ដោយបានការអនុញ្ញាតដ៏ខ្ពង់ខ្ពស់ពី សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្តី នៃព្រះរាជាណាចក្រកម្ពុជា សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញជាសហប្រធានដឹកនាំកិច្ចប្រជុំ និងចុះហត្ថលេខាលើ ផែនការការងារស្តីពីការបន្តអនុវត្តឆ្នាំនៃកិច្ចសហប្រតិបត្តិការ….

សៀមរាប៖ នាព្រឹកថ្ងៃទី២៨ ខែកញ្ញា ឆ្នាំ២០២១ ឧត្តមសេនីយ៍ត្រី តេង ច័ន្ទណាត ស្នងការនៃស្នងការដ្ឋាននគរបាលខេត្ត ក្នុងនាមគណៈបញ្ជាការឯកភាពខេត្តសៀមរាប បង្ហាញថា ផែនការរឹតបន្តឹង បន្ថែមលើវិធានការទប់ស្កាត់ការរាតត្បាតជំងឺកូវីដ-១៩ក្នុងក្រុងសៀមរាបនេះ កម្លាំងប្រតិបត្តិការកំពុងធ្វើសកម្មភាពយាមល្បាតយ៉ាងតឹងរ៉ឹង នៅលើទីតាំងគោលដៅជាង១០០គោលដៅ។ លោកស្នងការ បានបញ្ជាក់ថា ក្រោមបទបញ្ជារបស់ឯកឧត្តម ទៀ សីហា អភិបាលខេត្ត និងជាប្រធានគណៈបញ្ជាការឯកភាពខេត្តសៀមរាប កម្លាំងសមត្ថកិច្ចទាំង៣ រួមមានកងកម្លាំងរបស់ស្នងការដ្ឋាននគរបាលខេត្ត កងរាជអាវុធហត្ថខេត្ត កងកម្លាំងយោធាមកពីតំបន់ប្រតិបត្តិការសឹករងខេត្តសៀមរាប សហភាពសហព័ន្ធយុវជនកម្ពុជាខេត្ត រួមទាំងកម្លាំងប្រជាការពារភូមិ ដែលជាកងកម្លាំងសហការនៅតាមមូលដ្ឋាន ដោយបន្ថែមមធ្យោបាយល្បាតចល័តយ៉ាងតឹងរ៉ឹង ដោយប្រើប្រាស់កម្លាំងសមត្ថកិច្ចបំពាក់ដោយម៉ូតូជាង៩០គ្រឿង និងរថយន្តចំនួន ៥គ្រឿងបន្ថែមទៀត ព្រមទាំង សម្ភារឧបករណ៍ឃាត់ស្ទាក់មួយចំនួនទៀតផងដែរ។ ទាំងនេះ គឺជាយន្តការរឹតបន្តឹងចាំបាច់ នៅក្នុងតំបន់ក្រហមនិងតំបន់លឿងទុំ លើមូលដ្ឋានសង្កាត់ទាំង១២នៃក្រុងសៀមរាប ដើម្បីកាត់បន្ថយហានិភ័យ និងឈានទៅកាត់ផ្តាច់ខ្សែចម្លងជំងឺកូវីដ-១៩ ក្នុងសហគមន៍ ក្នុងភូមិសាស្ត្រខេត្តសៀមរាប។ បទបញ្ជានៃការរឹតបន្តឹងនេះ ត្រូវបានដាក់ចេញនៅចុងសប្តាហ៍ទី២ ខណៈរដ្ឋបាលខេត្ត បានបន្តកំណត់សង្កាត់ចំនួន ៤ នៃក្រុងសៀមរាប ស្ថិតក្នុងតំបន់ក្រហម និងបានដកភូមិមួយចំនួនចេញពីតំបន់ក្រហម មកជាតំបន់លឿងទុំបណ្ដោះអាសន្នវិញ។ គួររំលឹកដែរថា ក្នុងសប្តាហ៍ទី១កន្លងទៅ វិធានរដ្ឋបាលដែលត្រូវបានអនុវត្ត គឺត្រឹមតែការឃាត់ទុកមធ្យោបាយធ្វើដំណើរដែលបានធ្វើចរាចរណ៍ល្មើសបំរាម…

ព្រះសីហនុ៖ ព្រឹកថ្ងៃទី២៨ ខែកញ្ញា ឆ្នាំ២០២១ ក្រសួងទេសចរណ៍និងរដ្ឋបាលខេត្តព្រះសីហនុ បានប្រជុំផ្សព្វផ្សាយអំពីវិធានសុវត្ថិភាព​ទេសចរណ៍និងនីតិវិធីប្រតិបត្តិស្តង់ដាអប្បរមា(SOP)​សម្រាប់អាជីវកម្មទេសចរណ៍ក្នុងខេត្តព្រះសីហនុដើម្បីជាការត្រៀមបើកដំណើរការអាជីវកម្មទេសចរណ៍ឡើងវិញ។ការអនុវត្តតាមវិធានសុវត្ថិភាពនេះនឹងធ្វើអោយណើសេវាទេសចរណ៍អាចបញ្ចៀសឬការពារបាននូវហានិភ័យពីជំងឺកូវីដ១៩និងឈានទៅស្តារសេដ្ឋកិច្ចសង្គមដែលកំពុងរងផលប៉ះពាល់យ៉ាងធ្ងន់ធ្ងរកន្លងមកនេះ។នៅរសៀលថ្ងៃដដែលនេះមន្ត្រីជំនាញនិងផ្នែកពាក់ពន្ធ័ក៏បានចុះពិនិត្យនិងអបរំណែនាំបន្ថែមនៅតាមទីតាំងសេវាកម្មទេសចរណ៍ទាំងឡាយក្នុងមូលដ្ឋានក្រុងព្រះសីហនុ ដើម្បីអោយប្រតិបត្តិករទេសចរមានការយល់ដឹងនិងចូលរួមប្រតិបត្តិអោយបានខ្ជាប់ខ្ជួនតាមវិធានសុវត្ថិភាពទេចរណ៍, វិធានសុខាភិបាលនិងការណែនាំរបស់រាជរដ្ឋាភិបាល “៣ការពារ ៣កុំ”។ពិធីនេះបានធ្វើនៅខេត្តព្រះសីហនុ ក្រុមវត្តមានលោក គឹម សេរីរដ្ឋ ប្រធាននាយកដ្ឋាន សេវាស្នាក់នៅទេសចរណ៍ តំណាងក្រសួងទេសចរណ៍ និងលោក ម៉ាង ស៊ីណេត អភិបាលរងខេត្តព្រះសីហនុ និងមានការចូលរួមពីមន្ទូីរ អង្គភាពក្រោមឱវាទខេត្តជាច្រើនទៀតផងដែរ។ លោក គឹម សេរីរដ្ឋ ប្រធាននាយកដ្ឋាន សេវាស្នាក់នៅទេសចរណ៍ មានប្រសាសន៍បើកការផ្សព្វផ្សាយ វិធានសុវត្ថិភាព និងនីតិវិធីប្រតិបត្តិស្តង់ដាអប្បរមា (SOP)ជូនចំពោះអាជ្ញាធរនិងប្រតិបត្តិករណ៍ទេសចរណ៍ពិតជាមានសារៈសំខាន់ណាស់ដើម្បីធ្វើអោយមានការយល់ដឹងបន្ថែមអំពីការការពារទប់ស្កាត់ការរាលដាលនៃជំងឺកូវីដ-១៩ សម្រាប់ជំរុញឱ្យវិស័យទេសចរណ៍អាចដំណើរការបានដោយគ្មានហានិភ័យ។នីតិវិធីប្រតិបត្តិការស្តង់ដារអប្បបរមា(SOP) មានសារៈសំខាន់សម្រាប់ការយល់ដឹងមូលដ្ឋានដល់មន្ត្រី និងវិស័យឯកជន ដើម្បីចូលរួមជម្រុញវិស័យទេសចរណ៍អាចដំណើរការបានប្រកបដោយគុណភាពនិងសុវត្ថិភាព ជាពិសេសត្រៀមឆ្ពោះទៅបើកទទួលភ្ញៀវទេសចរអន្តរជាតិឡើងវិញនៅចុងឆ្នាំ២០២១។ដើម្បីធានាបានសុវត្ថិភាពពីការឆ្លងជំងឺកូវីដ១៩ក្នុងការបើកដំណើការអាជីវកម្មទេសចរណ៍ឡើងវិញនេះ លោក គឹម សេរីរដ្ឋ បានរំលឹកណែនាំប្រតិបត្តិករទេសចរណ៍ទាំងអស់ត្រូវអនុវត្តតាមវិធានសុវត្ថិភាពទេសចរណ៍ វិធានសុខាភិបាលស្របជាមួយនឹងអនុសាសន៍ណែនាំដ៏ខ្ពង់ខ្ពស់របស់សម្ដេចតេជោ ហ៊ុន សែន“៣ការពារ ៣កុំ”អោយបានខ្ជាប់ខ្ជួនបំផុត។ លោក ម៉ាង ស៊ីណេត អភិបាលរងខេត្តព្រះសីហនុ បានមានប្រសាសន៍ថារាជរដ្ឋាភិបាលកម្ពុជាចាត់ទុកវិស័យទេសចរណ៍ជាមាសបៃតង និងជាវិស័យអទិភាពមួយក្នុងការជម្រុញនិងអភិវឌ្ឍសង្គមនិងសេដ្ឋកិច្ច។ខេត្តព្រះសីហនុ ត្រូវបានប្រសិទ្ធនាមថា “តារារះនៅទិសនិរតី”និងជាប៉ូលសេដ្ឋកិច្ចដ៏សំខាន់របស់ប្រទេស។ខេត្តព្រះសីហនុ ក៏ជាខេត្តឧស្សាហកម្មគំរូពិសេសពហុបំណងតែមួយគត់ដែលមានសក្តានុពលបំផុតមានការទាក់ទាញអ្នកវិនិយោគពហុវិស័យ។ដោយសារកត្តាសក្តានុពលនេះ វិនិយោគិនជាច្រើនបានចូលមកបណ្តាក់ទុននៅខេត្តព្រះសីហនុក្នុងនោះឧស្សាហកម្មទេសចរណ៍ សេវាកម្មទេសចរណ៍ក៏មានចំនួនគួរកត់សំគាល់ផងដែរ។ការបើកដំណើរការអាជីវកម្មទេសចរណ៍ឡើងវិញនេះនឹងធ្វើអោយស្ថានភាពសេដ្ឋកិច្ចឈានទៅរកភាពល្អប្រសើរឡើងវិញនិងបានផ្តល់ឱកាសការងារដល់ពលរដ្ឋផងដែរ។តាមរយៈការបណ្តុះបណ្តាលផ្សព្វផ្សាយនេះនឹងបានផ្តល់ការយល់ដឹងបន្ថែមទៀតដល់ម្ចាស់សេវាកម្មទេសចរណ៍ទាំងឡាយដើម្បីទប់ស្កាត់បាននូវហានិភ័យពីការឆ្លងជំងឺកូវីដ១៩…