បរទេស៖ មន្ត្រីជាន់ខ្ពស់របស់អង្គការសហប្រជាជាតិបាននិយាយក្នុងថ្ងៃពុធ នេះថា កូរ៉េខាងជើងបានធ្វើឱ្យមានការរីកចម្រើនជាច្រើន លើផ្នែកមនុស្សធម៌ចាប់តាំងពីឆ្នាំ២០១២ បើទោះបីជាបញ្ហាប្រឈមនៅតែបន្តកើតមាន ទាក់ទងនឹងកង្វះអាហារូបត្ថម្ភ របស់កុមារ ក៏ដូចជាការខ្វះខាតទឹកស្អាត និងការផ្គត់ផ្គង់ថ្នាំពេទ្យជាដើម។

អង់គ្លេស៖ នាយករដ្ឋមន្រ្តីអង់គ្លេសលោកស្រី ថេរ៉េសា ម៉ាយ បាននិយាយថា ចក្រភពអង់គ្លេសនឹងនៅតែបន្តជាសម្ព័ន្ធមិត្តដ៏រឹងមាំជាងគេបំផុតរបស់សហរដ្ឋអាម៉េរិក ខណៈការអះអាងនេះ ធ្វើឡើងស្របពេលប្រទេសលោកស្រីកំពុងរៀបចំទទួលស្វាគមន៍ដំណើរ ទស្សនកិច្ចរបស់ប្រធានាធិបតីអាម៉េរិកលោក ដូណាល់ ត្រាំ ។  លោក ដូណាល់ ត្រាំ នឹង ធ្វើដំណើរមកដល់អង់គ្លេសនារសៀលថ្ងៃព្រហស្បតិ៍តនេះ (ម៉ោងក្នុងតំបន់) ហើយនឹងត្រូវទទួលស្វាគមន៍ដោយនាយករដ្ឋមន្រ្តីអង់គ្លេសលោកស្រី ថេរ៉េសា ម៉ាយ នៅឯវិមាន ប្លែនហេម នាពេលល្ងាចថ្ងៃដដែល ។

ជប៉ុន៖ តួលេខជនរងគ្រោះបាត់បង់ជីវិត ក្នុងហេតុការណ៍គ្រោះទឹកជំនន់ និងបំណាក់ដីដ៏ធ្ងន់បំផុតនៅប្រទេសជប៉ុន រហូតមកទល់ព្រឹកថ្ងៃព្រហស្បតិ៍ត នេះបានបន្តឡើងដល់១៩៩នាក់ហើយ និងរាប់សិបនាក់ផ្សេងទៀតកំពុងបន្តបាត់ខ្លួននៅឡើយ។ បើតាមការសន្និដ្ឋាននោះ មនុស្សបាត់ខ្លួនទំនងជាកំពុងជាប់ក្រោម គំនរល្បាប់ភក់ និងផ្ទះសម្បែងដែលបាក់រលំ ។

ថៃ៖ ក្រុមហ៊ុន អេសស៊ីជី រៀបចំវេទិកាសកលមួយស្ដីពីការអភិវឌ្ឍប្រកបដោយនិរន្តរភាពក្នុងប្រទេសថៃ ក្រោមកម្មវិធីឈ្មោះថា “សិក្ខាសាលាពិភាក្សាអំពីការអភិវឌ្ឍប្រកបដោយនិរន្តរភាពឆ្នាំ2018” និងក្រោមទស្សនទាន “សេដ្ឋកិច្ចវិលជុំ៖ អនាគតដែលយើងបង្កើតឡើង” ។

ភ្នំពេញ ៖ បុរសម្នាក់ស្រវឹងស្រាឡើងជោកជាំ បានបើករថយន្តយ៉ាងលឿន ហើយជ្រុលទៅបុករថយន្តដែលចតនៅចញ្ចើមផ្លូវចំនួន៣គ្រឿង បណ្ដាលឲ្យរងការខូចខាតយ៉ាងដំណំ សំណងល្អមិនបង្កឲ្យមនុស្សរងរបួស។

អឺរ៉ុប៖ ប្រធានាធិបតីសហរដ្ឋអាម៉េរិក លោក ដូណាល់ ត្រាំ នឹងជួបពិភាក្សាការងារជាមួយ ក្រុមមេដឹកនាំអង្គការណាតូ សម្រាប់កិច្ចប្រជុំដ៏ផុយស្រួយមួយ នៅឯជំនួបកំពូលក្នុង ទីក្រុងព្រុចសែល ប្រទេសប៊ែលហ្ស៊ិក នៅក្នុងថ្ងៃពុធ នេះ។ មុនដំណើរទស្សនកិច្ចរបស់ខ្លួន លោក ដូណាល់ ត្រាំ បានបង្ហាញនូវប្រតិកម្មយ៉ាងខ្លាំងចំពោះសហភាពអឺរ៉ុប ពាក់ព័ន្ធនឹងបញ្ហាពាណិជ្ជកម្មទៅលើប្រទេសសម្ព័ន្ធមិត្តអង្គការណាតូ សម្រាប់ការខកខានចំណាយលុយគ្រប់គ្រាន់ទៅលើវិស័យការពារជាតិ។

សហរដ្ឋអាម៉េរិក៖ ក្រុមហ៊ុនបណ្តាញសង្គម Facebook នឹងត្រូវពិន័យជាប្រាក់ចំនួន ៥០០.០០០ផោន ដែលស្មើនឹងប្រមាណ៦៦៣.០០០ដុល្លារអាម៉េរិកលើការរំលោភបំពានលើទិន្នន័យ ដែលជាប់ពាក់ព័ន្ធនឹងរឿងអាស្រូវរបស់អង្គភាពទិន្នន័យ Cambridge Analytica ។ រឿងអាស្រូវនេះ បានកើតឡើងមុនពេលច្បាប់ថ្មី ស្តីពីការការពារទិន្នន័យរបស់សហភាពអឺរ៉ុប ដែលអនុញ្ញាតឲ្យមានការពិន័យកាន់តែច្រើន ។

អង់គ្លេស៖ នាយករដ្ឋមន្រ្តីអង់គ្លេសលោកស្រី ថេរ៉េសា ម៉ាយ បាននិយាយថា លោកស្រីមានសមត្ថភាពអាចសម្រេចគម្រោងដកខ្លួនចេញពីសហភាពអឺរ៉ុបបាន បើទោះជាមន្រ្តីធំៗបានដាក់ពាក្យលាឈប់ជាបន្តបន្ទាប់ ដោយសារបញ្ហាវិវាទនៃការចរចាគម្រោងព្រីហ្ស៊ីតនេះ។ ស្របពេលជាមួយគ្នានោះដែរ អ្នកវិភាគក៏បានធ្វើការទស្សន៍ទាយផងដែរថា មន្រ្តីបក្សអភិរក្សនិយមឯទៀតៗនឹងដើរចេញពីតួនាទីរបស់ខ្លួនថែមទៀតនៅប៉ុន្មានថ្ងៃខាងមុខនេះ ។