ខេត្តរតនគិរី៖ នាព្រឹកថ្ងៃទី២៤ ខែកក្កដា ឆ្នាំ២០២២នេះ គណបក្សប្រជាជនកម្ពុជា ខេត្តរតនគិរី បេីកកិច្ចប្រជុំផ្សព្វផ្សាយ ស្ដីពីលទ្ធផលនៃសន្និបាតគណៈកម្មាធិការកណ្ដាលវិសាមញ្ញ របស់គណបក្សប្រជាជនកម្ពុជា ក្រោមអធិបតីភាពដ៏ខ្ពង់ខ្ពស់ ឯកឧត្តម ជៀង អំ ប្រធានក្រុមការងារគណបក្សចុះមូលដ្ឋានខេត្តរតនគិរី នៅសាលប្រជុំ ឯកឧត្តមព្រឹទ្ធាចារ្យ ប៊ូ ថង ។

ភ្នំពេញ៖ លោក កើត ឆែ អភិបាលរងរាជធានីភ្នំពេញ តំណាងឱ្យ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ បញ្ជាក់ថា៖ ការវិនិយោគនៅប្រទេសកម្ពុជា ពិសេសលើវិស័យអចលនទ្រព្យ មានភាពរីកចម្រើនខ្លាំងក្លា នាពេលបច្ចុប្បន្ននេះ មានកត្តា២យ៉ាង នោះគឺ កត្តាសន្តិភាព និងមានស្ថេរភាពនយោបាយ ដែលកម្ពុជា ពិសេសសម្តេចតេជោ ហ៊ុន សែន នាកយរដ្ឋមន្ត្រីនៃកម្ពុជា ប្រឹងប្រែងរកបានមកដោយលំបាក។

ត្បូងឃ្មុំ៖ ព្រះវិហារចាស់ទ្រុឌទ្រោមនៅក្នុងវត្តបុទុមព្រឹក្ស ហៅវត្តពពេល ស្ថិតក្នុងភូមិពពេល ឃុំពពេល ស្រុកពញាក្រែក ខេត្តត្បូងឃ្មុំ ត្រូវបានវាយចោល និងជំនួសមកវិញជាព្រះវិហារថ្មី ក្រោមការផ្តួចផ្តើម សាងសង់ដោយសម្តេចអគ្គមហាពញាចក្រី ហេង សំរិន ប្រធានរដ្ឋសភា និងសម្តេចធម្មវិសុទ្ធវង្សា សៅទី ហេង សំរិន ឯកឧត្តម វង សូត រដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា និង លោកជំទាវ ឯកឧត្តម កែវ ពិសិដ្ឋ អ្នកតំណាងរាស្ត្រខេត្តត្បូងឃ្មុំ និងលោកជំទាវ ដោយមានការចូលរួម ពីឯកឧត្តម លោកជំទាវ លោក លោកស្រី អ្នកនាងកញ្ញាជាពុទ្ធបរិស័ទជិតឆ្ងាយផងដែរ ។

កំពត៖ ឯកឧត្តម សោម ចិន អ្នកតំណាងរាស្ត្រមណ្ឌលកំពត ឯកឧត្តម សោម ពិសិដ្ឋ អភិបាលនៃគណៈអភិបាលខេត្តកែប រួមនិងក្រុមគ្រួសារ សាច់ញាតិ ព្រមទាំង ថ្នាក់ដឹកនាំ ក្រុមការងារ មន្ត្រីរាជការ អាជ្ញាធរគ្រប់លំដាប់ថ្នាក់នៃក្រុងកំពត នៅថ្ងៃទី២៣ ខែកក្កដា ឆ្នាំ២០២២ បាននាំយកទៀនព្រះវស្សា បច្ច័យទេយ្យវត្ថុមានគ្រឿងឧបភោគបរិភោគនិងភេសជ្ជៈ ទៅប្រគេនព្រះសង្ឃ ដែលនិមន្តមកពីវត្តចំនួន៧ ក្នុងក្រុងកំពត និងស្រុកទឹកឈូ ខេត្តកំពត ដែលពិធីនេះបានធ្វើឡើង នៅវត្តត្រើយកោះសង្កាត់ត្រើយកោះ ក្រុងកំពត ។

ភ្នំពេញ៖ ក្រសួងសុខាភិបាល នៅថ្ងៃទី២៤ ខែកក្កដានេះ បានចេញសេចក្តីណែនាំក្រើនរំលឹក ពីវិធានការការពារជាមុននូវការចម្លងជំងឺអុតស្វា។ នេះបើតាមសេចក្តីជូនដំណឹងដែលបណ្តាញអប្សរាព័ត៌មាន (AMS) ទទួលបាន

គណៈកម្មាធិការជាតិស្បៀស្បាល់អូឡាំពិកកម្ពុជា បានធ្វើកម្មវិធីត្រួតពិនិត្យ សុខភាព និងកម្មវិធីកីឡាសម្រាប់ក្មេងៗ ដើម្បីលើកកម្ពស់ និងផ្តល់កម្លាំងចិត្តដល់ជនមានពិការភាព ។ ពិធីនេះធ្វើឡើង ក្នុងវិទ្យាល័យអប់រំពិសេស ក្រុងតាខ្មៅ ខេត្តកណ្តាល កាលពីថ្ងៃទី២២ ខែកក្កដា ឆ្នាំ២០២២ ជូនដល់ជនមានពិការភាព ជាង១៥០នាក់ និងមានការចូលរួមពីអាណាព្យាបាល មន្រ្តីអប់រំ និងអ្នកពាក់ព័ន្ធជុំវិញខេត្តជាច្រើនទៀតផងដែរ ។

ភ្នំពេញ៖ អគ្គស្នងការរងនគរបាលជាតិ នាយឧត្តមសេនីយ៍ ឆៃ ស៉ីណារិទ្ធ នៅយប់ថ្ងៃទី២៣ ខែកក្កដា ឆ្នាំ២០២២ បានអំពាវនាវដល់បុគ្គល២រូប ដែលបានដឹកជនជាតិនីហ្សេរីយ៉ាផ្ទុកជំងឺអុតស្វា ទៅកាន់ផ្ទះសំណាក់ស្លឹកមាស ត្រូវចូលខ្លួនជាបន្ទាន់ដើម្បីធ្វើការពិនិត្យសុខភាព ក្រោយប៉ះពាល់ផ្ទាល់ជាមួយអ្នកជំងឺ។

ភ្នំពេញ៖ ក្រសួងសុខាភិបាលកម្ពុជា នៅថ្ងៃទី២៣ ខែកក្កដា ឆ្នាំ២០២២ បានប្រកាសអំពីការរកឃើញបុរសជនជាតិនីហ្សេរីយ៉ាដែលមានជំងឺអុតស្វា នៅរាជធានីភ្នំពេញ។

ភ្នំពេញ៖ បន្ទាប់ពីទទួលបានព័ត៌មានបុរសជនជាតិនីហ្សេរីយ៉ា ដែលកើតជំងឺ «អុតស្វា» ដែលបានរត់គេចពីប្រទេសថៃ ចូលមកប្រទេសកម្ពុជានោះ អជ្ញាធរ និងកម្លាំងជំនាញសមត្ថកិច្ចគ្រប់ស្ថាប័នបានធ្វើការស្រាវជ្រាវក៏បានរកឃើញ និងឃាត់ខ្លួននាព្រលប់ថ្ងៃទី២៣ ខែកក្កដា ឆ្នាំ២០២២នេះ នៅម្ដុំផ្សារដើមថ្កូវខណ្ឌចំការមន រាជធានីភ្នំពេញ។