ភ្នំពេញ៖ ជាការលើកទឹកចិត្ត ចំពោះស្នាដៃប្រកបដោយភាពច្នៃប្រឌិតខ្ពស់ របស់និស្សិតដែលកំពុងសិក្សារៀនសូត្រនៅក្នុងវិទ្យាស្ថានជាតិពហុបច្ចេកទេសកម្ពុជា ឯកឧត្តម ហេង សួរ រដ្ឋលេខាធិការក្រសួងការងារ និងបណ្តុះបណ្តាលវិជ្ជាជីវៈ បានដឹកនាំគណៈប្រតិភូរបស់ក្រសួង និងសប្បុរសជន ដែលមាន អ្នកឧកញ៉ា ឡេង ណាវ៉ាត្រា និងអ្នកឧកញ៉ា ឡេង ប្រុស អញ្ជើញសំណេះសំណាល និងផ្តល់ការឧបត្ថម្ភគាំទ្រជាថវិកាជាទឹកប្រាក់ ចំនួន ១៥,០០០ដុល្លារអាម៉េរិក សម្រាប់ទ្រទ្រង់លើការស្រាវជ្រាវ​បន្ថែមរបស់ក្រុមនិស្សិតដែលមានសមត្ថភាពខ្ពស់ ក្នុងការផលិតដ្រូននេះឡើង។ ឯកឧត្តម ហេង សួរ បានសម្តែងនូវមោទនភាពក្រៃលែង ចំពោះប្អូនៗនិស្សិត ដែលបានបង្កើតស្នាដៃដ៏អស្ចារ្យនេះឡើង ដែលអាចចាត់ទុកបានថា នេះជាស្នាដៃដំបូងបំផុតសម្រាប់កម្ពុជាដែលមានក្រុមនិស្សិតដូចជាប្អូនៗបានរៀបចំបង្កើតដ្រូននេះឲ្យចេញជារូបរាងឡើង។​ ឯកឧត្តមរដ្ឋលេខាធិការ លើកឡើងថា យើងធ្លាប់តែឃើញប្រទេសអភិវឌ្ឍន៍ ដែលមានវិទ្យាសាស្ត្ររីកចម្រើនខ្លាំងនោះ បង្កើតដ្រូនប្រភេទនេះ ដើម្បីបម្រើសេចក្តីត្រូវការផ្នែកឧស្សាហកម្ម កសិកម្ម និងសេវាកម្មដទៃផ្សេងទៀត ប៉ុន្តែបើយើងក្រឡេកមកមើលការរៀបចំដ្រូនរបស់ក្រុមនិស្សិតនៃវិទ្យាស្ថានពហុបច្ចេកទេសកម្ពុជា ពិតជាមិនចាញ់ដ្រូន​ដែលបង្កើតឡើងដោយបណ្តាប្រទេសរីកចម្រើនខាងបច្ចេកវិទ្យាទាំងនោះផងទេ។ ភាពច្នៃប្រឌិត កើតចេញពីការប្រឹងប្រែងស្រាវជ្រាវ​ពីសំណាក់ប្អូនៗនិស្សិតទាំងនេះ ព្រមទាំងទទួលបានការណែនាំចង្អុលបង្ហាញពីសាស្ត្រាចារ្យ និងថ្នាក់ដឹកនាំរបស់វិទ្យាស្ថានជាតិពហុបច្ចេកវិទ្យាកម្ពុជាផងដែរនោះ ឯកឧត្តម ហេង សួរ រំពឹងយ៉ាងមុតមាំថា ស្នាដៃថ្មីៗបន្ថែមទៀត នឹងកើតចេញជាផ្លែផ្កា មានភាពទំនើប ទាន់សម័យ ដើម្បីបម្រើតម្រូវការចាំបាច់នៅក្នុងជីវភាពរស់នៅប្រចាំថ្ងៃរបស់យើង…

កែប៖ រដ្ឋមន្ត្រីក្រសួងទេសចរណ៍ ឯកឧត្តម ថោង ខុន បានលើកឡើងថា ស្ថិតក្នុងដំណាក់កាលនៃវិបត្តិកូវីដនេះ ការផ្សព្វផ្សាយពីគោលដៅទេសចរណ៍ខេត្តកែប មិនអាចកាត់ផ្ដាច់ពីគោលដៅទេសចរណ៍ខេត្តកំពត និងខេត្តជាប់តំបន់ឆ្នេរដទៃទៀតបានឡើយ ដូច្នេះត្រូវតែមានការតភ្ជាប់គោលដៅទេសចរណ៍រួមគ្នា សំដៅបង្កើនសក្ដានុពលដើម្បីអាចប្រកួតប្រជែងភាពទាក់ទាញជាមួយប្រទេសជិតខាង។ ការថ្លែងបែបនេះរបស់ ឯកឧត្តមរដ្ឋមន្ត្រី ធ្វើឡើងក្នុងកិច្ចប្រជុំឆ្លងសេចក្ដីព្រាងផែនការមេអភិវឌ្ឍវិស័យទេសចរណ៍ខេត្តកែប ឆ្នាំ២០២១-២០៣៥ នៅសាលាខេត្តកែប នាព្រឹកថ្ងៃទី២៩ ខែកញ្ញា ឆ្នាំ២០២១ ក្នុងនោះក៏មានការចូលរួមពីសំណាក់លោក សោម ពិសិដ្ឋ អភិបាលខេត្តកែប និងថ្នាក់ដឹកនាំក្រសួង-ស្ថាប័នមួយចំនួនទៀត ដែលធ្វើឡើងដោយផ្ទាល់ផង និងតាមប្រព័ន្ធវីដេអូខន់ហ្វេរិនផង។ ឯកឧត្តម នី ផល្លី អនុរដ្ឋលេខាធិការក្រសួងទេសចរណ៍ និងជាប្របធានលេខាធិការនៃគណៈកម្មការអន្តរក្រសួងដើម្បីសិក្សារៀបចំផែនការអភិវឌ្ឍទេសចរណ៍ខេត្តកែប បានឱ្យដឹងថា ក្នុងការសិក្សារៀបចំផែនការមេនេះ ក្រុមការងារអន្តរក្រសួងក៏បានសិក្សាពីបទពិសោធន៍នៃការអភិវឌ្ឍទីក្រុងទេសចរណ៍របស់ប្រទេសមួយចំនួន ដូចជានៅប្រទេសបារាំងជាដើម។ លោកបានបន្តថា ក្នុងបរិបទវិបត្តិកូវីដ-១៩នេះ កម្ពុជាមិនអាចយកគោលដៅតែមួយទៅប្រកួតប្រជែងជាមួយប្រទេសជិតខាងបានឡើយ ពោលគឺចាំបាច់ទាមទារឱ្យមានការរៀបចំគោលដៅជិតៗគ្នាជាគោលដៅរួមតែមួយ តួយ៉ាងដូចជាតំបន់ឆ្នេរសមុទ្រដែលមានខេត្តកោះកុង ខេត្តព្រះសីហនុ ខេត្តកំពត និងខេត្តកែបនេះជាដើម។ ឯកឧត្តមរដ្ឋមន្ត្រី ថោង ខុន ក៏បានបញ្ជាក់ដែរថា «ការផ្សព្វផ្សាយពីគោលដៅទេសចរណ៍ខេត្តកែប មិនអាចកាត់ផ្ដាច់ពីគោលដៅទេសចរណ៍ខេត្តកំពត និងខេត្តជាប់តំបន់ឆ្នេរដទៃទៀតបានឡើយ ដូច្នេះត្រូវតែមានការតភ្ជាប់គោលដៅទេសចរណ៍រួមគ្នា សំដៅបង្កើនសក្ដានុពលដើម្បីអាចប្រកួតប្រជែង​ភាពទាក់ទាញជាមួយប្រទេសជិតខាង»។ ឯកឧត្តមរដ្ឋមន្ត្រីបានទទួលយកសំណើពីអង្គប្រជុំ លើការសហការជាមួយរដ្ឋបាលខេត្តជាប់តំបន់ឆ្នេរទាំងនោះ…

ខេត្តកំពង់ធំ ៖ ឧត្ដមសេនីយ៍ទោសោម ស៊ុន ប្រធាគណៈកម្មាធិការសមាគមអតីតយុទ្ធជនខេត្តកំពង់ធំ និងលោកជា គឿន អនុប្រធានមន្ទីរ សង្គមកិច្ចអតីតយុទ្ធជន និងយុវនិតិសម្បទា បានអញ្ជើញប្រគល់ថវិកាជិត១០០លានរៀល ប្រគល់ជូនគ្រួសារសពអតីតយុទ្ធជន ១០គ្រួសារ នារសៀលថ្ងៃទី២៩ ខែកញ្ញា ឆ្នាំ២០២១ នៅផ្នែកសឹករងស្ទឹងសែន សង្កាត់អាចារ្យលាក់ ក្រុងស្ទឹងសែន ខេត្តកំពង់ធំ ។ លោក ជា គឿន អនុប្រធានមន្ទីរ និងលោកស្រី កែវ ចន្ធូ ប្រធានការិយាល័យបេឡាជាតិអតីតយុទ្ឋជនខេត្តកំពង់ធំ បានឲ្យដឹងថា ថវិកាដែលគ្រួសារសពអតីតយុទ្ធជននីមួយៗ ទទួលបាននេះ មានការខុសគ្នា តាមឋានន្តរសក្ដិ និងរយៈពេលនៃការបម្រើការងាររបស់អតីតយុទ្ធជន ។ ឧត្ដមសេនីយ៍ទោ សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានឲ្យដឹងថា ប្រាក់ធានារ៉ាប់រងសង្គម របស់រាជរដ្ឋាភិបាល ចំនួន ៩០.០៧៣.៥៦០រៀល សម្រាប់ប្រគល់ជូនគ្រួសារសពអតីតយុទ្ធជន ចំនួន ១០គ្រួសារ និងបានសម្តែងនូវការសោកស្ដាយ ចំពោះការបាត់បង់អតីតយុទ្ធជន ដែលធ្លាប់រួមរស់ជាមួយគ្នានៅក្នុងសមរភូមិនាសម័យសង្គ្រាមកន្លងមក និងសូមបួងសួងដល់វិញ្ញាណក្ខន្ធបងប្អូនអតីតយុទ្ធជនសូមបានទៅកាន់សុគតិភព កុំបីឃ្លៀងឃ្លាតឡើយ ។ ឧត្ដមសេនីយ៍…

ភ្នំពេញ ៖ សម្ដេចតេជោ ហ៊ុន សែន នាយករដ្ឋមន្ដ្រីកម្ពុជា និងសម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន នៅថ្ងៃទី២៩ ខែកញ្ញា ឆ្នាំ២០២១ បានចាត់លោក ឌួង អេលីត នាយកពិធីការ សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន នាំយកទេយ្យវត្ថុ ប្រគេនថ្វាយ សម្តេចព្រះអភិសិរីសុគន្ធាមហាសង្ឃរាជាធិបតីកិត្តិឧទ្ទេសបណ្ឌិត បួរ គ្រី សម្តេចព្រះមហាសង្ឃរាជនៃគណៈធម្មយុត្តិកនិកាយ គង់នៅវត្តបទុមវតីរាជវរារាម (ធម្មយុត្តិកនិកាយ)។ ទេយ្យវត្ថុរួមមាន៖ អង្ករ ១០០គីឡូក្រាម, មីជាតិ ១០កេស, ត្រីខ ២កេស, ទឹក្រូច ១០កេស, ទឹកត្រឡាច ៥កេស, ទឹកគូលេន ៥កេស, ទឹកសណ្តែក ៥កេស, មៀនកំប៉ុង ២កេស, ទឹកដោះគោខាប់ ១កេស, អូវ៉ាន់ទីន ២កេស, ស្ករស ១០គីឡូក្រាម, តែ ៥គីឡូក្រាម, ទឹកបរិសុទ្ធ…

បន្ទាយមានជ័យ ៖ គិតត្រឹមថ្ងៃទី២៨ ខែកញ្ញា ឆ្នាំ២០២១ យ៉ាងហោចណាស់មានប្រជាពលរដ្ឋប្រមាណ ៨ពាន់គ្រួសារ នៅក្នុងឃុំ-សង្កាត់ចំនួន៣០ នៃស្រុកក្រុងចំនួន៥ របស់ខេត្តបន្ទាយមានជ័យ បានរងផលប៉ះពាល់ ដោយសារជំនន់ទឹកភ្លៀង ក្នុងនោះមានជាង១ពាន់គ្រួសាររងគ្រោះខ្លាំងជាងគេ រ ហូតត្រូវបានជម្លៀសចេញពីផ្ទះ។ នេះបើតាមបញ្ជាក់របស់ លោក អ៊ុ រាត្រី អភិបាលខេត្តបន្ទាយមានជ័យ នៅថ្ងៃទី២៩ ខែកញ្ញា ឆ្នាំ២០២១នេះ ។ ក្នុងរបាយការណ៍ដដែល បានបញ្ជាក់ថា ជំនន់ទឹកភ្លៀងនេះ បានបង្កផលប៉ះពាល់ដល់ប្រជាពលរដ្ឋប្រមាណ ៣៤,៣៨៥នាក់ ខណៈជម្លៀសទៅកាន់ទីទួលសុវត្ថិភាពចំនួន ១,៩២៩គ្រួសារ ក្នុងនោះមានកុមារ ១,១៩៤នាក់ បណ្តាលឱ្យប៉ះពាល់ផលដំណាំស្រូវ ២៥,២២៣ហិចតា, ដំឡូង ២២២ហិចតា, ដំណាំគួបផ្សុំ ៧៩ហិចតា, សត្វពាហនៈ ១០៣ក្បាល សាលារៀនចំនួន ២២, វត្តអារាមចំនួន៩ និងទឹកហូរកាត់ផ្លូវចំនួន ៥៤១កន្លែង ស្មើនឹង ២២៧,៣៣៤ម៉ែត្រ។ តាមរបាយការណ៍ បានបញ្ជាក់ថា សម្រាប់ក្រុងស្រុកទាំង៥ ដែលរងផលប៉ះពាលខ្លាំងជាងគេ រួមមាន៖*ទី១. ក្រុងសេរីសុភ័ណ មាន៧សង្កាត់…

ស.ស.យ.ក ទីស្តីការគណៈរដ្ឋមន្រ្តី សម្រេចបានជោគជ័យក្នុងការផ្គត់ផ្គង់ឈាមជូនមជ្ឈមណ្ឌលជាតិផ្ដល់ឈាម