Annegret Kramp-Karrenbauer បានលើកឡើងថា បេសកកម្មនាវាចរណ៍របស់អាល្លឺម៉ង់មួយនេះមិនសំដៅលើការគំរាមកំហែងប្រទេសណានោះទេ ហើយការដែលចង់ឈប់សំចតនៅស្រុកចិន ក៏ព្រោះតែខ្លួនមានបំណង «រក្សានូវកិច្ចសន្ទនា» រវាងសម្ព័ន្ធមិត្ត និងចិនតែប៉ុណ្ណោះ។ អ្នកនាំពាក្យក្រសួងការបរទេស និងក្រសួងការពារជាតិចិន មិនទាន់ធ្វើការឆ្លើយតបភ្លាមៗនោះទេ ទៅនឹងការលើកឡើងរបស់ក្រសួងការបរទេសអាល្លឺម៉ង់៕
-
អាជ្ញាធរចិនបង្រ្កាបការទាញយកលុយគ្រីបតូនៅខេត្ត Hebei ភាគខាងជើងនៃប្រទេស
អាជ្ញាធរខេត្ត Hebei ភាគខាងជើងនៃប្រទេសចិននិយាយថា ខ្លួនចាប់ផ្តើមយុទ្ធនាការពិសេសប្រឆាំងនឹងការទាញយក និងការជួញដូររូបិយប័ណ្ណឌីជីថល ឬលុយគ្រីបតូ ដោយសារតែកង្វល់ផ្នែកបរិស្ថាន ហិរញ្ញវត្ថុ និងសន្តិសុខជាតិ ដែលជាសញ្ញាថ្មីនៃការប្តេជ្ញាចិត្តរបស់ក្រុងប៉េកាំងក្នុងការបង្ក្រាបទីផ្សារនេះ។ យោងតាមសារដែលបង្ហោះតាមបណ្ដាញសង្គមដោយរដ្ឋបាលអ៊ិនធឺណិត(Cyberspace Administration )ខេត្តកាលពីថ្ងៃអង្គារ ទីភ្នាក់ងាររដ្ឋាភិបាល និងក្រុមហ៊ុនគ្រប់គ្រងដោយរដ្ឋ ត្រូវត្រួតពិនិត្យប្រព័ន្ធព័ត៌មានរបស់ខ្លួនដើម្បីលុបបំបាត់ការប្រើប្រាស់ថាមពលតាមកុំព្យូទ័រណាមួយដើម្បីទាញយករូបិយប័ណ្ណឌីជីថលផ្សេងៗត្រឹមចុងខែកញ្ញានេះ។ ជាមួយគ្នានោះ សាកលវិទ្យាល័យ និងវិទ្យាស្ថានស្រាវជ្រាវ ក៏ត្រូវកាត់បន្ថយប្រព័ន្ធថាមពលរបស់ខ្លួនឱ្យនៅត្រឹមទំហំដែលត្រូវការសម្រាប់តម្រូវការសិក្សាផងដែរ។ រដ្ឋបាលដដែលថា អាជ្ញាធរអ៊ិនធឺណិតក្នុងតំបន់ និងបទប្បញ្ញត្តិហិរញ្ញវត្ថុគួរតែបង្កើនការប្រមូលរបាយការណ៍ពីក្រុមទុច្ចរិត និងសាធារណជន។ ដោយចាប់ផ្តើមនៅខែក្រោយទៅ ទីភ្នាក់ងាររដ្ឋាភិបាលពាក់ព័ន្ធនឹងតាមដានស្ថានការណ៍ជាប្រចាំ និងដាក់ទណ្ឌកម្មចំពោះអ្នកដែលទាញយក ឬជួញដូររូបិយប័ណ្ណឌីជីថលខុសច្បាប់។ រដ្ឋបាលអ៊ិនធឺណិតនិយាយថា៖ «ការទាញយកលុយគ្រីបតូប្រើប្រាស់ថាមពលយ៉ាងច្រើន ដែលប្រឆាំងនឹងគោលបំណងកំពូលអព្យាក្រឹតកាបូនរបស់ចិន។ ការដោះដូរ និងប្រតិបត្តិការទាញយក បង្កការរំខានយ៉ាងខ្លាំងដល់សណ្តាប់ធ្នាប់ហិរញ្ញវត្ថុរបស់ប្រទេស និងមានហានិភ័យធំធេងលើផ្នែកហិរញ្ញវត្ថុ។ ការរីករាលដាលនៃប្រតិបត្តិការនេះនឹងប៉ះពាល់យ៉ាងធ្ងន់ធ្ងរដល់ការអភិវឌ្ឍន៍សេដ្ឋកិច្ច និងសង្គម និងគំរាមកំហែងដោយផ្ទាល់ដល់សន្តិសុខជាតិ»។ ការម៉ាញ ឬទាញយកលុយគ្រីបតូដូចជាប៊ីតខញ ត្រូវប្រើប្រាស់ថាមពលយ៉ាងមហាសាលដើម្បីគណនារូបមន្តគណិតវិទ្យាដ៏ស្មុគស្មាញ។ ការជួញដូរលុយគ្រីបតូផ្សេងៗត្រូវបានហាមឃាត់នៅចិនចាប់តាំងពីឆ្នាំ ២០១៧ ដោយសារការភ័យខ្លាចលើការគំរាមកំហែងដល់ទីផ្សារហិរញ្ញវត្ថុ ប៉ុន្តែក្រុមប្រឹក្សារដ្ឋចិនទើបតែប្រកាសបង្ក្រាបការទាញយកប៊ីតខញនៅខែឧសភាឆ្នាំនេះប៉ុណ្ណេះ ក្រោយលោកប្រធានាធិបតី ស៊ី ជីនពីង សន្យាឱ្យសម្រេចបាននូវអព្យាក្រឹតកាបូនក្នុងឆ្នាំ ២០៦០។ យោងតាមទិន្នន័យពីខែមេសាស្ដីពីសន្ទស្សន៍នៃការប្រើប្រាស់អគ្គិសនីរបស់ខេមប្រីជ ប្រទេសចិនមានជិតពាក់កណ្ដាលនៃការទាញយកលុយគ្រីបតូរបស់ពិភពលោក បើគិតមុនពេលបង្រ្កាបឆ្នាំនេះ។ ក្រោយការបង្រ្កាប ប្រតិបត្តិករមួយចំនួន…
-
អ.ស.ប.៖ ប្រទេសកំពុងអភិវឌ្ឍនឹងនៅតែប្រឈមបញ្ហាក្រោយកូវីដបិទបញ្ចប់ទៅ
អង្គការសហប្រជាជាតិរំលឹកថា ប្រទេសកំពុងអភិវឌ្ឍនឹងនៅតែប្រឈមការដើរមិនទាន់គេ ស្របពេលដែលប្រទេសអភិវឌ្ឍនឹងកាន់តែរីកលូតលាស់យ៉ាងឆាប់រហ័សក្រោយកូវីដបិទបញ្ចប់ទៅ ហើយប្រទេសក្រីក្រភាគច្រើននៅតែខ្វះវ៉ាក់សាំងសម្រាប់ចាក់ឱ្យពលរដ្ឋខ្លួន។ ក្រុមប្រឹក្សាសន្និសីទអង្គការសហប្រជាជាតិស្តីពីពាណិជ្ជកម្ម និងការអភិវឌ្ឍន៍ (UNCTAD) និយាយនៅក្នុងរបាយការណ៍មួយចេញផ្សាយកាលពីថ្ងៃពុធថា៖ «ហានិភ័យធំបំផុតសម្រាប់សេដ្ឋកិច្ចពិភពលោកគឺថា ការស្ទុះងើបឡើងវិញនៅប្រទេសលោកខាងជើង នឹងបង្វែរការយកចិត្តទុកដាក់ពីកំណែទម្រង់គ្មានប្រទេសកំពុងអភិវឌ្ឍស្ថិតក្នុងស្ថានភាពទន់ខ្សោយ និងងាយរងគ្រោះ ដែលត្រូវការជាយូរមកហើយនោះ»។ របាយការណ៍ព្រមានថា ជំងឺរាតត្បាតជាញឹកញាប់ត្រូវបានគេមើលឃើញថាជាឱកាសដើម្បី «ស្តារឱ្យប្រសើរឡើងវិញ» និងគិតឡើងវិញអំពីគោលការណ៍អភិបាលកិច្ចនៃសេដ្ឋកិច្ចអន្តរជាតិ ប៉ុន្តែឱកាសដែលនឹងកើតឡើងនោះ ធ្លាក់ចុះជាថ្មីម្តងទៀតដូចជាបន្ទាប់ពីវិបត្តិសេដ្ឋកិច្ចពិភពលោក។ ក្នុងរបាយការណ៍ដដែល UNCTAD និយាយថា អ្នកបង្កើតគោលនយោបាយនៅក្នុងប្រទេសជឿនលឿន មិនភ្ញាក់ពីទំហំនៃភាពតក់ស្លុតនៅក្នុងប្រទេសកំពុងអភិវឌ្ឍ ឬការតស៊ូរបស់ខ្លួនឡើយ។ លោក Richard Kozul-Wright នាយកផ្នែកយុទ្ធសាស្ត្រសកលភាវូបនីយកម្ម និងការបែងចែកយុទ្ធសាស្ត្រអភិវឌ្ឍន៍របស់ UNCTAD និយាយថា៖ «រឿងមួយដែលនៅតែធ្វើឱ្យខ្ញុំភ្ញាក់ផ្អើល គឺកង្វះការដឹងឮចំពោះការខូចខាតដែលជំងឺរាតត្បាតធ្វើឱ្យប៉ះពាល់ដល់ប្រទេសកំពុងអភិវឌ្ឍ»។ UNCTAD រំពឹងថា សេដ្ឋកិច្ចពិភពលោកនឹងកើនឡើង ៥,៣ ភាគរយនៅឆ្នាំ២០២១ ហើយធ្លាក់ចុះមកត្រឹម ៣,៦ ភាគរយនៅឆ្នាំ ២០២២ ប៉ុន្តែការស្ទុះងើបឡើងវិញនឹងមិនស្មើគ្នាទេ។ សហរដ្ឋអាមេរិកត្រូវបានព្យាករណ៍ថានឹងកើនឡើង ៥,៧ ភាគរយ និងប្រទេសចិន ៨,៣ ភាគរយនៅឆ្នាំ ២០២១។ ជាមធ្យមប្រទេសនៅអាមេរិកឡាទីន និងប្រទេសក្នុងតំបន់សមុទ្រការ៉ាអ៊ីបត្រូវបានគេរំពឹងថានឹងកើនឡើង ៥.៥…
-
ហេតុអ្វីបានជាសេដ្ឋកិច្ចចិនត្រូវបានគំរាមកំហែងដោយបញ្ហាបំណុលរបស់ក្រុមហ៊ុនអចលនទ្រព្យមួយ
នៅពេលម្ដងម្កាលក្រុមហ៊ុនឯកជនមួយអាចរីកចម្រើនដល់កម្រិតមួយ ដែលធ្វើឱ្យរដ្ឋាភិបាលមានការព្រួយបារម្ភថាការដួលរលំរបស់ក្រុមហ៊ុនដ៏ធំនេះអាចធ្វើឱ្យសេដ្ឋកិច្ចប្រទេសទាំងមូលដួលរលំតាម។ នៅប្រទេសចិនក្រុមហ៊ុននេះគឺក្រុមហ៊ុនអេវឺគ្រែន្ដ (Evergrande) ដែលជាក្រុមហ៊ុនអចលនទ្រព្យធំជាងគេទីពីររបស់ចិន។ ក្រុមហ៊ុនអេវឺគ្រែន្ដ គឺជាក្រុមហ៊ុនអចលនទ្រព្យជំពាក់បំណុលច្រើនជាងគេក្នុងពិភពលោក ដោយប្រឈមមុខនឹងបញ្ហាជាច្រើន ដូចជាការសងបំណុលប្រមាណ៣០០ពាន់លានដុល្លារ អគារលំនៅឋានរាប់រយដែលមិនទាន់សាងសង់រួច និងកំហឹងរបស់ម្ចាស់បំណុល និងដេប៉ូផ្គត់ផ្គង់ដែលបានបិទការដ្ឋានសាងសង់ជាច្រើន។ ក្រុមហ៊ុននេះបានស្ថិតក្នុងស្ថានភាពជួយសង្គ្រោះបន្ទាន់ជាច្រើនខែមកហើយ ប៉ុន្តែការរាយការណ៍ព័ត៌មានអវិជ្ជមានជាបន្តបន្ទាប់ ក្នុងរយៈពេលប៉ុន្មានសប្ដាហ៍ចុងក្រោយនេះ បានពន្លឿនអ្វីដែលអ្នកជំនាញនិយាយថាមិនជៀសវាងបាន គឺការក្ស័យធន។ កាលពីថ្ងៃអង្គារ វិនិយោគិនរាប់រយនាក់ បានប្រមូលផ្ដុំគ្នានៅទីស្នាក់ការកណ្ដាលរបស់ក្រុមហ៊ុននៅទីក្រុងសិនជិន ដើម្បីធ្វើការតវ៉ាទាមទារប្រាក់របស់ពួកគេមកវិញ។ នៅថ្ងៃដដែលក្រុមហ៊ុនអេវឺគ្រែន្តបានទទួលស្គាល់ថាពួកគេគឺស្ថិតក្រោមសម្ពាធហិរញ្ញវត្ថុយ៉ាងខ្លាំង ហើយបានជួលអ្នកជំនាញខាងរៀបចំរចនាសម្ព័ន្ធឡើងវិញ ដើម្បីស្វែងរកដំណោះស្រាយបញ្ហា។ ខណៈពេលដែលគ្រោះមហន្តរាយកាន់តែខិតជិត កាលពីថ្ងៃពុធសារព័ត៌មាន Bloomberg News បានរាយការណ៍ដោយផ្អែកទៅលើប្រភពដឹងពីស្ថានភាពផ្ទៃក្នុង ថានៅសប្ដាហ៍ក្រោយក្រុមហ៊ុនអេវឺគ្រែន្តនឹងមិនអាចបង់ការប្រាក់លើប្រាក់កម្ចីទាំង ៣០០ ពាន់លានដុល្លារបានទេ ហើយក៏អាចនឹងខកខានក្នុងការសងប្រាក់កម្ចីដើមសម្រាប់ការកម្ចីមួយ។ កាលពីថ្ងៃព្រហស្បតិ៍ អេវឺគ្រែន្ដបានធ្វើសំណើទៅកាន់និយតករចិន ដើម្បីផ្អាកការទិញលក់មូលបត្របំណុលរបស់ខ្លួនរយៈពេលមួយថ្ងៃ នៅទីផ្សារភាគហ៊ុននៃទីក្រុងសៀងហៃ និងសិនជិន។ បញ្ហារបស់ក្រុមហ៊ុនអេវឺគ្រែន្ដ បានធ្វើឱ្យមានការមិនទុកចិត្តចំពោះវិស័យអចលនទ្រព្យរបស់ចិន ដែលជាក្បាលម៉ាស៊ីននៃការរីកចម្រើនសេដ្ឋកិច្ចរបស់ប្រទេសនេះ ប៉ុន្តែក្នុងរយៈពេលប៉ុន្មានចុងក្រោយនេះបានបង្ហាញការអស់កម្លាំង។ បញ្ហារបស់អេវឺគ្រែន្ត ក៏បានធ្វើឱ្យធ្លាក់ចុះតម្លៃភាគហ៊ុនរបស់ក្រុមហ៊ុនអចលនទ្រព្យដទៃទៀតរបស់ចិន។ ក្រុមហ៊ុន ដែលត្រូវបានបង្កើតឡើងក្នុងឆ្នាំ ១៩៩៦ បានជិះលើរលកនៃការរីកចម្រើនវិស័យអចលនទ្រព្យរបស់ចិន ដែលបានធ្វើឱ្យទីក្រុងធំៗផុសឡើងនៅទូទាំងប្រទេស និងធ្វើឱ្យទ្រព្យសម្បត្តិជិតបីភាគបួននៃគ្រួសារចិននីមួយៗ ចងភ្ជាប់នៅក្នុងអចលនទ្រព្យ។ ស្ថានភាពបែបនេះបានធ្វើឱ្យក្រុមហ៊ុន អេវឺគ្រែន្ដ ក្លាយចំណុចកណ្ដាលនៃសេដ្ឋកិច្ចដែលពឹងផ្អែកលើទីផ្សារអចលនទ្រព្យសម្រាប់កំណើនសេដ្ឋកិច្ច។ ស្ថាបនិកក្រុមហ៊ុនអេវឺគ្រែន្ដលោកស៊ូ…
-
បៃដិនបោះជំហានដ៏កម្រក្នុងការចែករំលែកបច្ចេកវិទ្យានាវាមុជទឹកនុយក្លេអ៊ែរជាមួយអូស្ត្រាលី
ក្នុងការបោះជំហានដ៏កម្រមួយប្រធានាធិបតីអាមេរិកលោកចូ បៃដិន នាយករដ្ឋមន្ត្រីអង់គ្លេសលោកបូរីស ចនសុន និងនាយករដ្ឋមន្ត្រីអូស្ត្រាលីលោកស្កត ម៉ូរីសុនកាលពីថ្ងៃពុធបានប្រកាសថាសហរដ្ឋអាមេរិក និងចក្រភពអង់គ្លេស នឹងចែករំលែកបច្ចេកវិទ្យានាវាមុជទឹកដើរដោយថាមពលនុយក្លេអ៊ែរជាមួយអូស្ត្រាលី ជាផ្នែកមួយនៃភាពជាដៃគូសន្តិសុខត្រីភាគីថ្មីនៅឥណ្ឌូ-ប៉ាស៊ីហ្វិក ខណៈពេលដែលប្រទេសទាំងបីមានគោលដៅប្រឆាំងការរីកចម្រើនឥទ្ធិពលរបស់ប្រទេសចិន។ ក្នុងរយៈពេលប៉ុន្មានឆ្នាំចុងក្រោយនេះ ភាពតានតឹងបានកើនឡើងរវាងប្រទេសចិន និងបណ្ដាប្រទេសលោកខាងលិច ជាពិសេសជុំវិញជម្លោះនៅសមុទ្រចិនខាងត្បូងដែលជាផ្លូវដឹកជញ្ជូនដ៏សំខាន់មួយហើយពោរពេញទៅដោយធនធានធម្មជាតិដូចជាប្រេង ឧស្ម័នធម្មជាតិ និងមច្ឆជាតិ។ ថ្មីៗនេះ សម្ព័ន្ធមិត្តអឺរ៉ុបរបស់អាមេរិក ដូចជាអង់គ្លេស បារាំង អាល្លឺម៉ង់ បានបង្កើនសកម្មភាពរបស់ពួកគេនៅតំបន់នេះ ធ្វើឱ្យចិនខឹងសម្បារ។ ក្នុងសន្និសីទរួមគ្នាតាមរយៈវីដេអូ មេដឹកនាំទាំងបីបានសង្កត់ធ្ងន់ថាអូស្ត្រាលីនឹងមិនប្រើប្រាស់អាវុធនុយក្លេអ៊ែរទេ ប៉ុន្តែនឹងប្រើប្រាស់ថាមពលនុយក្លេអ៊ែរសម្រាប់ដំណើរការនាវាទាំងនេះ ដែលនឹងអនុញ្ញាតឱ្យធ្វើដំណើរលឿនជាងមុន និងឆ្ងាយជាងមុន ហើយងាយលាក់ខ្លួនជាងមុន។ អាមេរិកធ្លាប់បានចែករំលែកបច្ចេកវិទ្យានាវាមុជទឹកនុយក្លេអ៊ែរតែមួយដងគត់ នោះគឺជាមួយចក្រភពអង់គ្លេសកាលពីឆ្នាំ ១៩៥៨ ប្រមាណជាង ៦០ ឆ្នាំមុន។ សហរដ្ឋអាមេរិកចាត់ទុកបច្ចេកវិទ្យានេះថាជាផ្នែកដ៏សំខាន់សម្រាប់សមត្ថភាពកងទ័ពជើងទឹករបស់ពួកគេ ហើយបានរក្សាការសម្ងាត់យ៉ាងខ្លាំង។ សេចក្ដីប្រកាសត្រីភាគីនេះបានបង្កឱ្យមានប្រតិកម្មតបតយ៉ាងឆាប់រហ័សពីប្រទេសចិន និងតួអង្គសំខាន់របស់ពិភពលោកមួយទៀតគឺប្រទេសបារាំង។ អ្នកនាំពាក្យស្ថានទូតចិនប្រចាំក្រុងវ៉ាស៊ីនតោនលោកលូ ប៉េងយូនិយាយថាបណ្ដាប្រទេស «មិនគួរបង្កើតប្លុករើសអើង ដើម្បីធ្វើឱ្យប៉ះពាល់ដល់ផលប្រយោជន៍ភាគីទីបី។ ជាពិសេសពួកគេគួរតែរុះរើចិត្តគំនិតសង្គ្រាមត្រជាក់ និងការរើសអើងមនោគមវិជ្ជា»។ រីឯប្រទេសបារាំងវិញ បាននិយាយថាពួកគេមានការអាប់អន់ចិត្តដោយសារមិនបានចូលរួមក្នុងកិច្ចព្រមព្រៀងនេះ ហើយមានការខឹងសម្បារចំពោះការសម្រេចចិត្តរបស់អូស្ត្រាលី ផ្អាកការបញ្ជាទិញនាវាមុជទឹកជាង ៤០ ពាន់លានដុល្លារពីបារាំង៕