រុស្ស៊ី៖ វិមានក្រឹមឡំាងបានលើកឡើងថា ប្រធានាធិបតីរុស្ស៊ីលោក វ៉្លាឌីមៀ ពូទីន និងសមភាគីតួកគីលោក តាយយីប អឺដូហ្គាន់ បានធ្វើកិច្ចពិភាក្សារួមគ្នាមួយស្តីអំពីជំហានដែលឈានឆ្ពោះទៅរកដំណោះស្រាយបញ្ចប់វិបត្តិនៅប្រទេសស៊ីរី ដែលការជជែកគ្នានេះ ធ្វើឡើងតាមរយៈកិច្ចសន្ទនាតាមប្រព័ន្ធទូរសព្ទ។

ជប៉ុន៖ យោងតាមប្រភពរបស់អាជ្ញាធរជប៉ុនបានឲ្យដឹងថា មនុស្សចំនួន២១០ នាក់ត្រូវបានគេរាយការណ៍ថា បានបាត់បង់ជីវិត និង២២នាក់ផ្សេងទៀតនៅតែបន្តបាត់ខ្លួននៅឡើយ ដោយសារតែគ្រោះទឹកជំនន់ និងបំណាក់ដី ដែលបង្កឡើងពីភ្លៀងធ្លាក់ខ្លំាំងវាយប្រហារបណ្តាផ្នែកជាច្រើនៅភាគខាងលិចប្រទេស។

ប៉ាគីស្ថាន៖ តួលេខជនរងគ្រោះបាត់បង់ជីវិត ដោយសារករណីបំផ្ទុះគ្រាប់បែកអត្តឃាត ដែលបានកើតឡើងនៅចំពេលនៃការជួបជុំគ្នាយ៉ាងធំសម្បើមរបស់ក្រុមអ្នកគាំទ្រគណបក្សនយោបាយមួយនៅទីក្រុងម៉ាស្តាំង ខេត្តបាឡូជីស្ថាន ភាគនិរតីប្រទេស បានកើនឡើងដល់១៤៩នាក់ហើយ គិតត្រឹមថ្ងៃអាទិត្យ ម្សិលមិញនេះ ។

សហរដ្ឋអាម៉េរិក៖ យោងតាមប្រភពរបស់សារព័ត៌មាន Channel News Asia បាន ឲ្យដឹងថា មុនពេលធ្វើដំណើរទៅកាន់ទីក្រុងហែលស៊ីនគី ប្រទេសហ្វាំងឡង់ ដើម្បីចូលរួមក្នុងជំនួបកំពូលមួយទល់នឹងមួយ ជាមួយប្រធានាធិបតីរុស្ស៊ីលោក វ្ល៉ាឌីមៀ ពូទីន នៅក្នុងថ្ងៃចន្ទ សប្តាហ៍នេះ លោក ដូណាល់ ត្រាំ បានហៅចិន រុស្ស៊ី និងសហភាពអឺរ៉ុបថា ជាសត្រូវ។

សហរដ្ឋអាម៉េរិក៖ រដ្ឋមន្រ្តីការបរទេសអាម៉េរិក លោក ម៉ៃ ប៉ុមប៉េអូ បានបញ្ជាក់់ជាថ្មីថា រដ្ឋាភិបាលទីក្រុងព្យុងយ៉ាង និងទីក្រុងវ៉ាស៊ីនតោនឈានដល់កិច្ចព្រមព្រៀងស្ដីពីការចាប់ផ្ដើមឡើងវិញ នូវការស្វែងរកអដ្ឋិធាតុកងទ័ពអាម៉េរិករាប់ពាន់នាក់ ដែលបានស្លាប់នៅក្នុងសង្រ្គាមកូរ៉េឆ្នំាំ១៩៥០-១៩៥៣ ។

រ៉ង់ហ្គូន៖ ដី​ដ៏ធំមួយបាក់សង្គ្រប់មកភ្លាមៗបណ្តាលឲ្យមនុស្ស១៥នាក់ ស្លាប់ និង ៤៥នាក់ ផ្សេងទៀត របួស នៅ​តំបន់ជីកយករ៉ែ Hpakant នៃរដ្ឋកាជីន ភាគខាងជើង​ប្រទេសមីយ៉ាន់ម៉ា។ នេះបើតាមការ​ចេញផ្សាយដោយ ស៊ីនហួរ នារសៀល​ថ្ងៃអាទិត្យ ទី១៥ ខែកក្កដា ឆ្នាំ២០១៨។ គ្រោះថ្នាក់ខាង​លើ​នេះ បានកើតចេញពីការ​បាក់ដីនៅជុំវិញ​រណ្តៅរ៉ែ ដែលត្រូវបាន​ជីកដោយ​ក្រុមហ៊ុន Mahar Asa Pahtama មកគ្របសង្កត់​លើកម្មករ និងអ្នកជីកដី​ដែលកំពុង​បំពេញការងារនៅទីនោះ​តែម្តង។ គួរបញ្ជាក់ថា អាជ្ញាធរមីយ៉ាន់ម៉ាកំពុងស្វែងរក​មនុស្សបាត់ខ្លួន​​បន្ថែមទៀត ចាប់តាំងពីហេតុការណ៍​បានកើតឡើង​កាលពីល្ងាច​ថ្ងៃសៅរ៍ រហូត​មកដល់ថ្ងៃអាទិត្យ​នេះ៕

  ហែលស៊ីនគី៖ ទីក្រុងហែលស៊ីនគី ត្រូវបានគ្រប់គ្នាទទួល​ស្គាល់ថា ជាចំណុចដ៏មមាញឹកមួយ​នៃចរន្ត​លំហូរ​សេដ្ឋកិច្ចរបស់​តំបន់អឺរ៉ុប ខណៈគ្រាន់តែកំពុងផែ​អន្តរជាតិនៅទីនេះ ក៏ស្ទើរតែធ្វើ​ឲ្យ​ទីក្រុង​ទាំងមូលរកពេល​សម្រាកស្ទើរគ្មាន​ទៅហើយ។ ការជ្រើសរើស​យកទីក្រុងចំណាស់ នៃទ្វីបអឺរ៉ុប​មួយ​នេះ ធ្វើជាទីស្វាគមន៍​ជំនួបកំពូល ត្រាំ-ពូទីន គឺមិនមែនជារឿង​ចៃដន្យ​ឡើយ ដោយថ្នាក់ដឹកនាំ​ពិធីការ​នៃប្រទេសទាំងពីរ បានគិតគូរអំពី​ភាពងាយស្រួល នៃមេដឹកនាំ​ទាំងពីរ​ ព្រោះតំបន់នេះ​ស្ថិតនៅមិនឆ្ងាយ​ប៉ុន្មានពីទីក្រុងម៉ូស្គូ​ប្រទេសរុស្ស៊ី និងស្ថិតនៅក្នុង​ទ្វីបអឺរ៉ុប ដែលចំពេល​លោក ត្រាំ ទើបបញ្ចប់ការចូលរួម​កិច្ចប្រជុំកំពូល​អង្គការ NATO។ ទីក្រុងហែលស៊ីនគី​ដែលជារដ្ឋធានី​នៃប្រទេសហ្វាំងឡង់ គឺ​កំពុងតែរៀបចំ​សណ្តាប់ធ្នាប់ និងសន្តិសុខ​ខ្ពស់បំផុត ដើម្បីត្រៀមទទួល​មេដឹកនាំមហាអំណាច​យោធា​កំពូលៗទាំងពីរ​នៅលើ​ពិភពលោក គឺប្រធានាធិបតី​អាមេរិក លោក ដូណាល់ ត្រាំ និងប្រធានាធិបតី​រុស្ស៊ី លោក វ៉្លាឌីមៀ ពូទីន ដែលនឹងមកជួបគ្នា​ជាលើកដំបូងនៅទីនេះ នាសប្តាហ៍ក្រោយ។ នេះបើតាម​​ការចេញផ្សាយ​​ដោយ ទីភ្នាក់ងារ​ព័ត៌មានចិន ស៊ីនហួរ នាព្រឹក​ថ្ងៃអាទិត្យទី១៥ ខែកក្កដា ឆ្នាំ២០១៨។     បន្ថែមពីនេះទៀត បើយើងរំលឹកអំពីប្រវត្តិសាស្ត្រ​បន្តិច គឺកាលពីជំនួបនៃ​អតីតប្រធានាធិបតី​អាមេរិក លោក ចច ប៊ូស (George Bush)…

សហរដ្ឋអាម៉េរិក៖ មុនជំនួបកំពូលរវាងលោក ដូណាល់ ត្រាំ និងលោក វ៉្លាឌីមៀ ពូទីន ចាប់ផ្តើមឡើង មន្រ្តីស៊ើបការណ៍សម្ងាត់រុស្ស៊ីចំនួន១២នាក់ រងការចោទប្រកាន់ជាផ្លូវការពីបទវាយលុកតាមប្រព័ន្ធព័ត៌មានវិទ្យា ទៅលើយុទ្ធនាការបោះឆ្នោតជ្រើសរើសប្រធានាធិបតីអាម៉េរិកកាលពីឆ្នាំ២០១៦ របស់លោកស្រី ហ៊ីឡារី គ្លីនតុន និងគណបក្សប្រជាធិបតេយ្យ។

សហរដ្ឋអាម៉េរិក៖ កងស្វ័យការពារជប៉ុន និងកងយោធាសហរដ្ឋអាម៉េរិកបានសហការគ្នាធ្វើការសាកល្បងមីស៊ីលរបស់ជប៉ុន Type 12 ដែលជាប្រភេទមីស៊ីលវាយប្រហារចេញពីផ្ទៃដីទៅកាន់នាវា ដែលហៅកាត់ថា SSM-12 តាមរយៈការបាញ់មីស៊ីលនេះ ទៅកាន់នាវាមួយគ្រឿងនៅចម្ងាយជិត១០០គីឡូម៉ែត្រពីតំបន់ឆ្នេរនៃកោះ កូអៃ របស់រដ្ឋ ហាវ៉ៃ នៅមហាសមុទ្រប៉ាស៊ីហ្វិក។