ភ្នំពេញ៖ ព្រឹកថ្ងៃទី០៧ ខែសីហា ឆ្នាំ២០១៨នេះ លោក ជា ពិសី អភិបាលខណ្ឌឬស្សីកែវ បានដឹកនាំមន្ត្រីពាក់ព័ន្ធចុះជួបសំណេះសំណាលសួសុខទុក្ខ និងថ្លែងអំណរគុណដោយផ្ទាល់តាមលំនៅដ្ឋានប្រជាពលរដ្ឋនីមួយៗ នៅក្នុងភូមិក្រោលគោ សង្កាត់គីឡូម៉ែត្រលេខ៦ ដែលបោះឆ្នោតគាំទ្រគណបក្សប្រជាជនកម្ពុជា ឲ្យទទួលបានលទ្ធផលល្អប្រសើរក្រៃលែងសម្រាប់នីតិកាលទី៦នេះ។

ភ្នំពេញ៖ ក្រោយពេលលេចឮព័ត៌មានផ្សព្វផ្សាយថាមានករណីជនមិនស្គាល់មុខមួយក្រុមបានចាប់យុវតីសិស្សវិទ្យាលយ័ទួលអំពិល កាលពីរសៀលថ្ងៃទី៣ ខែសីហា ឆ្នាំ២០១៨ ស្ថិតនៅផ្លូវ៥០ម៉ែត្រ ភូមិពាម សង្កាត់ព្រៃសរ ខណ្ឌដង្កោ ដែលបានអះអាងពីឪពុកបង្កើតរបស់យុវតីរងគ្រោះខាងលើតាមការរៀបរាប់ពីកូនស្រីរបស់គាត់។ បន្ទាប់ពីទទួលបានព័ត៌មានថាមានករណីចាប់បង្ខាំងក្មេងស្រីជាង១០នាក់យកទៅលាក់ទុកក្នុងផ្ទះមួយកន្លែងនៅខណ្ឌចំការមន។

ដើម្បីកាត់បន្ថយការលំបាកជូនប្រជាពលរដ្ឋ ឲ្យមានភាពងាយស្រួលក្នុងការធ្វើដំណើរ នៅព្រឹកថ្ងៃទី០៧ ខែសីហា ឆ្នាំ២០១៨ ឯកឧត្តម ម៉ៅ ភិរុណ អភិបាលនៃគណៈអភិបាលខេត្តកណ្តាល  បានអញ្ជើញជាអធិបតី ក្នុងពិធីបើកការដ្ឋានសាងសង់ផ្លូវបេតុង និងប្រព័ន្ធលូ ប្រវែង១០៦០ម៉ែត្រ ជូនប្រជាពលរដ្ឋក្នុងភូមិព្រែកសំរោង១ ភូមិព្រែកសំរោង២ និងភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាល ដោយមានការចូលរួមពីមន្ត្រីរាជការ និងប្រជាពលរដ្ឋជាង១៥០០នាក់។

ភ្នំពេញ៖ ក្នុងពិធីចុះអនុស្សារណៈយោគយល់គ្នារវាងក្រុមហ៊ុនវិនិយោគចំនួន៣ ដែលមកពីខេត្ត ហុកគាន ប្រទេសចិន និងសាលាបណ្តុះបណ្តាលជំនាញភាសាចិនមីងជាំង ដែលមានការគាំទ្រជាមួយសមាគមមិត្តភាពសភាពាណិជ្ជកម្មចិនហ្វូជាននៅកម្ពុជា លោក ឈីវ គួរស៊ីញ ប្រធានសមាគមមិត្តភាពសភាពាណិជ្ជកម្មចិនហ្វូជាន បានឲ្យដឹងថា សាលាបណ្តុះបណ្តាលជំនាញភាសាចិនមីងជាំង មានបទពិសោធន៍ជាង១សតវត្សរ៍មកហើយ លើមុខជំនាញជាច្រើនជាភាសាចិន និងបានបណ្តុះបណ្តាលធនធានមនុស្សគ្រប់ផ្នែកលើគ្រប់វិស័យ។ ធនធានមនុស្សដែលសាលាមីងជាំងបានបណ្តុះបណ្តាល បានក្លាយជាកម្លាំងចលករជំរុញសង្គមមានការអភិវឌ្ឍរីកចម្រើនស្ទើរគ្រប់ប្រទេសទូទាំងពិភពលោក។

បុរសម្នាក់ត្រូវគេប្រទះឃើញស្លាប់កណ្ដាលវាលស្រែ នៅព្រឹកថ្ងៃទី៧ ខែសីហានេះ  នៅចំណុចវាលខាងត្បូងភូមិកំប៉ាល ឃុំសណ្តែក ស្រុកបាធាយ ខេត្តកំពង់ចាម ដោយក្បែរសព មានឧបករណ៍ឆក់ត្រីមួយសម្រាប់នៅជាប់នឹងខ្លួន។ ជនរងគ្រោះឈ្មោះ ចែម រិទ្ធ ភេទប្រុស អាយុ៣៨ឆ្នាំ មានទីលំនៅភូមិកំប៉ាល ឃុំសណ្តែក ស្រុកបាធាយ។