ភ្នំពេញ៖ នាព្រឹកថ្ងៃទី១៤ ខែកញ្ញា ឆ្នាំ២០២១ ឯកឧត្តម ប៉ាន សូរស័ក្តិ រដ្ឋមន្រ្តីពាណិជ្ជកម្ម និងជារដ្ឋមន្រ្តីសេដ្ឋកិច្ចអាស៊ាន សម្រាប់កម្ពុជា បានដឹកនាំគណៈប្រតិភូ ចូលរួមកិច្ចប្រជុំការពារសេចក្តីព្រាង…

ភ្នំពេញ៖ នាព្រឹកថ្ងៃទី១៥ ខែកញ្ញា ឆ្នាំ២០២១ ធនាគារជាតិ នៃកម្ពុជា បានឲ្យដឹងថា៖ គិតត្រឹមចុងឆមាសទី១ ឆ្នាំ២០២១ ប្រព័ន្ធធនាគារមានទ្រព្យសកម្មសរុប ២២១,៨ ទ្រីលានរៀល….

ដីឥដ្ឋ៖ ដោយយោងតាមចំណារឯកភាពរបស់ ឯកឧត្តម នាយឧត្តមសេនីយ៍ សាស្ត្រាចារ្យ សេង ផល្លី ប្រធានបណ្ឌិត្យសភានគរបាលកម្ពុជា ក្រុមប្រឹក្សាអភិវឌ្ឍន៍គ្រូនគរបាលជាតិ ….

ភ្នំពេញ៖ នៅសភាសម្ព័ន្ធសហជីពជាតិកម្ពុជា ថ្ងៃទី១៤ ខែកញ្ញា ឆ្នាំ២០២១ នេះ បានរៀបចំបទបង្ហាញស្តីពីប្រភព Covid-19មិនត្រូវយកមកធ្វើជាលេសនយោបាយនោះទេ។លោក សួង ហួត ប្រធានសភាសម្ព័ន្ធសហជីពជាតិកម្ពុជាបានគាំទ្រនឹងការលើកឡើងពីភាគីចិនចំពោះការចោទប្រកាន់ដោយអយុត្តិធម៌ពីអាមេរិក។ លោកបន្ថែមថា ថ្មីៗនេះ ចំពោះការលើកឡើងរបស់ក្រុមសារព័ត៌មានក្នុងកិច្ចប្រជុំក្រុមអ្នកជំនាញឯករាជ្យស្តីពីការស្តាប់រង្វាយតម្លៃឆ្លើយតបជំងឺវីរុសកូវីដ ដោយអាមេរិកបាន យកស្ថានភាពជំងឺCovid-19 មកលាបពណ៌ចិន ហើយលើសពីនេះ អាមេរិកបានយកបញ្ហា ទាំងនេះបំពាក់សញ្ញាលើគេឯង រំខានការសម្របសម្រួលរបស់WHOលើសកម្មភាពប្រយុទ្ធប្រឆាំងនឹងការរីករាតត្បាតជាសកល ជាពិសេសការរីករាលដាលនៅអាមេរិក។ នៅក្រោយបទបង្ហាញ អង្គពិធីទាំងមូលបានឯកភាពថា WHOត្រូវតែសិក្សាស្រាវជ្រាវពី មន្ទីរពិសោធន៍នានា របស់អាមេរិក ដែលជាពិសេស គឺមន្ទីរពិសោធន៍ Fort Detrick ដើម្បីបញ្ឈប់ការប្រើប្រាស់លេសនានារបស់អាមេរិកលាបពណ៌ភាពបរិសុទ្ធរបស់ចិន។ដោយឡែក លោកបណ្ឌិត ជា មុនីឫទ្ធិ ប្រធានសមាគមអ្នកស្រាវជ្រាវវឌ្ឍនភាពកម្ពុជា-ចិន បានលើកឡើងថា ការប្រយុទ្ធប្រឆាំងនឹងការរីករាតត្បាតជាសកលនៃជំងឺCovid-19 គួរតែ ពិភពលោករួមសាមគ្គីគ្នា សហការគ្នា ក្នុងនាមជាសហគមន៍ ជោគវាសនារួមរបស់មនុស្សជាតិ។ អង្គពិធីទទួលស្គាល់ថា របាយការណ៍ស្រាវជ្រាវរវាងចិននិងWHO គឺប្រទេសចិនតែងតែប្រកាន់ខ្ជាប់នូវការបើកចំហ តម្លាភាព វិទ្យាសាស្ត្រ និងអាកប្បកិរិយាកិច្ចសហប្រតិបត្តិការលើបញ្ហាស្វែងរកប្រភពដើមនៃជំងឺវីរុស។ ប្រទេសចិនគឺជាប្រទេសដំបូងគេដែលបានអនុវត្តកិច្ចសហប្រតិបត្តិការស្វែងរកប្រភពដើមនៃជំងឺវីរុសជាមួយអង្គការWHO និងបានអញ្ជើញអ្នកជំនាញបំពេញទស្សនកិច្ចសិក្សាស្រាវជ្រាវប្រភពដើមនៃជំងឺវីរុសចំនួនពីរដង និងបានទទួលក្រុមអ្នកជំនាញអន្តរជាតិមកបំពេញទស្សនកិច្ចក្នុងមន្ទីរស្រាវជ្រាវជំងឺវីរុសនៅក្នុងទីក្រុងWUHAN។គួរបញ្ជាក់ផងដែរថា បច្ចុប្បន្នគណបក្សនយោបាយ សង្គមស៊ីវិល ក្រុមបញ្ញាញាណនៃបណ្តាប្រទេសជាង១០០បានផ្ញើសារទៅកាន់ថ្នាក់ដឹកនាំអង្គការWHO…

ភ្នំពេញ ៖ រដ្ឋបាលរាជធានីភ្នំពេញ សូមប្រកាសជម្រាបជូនដល់គណៈគ្រប់គ្រងគ្រឹះស្ថានសិក្សាសាធារណៈ និងឯកជន លោកគ្រូ-អ្នកគ្រូ បុគ្គលិកអប់រំ មាតាបិតា-អាណាព្យាបាល សិស្សានុសិស្ស និងសាធារណជនទាំងអស់ ឱ្យបានជ្រាបថា ផ្អែកតាមសេចក្តីជូនដំណឹងលេខ ០៧៣/២១ សជណ ចុះថ្ងៃទី៩ ខែកញ្ញា ឆ្នាំ២០២១ របស់រដ្ឋបាលរាជធានីភ្នំពេញ គ្រឹះស្ថាន សិក្សាសាធារណៈ និងឯកជន សម្រាប់កម្រិតអនុវិទ្យាល័យ និងវិទ្យាល័យទាំងអស់ ក្នុងភូមិសាស្ត្ររាជធានីភ្នំពេញ ត្រូវបាន អនុញ្ញាតឱ្យដំណើរការឡើងវិញ ចាប់ពីថ្ងៃពុធ ៩កើត ខែភទ្របទ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៥ ខែកញ្ញា ឆ្នាំ២០២១ នេះតទៅ និងក្រោយពេលដែលគ្រឹះស្ថានសិក្សានីមួយៗបានត្រៀមលក្ខណៈសម្បត្តិគ្រប់គ្រាន់ស្របតាមគោល ការណ៍ប្រតិបត្តិស្តង់ដា (SOP) របស់ក្រសួងអប់រំ យុវជន និងកីឡា និងការណែនាំរបស់រដ្ឋបាលរាជធានីភ្នំពេញ។គ្រឹះស្ថានសិក្សាសាធារណៈ និងឯកជន សម្រាប់កម្រិតអនុវិទ្យាល័យ និងវិទ្យាល័យទាំងអស់ ក្នុងភូមិសាស្ត្រ រាជធានីភ្នំពេញ បានត្រៀមលក្ខណៈសម្បត្តិសមស្របក្នុងការបើកដំណើរឡើងវិញ ស្របតាមគោលការណ៍ប្រតិបត្តិស្តង់ដា (SOP) របស់ក្រសួងអប់រំ យុវជន និងកីឡា និងការណែនាំរបស់រដ្ឋបាលរាជធានីភ្នំពេញ…

រាជធានីភ្នំពេញ៖ អគ្គលេខាធិការដ្ឋាន គណៈកម្មាធិការជាតិគាំពារនិងអភិវឌ្ឍកុមារតូច(គ.ជ.គ.ក.) បានសហការជាមួយរដ្ឋបាលខេត្តកំពង់ចាម និងរដ្ឋបាលខេត្តព្រះសីហនុ រៀបចំសិក្ខាសាលាស្ដីពី “ការអនុវត្តកាងារគាំពារនិងអភិវឌ្ឍកុមារតូចនៅថ្នាក់ក្រោមជាតិ” ក្រោមអធិបតីភាពលោកជំទាវ គឹម សេដ្ឋានី អនុប្រធានប្រចាំការនៃគ.ជ.គ.ក. និងជារដ្ឋលេខាធិការក្រសួងអប់រំ យុវជន និងកីឡា។ ក្នុងឱកាសបើកសិក្ខាសាលា លោកជំទាវ បានលើកឡើងពីសារៈសំខាន់នៃការគាំពារនិងអភិវឌ្ឍកុមារតូច ជាពិសេសការរីកចម្រើននៃកោសិការខួរក្បាលរបស់កុមារក្នុងវ័យដំបូង និងការពង្រឹងប្រព័ន្ធការងារបែបពហុវិស័យទាំងថ្នាក់ជាតិនិងរដ្ឋបាលថ្នាក់ក្រោមជាតិក្នុងការគាំទ្រការអនុវត្តការងារពាក់ព័ន្ធកុមារតូច ឆ្លើយតបតម្រូវការរីកចម្រើនរបស់ពួកគេ។ សិក្ខាសាលានេះ មានសមាសភាពអញ្ជើញចូលរួមជាថ្នាក់ដឹកនាំ និងមន្ត្រីអគ្គលេខាធិកាដ្ឋានគ.ជ.គ.ក. គណៈកម្មាធិការពិគ្រោះយោបល់កិច្ចស្ត្រីនិងកុមាររាជធានី-ខេត្ត ក្រុង ស្រុក ខ័ណ្ឌ ក្រុមប្រឹក្សាឃុំ-សង្កាត់ និងតំណាងដៃគូអភិវឌ្ឍពាក់ព័ន្ធ។ សិក្ខាសាលានេះ ប្រព្រឹត្តទៅតាមប្រព័ន្ធបញ្ជូនរូបភាពនិងសំឡេងពីចម្ងាយ(ZOOM MEETING) ចាប់ពីថ្ងៃទី ១៣ ដល់ថ្ងៃទី ២៩ ខែកញ្ញា ឆ្នាំ២០២១ នៅរាជធានី-ខេត្តគោលដៅចំនួន ២៣។ដោយ-រ៉ាវុធ

ភ្នំពេញ ៖ លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា និងជាអនុប្រធានក្រុមការងារឥស្សរជនឆ្នើមថ្នាក់ជាតិ នារសៀលថ្ងៃទី១៤ ខែកញ្ញា ឆ្នាំ២០២១ បានដឹកនាំកិច្ចប្រជុំតាមអនឡាញ (Zoom) ក្រុមការងារឥស្សរជនឆ្នើមថ្នាក់ជាតិ ជាមួយក្រុមការងារឥស្សរជនឆ្នេីមថ្នាក់សាខាខេត្តព្រះសីហនុ និងខេត្តកំពត ដេីម្បីពិភាក្សាទៅលើខ្លឹមសារនៃការរៀបចំសកម្មភាពការងារឥស្សរជនឆ្នើមថ្នាក់ជាតិ ក្នុងការឈានឆ្ពោះទិវាពិភពលោកប្រយុទ្ធនឹងជំងឺអេដស៍ ១ធ្នូ ឆ្នាំ២០២១ខាងមុខនេះ។ សម្រាប់ខែកញ្ញា ឆ្នាំ២០២១នេះ សកម្មភាពសំខាន់ៗផ្តោតលេី ៖ទី១. ការអប់រំផ្សព្វផ្សាយអំពី ការបង្ការការចម្លងមេរោគអេដស៍ និងស្វាយពីម្ដាយទៅកូន នៅក្នុងសហគមន៍គោលដៅ។ទី២. ការផលិតកម្មវិធីឥស្សរជនឆ្នើមថ្នាក់ជាតិ ដោយមានវាគ្មិនកិត្តិយសអញ្ជើញចូលរួម បូកផ្សំនិងបទយកការណ៍។ ទី៣. ការរៀបចំវេទិកាពិភាក្សា ស្តីពី ការលុបបំបាត់ការចម្លងមេរោគអេដស៍ និងស្វាយពីម្ដាយទៅកូន ដើម្បីចាក់ផ្សាយតាមរយៈកញ្ចក់ទូរទស្សន៍ជាតិកម្ពុជា និងបណ្ដាញទូរទស្សន៍ដទៃទៀត ធានាការផ្សព្វផ្សាយបានជ្រួតជ្រាបទូលំទូលាយ៕ ដោយ / គ្រី សម្បត្តិ

ភ្នំពេញ៖ នាព្រឹកថ្ងៃចន្ទ ៧កើត ខែភទ្របទ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី១៣ ខែកញ្ញា ឆ្នាំ២០២១ ឯកឧត្តម ជា ចាន់តូ ទេសាភិបាល ធនាគារជាតិនៃកម្ពុជា …..