-
ហ្វីលីពីនរកឃើញករណីវិជ្ជមានកូវីដ២លានករណី ខណៈផ្ទុះការតវ៉ាពីសំណាក់បុគ្គលិកសុខាភិបាល
ចូលខែកញ្ញាភ្លាម ហ្វីលីពីនកត់ត្រាករណីវិជ្ជមានសរុបច្រើនជាង ២លានករណី (តួលេខពិតប្រាកដគឺ ២០០៣ ៩៥៥ករណី) ដោយទិន្នន័យប្រចាំថ្ងៃនៅថ្ងៃមានចំនួន ១៤ ២១៦ករណី។ នេះបើតាមការចុះផ្សាយរបស់ក្រសួងសុខាភិបាលហ្វីលីពីន។ ខាងក្រសួងក៏បានបន្ថែមថា ចំនួនអ្នកឆ្លងជំងឺរាតត្បាតសកលនេះនឹងកើនឡើងបន្ថែមទៀត នៅប៉ុន្មានថ្ងៃខាងមុខ។ តំណាងអង្គការសុខភាពពិភពលោកប្រចាំប្រទេសហ្វីលីពីន លោកវេជ្ជបណ្ឌិត Rabindra Abeyasinghe បានប្រាប់អ្នកកាសែតកាលពីថ្ងៃអង្គារថា ការកើនឡើងនូវករណីឆ្លងជំងឺកូវីដ-១៩នៅហ្វីលីពីន បណ្ដាលមកពីការវាយលុកនៃវ៉ារ្យង់ដែលតា។ លោកអះអាងដោយផ្អែកលើបំបែកហ្សែនវីរុសថា ៧០% នៃករណីថ្មីៗនេះបណ្ដាលមកពីវីរុសដែលតា។ នៅរដ្ឋធានីម៉ានីល និងបណ្ដាខេត្តនៅក្បែរៗនេះ កំពុងតែជាប់ក្នុងការបិទខ្ទប់ ដែលនឹងមានសុពលភាពរហូតដល់សប្ដាហ៍ក្រោយ។ ជាមួយនឹងស្ថានភាពនេះ លោកតំណាង WHO បានឱ្យការបិទខ្ទប់នេះជួយពន្លឿនល្បឿននៃការចាក់វ៉ាក់សាំង និងបន្ធូរបន្ថយសម្ពាធលើប្រព័ន្ធសុខាភិបាលហ្វីលីពីន។ ខណៈករណីចេះតែកើនឡើង គេក៏សង្កេតឃើញថា ក្រុមបុគ្គលិកសុខាភិបាលមួយចំនួនបាននាំគ្នាប្រមូលផ្ដុំតវ៉ានៅក្បែរក្រសួងសុខាភិបាលហ្វីលីពីន ដោយពាក់ម៉ាស និងមួយចំនួនទៀតពាក់អាវសុវត្ថិភាព ក្នុងគោលបំណងទាមទារឱ្យមានការបង់ថ្លៃឈ្នួលចំពោះភាពគ្រោះថ្នាក់ និងហានិភ័យ ហើយព្រមទាំងទាមទារឱ្យរដ្ឋមន្ត្រីសុខាភិបាលលោក Francisco Duque ចុះចេញពីតំណែងទៀតផង៕
-
សិស្សនៅរដ្ឋអារីហ្សូណាប្រឈមមុខការរាតត្បាតជំងឺកូវីដក្រោយសាលាលុបបំបាត់គោលការណ៍ពាក់ម៉ាស់
ក្នុងរយៈពេលតែប៉ុន្មានសប្តាហ៍ ក្រោយរដ្ឋអារីហ្សូណា អនុញ្ញាតឱ្យបើកសាលារៀនវិញ ដោយមិនបានគោរពទៅតាមសេចក្ដីណែនាំការពារកូវីដ និងលុបបំបាត់គោលការណ៍ពាក់ម៉ាស់ សិស្សានុសិស្ស និងគ្រូបង្រៀនរាប់ពាន់នាក់ ត្រូវធ្វើចត្តាឡីស័ក ក្រោយមានការរាតត្បាតជំងឺកូវីដនៅជុំវិញទីក្រុង Phoenix ក្នុងរដ្ឋនេះ។ សារព័ត៌មានញូយ៉កថែមស៍ បានឱ្យដឹងថាឥឡូវនេះជំងឺរាតត្បាតបានបង្កឱ្យមានភាពវឹកវរពេញរដ្ឋអារីហ្សូណា ដោយអាណាព្យាបាល បានបញ្ឆេះកំហឹងនយោបាយដល់រដ្ឋបាល ក្រោមការដឹកនាំអភិបាលរដ្ឋដោយលោក Doug Ducey និងមេដឹកនាំគណបក្សសាធារណរដ្ឋដទៃទៀត ដែលបានលុបបំបាត់គោលការណ៍ការពារកូវីដទាំងនេះ។ ភាពច្របូកច្របល់នេះ បានគូសបញ្ជាក់ពីការសម្រេចចិត្តដ៏គួរឱ្យភ័យខ្លាច ស្ដីអំពីការអនុវត្តតាមវិធានការសុវត្ថិភាពកូវីដ-១៩ និងសេរីភាពផ្ទាល់ខ្លួន។ លោក Ducey ជាអភិបាលរដ្ឋមកពីគណបក្សសាធារណរដ្ឋ ត្រូវទទួលរងការរិះគន់ពីវិធានការប្រឆាំងនឹងម៉ាស់ ដែលអនុម័ត ដោយសភានីតិកាលដឹកនាំដោយគណបក្សសាធារណរដ្ឋរបស់អារីហ្សូណា កាលពីពេលថ្មីៗនេះ។លោកក៏បានបដិសេដផ្ដល់ប្រាក់រាប់លានដុល្លារពីកញ្ចប់ជួយសង្គ្រោះជំងឺរាតត្បាតសហព័ន្ធ ដល់សាលារៀនណា ដែលអនុម័តគោលការណ៍ពាក់ម៉ាស់ប្រឆាំងនឹងច្បាប់រដ្ឋចូលជាធរមាននៅចុងខែកញ្ញា។ លោក ក៏បានផ្តល់ប័ណ្ណ ដែលមានចំនួនទឹកប្រាក់ ៧.០០០ ដុល្លារដល់គ្រួសារណា ដែលចង់ចាកចេញពីសង្កាត់ណា ដែលតម្រូវឱ្យពាក់ម៉ាស់។ លោក បាននិយាយថា ការសម្រេចចិត្តក្នុងការពាក់ម៉ាស់ គឺជាជម្រើសរបស់អាណាព្យាបាល មិនមែនជាការសម្រេចចិត្តរបស់មន្រ្តីនៅក្នុងវិស័យអប់រំទេ។ លោក Ducey បាននិយាយនៅក្នុងសន្និសីទសារព័ត៌មានថ្មីៗនេះ ថា៖ «នៅអារីហ្សូណា យើងគឺជាអ្នកគាំទ្រការសម្រេចចិត្តរបស់ឳពុកម្ដាយ។ ខ្ញុំចង់ពួកគាត់សម្រេចចិត្ត លើអ្វី ដែលពួកគេគិតថាជារឿងត្រឹមត្រូវ»។ នៅជាយក្រុង…
-
យូអិនព្រមានពីវិបត្តិស្បៀងអាហារនៅអាហ្វហ្គានីស្ថាន ចំពេលតាលីបង់ធ្វើព្យុហយាត្រាអបអរជ័យជម្នះរបស់ខ្លួន (Video Inside)
-
សហភាពអឺរ៉ុប៖ នឹងមិនប្រញាប់ប្រញាល់ទទួលស្គាល់ក្រុមតាលីបង់ទេ
មន្ត្រីសហភាពអឺរ៉ុបមួយរូបបាននិយាយកាលពីថ្ងៃពុធនេះ ថាសហភាពអឺរ៉ុបនឹងត្រូវមានទំនាក់ទំនងជាមួយក្រុមតាលីបង់ ប៉ុន្តែមិនប្រញាប់ប្រញាល់ទទួលស្គាល់ក្រុមនេះជាមេដឹកនាំថ្មីនៃប្រទេសអាហ្វហ្គានីស្ថាននោះទេ។ នាយកគ្រប់គ្រងប្រចាំតំបន់អាស៊ី និងប៉ាស៊ីហ្វិកនៃសេវាសកម្មភាពខាងក្រៅអឺរ៉ុបលោកកានណា វីហ្គេនបាននិយាយថាទំនាក់ទំនងផ្លូវការជាមួយតាលីបង់នឹងកើតមានឡើងលុះត្រាតែក្រុមនេះបំពេញលក្ខខណ្ឌជាក់លាក់មួយចំនួន រួមមានការគោរពសិទ្ធិមនុស្ស និងការមិនរារាំងសកម្មភាពរបស់អង្គការផ្ដល់ជំនួយ។ «យើងត្រូវចូលរួមជាមួយតាលីបង់ យើងត្រូវការទំនាក់ទំនងជាមួយតាលីបង់ យើងត្រូវជិះឥទ្ធិពលលើតាលីបង់ យើងត្រូវការប្រើអានុភាពដែលយើងមាន» លោកវីហ្គេនបាននិយាយបែបនេះទៅកាន់សភាអឺរ៉ុបនៅក្រុងប្រ៊ូសសែល ហើយបន្តទៀតថា៖ «ប៉ុន្តែយើងនឹងមិនប្រញាប់ប្រញាល់ក្នុងការទទួលស្គាល់ការបង្កើតថ្មីនេះ ហើយក៏មិនបង្កើតទំនាក់ទំនងផ្លូវការដែរ»។ លោកវីហ្គេននិយាយថានៅមានភាពមិនច្បាស់លាស់ថាតើតាលីបង់អាចធ្វើអភិបាលកិច្ចដោយមានប្រសិទ្ធភាពដែរ ឬទេ។ លោកនិយាយថាលក្ខខណ្ឌដ៏សំខាន់មួយរបស់សហភាពអឺរ៉ុប គឺការបង្កើតរដ្ឋាភិបាលអន្តរកាលមួយដែលរួមបញ្ចូល និងតំណាងឱ្យគ្រប់ភាគី។ ពីរសប្ដាហ៍បន្ទាប់ពីចូលកាន់កាប់ក្រុងកាប៊ុល ក្រុមតាលីបង់នៅមិនទាន់បានប្រកាសរចនាសម្ព័ន្ធរដ្ឋាភិបាលថ្មី ឬអំពីរបៀបអភិបាលកិច្ចរបស់ពួកគេ។ លោកនិយាយថាលក្ខខណ្ឌដទៃសម្រាប់ការទទួលស្គាល់នឹងរួមមានការអនុញ្ញាតឱ្យឆ្លងកាត់ដោយសេរីសម្រាប់ជនជាតិអាហ្វហ្គានីស្ថានដែនចង់ចេញពីប្រទេស ការជៀសវាងធ្វើការសងសឹកទៅលើបុគ្គលដែលមានទំនាក់ទំនងជាមួយមហាអំណាចបរទេស ឬអតីតរដ្ឋាភិបាល និងការការពារកុំឱ្យប្រទេសអាហ្វហ្គានីស្ថានក្លាយជាជម្រកភេរវកម្ម៕
-
លោកនាយករដ្ឋមន្ត្រី លី សៀនឡុង ឈ្នះបណ្ដឹងបរិហារកេរ្តិ៍ដោយទទួលប្រាក់សងជំងឺចិត្តចំនួន ២១ ម៉ឺនដុល្លារសិង្ហបុរី
សិង្ហបុរី៖ តុលាការកំពូលសិង្ហបុរី កាលពីថ្ងៃពុធ កាត់ក្ដីឱ្យលោកនាយករដ្ឋមន្រ្តី លី សៀនឡុង ឈ្នះក្នុងបណ្ដឹងបរិហារកេរ្តិ៍ពីរផ្សេងគ្នា ប្រឆាំងនឹងលោក Terry Xu និពន្ធនាយកគេហទំព័រសង្គមនយោបាយ The Online Citizen (TOC) និងអ្នកស្រី Rubaashini Shunmuganathan អ្នកសរសេរអត្ថបទឱ្យ TOC ដោយទទួលបានសំណងជំងឺចិត្តជាទឹកប្រាក់ចំនួន ២១០ ០០០ ដុល្លារសិង្ហបុរី ។ កាលពីខែសីហាឆ្នាំ ២០១៩ TOC បានចេញផ្សាយអត្ថបទដែលសរសេរដោយលោកស្រី Rubaashini អំពីជម្លោះរបស់លោក Lee ជាមួយបងប្អូនរបស់លោក គឺវេជ្ជបណ្ឌិត Lee Wei Ling និងលោក Lee Hsien Yang ទាក់ទងនឹងទំនាស់មរតក ក្រោមចំណងជើងថា «ភរិយារបស់លោកនាយករដ្ឋមន្ត្រីលីលោកស្រី Ho Ching ចែករំលែកអំពីការកាត់ផ្តាច់ទំនាក់ទំនងជាមួយសមាជិកគ្រួសារយ៉ាងចំឡែក»។ ចៅក្រមលោក Audrey Lim រកឃើញអត្ថបទនេះថាជាការបរិហារកេរ្តិ៍ធ្ងន់ធ្ងរដោយប្រកាសថា៖ «ការបរិហារកេរ្តិ៍នេះ មិនគ្រាន់តែវាយប្រហារទៅលើសុចរិតភាព ចរិតលក្ខណៈ…
-
រឿងអាស្រូវ Theranos និង អេលីសាបិត ហូមស៍ ៖ ហេតុអ្វីស្រ្តីរូបនេះប្រឈមមុខតុលាការនៅពេលនេះ?
ក្នុងឆ្នាំ ២០១៤ លោកស្រី អេលីសាបិត ហូមស៍ (Elizabeth Holmes) ដែលកាលនោះមានអាយុ ៣០ ឆ្នាំ ត្រូវបានគេស្គាល់ថាជា មហាសេដ្ឋីនីវ័យក្មេងបង្កើតទ្រព្យដោយខ្លួនឯង។ ក្នុងនាមជាស្ថាននិករបស់ក្រុមហ៊ុន Theranos ដែលមានតម្លៃពាន់លានដុល្លារ លោកស្រីត្រូវបានទស្សនាវដ្ដី Inc ដែលល្បីខាងផ្នែកជំនួញ ចុះលើក្រមមុខរបស់ខ្លួនដោយភ្ជាប់ជាមួយនឹងពាក្យថា «The Next Steve Jobs» ឬ «ស្ទីវចបបន្ទាប់»។ ក្រុមហ៊ុន Theranos របស់អ្នកស្រីហូមស៍ បង្កើតឡើងដើម្បីធ្វើបដិវត្តក្នុងការធ្វើរោគវិនិច្ឆ័យជំងឺដោយចំណាយលុយអស់តិច និងងាយស្រួយប្រើប្រាស់ គ្រាន់តែប្រើឈាមតែមួយដំណក់ប៉ុណ្ណោះ។ តាមរយៈនេះ ម៉ាស៊ីនតេស្តអេឌីសុនរបស់ក្រុមហ៊ុន មានសមត្ថភាពអាចរកឃើញស្ថានភាពជំងឺដូចជាមហារីក និងទឹកនោមផ្អែមយ៉ាងឆាប់រហ័សដោយមិនចាំបាច់ប្រើម្ជុល។ ភាពល្បីល្បាញនៃ Theranos បានទាក់ទាញអ្នកផ្តល់ហិរញ្ញប្បទាន អ្នកនយោបាយ និងអ្នកដឹកនាំអាជីវកម្មជាច្រើនឱ្យធ្វើការវិនិយោគជាមួយក្រុមហ៊ុន ក្នុងនោះរួមមានទាំងអ្នកជំនួញមហាសេដ្ឋីលោក Rupert Murdoch និងអតីតរដ្ឋមន្ត្រីការបរទេសសហរដ្ឋអាមេរិកលោក Henry Kissinger ផងដែរ។ យ៉ាងណាមិញ ក្រុមហ៊ុននេះបានដួលរលំក្នុងឆ្នាំ ២០១៨ ហើយស្ថាបនិករបស់ក្រុមហ៊ុនអ្នកស្រីហូមស៍ និងដៃគូជំនួញម្នាក់ទៀត កំពុងរងការចោទប្រកាន់ពីបទឆបោករហូតទៅដល់ចំនួន ១២។ …
-
កសិកររស់នៅខេត្តព្រៃវែងនាំគ្នាចាប់យកមុខរបរចិញ្ចឹមចង្រិតដែកលក់ ដើម្បីរកប្រាក់ចំណូលជួយផ្គត់ផ្គង់ជីវភាពគ្រួសារ (Video Inside)
ខេត្តព្រៃវែង ៖ កសិករដែលរស់នៅក្នុងភូមិទូលពពេល ឃុំគោកគង់លិច ស្រុកកញ្ច្រៀច ខេត្តព្រៃវែង បាននាំគ្នាចាប់យកមុខរបរចិញ្ចឹមចង្រិតដែកលក់ ដោយសារមានទីផ្សារច្រើន ហើយប្រើរយៈពេលខ្លី ចំណែកតម្លៃវិញ គឺថ្លៃគួរសមដែលអាចទទួលយកបាន ដើម្បីរកប្រាក់ចំណូលជួយផ្គត់ផ្គង់ជីវភាពគ្រួសារឱ្យធូរធាបានមួយកម្រិតទៀត។
-
ប្រេសិតទីក្រុងប៉េកាំងប្រចាំទីក្រុងវ៉ាស៊ីនតោន៖ «ចិនមិនមែនជា សហភាពសូវៀតទេ»
ឯកអគ្គរដ្ឋទូតចិន ប្រចាំនៅសហរដ្ឋអាមេរិក រំលឹកទីក្រុងវ៉ាស៊ីនតោនថា អាមេរិកកំពុងមាន ឥរិយាបថដាក់ប្រទេសចិន តាមរបៀបដែលអាមេរិកបានធ្វើដាក់ អតីត សហភាពសូវៀត និងបានអំពាវនាវឱ្យបង្កើនការផ្លាស់ប្តូរផ្លូវការរវាងប្រទេសទាំងពីរ។ លោកឯកអគ្គរដ្ឋទូត Qin Gang បានទទួលតួនាទីនេះ កាលពីចុងខែកក្កដានេះបាននិយាយថាវាគឺជា «ការយល់ច្រលំ» មួយដែលអាមេរិកជឿថា វាត្រូវការដោះស្រាយ ជាមួយចិនដូចក្នុងបរិបទសង្គ្រាមត្រជាក់ជាមួយចិន។ លោក ក៏បានបន្តថា «ចិនមិនមែនជា សហភាពសូវៀតទេ»។ លោក Qin បាននិយាយនៅក្នុងកិច្ចប្រជុំតាម ប្រព័ន្ធអនឡាញមួយ ដែលមានការចូលរួមដោយអ្នកឃ្លាំមើលជើងចាស់ របស់ប្រទេសចិនរួមទាំង អតីតរដ្ឋមន្រ្តីការបរទេសលោក Henry Kissinger និងលោកស្រី Susan Thornton ដែលបានបម្រើការក្រោមការដឹកនាំ របស់លោកដូណាល់ត្រាំ ជាជំនួយការរដ្ឋមន្រ្តីការបរទេស។ « គោលនយោបាយមកលើប្រទេសចិន របស់រដ្ឋបាលអាមេរិក បានបង្កការខូចខាតយ៉ាងធ្ងន់ធ្ងរ ដល់ទំនាក់ទំនងរបស់ប្រទេសយើងទាំងពីរ ហើយស្ថានភាពបែបនេះប្រហែលជាមិនផ្លាស់ប្តូរទេ។» លោក Qin បាននិយាយ នៅក្នុងព្រឹត្តិការណ៍ដែលរៀបចំឡើងដោយ គណៈកម្មាធិការជាតិស្តីពីទំនាក់ទំនងអាមេរិក-ចិន។ «យើងមានឆន្ទៈពង្រឹងការទំនាក់ទំនងជាមួយអាមេរិក រវាងនាយកដ្ឋានកិច្ចការបរទេស សេដ្ឋកិច្ចហិរញ្ញវត្ថុ ការអនុវត្តច្បាប់និងយោធា និងការបង្កើតយន្តការសន្ទនាឡើងវិញ។ នេះគឺដើម្បីស្វែងយល់ឱ្យបានច្បាស់អំពីចេតនាគោលនយោបាយរបស់គ្នាឲ្យបានត្រឹមត្រូវ…
-
ប៉ូលីសហុងកុងស៊ើបមើលករណីឃុបឃិតជាមួយបរទេស ប្រឆាំងនឹងមូលនិធិដែលបង់ប្រាក់ ២៤៣ លានដុល្លារហុងកុងដល់ក្រុមអ្នកតវ៉ា
ហុងកុង៖ ប៉ូលីសសន្តិសុខជាតិហុងកុង កំពុងស៊ើបអង្កេតថាតើមូលនិធិដែលគាំទ្រចលនាប្រឆាំងរដ្ឋាភិបាលទីក្រុងនេះ មានជាប់ពាក់ព័ន្ធនឹងការឃុបឃិតជាមួយកងកម្លាំងបរទេសដែរឬយ៉ាងណា។ យោងតាមការចុះផ្សាយរបស់សារព័ត៌មានហុងកុង South China Morning Post ប្រភពមិនបញ្ចេញឈ្មោះនិយាយកាលពីថ្ងៃពុធថា មូលនិធិសង្គ្រោះមនុស្សធម៌-៦១២ និងសម្ព័ន្ធដើម្បីលទ្ធិប្រជាធិបតេយ្យពិត ដែល ផ្តល់គណនីធនាគាររបស់ខ្លួនដល់អ្នកគ្រប់គ្រងមូលនិធិសម្រាប់ការបរិច្ចាគ គឺជាគោលដៅរបស់មន្រ្តីនាយកដ្ឋានសន្តិសុខជាតិ។ ប្រភពដដែលថា ប៉ូលីសបានទទួលដីការបស់តុលាការក្រោមច្បាប់សន្តិសុខជាតិ ដើម្បីតម្រូវឱ្យអង្គភាពទាំងពីរផ្តល់ព័ត៌មានក្នុងរយៈពេលជាក់លាក់ណាមួយ។ ក្នុងសេចក្តីថ្លែងការណ៍មួយចេញពីល្ងាចថ្ងៃពុធ ប៉ូលីសបញ្ជាក់ថាខ្លួនបើកការស៊ើបអង្កេតមួយថាតើមូលនិធិនេះបានរំលោភច្បាប់សន្តិសុខជាតិ ឬបទបញ្ជាក្នុងស្រុកណាមួយផ្សេងទៀត ដោយបញ្ជាក់ថា មន្រ្តីបានទទួលដីកាពីតុលាការកំពូលដើម្បីឱ្យប៉ូលីសសន្តិសុខជាតិបង្ខំអ្នកពាក់ព័ន្ធផ្តល់ព័ត៌មានទាក់ទងនឹងការស៊ើបអង្កេត ដូចមានចែកតាមច្បាប់ដែលបង្កើតឡើងដោយរដ្ឋាភិបាលក្រុងប៉េកាំង។ ប្រហែលជាពីរសប្តាហ៍មុន ក្រុមអ្នកគ្រប់គ្រងមូលនិធិនិយាយថា មូលនិធិនឹងបិទទ្វានៅខែតុលាបន្ទាប់ពីផ្ដល់ប្រាក់ជាង ២៤៣ លានដុល្លារហុងកុងដល់អ្នកតវ៉ាដែលប្រឈមមុខនឹងការកាត់ទោសព្រហ្មទណ្ឌ ឬការលំបាកផ្នែកហិរញ្ញវត្ថុដោយសារភាពចលាចលឆ្នាំ ២០១៩។ ក្រុមដដែលនិយាយថា ការបញ្ឈប់មូលនិធិនេះគឺជៀសមិនរួចនៅពេលដែលពួកគេទទួលដំណឹងអំពីការសម្រេចចិត្តដាច់ដោយឡែកមួយដើម្បីបំបែកសម្ព័ន្ធភាពនោះទេ។ ចាប់តាំងពីច្បាប់សន្តិសុខជាតិចូលជាធរមាននៅថ្ងៃទី ៣០ ខែមិថុនាឆ្នាំមុន មនុស្ស ១៤៣ នាក់ដែលមានអាយុពី ១៥ ទៅ ៧៩ ឆ្នាំ ត្រូវបានចាប់ខ្លួន ក្នុងនោះរួមមានទាំងតំណាងរាស្រ្តគណបក្សប្រឆាំង។ រហូតមកទល់ពេលនេះ មនុស្សចំនួន ៨១ នាក់ត្រូវបានកាត់ទោស ហើយម្នាក់ត្រូវបានផ្តន្ទាទោសនៅក្នុងសវនាការ និងពីរនាក់ទៀតបានសារភាពថាមានពិរុទ្ធភាព។
-
ទីបំផុតវ៉ាក់សាំង mRNA មកដល់តៃវ៉ាន់ បន្ទាប់ពីមានរឿងចម្រូងចម្រាសកន្លងមក
វ៉ាក់សាំង mRNA ម៉ាក Pfizer-BioNTech ផលិតនៅអាល្លឺម៉ង់ចំនួន ៩០ម៉ឺនដូសនឹងដឹកជញ្ជូនមកដល់ទីក្រុងតៃប៉ិ នៅថ្ងៃព្រហស្បតិ៍នេះ។ នេះបើតាមការលើកឡើងរបស់រដ្ឋមន្ត្រីក្រសួងសុខាភិបាលនៃដែនដីកោះតៃវ៉ាន់លោក Chen Shih-chung នៅថ្ងៃពុធកន្លងទៅ។ លោកបានបន្ថែមថា កោះនៅអាស៊ីបូព៌ាមួយនេះនឹងចាប់ផ្ដើមចាក់វ៉ាក់សាំងប្រភេទ mRNA នេះ នៅពាក់កណ្ដាលខែកញ្ញា ដោយដាក់យកក្រុមមនុស្សអាយុ ១២ ដល់ ២២ឆ្នាំជាក្រុមមនុស្សគោលដៅ។ វ៉ាក់សាំងដែលផលិតនៅប្រទេសអាល្លឺម៉ង់នេះ ត្រូវបានកុម្ម៉ង់សរុប ១៥លានដូស ដោយក្រុមហ៊ុនតៃវ៉ាន់ចំនួន ៣គឺ ក្រុមហ៊ុន Foxconn ដែលជាក្រុមហ៊ុនផ្គត់ផ្គង់សម្ភារៈឱ្យក្រុមហ៊ុនគ្រឿងអេឡិចត្រូនិក Apple ក្រុមហ៊ុនផលិតឈីបតៃវ៉ាន់ (TSMC) និងមូលនិធិពុទ្ធសាសនិក Tzu Chi។ ក្រុមហ៊ុនទាំង ៣នេះទិញពីក្រុមហ៊ុនផលិតវ៉ាក់សាំង ហើយបរិច្ចាគជូនរដ្ឋាភិបាលជាអ្នកចាត់ចែង។ យ៉ាងណាមិញ បើយោងតាមការចុះផ្សាយរបស់សារព័ត៌មានរដ្ឋចិន Xinhua វ៉ាក់សាំងនេះធ្វើការចែកចាយដោយក្រុមហ៊ុនឱសថសៀងហៃ Fosun។ សារព័ត៌មាននេះបានបន្ថែមថា វ៉ាក់សាំង BioNTech ចំនួន ៩៣២ ០០០ដូសនឹងមកដល់តៃប៉ិនៅថ្ងៃព្រហស្បតិ៍ ខណៈប្រមាណ ៩១ម៉ឺនដូសទៀតនឹងមកដល់នៅសប្ដាហ៍ក្រោយ។ តៃវ៉ាន់កន្លងមកធ្លាប់ចោទរដ្ឋាភិបាលចិនដីគោកថា ធ្វើការបិទខ្ទប់មិនឱ្យខ្លួនធ្វើការចរចាក្នុងការទិញវ៉ាក់សាំង Pfizer-BioNTech ដោយផ្ទាល់ពីអាល្លឺម៉ង់។ យ៉ាងណាមិញ…