ភ្នំពេញ៖ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បានថ្លែងនូវការកោតសរសើរ និងវាយ​តម្លៃ​ខ្ពស់​ចំពោះមន្រ្តីនៃក្រសួងបរិស្ថាន លើកិច្ចខិតខំប្រឹងប្រែងការងារកន្លង ដែលសម្រេច​បានផ្លែផ្កា​គួរឱ្យ​កត់​សម្គាល់ ។ ការលើកឡើងនេះខណះពេលដែលឯកឧត្តម ជួបសំណេះសំណាលជាមួយមន្រ្តីរាជ​ការ​ទូទាំងក្រសួង កាលពីថ្ងៃទី៧ ខែសីហា ឆ្នាំ២០១៨ នាទីស្តីការក្រសួង ។

កំពត៖ ដោយសារកំណើនភ្ញៀវទេសចរអន្តរជាតិកើនឡើងពីមួយឆ្នាំទៅមួយឆ្នាំ ហើយសកម្មភាពដឹកជញ្ជូនកាន់តែមមាញឹក រាជរដ្ឋាភិបាលកម្ពុជា បានសម្រេចកសាងកំពង់ផែទេសចរណ៍អន្តរជាតិថ្មីមួយទៀតនៅខេត្តកំពត ដើម្បសម្រួលដល់ការដឹកជញ្ជូនផ្លូវទឹក និងចូលរួមជំរុញកំណើនទេសចរអន្តរជាតិនៅកម្ពុជាបន្ថែម។

ថវិការបស់រាជរដ្ឋាភិបាលចំនួន៨០ម៉ឺនរៀល ថវិកាសមាគមយេនឌ័រកងទ័ពជើងគោកចំនួន២០ម៉ឺនរៀល និងថវិកាសប្បុរសជនចំនួន២៧ម៉ឺនរៀល ត្រូវបានក្រុមការងារយេនឌ័រកងទ័ពជើងគោក ដឹកនាំដោយលោកជំទាវ ឧត្តមសេនីយ៏ត្រី ខឹម បូណា នាយសេនាធិការរង ជាប្រធានក្រុមការងារយេនឌ័រកងទ័ពជើងគោក តំណាងដ៏ខ្ពង់ខ្ពស់លោកជំទាវ ឈរ បូរី មាស សុភា ប្រធានកិត្តិយសក្រុមការងារយេនឌ័រកងទ័ពជើងគោក បានអញ្ជើញចុះសួរសុកទុក្ខ   និងនាំយកថវិកាទាំងនេះ ជូនលោកស្រីវរៈសេនីយ៍ត្រី ម៉ាំង ពីន ជំនួយការកងឯកភាពសិល្បៈយោធាភិរម្យ ការិយាល័យទី៥  កងទ័ពជើងគោក ដែលបានធ្វើលំហែមាតុភាពនៅមជ្ឈមណ្ឌលគាំពារមាតា និងទារកនាពេលថ្មីៗនេះ។

ក្នុងពិធីសំណេះសំណាលជាមួយកម្មករ កម្មការិនីសរុប ១៨,៤៦៧នាក់ មកពីរោងចក្រ សហគ្រាសចំនួន១៤ ក្នុងខេត្តកំពង់ស្ពឺ ដែលពិធីសំណេះសំណាលនេះ ធ្វើឡើងនៅភូមិស្នោរទី១ សង្កាត់រកាធំ ក្រុងច្បារមន ខេត្តកំពង់ស្ពឺ នៅព្រឹកថ្ងៃពុធ ទី៨ ខែសីហា ឆ្នាំ២០១៨ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងអំណរគុណចំពោះបងប្អូនប្រជាពលរដ្ឋ ក៏ដូចជាកម្មករ កម្មការិនី ដែលបានអញ្ជើញទៅបោះឆ្នោតយ៉ាងច្រើនរហូតដល់ប្រទេសកម្ពុជា បានក្លាយទៅជាប្រទេសជាប់ចំណាត់ថ្នាក់លេខ2 ដែលមានប្រជាជនទៅបោះឆ្នោតច្រើនជាងគេនៅលើពិភពលោក បន្ទាប់ពីប្រទេសបែលហ្ស៊ិក។ សម្ដេចធ្លាប់បានបញ្ជាក់ថា បើស្រឡាញ់សន្តិភាព និងការអភិវឌ្ឍ សូមបោះឆ្នោតជូនគណបក្សប្រជាជនកម្ពុជា។ ដូច្នេះសម្តេចតេជោ ហ៊ុន សែន បានចាត់ទុកការបោះឆ្នោតគាំទ្រគណបក្សប្រជាជនកម្ពុជារបស់ប្រជាពលរដ្ឋខ្មែរ គឺជាការជ្រើសរើសដ៏ត្រឹមត្រូវក្នុងការរក្សានូវសុខសន្តិភាព និងការអភិវឌ្ឍ។

យោងតាមស្មារតីនៃកិច្ចប្រជុំគណៈអភិបាលនាព្រឹកថ្ងៃអង្គារ ១១រោច ខែទុយាសាឍ ឆ្នាំច ពស ២៥៦២ ត្រូវនឹងថ្ងៃទី៧ ខែសីហា ឆ្នាំ២០១៨។ រដ្ឋបាលខេត្តព្រះសីហនុ បានដាក់វិធានការនិងជំរុញមន្ត្រីជំនាញពាក់ពន្ធ័តាមអង្គភាពត្រូវរួមគ្នាដោះស្រាយបញ្ហាចំពោះមុខនាពេលបច្ចុប្បន្ននេះ។ បញ្ហាដែលត្រូវដោះស្រាយចំពោះមុខនេះ រួមមាន៖ ១.បញ្ហាសណ្តាប់ធ្នាប់តាមដងផ្លូវ(ការរំលោភចំណីផ្លូវ) ។២.ការមិនអនុញ្ញាតឲ្យជនបរទេសបើកបរដោយគ្មានការអនុញ្ញាត។៣.ការត្រួតពិនិត្យអាជីវកម្មលក់ដូររបស់ជនបរទេស និងការធ្វើការងាររបស់ជនបរទេសនៅតាមសណ្ឋាគារ ផ្ទះសំណាក់ កាស៊ីណូ ការដ្ឋានសំណង់។៤.ការពិនិត្យរថយន្តធំៗចូលក្រុងដែលនាំឲ្យកកស្ទះចរាចរណ៍ និងខូចផ្លូវក្នុងក្រុង។៥.ការត្រួតពិនិត្យអនាម័យក្រុង និងការចាត់វិធានការចំពោះក្រុមដើកាប់ព្រៃអនាធិបតេយ្យជាដើម។ ឯកឧត្តម យន្ត មីន អភិបាលនៃគណៈអភិបាលខេត្តព្រះសីហនុ បានស្នើដល់មន្ទីរអង្គភាពជំនាញពាក់ពន្ធ័ទាំងអស់ត្រូវរួមគ្នាពិនិត្យដោះស្រាយឲ្យមានប្រសិទ្ធភាពដោយយកច្បាប់ជាគោល និងបានរំលឹកបន្ថែម ថាត្រូវនាំគ្នាធ្វើឲ្យលទ្ធផលល្អ កុំរុញឲ្យខ្លោច រោលឲ្យឆៅ៕