(ភ្នំពេញ)៖ គ្រូបង្វឹក និងកីឡាករ-កីឡាការិនី ជម្រើសជាតិកីឡាទូក បាទទួល ការឧបត្ថម្ភកង់ចំនួន ៣៥គ្រឿង ដើម្បីមាន ភាព ងាយស្រួល ក្នុងការធ្វើ ដំណើរ ទៅកន្លែង ហ្វឹកហាត់ នៅ ក្នុង សហព័ន្ធកីឡាទូកកានូ និង រ៉ូ អ៊ីង កម្ពុជា។ ពិធីប្រគល់ទទួលនេះ ត្រូវបានធ្វើឡើង នារសៀលថ្ងៃទី៦ ខែឧសភា ឆ្នាំ២០២២ ក្រោមអធិបតីភាព ឯកឧត្តម ប៉ាន សូរស័ក្តិ រដ្ឋមន្ត្រី ក្រសួង ពាណិជ្ជកម្ម និង ជាអនុ ប្រធាន ទី១ សហព័ន្ធកីឡាទូកកានូ និ ង រ៉ូ អ៊ីង កម្ពុជា និងមានការចូលរួមពីថ្នាក់នាំក្រសួងពាណិជ្ជកម្ម គ្រូបង្វឹក និងកីឡាករ-កីឡាករិនី ជាច្រើនរូប។

កំពង់ចាម៖ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍នាព្រឹកថ្ងៃទី៧ ខែឧសភា ឆ្នាំ២០២២ បានដឹកនាំគណៈប្រតិភូក្រសួងប្រៃសណីយ៍ និងទូរគមនាគមន៍ អញ្ជើញដាក់កម្រងផ្កាចូលរួមរំលែកទុក្ខ និងគោរពវិញ្ញាណក្ខន្ធ ឯកឧត្តម ហ៊ុន ណេង សមាជិកអចិន្ត្រៃយ៍រដ្ឋសភា អ្នកតំណាងរាស្ត្រមណ្ឌលខេត្តកំពង់ចាម និងជាប្រធានគណៈកម្មការទី៤ នៃរដ្ឋសភា ដែលបានទទួលមរណភាព កាលពីថ្ងៃព្រហស្បតិ៍ ទី៥ ខែឧសភា ឆ្នាំ២០២២ ក្នុងជន្មាយុ ៧២ឆ្នាំ ដោយរោគាពាធ។

ភ្នំពេញ៖ ប្រមុខរាជរដ្ឋាភិបាលកម្ពុជា បានប្រកាសពីកំណត់ត្រាជោគជ័យថ្ងៃនេះ ដោយគ្មានអ្នកឆ្លងជំងឺកូដសូម្បីតែម្នាក់។ នេះបើយោងតាមសារជាសំលេងពិសេស របស់សម្តេចតេជោ ហ៊ុន សែន នាយករដ្ឋមន្រ្តីកម្ពុជា នោល្ងាចថ្ងៃទី០៦ ខែឧសភា ឆ្នាំ២០២២ ។

ព្រះករុណា ព្រះបាទសម្តេច​ព្រះបរមនាថ នរោត្តម សីហមុនី ព្រះ​មហាក្សត្រ នៃ​ព្រះរាជាណាចក្រកម្ពុជា នៅថ្ងៃទី០៧ ខែឧសភា ឆ្នាំ២០២២នេះ បាន​ចេញព្រះរាជក្រឹត្យត្រាស់បង្គាប់ផ្តល់គោរម្យងារជូនឯកឧត្តម ហ៊ុន ណេង ជាសម្តេចឧត្តមទេពញាណ ហ៊ុន ណេង។

ខេត្តកំពង់ចាម៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច បានដឹកនាំគណៈប្រតិភូក្រសួង អញ្ជើញចូលរួមគោរពវិញ្ញាណក្ខន្ធសព ឯកឧត្តមព្រឹទ្ធាចារ្យ ហ៊ុន ណេង នារសៀលថ្ងៃសៅរ៍ ៧កើត ខែពិសាខ ឆ្នាំខាល ចត្វាស័ក ព.ស. ២៥៦៥ ត្រូវនឹង ថ្ងៃទី៧ ខែឧសភា ឆ្នាំ២០២២ ។