-
នាយករដ្ឋមន្រ្តីកាណាដារងការរិះគន់លើកំណើនអតិផរណា ខណៈការប្រកួតប្រជែងការបោះឆ្នោតកាន់តែខិតជិតមកដល់
មេដឹកនាំគណបក្សប្រឆាំងដ៏ធំរបស់កាណាដាកាលពីថ្ងៃពុធនិយាយថា កំណើននៃអតិផរណាកាលពីខែមុនបង្ហាញពីការបរាជ័យនៃគោលនយោបាយសេដ្ឋកិច្ចរបស់លោកនាយករដ្ឋមន្រ្តី ចាស្ទីន ទ្រូដូ (Justin Trudeau )និងជំរុញឱ្យប្រជាជនកាណាដាបោះឆ្នោតទម្លាក់រដ្ឋាភិបាលនៅក្នុងការបោះឆ្នោតសភានាថ្ងៃច័ន្ទសប្ដាហ៍ក្រោយនេះ។ លោក Erin O’Toole មកពីគណបក្សអភិរក្សនិយមនិយាយថា ជនជាតិកាណាដាកំពុងជួបប្រទះវិបត្តិលទ្ធភាពទិញ ហើយបន្ទោសលើអ្វីដែលលោកហៅថាជាការចំណាយមិនប្រុងប្រយ័ត្នរបស់នាយករដ្ឋមន្ត្រី និងបំណុលដ៏ច្រើន។ លោកនិយាយក្នុងសេចក្ដីថ្លែងការណ៍មួយថា៖ «វាជាបញ្ហាដែលលោក ចាស្ទីន ទ្រូដូ ហាក់ដូចជាមិនខ្វល់អំពីថ្លៃដើមនៃការរស់នៅ ដែលកំពុងដាក់បន្ទុកលើជនជាតិកាណាដាតាមរយៈអតិផរណា»។ ស្ថិតិកាណាដាបង្ហាញថា អត្រាអតិផរណាប្រចាំឆ្នាំក្នុងខែសីហាកើនឡើងដល់ ៤,១% ដែលជាកម្រិតខ្ពស់បំផុតចាប់តាំងពីខែមីនា ឆ្នាំ ២០០៣ និងឡើងពី ៣,៧ ក្នុងខែកក្កដា ដោយសារការឡើងថ្លៃប្រេងសាំង ថ្លៃដើមលំនៅដ្ឋាន តម្លៃទំនិញដូចជាគ្រឿងសង្ហារឹម គ្រឿងប្រើប្រាស់ និងយានយន្ត រួមជាមួយថ្លៃដើមទាក់ទងនឹងការធ្វើដំណើរខ្ពស់ក្រោយការរឹតត្បិតបានបន្ធូរបន្ថយជាដើម។ ខណៈដែលកំណត់ត្រាបំណុល និងឱនភាពថវិកាខ្ពស់បំផុតចាប់តាំងពីសង្គ្រាមលោកលើកទី ២ ក្នុងរយៈពេល ៦ ឆ្នាំនៃការកាន់អំណាច លោក ទ្រូដូ មកពីគណបក្សសេរីនិយម សន្យាថានឹងវិនិយោគបន្ថែមទៀតប្រសិនបើលោកឈ្នះឆ្នោតនៅអាណត្តិនេះ។ នាយករដ្ឋមន្រ្តីរូបនេះនិយាយថា លោកទទួលស្គាល់ថាពលរដ្ឋកាណាដាមានការព្រួយបារម្ភអំពីតម្លៃនៃទំនិញ នោះហើយជាមូលហេតុដែលរដ្ឋាភិបាលរបស់លោកចំណាយយ៉ាងច្រើនដើម្បីការពារអាជីវកម្ម និងប្រជាជនពីការរាតត្បាតដ៏អាក្រក់បំផុត។ លោកប្រាប់អ្នកយកព័ត៌មានថា៖ «កាណាដាកំពុងងើបឡើងវិញពីវិបត្តិធ្ងន់ធ្ងរនៃជំងឺរាតត្បាតដែលបណ្តាលឱ្យមានការរំខានច្រើន ហើយតម្លៃក៏កើនឡើង»។ ធនាគារកាណាដានិយាយថា…
-
តុលាការព្រហ្មទណ្ឌអន្តរជាតិ បើកការស៊ើបអង្កេតលើយុទ្ធនាការ «សង្គ្រាមប្រឆាំងគ្រឿងញៀន» របស់ប្រធានាធិបតីហ្វីលីពីន
អង្គបុរេជំនុំជម្រះនៃតុលាការព្រហ្មទណ្ឌអន្តរជាតិ (ICC) កាលពីថ្ងៃពុធកន្លងទៅបានចេញសេចក្ដីសម្រេចចិត្តមួយកម្រាស់ ៤១ទំព័រស្ដីពីស្ថានភាពនៅប្រទេសហ្វីលីពីន ដោយបើកឱ្យមានការស៊ើបអង្កេតលើ «សង្គ្រាមប្រឆាំងគ្រឿងញៀន» ដែលជាយុទ្ធនាការរបស់លោកប្រធានាធិបតីហ្វីលីពីន រ៉ូឌ្រីហ្គូ ឌុយទែរតេ។ សង្គ្រាមប្រឆាំងគ្រឿងញៀន ជាគោលនយោបាយប្រឆាំងគ្រឿងញៀនមួយរបស់រដ្ឋការលោក ឌុយទែរតេ ដោយគោលនយោបាយនេះអនុញ្ញាតឱ្យសម្លាប់អ្នកជួញដូរ និងអ្នកប្រើប្រាស់គ្រឿងញៀន មិនចាំបាច់ឆ្លងកាត់តាមផ្លូវតុលាការ។ ស្ថិតិរបស់រដ្ឋាភិបាលរកឃើញថា មនុស្ស ៦ពាន់នាក់ត្រូវបានស្លាប់ដោយសារតែរឿងនេះ តែខាងអង្គការសិទ្ធិមនុស្សអះអាងថាអ្នកស្លាប់មានច្រើនជាងនេះ។ តុលាការ ICC ជាតុលាការអន្តរជាតិមួយ ត្រូវបានបង្កើតឡើងនៅឆ្នាំ២០០២ តាមរយៈលក្ខន្តិកៈទីក្រុងរ៉ូម ដែលមានសមត្ថកិច្ចក្នុងការកាត់ទោសលើ «បុគ្គល» ដែលប្រព្រឹត្តិឧក្រិដ្ឋកម្មជាន់ខ្ពស់ ដែលមានដូចជា ឧក្រិដ្ឋកម្មប្រល័យពូជសាសន៍ ឧក្រិដ្ឋកម្មសង្គ្រាម ឧក្រិដ្ឋកម្មប្រឆាំងនឹងមនុស្សជាតិ និងឧក្រិដ្ឋកម្មលុបបំបាត់ពូជសាសន៍។ នៅអាស៊ីអាគ្នេយ៍ កម្ពុជាជាប្រទេសតែមួយគត់ ដែលជាសមាជិកតុលាការនេះ ក្រោយពេលដែលហ្វីលីពីនក្រោមអាណត្តិលោក ឌុយទែរតេ ដកខ្លួនកាលពីឆ្នាំ២០១៩។ ការបើកឱ្យមានការស៊ើបអង្កេតលើយុទ្ធនាការប្រឆាំងនឹងគ្រឿងញៀន ធ្វើឡើងបន្ទាប់ពីតុលាការ ICC រកឃើញថា ការសម្លាប់រង្គាល នៅក្នុងយុទ្ធនាការប្រឆាំងគ្រឿងញៀនរបស់លោក ឌុយទែរតេ មាន «ធាតុច្បាប់» នៃឧក្រិដ្ឋកម្មប្រឆាំងនឹងមនុស្សជាតិ។ ទោះជាហ្វីលីពីនចេញពីតុលាការនេះក្ដី ក៏ខាង ICC ថាខ្លួនមានសិទ្ធិស៊ើបអង្កេតអំឡុងឆ្នាំ២០១៦ ដល់ឆ្នាំ២០១៩ ដែលជាអំឡុងពេលដែលលោកឌុយទែរតេធ្វើជាប្រធានាធិបតី ហើយថែមទាំងស៊ើបអង្កេតលើការបង្ក្រាបគ្រឿងញៀន…
-
ចិនបើករោងចក្រដំបូងដែលនឹងប្រែក្លាយកាកសំណល់នុយក្លេអ៊ែរទៅជាកញ្ចក់សម្រាប់ការរក្សាទុកប្រកបដោយសុវត្ថិភាព
-
ចិនធ្វើលំហាត់សមយុទ្ធប្រតិបត្តិការរក្សាសន្តិភាព ជាមួយម៉ុងហ្គោល ប៉ាគីស្ថាន និងថៃ
ចិនបានបញ្ចប់លំហាត់សមយុទ្ធលើប្រតិបត្តិការរក្សាសន្តិភាពកាលពីថ្ងៃពុធសប្ដាហ៌នេះ ដោយមានការចូលរួមពីសំណាក់កងទ័ពមកពីប្រទេសម៉ុងហ្គោល ប៉ាគីស្ថាន និងប្រទេសថៃជាដើម។ លំហាត់សមយុទ្ធនេះត្រូវបានផ្ដល់ឈ្មោះថា «សមយុទ្ធជោគវាសនារួមឆ្នាំ២០២១» ដែលជាការហាត់សមយោធាបែបពហុប្រទេសលើកដំបូងបង្អស់ ដែលរៀបចំដោយប្រទេសចិន សម្រាប់បេសកកម្មរក្សាសន្តិភាពក្រោមឆត្រអង្គការសហប្រជាជាតិ។ ការហាត់សមនេះមានការចូលរួមពីទាហានសរុបចំនួន ១ពាន់នាក់ ហើយចាប់ផ្ដើមពីថ្ងៃទី ៦ រហូតដល់ថ្ងៃទី១៥ ខែកញ្ញា ដែលធ្វើឡើងនៅមូលដ្ឋានកងទ័ពរំដោះប្រជាជនចិន (PLA) នាឯស្រុក Queshan ខេត្ត Henan ដែលស្ថិតនៅភាគកណ្ដាលប្រទេសចិន។ ក្រសួងការពារជាតិចិនបានចាត់ទុកថា ការធ្វើសមយុទ្ធនេះ ជាព្រឹត្តិការណ៍ដ៏សំខាន់មួយក្នុងការរំលឹកខួប ៥០ឆ្នាំ នៃការទទួលបានអាសនៈអង្គការសហប្រជាជាតិរបស់សាធារណរដ្ឋប្រជាមានិតចិន។ ចិន ដែលដឹកនាំដោយគណបក្សកុម្មុយនិស្តទទួលបានកៅអីនៅស្ថាប័នពិភពលោកកាលពីឆ្នាំ១៩៧១ ក្រោយពីអាសនៈនេះកាន់កាប់ដោយរដ្ឋាភិបាលសាធារណៈចិន ឬ គេច្រើនតែស្គាល់ថា តៃវ៉ាន់ អស់ជិត ៣០ឆ្នាំចាប់តាំងឆ្នាំ១៩៤៥។ អំឡុងពេលធ្វើសមយុទ្ធនេះដែរ ចិនបានបង្ហាញនូវបរិក្ខារយោធាទំនើបៗរបស់ខ្លួន ដែលមានដូចជា យន្តហោះដ្រូន និងមនុស្សយន្តសម្អាតមីនជាដើម។ កងទ័ពទាំងអស់បានចូលរួមនៅក្នុងការហាត់សមនេះ បានពាក់មួក និងអាវអមជាមួយនឹងនិមិត្តសញ្ញាអង្គការសហប្រជាជាតិ ខណៈសម្ភារៈប្រើប្រាស់នានាក៏បានបិទផ្លាកអង្គការនេះដូចគ្នាដែរ។ «សមយុទ្ធជោគវាសនារួមឆ្នាំ២០២១ ជាការគូសបញ្ជាក់ជំហររបស់ចិន ក្នុងនាមជាអ្នកការពារដ៏ស្មោះស្ម័គ្រនូវសន្តិភាពពិភពលោក និងសណ្ដាប់ធ្នាប់អន្តរជាតិ»។ នេះជាការលើកឡើងរបស់លោក Lu Jianxin ដែលជាអ្នកជំនាញយោធាចិន ប្រាប់ទៅកាន់អ្នកកាសែតនៅក្នុងកន្លែងធ្វើសមយុទ្ធនោះ។ ការហាត់សមធ្វើឡើងជាលំហាត់ជាច្រើនផ្សេងៗគ្នា ដោយក្នុងនោះដែរមានការធ្វើត្រាប់ទៅនឹងឧបទ្ទវហេតុមួយនៅប្រទេសម៉ាលី…
-
កូរ៉េខាងជើង និងខាងត្បូងធ្វើការសាកល្បងមីស៊ីលប្រឆាំងគ្នា ខណៈពេលដែលការប្រកួតប្រជែងអាវុធឡើងកម្ដៅ
កាលពីថ្ងៃពុធ ទី១៥ កញ្ញាកូរ៉េខាងជើង និងកូរ៉េខាងត្បូង បានធ្វើការសាកល្បងមីស៊ីលផ្លោង (Ballistic Missile) រៀងៗខ្លួន ដែលជាព្រឹត្តិការណ៍ចុងក្រោយបំផុតក្នុងការប្រកួតប្រជែងអាវុធរវាងប្រទេសទាំងពីរបានធ្វើឱ្យមានការបង្កើតអាវុធកាន់តែទំនើបទៅៗ ខណៈពេលដែលការចរចាដើម្បីកាត់បន្ថយភាពតានតឹងនៅជាប់គាំង។ កូរ៉េខាងត្បូងបានធ្វើការសាកល្បងមីស៊ីលផ្លោងបាញ់ចេញពីនាវាមុជទឹក ធ្វើឱ្យប្រទេសនេះក្លាយជាប្រទេសដំបូងគេដែលគ្មានអាវុធនុយក្លេអ៊ែរ ហើយបង្កើតមីស៊ីលប្រភេទនេះ។ ប្រធានាធិបតីកូរ៉េខាងត្បូងលោកមូន ជេអ៊ីនបានចូលរួមទស្សនាការសាកល្បងនេះ មុនពេលដែលទទួលដំណឹងថាកូរ៉េខាងជើងក៏បានធ្វើការសាកល្បងមីស៊ីលផងដែរ។ ក្រសួងការពារជាតិកូរ៉េខាងត្បូង និងជប៉ុនបាននិយាយថាកូរ៉េខាងជើងបានបាញ់មីស៊ីលផ្លោងចំនួន ២ គ្រឿង ដែលធ្លាក់នៅក្នុងតំបន់សេដ្ឋកិច្ចផ្ដាច់មុខរបស់ជប៉ុន មួយថ្ងៃបន្ទាប់ពីបានសាកល្បងមីស៊ីលហោះទាប ដែលគេជឿជាក់ថាអាចបញ្ជូនក្បាលគ្រាប់នុយក្លេអ៊ែរបាន។ អ្នកនាំពាក្យក្រសួងការបរទេសអាមេរិកនិយាយថា សហរដ្ឋអាមេរិកថ្កោលទោសការសាកល្បងមីស៊ីលរបស់កូរ៉េខាងជើងថាបានរំលោភសេចក្ដីសម្រេចជាច្រើនរបស់ក្រុមប្រឹក្សាសន្តិសុខអង្គការសហប្រជាជាតិ ហើយបានបង្កការគំរាមកំហែងដល់ប្រទេសជិតខាង។ អាមេរិកមិនបាននិយាយទាក់ទងនឹងការសាកល្បងរបស់កូរ៉េខាងត្បូងទេ។ អ្នកនាំពាក្យក្រសួងការបរទេសចិនលោកចាវ លីជៀនបាននិយាយថាប្រទេសចិនរំពឹងថាគ្រប់ភាគីអាចអនុវត្តការអត់ធ្មត់។ ប្រទេសកូរ៉េខាងជើង បានធ្វើការអភិវឌ្ឍប្រព័ន្ធអាវុធរបស់ពួកគេជាបន្តបន្ទាប់ ខណៈពេលមានការជាប់គាំងក្នុងការចរចាដើម្បីរុះរើក្បាលគ្រាប់នុយក្លេអ៊ែរ និងមីស៊ីលរបស់កូរ៉េខាងជើង ដែលចាប់ផ្ដើមដោយអតីតប្រធានាធិបតីអាមេរិកដូណាល់ ត្រាំនិងមេដឹកនាំកូរ៉េខាងជើងគីម ជុងអ៊ុនក្នុងឆ្នាំ ២០១៨។ ក្នុងរយៈពេលប៉ុន្មានឆ្នាំចុងក្រោយនេះកូរ៉េខាងត្បូងក្រោមការគ្រប់គ្រងរបស់លោកមូន បានធ្វើការចំណាយយ៉ាងធំទៅលើប្រព័ន្ធអាវុធថ្មី ដែលរួមមានមីស៊ីលផ្លោង នាវាមុជទឹក និងនាវាដឹកយន្តហោះដំបូង ហើយបានជំរុញស្វ័យភាពគោលនយោបាយការបរទេសពីអាមេរិក។ អ្នកវិភាគមួយចំនួនគិតថាលោកមូនបានធ្វើបែបនេះដោយសារកត្តាជាច្រើនដែលរួមមាន ការខ្វះភាពជឿជាក់លើអាមេរិកបន្ទាប់ការកាន់អំណាចរបស់លោកត្រាំ និងការអភិវឌ្ឍអាវុធថ្មីៗនៅកូរ៉េខាងជើង និងចិន៕
-
វ៉ាក់សាំងជិត១លានដូស ជំនួយអាល្លឺង់ម៉ង់ជូនវៀតណាម បញ្ជូលដល់ហើយ
-
សហរដ្ឋអាមេរិក៖ ការបាញ់សាកល្បងមីស៊ីលចុងក្រោយរបស់កូរ៉េខាងជើងបានរំលោភបំពានលើដំណោះស្រាយរបស់អង្គការសហប្រជាជាតិ
-
ប្អូនស្រីលោក គីម ជុងអ៊ុន ថ្កោលទោសលោក មូន ជេអ៊ុន ក្រោយកូរ៉េខាងត្បូងជោគជ័យក្នុងការធ្វើតេស្តមីស៊ីលបាញ់ចេញពីនាវាមុជទឹក
-
ចិន និងកូរ៉េខាងត្បូងប្តេជ្ញាលើកកម្ពស់ទំនាក់ទំនងទ្វេភាគី និងពង្រឹងកិច្ចសហប្រតិបត្តិការ
-
ក្រុមហ៊ុន Facebook ចាប់ផ្តើមស៊ើបការសម្ងាត់ទៅលើអ្នកប្រើប្រាស់វ័យជំទង់នៅលើ Instagram (មានវីដេអូ)
