ខេត្តកំពង់ឆ្នាំង៖ ថ្ងៃអង្គារ ១១រោច ខែទុតិយាសាឍ ឆ្នាំច សំរឹទ្ធិស័ក ព.ស ២៥៦២ ត្រូវនិងព្រឹកថ្ងៃទី០៧ ខែសីហា ឆ្នាំ២០១៨ វេលាម៉ោង ១១:០០ លោក ចក់ កែវចំរើន ប្រធានការិយាល័យបេឡាជាតិ អតីតយុទ្ធជនខេត្ត តំណាងឯកឧត្តម ឧត្ដមសេនីយ៍ទោ ធន ធឿន ប្រធានសមាគមអតីតយុទ្ធជនកម្ពុជាខេត្ត  លោក ឃូ សុផាន់ មេបញ្ជាការរង តំបន់ប្រតិបត្តិការសឹករងកំពង់ឆ្នាំង រួមជាមួយក្រុមការងារ ស.អ.ក  ក្រុង   សង្កាត់ បាននាំយកថវិកា បេឡាមរណសង្គ្រោះ ចំនួន៤លានរៀល ជូនលោកស្រី ហុង ស្រី ត្រូវជាក្មួយរបស់សព សមាជិកសមាគមអតីតយុទ្ធជនកម្ពុជា នៅភូមិផ្សារឆ្នាំង សង្កាត់ផ្សារឆ្នាំង ក្រុងកំពង់ឆ្នាំង។

សៀមរាប៖ កិច្ចប្រជុំសាមញ្ញលើកទី៥១របស់ក្រុមប្រឹក្សាខេត្តសៀមរាប អាណត្តិទី២ នាព្រឹកថ្ងៃទី០៧ ខែសីហា ឆ្នាំ២០១៨ នៅរដ្ឋបាលសាលាខេត្តសៀមរាប ក្រោមកិច្ចដឹកនាំប្រជុំរបស់ឯកឧត្តមបណ្ឌិត នូ ផល្លា ប្រធានក្រុមប្រឹក្សាខេត្ត និងលោកជំទាវ យូ សភា អភិបាលរងអភិបាលខេត្តសៀមរាប ដើមី្បពិនិត្យ ពិភាក្សា និងអនុម័តទៅលើ របៀបវារៈសម័យប្រជុំសាមញ្ញលើកទី៥១នេះ មានចំនួន០៤ចំណុចសំខាន់ៗ។  ដោយមានការអញ្ជើញចូលរួមពីសំណាក់ឯកឧត្តម លោកជំទាវ ជាសមាជិកក្រុមប្រឹក្សាខេត្ត អាជ្ញាធរជាតិអប្សរា និងអស់លោក លោកស្រី ថ្នាក់ដឹកនាំមន្ទីរ ស្ថាប័ន អង្គភាពជុំវិញខេត្ត នាយករងរដ្ឋបាលសាលាខេត្ត ទីចាត់ការទាំង៦ របស់រដ្ឋបាលសាលាខេត្ត ចូលរួមផងដែរ។

ភ្នំពេញ ៖ ក្មេងស្រីពីរនាក់បងប្អូនគ្រាន់តែម្តាយវាយ និងស្តីបន្ទោសបន្តិចបន្តួច ហ៊ានជិះកង់ពីស្រុកស្រីសន្ធរ ខេត្តកំពង់ចាម មកដល់ភ្នំពេញទាំងមិនដឹងគោលដៅពិតប្រាកដ  ហេតុការណ៍នេះកើតឡើង នៅវេលាម៉ោង៩នឹង៣០នាទីយប់ ស្ថិតនៅតាមបណ្តោយផ្លូវ៥៩៨ សង្កាត់ទូលសង្កែទី២ ខណ្ឌឫស្សីកែវ រាជធានីភ្នំពេញ។ តាមប្រភពព័ត៌មានពីប្រជាពលរដ្ឋដែល បានឃើញក្មេងស្រីទាំងពីរបានឲ្យដឹងថា មុនដំបូងគេឃើញក្មេងស្រីទាំងពីរនាក់កំពុងជ្រកភ្លៀងនៅកន្លែងអង្គុយចាំរថយន្តក្រុងមួយកន្លែងនៅខាងមុខផ្ទះរបស់គាត់តាំងពីម៉ោងប្រហែល១ថ្ងៃត្រង់ លុះមកដល់វេលាម៉ោងប្រហែល៦ល្ងាចក៏សង្ស័យក៏បានទៅសួរនាំហើយហៅឲ្យញាំបាយរួចក៏បានទំនាក់ទំនងទៅខាងសមត្ថកិច្ចមូលដ្ឋានមកយកក្មេងស្រីទាំងពីរទៅប៉ុស្តិ៍នគរបាលរដ្ឋបាល ទូលសង្កែទី២ដើម្បីសួរនាំ។ ក្មេងស្រីបងឈ្មោះ សេង ចាន់ស្រីនីត អាយុ១៣ឆ្នាំ ក្មេងស្រីប្អូនឈ្មោះ សេង ចាន់មារតី អាយុ៩ឆ្នាំ ។ អ្នកទាំងពីរមានម្តាយឈ្មោះ ឈុន សុីនឿន អាយុ៤២ឆ្នាំ មុខរបរ អ្នកលក់ដូរនៅផ្សារ  និង​ឪពុកឈ្មោះ កែវ សេង អាយុ៥៤ឆ្នាំ មុខរបរ មន្រ្តីរាជការ ទីលំនៅបច្ចុប្បន្ន អ្នកទាំងអស់គ្នារស់នៅក្នុងភូមិ ត្រពាំងពោធិ៍ ឃុំមានជ័យ ស្រុកស្រីសន្ធរ ខេត្តកំពង់ចាម។ មុនដំបូងក្មេងស្រីបងបានព្យាយាមលាក់បាំងសមត្ថកិច្ចដោយកុហកថាត្រូវឪពុកបង្កើតរបស់ខ្លួនយកមកផ្លុងចោល ក្រោមការសួរនាំរបស់លោកមេប៉ុស្តិ៍ក្មេងស្រីបងបានប្រាប់ត្រង់តាមដំណើររឿង ព្រោះតែខឹង និងម្តាយវាយ ហើយស្តីបន្ទោសទើបបួលប្អូនស្រីជិះកង់ចេញពីផ្ទះនៅ ភូមិឃុំខាងលើ ខេត្តកំពង់ចាមរហូតមកដល់ភ្នំពេញ។…

ភ្នំពេញ ៖ បុរសពីរនាក់ធ្វើដំណើរដោយរថយន្តហាយឡែនឌ័រ បានបោះពួយយ៉ាងលឿន និងសង្ស័យគេចពីអ្វីមួយ ស្រាប់តែរេចង្កូតធ្លាក់ផ្លូវចូលប្រឡាយទឹកស្អុយ បណ្ដាលឲ្យរថយន្តរងការខូច ខាតផ្នែកខាងមុខយ៉ាងដំណំ តែមិនបង្កឲ្យមនុស្សរងរបួសនោះទេ។ ករណីគ្រោះថ្នាក់ចរាចរណ៍ខាងលើនេះ បានកើតឡើងនៅវេលាម៉ោង១០ និង៣០នាទីយប់ ថ្ងៃទី៧ ខែសីហា ឆ្នាំ២០១៨  នៅចំណុចមុខបញ្ជាការកងទ័ពជើងគោក តាមបណ្ដោយផ្លូវជាតិលេខ៤ ស្ថិតក្នុងសង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ។ តាមប្រភព័ត៌មានពីកន្លែងកើតហេតុបានឲ្យដឹងថា មុនពេលកើតហេតុនោះគឺ គេសង្កេតឃើញរថយន្តម៉ាកហាយឡែនឌ័រ ពណ៌ទឹកប្រាក់ ពាក់ស្លាកលេខ ភ្នំពេញ 2AQ- 9709 ដែលមានបុរសពីរនាក់ បានធ្វើដំណើរតាមបណ្ដោយផ្លូវជាតិលេខ៤ ចេញពីខេត្ត ឡើងមកភ្នំពេញ ខណៈមកដល់ចំណុចកើតហេតុ សង្ស័យអ្នកបើកបរគេចពីអ្វីមួយ ស្រាប់តែរេចង្កូតធ្លាក់ផ្លូវ ចូលប្រឡាយទឹកស្អុយ លិចម៉ាសុីនរថយន្តខាងមុខបាត់ និងបណ្ដាលឲ្យរថយន្តបង្ករងការខូចខាតផ្នែកខាងមុខយ៉ាងដំណំផងដែរ តែសំណាងល្អមិនបង្កឲ្យមនុស្សទាំងក្នុងរថយន្ត និងអ្នកដំណើរតាមផ្លូវរងរបួសនោះទេ។ ក្រោយកើតហេតុ សមត្ថកិច្ចមូលដ្ឋានបានចុះទៅពិនិត្យដល់ទីតាំងកើតហេតុ ដោយឃើញថា រថយន្តបង្កមិនធ្វើឲ្យខូចខាតដល់សម្បត្តិរដ្ឋ និងទ្រព្យសម្បត្តិប្រជាពលរដ្ឋ ទើបសម្រេចប្រគល់រថយន្តបង្កឲ្យទៅម្ចាស់ ស្ទូចយកទៅជួសជុលខ្លួនឯង៕

ភ្នំពេញ៖ ស្ត្រីជាអ្នកបើកបរម្នាក់ រួមដំណើរនឹងបុរសម្នាក់ទៀតស្រវឹងស្រាបើករថយន្តមួយគ្រឿងរេពេញផ្លូវ ជ្រុលទៅបុករថយន្តមួយគ្រឿងទៀត ដែលបើកបរដោយបុរសជនជាតិបរទេសម្នាក់ពេញទំហឹង បណ្តាលឲ្យស្រ្តីម្នាក់រងបួសធ្ងន់ ចំណែកបុរសម្នាក់ទៀតរងរបួសស្រាល។ ហេតុការណ៍នេះ បានកើតឡើងកាលពីវេលាម៉ោង១០-១០នាទីយប់ ថ្ងៃទី៧ ខែហីហា ឆ្នាំ២០១៨ ស្ថិតនៅចំណុចមុខ ធនាគារអេសុីលីដា តាមបណ្តោយផ្លូវ៥១៦ កែងនិងផ្លូវ៣៣៧ ក្នុងសង្កាត់បឹងកក់១ ខណ្ឌទួលគោក រាជធានីភ្នំពេញ។ យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនកើតហេតុគេឃើញស្រ្តីជាអ្នកបើកបរម្នាក់ បានបើករថយន្តព្រូសមួយគ្រឿង ពណ៏ទឹកសមុទ្រ ពាក់ស្លាកលេខភ្នំពេញ2AF-4360 តាមបណ្តោយផ្លូវ៥១៦ ទិសដៅពីត្បូងទៅជើងក្នុងស្ថានភាពស្រវឹង និងរេពេញផ្លូវលុះមកដល់ចំណុចកើតបានរេចង្កូតមកខាងឆ្វេងដៃចូល មកចំណែកផ្លូវម្ខាងទៀតជ្រុលររថយន្តលុចសុីសRX300មួយគ្រឿងពណ៌ស្ករពាក់ស្លាកលេខភ្នំពេញ2AM-2825 បើកបរដោយបុរសជនជាតិបរទេសម្នាក់តាមបណ្តោយផ្លូវ៣៣៧ ទិសដៅពីលិចទៅកើត និងបានបត់ស្តាំមកផ្លូវ៥១៦ ដោយបើកបានបន្តិច ស្រាប់តែពេញទំហឹងបណ្តាលឲ្យរថយន្តលុចសុីសខ្ទាតទៅលើចិញ្ចើមផ្លូវម្ចាស់រងរបួសបែកក្បាលតិចតួចស្រាល។ចំណែករថយន្តព្រូស ស្រ្តីជាអ្នកបររងរបួសធ្ងន់ត្រូវបានបញ្ជូនទៅសង្គ្រោះភ្លាមៗ រីឯបុរសម្នាក់រួមដំណើជាមួយរងរបួសស្រាល។ ចំណែករថយន្តទាំងពីគ្រៀងរងការខូតខាតយ៉ាងដំណំដូចគ្នា។     ក្រោយកើតហេតុសមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចុះមកវាស់វែងយករថយន្តទាំងពីគ្រឿងទៅរក្សាទុកនៅការិយាល័យចរាចរណ៍ផ្លូវគោកស្នងការាជធានីភ្នំពេះរងចាំដោះស្រាយគ្នាទៅតាមផ្លូវច្បាប់៕

ភ្នំពេញ ៖​ បុរសម្នាក់បើករថយន្តព្រូស ក្នុងល្បឿនយ៉ាងលឿន មិនដឹងយ៉ាងមិច ស្រាប់តែរេចង្កូតទៅបុកក្បាលនាគពុះចែកទ្រូងផ្លូវ បណ្តាលឲ្យខូចខាតអស់២កង់  រីឯរថយន្តបានដាច់កាឡេ កង់ម្ខាងទៅមុខលេងរួច។ ហេតុការណ៍នេះ បានកើតឡើងកាលពីវេលាម៉ោង១២និង១០នាទីយប់រំលងអធ្រាត្រ ឈានចូលថ្ងៃពុធទី៨ ខែសីហា​ ឆ្នាំ២០១៨ នៅត្រង់ចំណុចមុខ ធនាគារ អេសុីលីដា ជិតប៉ុស្តិ៍នគរបាលរដ្ឋបាលឫស្សីកែវ ស្ថិតនៅតាមបណ្តោយផ្លូវជាតិលេខ៥  ក្នុងសង្កាត់ឫស្សីកែវ ខណ្ឌ ឫស្សីកែវ រាជធានីភ្នំពេញ ។យោងតាមសម្ដីប្រជាពលរដ្ឋដែលនៅកន្លែងកើតហេតុបាន ឲ្យដឹងថា នៅមុនពេលកើតហេតុ គេឃើញបុរសម្នាក់ បើករថយន្តម៉ាកព្រូសមួយគ្រឿង ពណ៌​ទឹកប្រាក់ ពាក់ស្លាកលេខភ្នំពេញ 2X.0676 ធ្វើដំណើរតាមបណ្ដោយផ្លូវជាតិលេខ៥ ទិសដៅពីជើងទៅត្បូង ក្នុងល្បឿនយ៉ាងលឿន លុះមកដល់ចំណុចកើតហេតុខាងលើ​ក៏ស្រាប់តែរេចង្កូតទៅបុករបាំងថ្មក្បាលនាគពុះចែកទ្រូងផ្លូវពេញទំហឹង បណ្តាលឲ្យខូចខាតអស់២កង់ រីឯរថយន្តបង្កវិញ បានរងការខូចខាតផ្នែកខាងមុខចំហៀងខាងឆ្វេងយ៉ាងដំណំ​ និងដាច់កាឡេ​កង់មុខខាងឆ្វេងទៅមុខលេងរួចផងដែរ តែសំណាង​ល្អមិនបណ្ដាលឲ្យមនុស្សរងរបួសនោះទេ ។ ក្រោយមកម្ចាស់រថយន្តបង្ក បានបើកទ្វារ ចុះមកហៅម៉ូតូឌុបជិៈរត់គេចខ្លួនបាត់ស្រមោល ដោយបន្សល់ទុករថយន្តនៅនឹងកន្លែងកើតហេតុ។ បន្ទាប់មកសមត្ថកិច្ចមូលដ្ឋានបានចុះមកដល់ រួចទាក់ទងទៅកាន់សមត្ថកិច្ច​ជំនាញ ចុះមកធ្វើការវាស់វែង នឹងស្ទូចយករថយន្តបង្កយកទៅរក្សាទុក នៅការិយាល័យចរាចរណ៍ផ្លូវគោកនៃស្នងការដ្ឋាននគរបាលរាជធានីភ្នំពេញ ដើម្បីរង់ចាំ​ម្ចាស់រថយន្តចូលខ្លួនមកដោះស្រាយតាមនីតិវិធី៕

យុទ្ធនាការម្រាមដៃស្អាត មិនទៅបោះឆ្នោត និង “នៅផ្ទះ ឈ្នះឯង” របស់ សម រង្ស៊ី បានបរាជ័យយ៉ាងអាម៉ាស់ បន្ទាប់ពីលទ្ធផលក្រោយការបោះឆ្នោត បានបង្ហាញថាមានអ្នកចូលរួមបោះឆ្នោតចំនួន ៨២.២៩% ។ នេះគឺជាគិតខុសយ៉ាងធ្ងន់របស់ សម រង្ស៊ី ដែលយល់ថា ប្រជាពលរដ្ឋ និងអ្នកធ្លាប់គាំទ្រខ្លួន នឹងធ្វើតាមការអំពាវនាវរបស់ខ្លួន។ ផ្ទុយទៅវិញ យុទ្ធនាការនេះ បានធ្វើឲ្យប្រជាពលរដ្ឋទៅបោះឆ្នោតកាន់តែច្រើន ព្រោះប្រជាពលរដ្ឋមិនចង់ចូលរួមជាមួយចលនាខុសច្បាប់របស់ក្រុមឧទ្ទាម។ ចលនានេះដូចជាសម្លាប់សកម្មជនរបស់ខ្លួន ព្រោះអ្នកដែលចូលរួមយុទ្ធនាការនេះ គឺជាអត្តសញ្ញាណរបស់ក្រុមឧទ្ទាម សម រង្ស៊ី។ ដើម្បីលុបលាងភាពអាម៉ាសនៃការបរាជ័យក្នុងយុទ្ធនាការរបស់ខ្លួន សម រង្ស៊ី បានបន្តចោទប្រកាន់ថា ការបោះឆ្នោតថ្ងៃទី ២៩ ខែកក្កដា ឆ្នាំ២០១៨ កន្លងទៅជាការក្លែងក្លាយ ដោយនៅតែស្រែកក្តែងៗថា តួលេខដែលគណបក្សប្រជាជនកម្ពុជា និង គ.ជ.ប. បានបង្ហាញជាតួលេខភូតកុហក ជាពិសេសតួលេខអ្នកចូលរួមបោះឆ្នោត។ ជាការឆ្លើយតប សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា និងជាប្រធានគណបក្សប្រជាជនកម្ពុជា បានបញ្ជាក់យ៉ាងច្បាស់ថានេះគឺជាតួលេខពិតប្រាកដត្រឹមត្រូវឥតកាឡៃ លោកហ៊ានស្បថឲ្យស្លាប់ដោយហេតុណាមួយក៏បាន…

យុវសិស្សជ័យលាភី ចំនួន ៣ រូប ទទួលបានការលើកទឹកចិត្តពី ឯកឧត្តម ប្រាក់ សុខុន ទេសរដ្ឋមន្រ្តី រដ្ឋមន្រ្តីក្រសួងការបរទេស និង សហប្រតិបត្តិការអន្តរជាតិ ដោយសារតែអ្នកទាំង៣ ប្រកួតប្រជែងល្បងប្រាជ្ញាយល់ ដឹងពីកម្មវិធី Asean Quiz បានជោគជ័យ និងត្រូវបានជ្រើសរើសទៅប្រកួតបន្តនៅប្រទេសឥណ្ឌូនេស៊ី នាខែ ធ្នូ ឆ្នាំ ២០១៨ ខាងមុខ ។ បើតាម ឯកឧត្តម ប៉ាង ណាត អនុប្រធានគណៈកម្មាធិការវប្បធម៌ និង ព័ត៌មានអាស៊ាន បានឲ្យដឹងថា កម្មវិធីនេះធ្វើឡើងក្នុងគោលបំណង ដើម្បីលើកកម្ពស់ការយល់ដឹងពីអាស៊ាន ដល់ប្រជាពលរដ្ឋ តាមរយៈការប្រកួតប្រជែងរបស់បេក្ខជនដែលជាសិស្សវិទ្យាល័យ ជំរុញ និង កម្ពស់ដល់យុវជនជំនាន់ក្រោយឲ្យបានយល់ដឹងពីអាស៊ាន ផ្តល់ឧកាសឲ្យយុវជនបានមកជួបជុំគ្នា ដើម្បីនិយាយពីអាស៊ាន។ ឯកឧត្តម បានមានប្រសាសន៍បន្តថា កម្មវិធី Asean Quiz គឺត្រូវបានប្រារព្វធ្វើឡើងជារៀងរាល់ឆ្នាំ ដោយឆ្លាស់គ្នាដោយឆ្នំាដំបូងគឺ Asean Quiz  National…