-
ប្រមុខការពារជាតិអាមេរិកហៅប្រតិបត្តិការជម្លៀសមនុស្សចេញពីអាហ្វហ្គានីស្ថានថា ជា “វីរភាព” និងជា “ប្រវត្តិសាស្រ្ត”
-
ក្រសួងការពារជាតិជប៉ុនស្នើសុំបង្កើនកញ្ចប់ថវិកាជិត៥០ពាន់លានដុល្លារ សម្រាប់ឆ្នាំការចំណាយលើវិស័យយោធាឆ្នាំ២០២២
-
អ្នកឆ្លង COVID-19 នៅទូទាំងពិភពលោកកើនឡើងដល់២១៩លាន២៦ម៉ឺននាក់ ក្នុងនោះស្លាប់ជាង៤លាន៥៤ម៉ឺននាក់ និងជាសះស្បើយ១៩៦លាន៤ម៉ឺននាក់
-
៣ប្រទេសក្បែរខាងកម្ពុជា ឆ្លងថ្មី ជាង២៦៦០០នាក់ទៀត
-
វៀតណាមប្រើ AstraZeneca ភាគច្រើន ចាក់ជាង២០លាននាក់ហើយ
-
អតិផរណានៅតំបន់ចាយប្រាក់អឺរ៉ូកើនឡើងដល់ ៣ ភាគរយ
អតិផរណានៅក្នុងតំបន់ចាយប្រាក់អឺរ៉ូ កើនឡើងដល់កម្រិតខ្ពស់បំផុតក្នុងរយៈពេលជិតមួយទសវត្សរ៍ ដោយបន្ថែមសម្ពាធលើធនាគារកណ្តាលអឺរ៉ុប ដើម្បីបន្ថយល្បឿននៃការទិញមូលបត្របំណុលរបស់ខ្លួន។ សន្ទស្សន៍ថ្លៃទំនិញប្រើប្រាស់ប្រចាំឆ្នាំនៃតំបន់ឈានដល់ ៣ ភាគរយនៅក្នុងខែសីហា កើនឡើងពី ២,២ ភាគរយនៅក្នុងខែកក្កដា ខ្ពស់ជាងអត្រាឆ្នាំមុន និងការរំពឹងទុករបស់អ្នកសេដ្ឋកិច្ចភាគច្រើន ដែលជាលទ្ធផលនៃការស្ទុះងើបឡើងវិញនៃសេដ្ឋកិច្ចនាពេលថ្មីៗនេះ។ តម្លៃទំនិញប្រើប្រាស់មិនដែលកើនឡើងយ៉ាងឆាប់រហ័សបែបនេះទេ នៅក្នុងប្លុកនៃប្រទេសទាំង១៩ ចាប់តាំងពីខែវិច្ឆិកា ឆ្នាំ ២០១១ នៅពេលធនាគារកណ្តាលអឺរ៉ុបទើបតែដំឡើងអត្រាការប្រាក់សម្រាប់តំបន់។ អត្រាអតិផរណាខ្ពស់បំផុតចន្លោះពី ៤,៥ ទៅ ៥ ភាគរយគឺនៅអេស្តូនី លីទុយអានី និងបែលហ្ស៊ិក។ បច្ចុប្បន្នមានតែប្រទេសចំនួន ៤ ប៉ុណ្ណោះដែលមានអតិផរណាក្រោម ២ ភាគរយ ធ្លាក់ចុះពី ១៦ ប្រទេសកាលពីខែមីនា។ អ្នកជំនាញថា ការស្ទុះងើបឡើងវិញនៃសេដ្ឋកិច្ចពីផលប៉ះពាល់នៃជំងឺរាតត្បាត ថ្លៃថាមពលខ្ពស់ ការផ្លាស់ប្តូរនៃការកាត់បន្ថយពន្ធបន្ថែមរបស់អាល្លឺម៉ង់កាលពីឆ្នាំមុន និងការរាំងស្ទះដល់ចង្វាក់ផ្គត់ផ្គង់ ជាកត្តាដែលធ្វើឱ្យមានកំណើនអតិផរណា។ កាលពីឆ្នាំមុន តម្លៃថាមពលកើនឡើង ១៥,៤ ភាគរយ គ្រឿងស្រវឹងនិងថ្នាំជក់បានកើនឡើង ២ ភាគរយ និងទំនិញឧស្សាហកម្មកើនឡើង ២,៧ ភាគរយ។ អតិផរណាស្នូល (Core Inflation) ដែលមិនរាប់បញ្ចូលថាមពល…
-
ឥណ្ឌាជួបពិភាក្សាជាមួយមន្ត្រីជាន់ខ្ពស់តាលីបង់លើកដំបូងចាប់ពីការដួលរលំទីក្រុងកាប៊ុល
ក្រសួងការបរទេសឥណ្ឌាបាននិយាយថាកាលពីថ្ងៃអង្គារ ទី៣១ សីហាឯកអគ្គរដ្ឋទូតរបស់ខ្លួនប្រចាំប្រទេសកាតាបានជួបជាមួយមន្ត្រីជាន់ខ្ពស់ក្រុមតាលីបង់ ដែលជាជួបប្រជុំផ្លូវការដំបូងចាប់តាំងពីក្រុមជ្រុមនិយមនេះចូលកាន់កាប់ប្រទេសអាហ្វហ្គានីស្ថាន។ លោកឯកអគ្គរដ្ឋទូតឌីប៉ាក មីតតាលបានជួបជាមួយលោកសឺរ ម៉ូហាម៉េដ អាបាស ស្តានីកហ្សៃប្រធានការិយាល័យនយោបាយតាលីបង់ប្រចាំក្រុងដូហា។ ក្រសួងការបរទេសឥណ្ឌាបាននិយាយភាគីទាំងពីរបានពិភាក្សាអំពីសុវត្ថិភាពរបស់ជនជាតិឥណ្ឌាដែលមានវត្តមាននៅអាហ្វហ្គានីស្ថាន។ លោកមីតតាលក៏បានបង្ហាញការព្រួយបារម្ភរបស់ឥណ្ឌាថាក្រុមឧទ្ទាមប្រឆាំងឥណ្ឌានៅអាចបន្តប្រើប្រាស់ទឹកដីអាហ្វហ្គានីស្ថានដើម្បីធ្វើការវាយប្រហារនៅឥណ្ឌា។ ឥណ្ឌាមានការព្រួយយ៉ាងខ្លាំងចំពោះក្រុមតាលីបង់ដោយសារក្រុមនេះមានទំនាក់ទំនងយ៉ាងជិតស្និតជាមួយសត្រូវរបស់ឥណ្ឌា គឺប្រទេសប៉ាគីស្ថាន៕
-
អង្គភាពប្រឆាំងអំពើពុករលួយម៉ាឡេស៊ីនឹងធ្វើការស៊ើបអង្កេតករណីសូកប៉ាន់ដើម្បីទិញយកប័ណ្ណចាក់វ៉ាក់សាំង
លោកAzam Bak ប្រធានគណៈកម្មាធិការប្រឆាំងអំពើពុករលួយម៉ាឡេស៊ី (MACC) បានលើកឡើងនៅក្នុងថ្ងៃអង្គារថា អង្គភាពរបស់ខ្លួននឹងធ្វើការស៊ើបអង្កេតលើការអះអាងមួយចំនួនថា គ្រូពេទ្យទទួលសំណូកពីសំណាក់អ្នកដែលមិនចង់ចាក់វ៉ាក់សាំង ដែលជាថ្នូរនឹងផ្ដល់ប័ណ្ណចាក់វ៉ាក់សាំង។ «សកម្មភាពនេះមិនមែនពាក់ព័ន្ធនឹងបញ្ហាពុករលួយនោះទេ តែថែមទាំងប៉ះពាល់ដល់កេរ្តិ៍ឈ្មោះរបស់ក្រុមអ្នកវេជ្ជសាស្ត្រទៀតផង» នេះបើតាមការលើកឡើងរបស់ប្រធាន MACC ហើយលោកបានបន្ថែមថា «មកទល់ពេលនេះ MACC មិនទាន់ទទួលបានពាក្យបណ្ដឹងទាក់ទងនឹងបញ្ហានេះទេ តែខាងយើងនឹងស៊ើបអង្កេតលើកន្លែងសង្ស័យថាបានប្រព្រឹត្តិអំពើខុសឆ្គងបែបនេះ»។ កាលពីពេលថ្មីៗនេះ សារព័ត៌មាន The Star បានចុះផ្សាយថា នៅកន្លែងចាក់វ៉ាក់សាំងមួយចំនួននៅរដ្ឋប៉េណាំង (Penang) ដែលស្ថិតនៅភាគខាងលិចឧបទ្វីបម៉ាឡេស៊ី មានទទួលការហៅចូលពីសំណាក់អ្នកប្រឆាំងនឹងការចាក់វ៉ាក់សាំង ដោយពួកគេនឹងធ្វើការទិញវ៉ាក់សាំង តែមិនចង់ចាក់នោះទេ។ ពួកគេធ្វើបែបនេះដោយគ្រាន់តែចង់បានប័ណ្ណវ៉ាក់សាំងបែបឌីជីថលប៉ុណ្ណោះ។ នៅម៉ាឡេស៊ី វិធានការរដ្ឋបាលមួយចំនួនអាចនឹងបន្ធូរបន្ថយសម្រាប់អ្នកចាក់វ៉ាក់សាំងគ្រប់ ២ដូស នៅតាមបណ្ដារដ្ឋ និងដែនដីមួយចំនួន។ ក្នុងនោះដែរ អ្នកចាក់វ៉ាក់សាំងរួចអាចចូលក្នុងភោជនីយដ្ឋាននានាបាន ហើយថែមទាំងអាចដើរផ្សាររាត្រីបានទៀតផង៕
-
សេដ្ឋកិច្ចចិនរងការវាយប្រហារដោយការរាលដាលនៃវ៉ារ្យ៉ង់ដែលតា និងបញ្ហាចង្វាក់ផ្គត់ផ្គង់
ហុងកុង៖ សេដ្ឋកិច្ចរបស់ចិនជាប់គាំងនៅខែនេះ ខណៈដែលប្រទេសនេះព្យាយាមទប់ស្កាត់ការកើនឡើងនៃករណីឆ្លងវីរុសកូរ៉ូណាថ្មី ហើយត្រូវប្រឈមមុខនឹងវិបត្តិដឹកជញ្ជូនទំនិញដែលកំពុងអូសបន្លាយ។ ការវាស់ស្ទង់ផ្លូវការស្តីពីសកម្មភាពផលិតកម្ម បានធ្លាក់ចុះដល់ ៥០,១ ក្នុងខែសីហា ពី ៥០,៤ ក្នុងខែកក្កដា លើសចំនួនកំណត់ ៥០ ពិន្ទុ ដែលបង្ហាញពីការកើនឡើងជាជាងការធ្លាក់ចុះ ប៉ុន្តែវានៅតែជាអត្រាកំណើនយឺតបំផុតចាប់តាំងពីជំងឺរាតត្បាតចាប់ផ្តើម។ វិស័យសេវាកម្មដែលបច្ចុប្បន្នជាចំណែកធំនៃប្រទេស ធ្លាក់ចុះកាន់តែអាក្រក់ទៅៗ។ សន្ទស្សន៍របស់អ្នកគ្រប់គ្រងក្នុងការទិញ (PMI) សម្រាប់វិស័យមិនមែនផលិតកម្មរបស់ចិន បានធ្លាក់ចុះមកត្រឹម ៤៧,៥ ពី ៥៣,៣ នៅក្នុងខែកក្កដា ដែលជាការធ្លាក់ចុះដំបូងចាប់តាំងពីខែកុម្ភៈឆ្នាំ ២០២០។ សេដ្ឋកិច្ចចិនដំបូងឡើយហាក់ដូចជាប្រសើរ ក្នុងពេលដែលប្រទេសនេះទប់ទល់នឹងជំងឺរាតត្បាតបានល្អ ខណៈដែលកំណត់ត្រារបស់ប្រទេសដទៃទៀតធ្លាក់ចុះ។ ប៉ុន្តែការរាលដាលនៃវ៉ារ្យ៉ង់ដែលតា និងវិធានការសូន្យ-កូវីដរបស់ចិន បានធ្វើឱ្យសេដ្ឋកិច្ចរបស់ខ្លួនធ្លាក់ចូលក្នុងអន្លង់ក្នុងរយៈពេលប៉ុន្មានសប្តាហ៍ថ្មីៗនេះ។ វិធានការតឹងរ៉ឹង និងមិនចុះចាញ់ដើម្បីទប់ស្កាត់ដែលតា ធ្វើឡើងទោះបីត្រូវលះបង់សកម្មភាពសេដ្ឋកិច្ច ដោយអាជ្ញាធរចាត់វិធានការបិទទីក្រុង លុបចោលជើងហោះហើរ និងផ្អាកពាណិជ្ជកម្មជាដើម។ ទន្ទឹមគ្នានោះ វិបត្តិដែលកំពុងកើតមានជាមួយចង្វាក់ផ្គត់ផ្គង់ពិភពលោក ធ្វើឱ្យបញ្ហាកាន់តែធ្ងន់ធ្ងរឡើង។ ពាណិជ្ជកម្មពិភពលោកមានភាពច្របូកច្របល់អស់ជាច្រើនខែ ដោយសារការផលិតកើន ហើយតម្រូវការអ្នកប្រើប្រាស់ក៏ហក់ឡើង ខណៈចង្វាក់នៃការផ្គត់ផ្គង់រអាក់រអួលបន្ថែមទៀតដោយសារកង្វះកុងតឺន័រ ការបិទរោងចក្រ ទាក់ទងនឹងវីរុសឆ្លងនៅវៀតណាម និងផលប៉ះពាល់នៃការបិទកំពង់ផែនៅក្នុងប្រទេសចិន។
-
លោកបៃដិនការពារការសម្រេចចិត្តដកទ័ពអាមេរិក បន្ទាប់តាលីបង់ប្រកាសជ័យជម្នះ
កាលពីថ្ងៃអង្គារ ទី៣១ សីហាប្រធានាធិបតីសហរដ្ឋអាមេរិកលោកចូ បៃដិនធ្វើការការពារយ៉ាងខ្លាំងចំពោះការដកទ័ពអាមេរិកចេញពីអាហ្វហ្គានីស្ថានដោយនិយាយថាវាជា «ការសម្រេចចិត្តដ៏ល្អបំផុតសម្រាប់អាមេរិក» ដើម្បីបញ្ចប់ទាំងសង្គ្រាមដ៏យូរបំផុតរបស់សហរដ្ឋអាមេរិក និងកិច្ចខិតខំប្រឹងប្រែងគ្មានផ្លែផ្កាជាច្រើនទសវត្សរ៍ដើម្បីសាងសង់ប្រទេសនេះឡើងវិញ។ ក្នុងការថ្លែងសុន្ទរកថាចំពោះប្រជាជាតិជាលើកដំបូងចាប់តាំងពីទាហានអាមេរិកចុងក្រោយចាកចេញពីប្រទេសអាហ្វហ្គានីស្ថានកាលពីមួយថ្ងៃមុន លោកបៃដិនបាននិយាយថា៖ «នេះគឺជាការសម្រេចចិត្តត្រឹមត្រូវ ការសម្រេចចិត្តដ៏ឈ្លាសវៃ ហើយជាការសម្រេចចិត្តដ៏ល្អបំផុតសម្រាប់អាមេរិក»។ លោកបៃដិនបាននិយាយថាជំពាក់ការដឹងគុណចំពោះទាហានទាំង១៣រូបដែលបាត់បង់ជីវិតក្នុងកំឡុងពេលនៃបេសកកម្មជម្លៀសប្រជាជនចេញពីក្រុងកាប៊ុល ប៉ុន្តែលោកមិនបានធ្វើការសុំទោសចំពោះការសម្រេចចិត្តរបស់លោកក្នុងការបញ្ចប់សង្គ្រាម ឬរបៀបដែលរដ្ឋបាលអនុវត្តបេសកកម្មដ៏ច្របូកច្របល់នោះទេ។ លោកបៃដិនហាក់ដូចជាមានចេតនាបដិសេធការរិះគន់ចំពោះការបញ្ចប់សង្គ្រាមរយៈពេល ២០ ឆ្នាំនេះ ដោយរំលឹកឡើងវិញអំពីវិធីនៃការសម្រេចចិត្តរបស់លោក ហើយធ្វើការបន្ទោសទៅលើអតីតប្រធានាធិបតីដូណាល់ ត្រាំថាបានការចរចាកិច្ចព្រមព្រៀងមិនល្អជាមួយក្រុមតាលីបង់ ដែលធ្វើឱ្យរដ្ឋបាលលោកមានការលំបាក។ «នោះគឺជាជម្រើស ជម្រើសពិតប្រាកដរវាងការចាកចេញ ឬការបង្កើនបន្ថែមទៀត» លោកបៃដិននិយាយក្នុងសំឡេងមានកំហឹង ហើយបន្តទៀតថា៖ «ខ្ញុំនឹងមិនបន្តសង្គ្រាមមិនចេះចប់នេះទេ ហើយខ្ញុំក៏មិនបន្តការចាកចេញមិនចេះចប់ដែរ»។ លោកក៏បានបន្ទោសរដ្ឋាភិបាលធ្លាក់ពីអំណាចរបស់លោកអាស្រាហ្វ ហ្គានី ដែលអសមត្ថភាពក្នុងការទប់ទល់ការវាយលុកយ៉ាងរហ័សរបស់ក្រុមតាលីបង់ ដែលបង្កឱ្យមានការជម្លៀសដ៏អាម៉ាស់នេះ។ លោកបៃដិននិយាយថា៖ « ប្រជាជនអាហ្វហ្គានីស្ថានបានមើលការដួលរលំរដ្ឋាភិបាលរបស់ពួកគេផ្ទាល់ និងប្រធានាធិបតីរបស់ពួកគេបានរត់គេចខ្លួនចំពេលមានការចោទប្រកាន់អំពីអំពើពុករលួយ និងភាពមិនប្រក្រតី ហើយបានប្រគល់ប្រទេសនេះទៅឱ្យសត្រូវតាលីបង់ និងបង្កើនហានិភ័យយ៉ាងខ្លាំងដល់បុគ្គលិកអាមេរិក និងសម្ព័ន្ធមិត្តរបស់យើង»។ ការសម្រេចចិត្តរបស់លោកបៃដិនក្នុងដំណាក់កាលចុងក្រោយនៃសង្គ្រាមនៅអាហ្វហ្គានីស្ថាន បានបង្កឱ្យមានការរិះគន់យ៉ាងខ្លាំងពីសមាជិកគណបក្សសាធារណរដ្ឋ និងគណបក្សប្រជាធិបតេយ្យផ្ទាល់របស់លោក ព្រមទាំងសម្ព័ន្ធមិត្តបរទេសផងដែរ។ ប្រជាជនអាមេរិកភាគច្រើនយល់ស្របនឹងការដកចេញរបស់លោកបៃដិន ប៉ុន្តែបានរិះគន់ភាពច្របូកច្របល់ និងការស្លាប់នៅដំណាក់កាលចុងក្រោយនៃការជម្លៀស។ លោកបៃដិននិយាយថា៖ «ខ្ញុំទទួលខុសត្រូវចំពោះការសម្រេចចិត្តនេះ។ ឥឡូវនេះអ្នកខ្លះនិយាយថាយើងគួរតែចាប់ផ្ដើមការជម្លៀសប្រជាជនឱ្យបានឆាប់ ហើយអាចធ្វើឡើងដោយមានសណ្ដាប់ធ្នាប់។ ខ្ញុំមិនយល់ស្របទេ»។ ខណៈពេលជើងហោះហើរយោធាអាមេរិកចុងក្រោយចាកចេញពីអាហ្វហ្គានីស្ថាន ក្រុមតាលីបង់បានប្រកាសជ័យជម្នះលើសង្គ្រាម២០ឆ្នាំនេះ។…