-
ប្រធានាធិបតីអេក្វាឌ័រថ្មី សម្រេចគោលដៅចាក់វ៉ាក់សាំងរយៈពេល ១០០ ថ្ងៃដំបូងនៃការដឹកនាំរបស់ខ្លួនតាមការសន្យា ខណៈប្រឈមនឹងបញ្ហាសេដ្ខកិច្ច
នៅពេលប្រធានាធិបតីអេក្វាឌ័រថ្មីលោក Guillermo Lasso ប្តេជ្ញាធានាថា ១០០ ថ្ងៃដំបូងក្នុងដំណែងរបស់ខ្លួន យុទ្ធនាការវ៉ាក់សាំងត្រូវតែសម្រេចបានលើប្រជាជនពាក់កណ្តាលនៃប្រទេស ៩ លាននាក់ វាស្តាប់មើលទៅដូចជាការសន្យាខ្យល់ដែលមិនអាចទៅរួច។ ថ្ងៃដែលលោកចូលកាន់ទី ២៤ ខែឧសភា ក្នុងអត្រាទាបបំផុតមួយក្នុងតំបន់ ប្រជាជនអេក្វាឌ័រត្រឹមតែប្រមាណ ៣ ភាគរយប៉ុណ្ណេះដែលទទួលវ៉ាក់សាំងពេញលេញ។ ប៉ុន្តែបីខែក្រោយមក អេក្វាឌ័រក្លាយជាប្រទេសដែលមានអត្រាវ៉ាក់សាំងខ្ពស់បំផុតទីបីនៅអាមេរិកខាងត្បូង ដោយប្រជាជនប្រមាណជាង ៩ លាននាក់ ឬ ៥២ ភាគរយនៃចំនួនប្រជាជនសរុប ទទួលវ៉ាក់សាំងពេញលេញ។ លោក Sebastián Hurtado ប្រធានផ្នែកប្រឹក្សាហានិភ័យនយោបាយក្នុងតំបន់របស់ Prófitas និយាយថា៖ «វាគឺជាការសម្រេចបានដ៏ប្រសើរមួយ ដោយមានកត្តាជំរុញជាច្រើនចូលរួម»។ លោកថា៖ «ទីមួយគឺទាក់ទងនឹងវ៉ាក់សាំងការទូត ដោយលោក Lasso ទាក់ទងទៅប្រទេសជាច្រើនរួមមានចិន រុស្ស៊ី និងក្រុមហ៊ុនឱសថលោកខាងលិចដោយមិនគិតពីមនោគមវិជ្ជា។ ទីពីរ លោកតែងតាំងរដ្ឋមន្ត្រីសុខាភិបាលដែលមានសមត្ថភាពខ្ពស់។ និងទីបី លោកចូលរួមជាមួយវិស័យឯកជនដើម្បីជួយដល់ការដឹកជញ្ជូន ការផ្តល់កន្លែងចាក់វ៉ាក់សាំង និងឧបករណ៍ដល់វេជ្ជបណ្ឌិតជាដើម»។ យ៉ាងណាមិញ វិបត្តិសេដ្ឋកិច្ចរបស់អេក្វាឌ័រក៏ជាបញ្ហាមួយសម្រាប់លោក Lasso ដែរ។ កាលពីថ្ងៃពុធ រដ្ឋាភិបាលនិយាយថា ខ្លួនបានសម្រេចលើកម្មវិធីផ្តល់ប្រាក់កម្ចីជាមួយមូលនិធិរូបិយវត្ថុអន្តរជាតិ (IMF)…
-
លេខាធិការសុខាភិបាលអង់គ្លេសនិយាយថា ផែនការធ្វើលិខិតបញ្ជាក់ការចាក់វ៉ាក់សាំងត្រូវលុបចោល
លេខាធិការសុខាភិបាលអង់គ្លេសលោក Sajid Javid និយាយកាលពីថ្ងៃអាទិត្យថា ផែនការធ្វើលិខិតបញ្ជាក់ការចាក់វ៉ាក់សាំងសម្រាប់ចូលក្នុងក្លឹបរាត្រី និងព្រឹត្តិការណ៍ធំៗនៅអង់គ្លេសដែលត្រូវរំពឹងថានឹងចូលជាធរមាននៅចុងខែកញ្ញានេះ នឹងមិនបន្តទៅមុនទៀតទេ។ លោក Javid និយាយថា៖ «ខ្ញុំរីករាយដោយប្រកាសថា យើងនឹងមិនបន្តទៅមុខជាមួយផែនការលិខិតបញ្ជាក់ការវ៉ាក់សាំងនោះទេ»។ លេខាធិការសុខាភិបាលរូបនេះប្រាប់សារព័ត៌មាន BBC ថា៖«និយាយដោយត្រង់ទៅ មនុស្សភាគច្រើនប្រហែលជាមិនចូលចិត្តគំនិតនេះទេ។ ខ្ញុំក៏មិនដែលចូលចិត្តគំនិតដែលតម្រូវឱ្យមនុស្សគ្រប់គ្នាត្រូវតែបង្ហាញក្រដាសស្នាមគ្រាន់តែជាសកម្មភាពប្រចាំថ្ងៃនោះទេ»។ យ៉ាងណាមិញ លោកថា គំនិតនេះនៅតែត្រូវរក្សាទុក «ជាទុនបំរុង»។ ក្រោមគ្រោងការណ៍ ពលរដ្ឋនឹងត្រូវបង្ហាញភស្តុតាងថាខ្លួន បានទទួលវ៉ាក់សាំងពេញលេញចំនួនពីរដូស ធ្វើតេស្ត អវិជ្ជមានកូវីដ-១៩ ឬបញ្ចប់ការធ្វើចត្តាឡីស័ក ដើម្បីអាចចូលក្លឹបរាត្រី ឬព្រឹត្តិការណ៍ដែលមានមនុស្សចូលរួមច្រើនកុះករផ្សេងៗទៀត។ សមាគមដែលធ្វើការពាក់ព័ន្ធការកំសាន្តរាត្រីព្រមានថា ផែនការនេះអាចធ្វើឱ្យវិស័យនេះធ្លាក់ចុះ ហើយក្លឹបរាត្រីនឹងប្រឈមករណីរើសអើង។ ចាប់តាំងពីពេលនោះមក ស្ថាប័ននេះអំពាវនាវឱ្យលុបចោលនូវវិធានការចេញ ដោយនិយាយថា ខ្លួនសង្ឃឹមថាអាជីវកម្មអាចធ្វើផែនការដោយភាពប្រាកដប្រជា និងទទួលទំនុកចិត្តពីអតិថិជនឡើងវិញ។ អង្គភាព The Music Venue Trust ក៏ស្នើសុំដូចគ្នាដោយហៅ វិធានការលិខិតបញ្ជាក់ការវ៉ាក់សាំងថាជាបញ្ហា។
-
តើអ្វីជាកត្តាដែលធ្វើឱ្យប្រទេសនៅអាហ្វ្រិកប្រឈមមុខនឹងការធ្វើរដ្ឋប្រហារមិនចេះចប់?
ក្នុងរយៈពេលមួយឆ្នាំប៉ុណ្ណេះ ប្រទេសអាហ្វ្រិកខាងលិចប្រឈមនឹងវិបត្តិនយោបាយប្ដូរអ្នកគ្រប់គ្រងញឹកញាប់ ដោយប្រទះនូវការធ្វើរដ្ឋប្រហារជោគជ័យរហូតដល់បីលើកនៅម៉ាលីនិងហ្គីណេ ការប៉ុនប៉ងធ្វើរដ្ឋប្រហារមិនបានសម្រេចមួយលើកនៅនីហ្សេ និងការផ្ទេរអំណាចយោធាតាមអំពើចិត្តនៅប្រទេសឆាដក្រោយប្រធានាធិបតីត្រូវគេធ្វើឃាត ។ ប្រវត្តិសាស្ត្រក្រោយអាណានិគមអាហ្វ្រិកខាងលិច ត្រូវបានគេស្គាល់ថារងការញាំញីដោយការធ្វើរដ្ឋប្រហារ។ ការផ្លាស់ប្ដូរដណ្ដើមអំណាចបែបនេះ គំរាមកំហែងដល់ដំណើរការនៃលទ្ធិប្រជាធិបតេយ្យដែលអាហ្វ្រិកធ្លាប់ឆ្លងកាត់រួចហើយក្នុងរយៈពេលពីរទសវត្សរ៍ចុងក្រោយនេះ ដោយបង្វិលអាហ្រ្វិកទៅរកយុគសម័យរដ្ឋប្រហារវិញ។ សារព័ត៌មាន CNN ស្រង់ទិន្នន័យនៃការសិក្សាមួយដែលរកឃើញថា អនុតំបន់សាហារ៉ាអាហ្វ្រិកជួបប្រទះនូវរដ្ឋប្រហារដោយជោគជ័យចំនួន ៨០ ដង និងការប៉ុនប៉ងធ្វើរដ្ឋប្រហារបរាជ័យ ១០៨ ដងក្នុងចន្លោះឆ្នាំ ១៩៥៦ និង ២០០១ ជាមធ្យម ៤ ដងក្នុងមួយឆ្នាំ។ តួលេខនេះ ធ្លាក់ចុះពាក់កណ្តាលក្នុងរយៈពេលចាប់ពីឆ្នាំ ២០១៩ ដោយប្រទេសអាហ្រ្វិកភាគច្រើនបានងាកមករកលទ្ធិប្រជាធិបតេយ្យវិញ។ តើកត្តាអ្វីដែលបន្តឱ្យប្រទេសនៅអាហ្វ្រិកជួបបញ្ហាបែបនេះ? ពេលវេលាកន្លងផុតទៅពីរទសវត្សរ៍ពិតមែន ប៉ុន្តែបញ្ហាដែលធ្លាប់មានមិនទាន់ត្រូវបានដោះស្រាយឱ្យដាច់ស្រេចនោះទេ។ នៅដើមទសវត្សរ៍ក្រោយសម័យអាណានិគមពេលការធ្វើរដ្ឋប្រហារកើតមានឡើង មេដឹកនាំរដ្ឋប្រហារអាហ្វ្រិកតែងតែផ្តល់នូវហេតុផលដូចគ្នាចំពោះការផ្តួលរំលំរដ្ឋាភិបាលរួមមាន អំពើពុករលួយ ការគ្រប់គ្រងមិនត្រឹមត្រូវ និងភាពក្រីក្រ។ អ្នកស្រាវជ្រាវអាមេរិកដែលសិក្សាលើការធ្វើរដ្ឋប្រហារនៅអាហ្វ្រិកលោក Jonathan Powell និយាយថា៖ «បណ្តាប្រទេសអាហ្វ្រិកមានលក្ខខណ្ឌទូទៅសម្រាប់ការធ្វើរដ្ឋប្រហារដូចជាភាពក្រីក្រ និងដំណើរការសេដ្ឋកិច្ចអន់ថយ។ នៅពេលប្រទេសមួយមានរដ្ឋប្រហារហើយ រដ្ឋនោះនឹងមានរដ្ឋប្រហារបន្ដបណ្ដាក់គ្នាច្រើន»។ ជាក់ស្ដែង លោកវរសេនីយ៍ឯក Mamady Doumbouya មេដឹកនាំរដ្ឋប្រហារថ្មីរបស់ប្រទេសហ្គីណេ យកភាពក្រីក្រ និងអំពើពុករលួយធ្វើជាមូលហេតុនៃការផ្តួលរំលំប្រធានាធិបតីអាយុ ៨៣…
-
តើព្រឹត្តិការណ៍ប្រកួតកីឡាអូឡាំពិករដូវរងារនៅប៉េកាំង ឆ្នាំ២០២២ គួររៀនអ្វីខ្លះពីព្រឹត្តិការណ៍នៅតូក្យូ?
ទីក្រុងស៊ាំងស៊ី មានទីតាំងនៅខេត្តសានអានភាគពាយ័ព្យ ដែលជាកន្លែងគ្រោងនឹងរៀបចំព្រឹត្តិការណ៍ប្រកួតកីឡាអូឡាំពិករដូវរងារនៅប៉េកាំង ឆ្នាំ២០២២ បានរឹតបន្តឹងវិធានសុវត្ថិភាពយ៉ាងតឹងរ៉ឹង ដើម្បីត្រៀមទទួលអ្នកចូលទស្សនារាប់ម៉ឺននាក់ ដែលមានចំនួនស្មើនឹងការប្រកួតកីឡាអូឡាំពិករដូវក្តៅ ដែលនឹងចាប់ផ្តើមជាផ្លូវការនៅថ្ងៃ ពុធ រហូតដល់ថ្ងៃទី ២៧ ខែ កញ្ញា ខាងមុខនេះ។ ព្រឹត្តិការណ៍ ដែលតែងរៀបចំឡើងរៀងរាល់ ៤ ឆ្នាំម្តងនេះ នឹងក្លាយជាការប្រកួតកីឡាដ៏ធំដំបូងបង្អស់ ដែលអនុញ្ញាតឱ្យអ្នកគាំទ្រលើកទឹកចិត្តដល់អត្តពលិក ដោយផ្ទាល់ក្នុងសម័យកូវីដ។ ទោះយ៉ាងណាក្ដី ទស្សនិកជន ដែលមានវ័យជំទង់ និងមនុស្សពេញវ័យនានា ដែលចូលរួមត្រូវតែជាអ្នកចាក់វ៉ាក់សាំងហើយ និងបានផ្ដល់ភស្ដុតាងតេស្តអវិជ្ជមាននៅក្នុង ៧២ ម៉ោងមុនចូលរួមក្នុងព្រឹត្តិការណ៍។ ព្រឹត្តិការណ៍នេះ ក៏អាចជះឥទ្ធិពលដល់ពិធីការទប់ស្កាត់កូវីដ សម្រាប់កីឡាអូឡាំពិកប៉េកាំងនៅខែ កុម្ភៈ ឆ្នាំក្រោយ ហើយប្រសិនបើ ពិធីការនេះទទួលបានជោគជ័យ សបញ្ជាក់ឱ្យឃើញថា គោលការណ៍«មិនយោគយល់គ្នា» របស់អាជ្ញាធរ ដែលបានអនុវត្តលើការរឹតត្បិតយ៉ាងតឹងរ៉ឹងលើការធ្វើដំណើរ និងការត្រួតពិនិត្យព្រំដែន ការបិទខ្ទប់ ការធ្វើតេស្តទ្រង់ទ្រាយ និងការចាក់វ៉ាក់សាំង មានប្រសិទ្ធិភាពឬយ៉ាងណា។ លោក Ma Guanghui អនុប្រធានគណៈកម្មការសុខភាពនៅទីក្រុងស៊ាំងស៊ី បាននិយាយនៅចុងខែ កក្កដា ថា នៅពេលការប្រកួតប្រព្រឹត្តទៅ ទីក្រុងនេះនឹងធ្វើតេស្តលើប្រជាជនជិត ២០…
-
កូរ៉េខាងជើងបាញ់សាកល្បងគ្រាប់មីស៊ីលចម្ងាយឆ្ងាយជោគជ័យ
-
ថៃចាក់វ៉ាក់សាំងដូសទី១ ជាង២៧លាននាក់ហើយ
-
លោកវ៉ាង យី បន្តដំណើរទស្សនកិច្ចទៅកាន់ប្រទេសសិង្ហបុរី
លោកវ៉ាង យី ទីប្រឹក្សារដ្ឋ និងរដ្ឋមន្ត្រីក្រសួងការបរទេសចិន បន្តធ្វើដំណើរទស្សនកិច្ចទៅកាន់ប្រទេសសិង្ហបុរី ក្រោយមកប្រទេសវៀតណាម និងកម្ពុជា។ លោកមកដល់សិង្ហបុរីនៅថ្ងៃច័ន្ទ។ ក្រសួងការបរទេសសិង្ហបុរីបានឱ្យដឹងថា លោក វ៉ាង នឹងចូលជួបលោកនាយករដ្ឋមន្ត្រី លី សៀនឡុង (Lee Hsien Loong) លោកឧបនាយករដ្ឋមន្ត្រី ហេង ស្វ៊ីគៀត (Heng Swee Keat) និងរដ្ឋមន្ត្រីការបរទេសសិង្ហបុរីលោក វីវៀន បាឡាក់គ្រីស្នាន (Vivian Balakrishnan)។ កាលពីខែមីនាកន្លងទៅ លោក បាឡាក់គ្រីស្នាន បានធ្វើដំណើរទៅកាន់ទីក្រុងហ្វ៊ូជាន ប្រទេសចិន ហើយបានទៅជួបជាមួយលោក វ៉ាង យី ដោយនៅកាលនោះរដ្ឋមន្ត្រីការបរទេសទាំងពីររូបបានពិភាក្សាគ្នាអំពីលទ្ធភាពនៃការបើកឱ្យមានការធ្វើដំណើររវាងប្រទេសទាំងពីរ ហើយក៏ដូចជានិយាយអំពីស្ថានភាពនៅមីយ៉ាន់ម៉ាផងដែរ។ លោក វ៉ាង យី ចាប់ផ្ដើមបំពេញទស្សនកិច្ចទៅកាន់ប្រទេសអាស៊ីប៉ាស៊ីហ្វិកកាលពីសប្ដាហ៍មុន ដោយចាប់ផ្ដើមដំបូងគឺ វៀតណាម ក្រោយមកកម្ពុជា បន្ទាប់មកសិង្ហបុរី និងចុងក្រោយប្រទេសកូរ៉េខាងត្បូង មុនត្រលប់មកស្រុកចិនវិញ៕
-
លោកប្រធានាធិបតី បៃដិននឹងប្រកាសជំហានថ្មីនៃសម្រាប់ជំងឺកូវីដ១៩ មុនកិច្ចប្រជុំ អ. ស.ប
ប្រធានាធិបតីអាមេរិកលោកចូ បៃដិននឹងប្រកាសពីជំហានថ្មីដើម្បីបន្ថយការរីករាលដាលនៃជំងឺកូវីដ-១៩ មុនកិច្ចប្រជុំមហាសន្និបាតអង្គការសហប្រជាជាតិ។ តែទោះជាយ៉ាងណាក្ដី លោកវេជ្ជបណ្ឌិត Vivek Murthy មិនបានបញ្ជាក់ថា ជំហានទាំងនោះនឹងទៅជាយ៉ាងណាទេហើយ សម័យប្រជុំបន្ទាប់នៃមហាសន្និបាតនឹងបើកនៅថ្ងៃអង្គារ ចំណែកថ្ងៃដំបូងនៃការពិភាក្សាទូទៅនឹងមាននៅសប្តាហ៍ក្រោយ។ ថ្លែងប្រាប់សារពត៌មានស៊ីអិនអិន នៅថ្ងៃអាទិត្យនេះ លោក Murthy បានកោតសសើរកិច្ចប្រឹងប្រែងរបស់លោក ប្រធានាធិបតី បៃដិន ក្នុងការពង្រីកការចាក់វ៉ាក់សាំងនៅសហរដ្ឋអាមេរិក។លោកបានមានប្រសាសន៍ថា៖« នឹងមានសកម្មភាពជាច្រើនទៀត ដែលយើងត្រូវបន្តធ្វើការជាពិសេសនៅចំពោះមុខពិភពលោក» ។ លោក បៃដិន កាលពីថ្ងៃព្រហស្បតិ៍ បាននិយាយថាគាត់នឹងតម្រូវឱ្យកម្មករសហព័ន្ធត្រូវតែចាក់វ៉ាក់សាំងប្រឆាំងនឹងជំងឺកូវីដ -១៩ និងផ្តល់ការលើកទឹកចិត្តដល់និយោជកធំ ៗ ដែលតម្រូវឱ្យអ្នកធ្វើកការក្រោមបង្គាប់របស់ពួកគេចាក់វ៉ាក់សាំងឬធ្វើតេស្តទៀងទាត់។ លោកបៃដិនបាននិយាយថា សហរដ្ឋអាមេរិកបានបរិច្ចាគវ៉ាក់សាំងកូវីដ១៩ចំនួន ១៤០ លានដូសដល់ប្រទេសដទៃទៀត។ លោកបានមានប្រសាសន៍ថា« នេះ គឺជាការដឹកនាំរបស់អាមេរិកនៅលើឆាកអន្តរជាតិហើយនោះគ្រាន់តែជាការចាប់ផ្តើមតែប៉ុណ្ណោះ» ។
-
ព្យុះទីហ្វុងចន្ធូកាត់ផ្ដាច់ថាមពលអគ្គិសនី និងបង្កជាទឹកជំនន់នៅភាគខាងជើងហ្វីលីពីន
ព្យុះទីហ្វុងចន្ធូបានបង្កឱ្យប្រជាជនហ្វីលីពីននៅប្រជុំកោះ Batanes ដែលស្ថិតនៅភាគខាងជើងបង្អស់នៃប្រទេស រស់នៅជាមួយនឹងទឹកជំនន់ និងបន្តគ្មានចរន្តអគ្គិសនី។ នេះបើតាមការលើកឡើងរបស់អាជ្ញាធរ។ ព្យុះនេះបានបោកបក់ប្រទេសហ្វីលីពីនកាលពីថ្ងៃសៅរ៍ ហើយការិយាល័យអាកាសធាតុហ្វីលីពីនបានចាត់ចំណាត់ថ្នាក់ខ្យល់ព្យុះនេះថាជា ព្យុះកម្រិតទី៥ ដែលជាកម្រិតដ៏ខ្ពស់ និងប្រកបដោយហានិភ័យធំមួយ។ «នេះស្ថិតក្នុងចំណោមព្យុះដ៏មានឥទ្ធិពលមួយ ដែលខ្ញុំធ្លាប់ជួប»។ នេះបើតាមការលើកឡើងរបស់លោក Dennis Ballesteros Valdez ដែលជាអ្នករស់នៅខេត្ត Batanes ប្រទេសហ្វីលីពីន ដែលជាតំបន់ជួបខ្យល់ព្យុះញឹកញាប់។ មនុស្សប្រមាណ ១១ ០០០នាក់បានប៉ះពាល់ពីគ្រោះធម្មជាតិនេះ ខណៈច្រើនជាង ១ពាន់នាក់នៅកំពុងស្នាក់នៅមណ្ឌលជម្លៀសនៅឡើយ តែមិនទាន់មានសេចក្ដីរាយការណ៍អំពីអ្នកស្លាប់ ឬ របួសទេ។ នេះបើតាមរបាយការណ៍របស់អង្គភាពគ្រប់គ្រងគ្រោះមហន្តរាយហ្វីលីពីន។ បើតាមការិយាល័យអាកាសធាតុ ហ្វីលីពីនមួយឆ្នាំៗជួបព្យុះទីហ្វុងជាមធ្យម ២០ដងឯណោះ៕
-
បេសកជន អ.ស.ប ៖ អង្គការសហប្រជាជាតិ នឹងជូនជាសាច់ប្រាក់ដល់គ្រួសារតំបន់ហ្គាហ្សា
បេសកជនមជ្ឈឹមបូព៌ា របស់អង្គការសហប្រជាជាតិ បាននិយាយថាអង្គការសហប្រជាជាតិនឹង ចែកចាយជំនួយជាសាច់ប្រាក់ដល់គ្រួសារក្រីក្ររាប់ពាន់គ្រួសារដែលត្រូវបានឡោមព័ទ្ធនៅតំបន់ហ្គាហ្សាស្ទ្រីប ក្រោមកម្មវិធីដែលឧបត្ថម្ភដោយប្រទេសកាតា នឹងចាប់ផ្តើមនៅថ្ងៃចន្ទនេះ ។ ប្រទេសកាតាបានបរិច្ចាគប្រាក់រាប់រយលានដុល្លារដល់ហ្កាហ្សាចាប់តាំងពីការវាយលុករបស់អ៊ីស្រាអែលទៅលើតំបន់ហ្គាហ្សាស្ទ្រីបកាលពីឆ្នាំ ២០១៤។ មន្រ្តីអង្គការសហប្រជាជាតិបាននិយាយថាក្រោមគម្រោងផ្តល់ហិរញ្ញប្បទាន ដែលសម្របសម្រួលដោយប្រទេសកាតា និងអង្គការសហប្រជាជាតិ និងគាំទ្រដោយអ៊ីស្រាអែល សាច់ប្រាក់នឹងត្រូវបានផ្តល់ឱ្យនៅចំណុចចែកចាយជាង ៧០០ នៅទូទាំងតំបន់ ហ្គាហ្សាស្ទ្រីប។ ប្រជាជនដែលរងគ្រោះជិត ១០ ម៉ឺននាក់នឹងចាប់ផ្តើមទទួលជំនួយជាសាច់ប្រាក់ នៅថ្ងៃចន្ទនេះនេះបើយោងតាម បេសកជនអ.ស.ប ប្រចាំតំបន់មជ្ឈឹមបូព៌ា បានសរសេរនៅលើ Twitter កាលពីថ្ងៃអាទិត្យ។ គម្រោងផ្តល់មូលនិធិប្រទសកាតា សម្រាប់ជនក្រីក្រនៅតំបន់ហ្កាហ្សា បានទទួលការគាំទ្រពីអ៊ីស្រាអែលដែលនាយករដ្ឋមន្រ្តីលោក Naftali Bennett បាននិយាយកាលពីថ្ងៃចន្ទថាវានឹងធានាថាប្រាក់នឹងទៅដល់អ្នកដែលត្រូវការ។