គិតត្រឹមម៉ោង១០ ព្រឹកថ្ងៃទី ១៩ ខែកក្កដា ឆ្នាំ២០១៨ នេះ ទឹកជំនន់នៅផ្លូវជាតិលេខ៤ ត្រង់ចំណុចស្ពានសំរោង គីឡូម៉ែត្រលេខ១១៦ ភូមិស្ទឹងសំរោង ឃុំអូរបាក់រទេះ ស្រុកកំពង់សីលា ខេត្តព្រះសីហនុ បានស្រកផុតស្ពាន និងផ្លូវជាតិទាំងស្រុងហើយ។ អាជ្ញាធរ បានអនុញ្ញាតឱ្យរថយន្តតូចៗ ធ្វើចរាចរឡើងវិញ។

ភ្នំពេញ៖ នៅព្រឹកថ្ងៃទី១៩ ខែកក្កដា ឆ្នាំ២០១៨នេះ ទូហ្គេមខុសច្បាប់ជាច្រើនគ្រឿង ត្រូវដុតកម្ទេចចោល។ ក្នុងឱកាសនោះដែរ ចេង មុនីរ៉ា អភិបាលខណ្ឌច្បារអំពៅ ប្តេជ្ញាសាជាថ្មី ថា នឹងពង្រឹងគោលនយោបាយភូមិសង្កាត់មានសុវត្ថិភាព ដើម្បីក្តីសុខប្រជាពលរដ្ឋក្នុងមូលដ្ឋាន។

ឯកអគ្គរាជទូតជប៉ុនប្រចាំនៅកម្ពុជា ថ្លែងអំណរព្រះរាជគុណជាទីបំផុតថ្វាយ ព្រះករុណា ព្រះមហាក្សត្រ និងអរគុណអស់ពីដួងចិត្ត ចំពោះ សម្តេច ឯកឧត្តម លោកជំទាវ លោក លោកស្រី ប្រជាពលរដ្ឋខ្មែរទាំងអស់ ដែលបានផ្តល់កម្លាំងចិត្តដល់ប្រជាជនជប៉ុន៕

ឯកឧត្តម ថោង ខុន៖ កម្លាំងយុវជនដើរតួនាទីសំខាន់ធ្វើឲ្យគណបក្ស និងរាជរដ្ឋាភិបាលសម្រេចបានសមិទ្ធផលធំៗជាច្រើន

មកដល់ព្រឹកថ្ងៃទី១៩ ខែកក្កដា ឆ្នាំ ២០១៨ ទឹកព្រែកកំពង់បាយ បានបន្តកើនឡើងមួយកម្រិតបន្ថែមទៀត។ គិតត្រឹមម៉ោង ៦:៣០នាទីព្រឹកនេះ ទឹកព្រែកបានជន់ឡើងលិចចូលតំបន់ទំនាបជាច្រើននៅក្នុងស្រុកទឹកឈូ ស្រុកឈូក ស្រុកជុំគិរី និងសង្កាត់មួយចំនួនដែលនៅជាយក្រុងកំពត។ ភ្លៀងបន្តធ្លាក់ ទឹកពីតំបន់ខាងលើនៅតែបន្តហូរចាក់ចូល ដូចនេះទឹកព្រែកនឹងបន្តកើនឡើង។ សូមបង្កើនការប្រុងប្រយ័ត្នខ្ពស់ ដើម្បីជៀសវាងនូវគ្រោះថ្នាក់ផ្សេងៗដែលអាចកើតមានឡើងជាយថាហេតុ។

ក្នុងជំនួបពិភាក្សាការងារជាមួយ លោក ចាប វន្នី ប្រធានមន្ទីរព័ត៌មានខេត្តកណ្តាល នាព្រឹកថ្ងៃទី១៨ ខែកក្កដា ឆ្នាំ២០១៨ នៅមន្ទីរព័ត៌មានខេត្តកណ្តាល លោក កោ យ៉ាង និង លោក ចាង ស៊ីង វិស្វករបច្ចេកទេសផ្នែក វិទ្យុ និងទូរទស្សន៍ជាតិខេត្តយូណាន នៃសាធារណរដ្ឋប្រជាមានិតចិន បានជម្រាបថា ទូរទស្សន៍ជាតិ ខេត្តយូណាន និងសហការជាមួយទូរទស្សន៍ជាតិកម្ពុជា ក្នុងការរៀបចំបង្កើតស្ថានីយ៍ទូរទស្សន៍ Digital សម្រាប់ការផ្សព្វផ្សាយ ដែលឆ្លុះបញ្ចាំងឲ្យឃើញថា ព្រះរាជាណាចក្រកម្ពុជា បាននឹងកំពុងធ្វើដំណើរឆ្ពោះទៅកាន់ភាពជឿនលឿនក្នុងវិស័យព័ត៌មាន និងសោតទស្សន៍។ 

កំពង់ចាម ៖ ឯកឧត្តម ប៉ាន សូរស័ក្តិ ប្រធានក្រុមការងារថ្នាក់កណ្តាលចុះជួយស្រុកព្រៃឈរ និងជាបេក្ខជនតំណាងរាស្ត្រគណបក្សប្រជាជនកម្ពុជា មណ្ឌលខេត្តកំពង់ចាម បានអះអាងថា រាជរដ្ឋាភិបាលកម្ពុជា អាណត្តិទី៦ ដែលដឹកនាំដោយគណបក្សប្រជាជនកម្ពុជា នឹងបន្តពង្រឹងការអនុវត្តកម្មវិធីកំណែទម្រង់ស៊ីជម្រៅ ហើយមិនលើកលែងចំពោះមន្ត្រីអសកម្ម ដែលបម្រើប្រជាពលរដ្ឋមិនបានល្អ ទាំងនៅថ្នាក់ជាតិ និងថ្នាក់ក្រោមជាតិ។

ខេត្តកំពង់ឆ្នាំង ៖ នៅវេលាម៉ោង១២ និង៤០នាទីរំលងអាធ្រាត្រ ឈានចូលថ្ងៃទី១៩ ខែកក្កដា ឆ្នាំ២០១៨ ក្រោយពីទទួលបានពត៌មានថា មានរថយន្ដយីឌុបដឹកឈើដែលគ្មានច្បាប់អនុញ្ញាត្ត កម្លាំងកងរាជអាវុធហត្ថលើផ្ទៃប្រទេស ក្រោមការបញ្ជាផ្ទាល់ ពីឯកឧត្ដមឧត្ដមសេនីយ៍ឯក ហុង វិណុល មេបញ្ជាការរងកងរាជអាវុធហត្ថលើផ្ទៃប្រទេស និងដឹកនាំកម្លាំងចុះមកទប់ស្កាត់បង្ក្រាប ដោយលោក នុត ប៉ូលីម បានធ្វើការឃាត់រថយន្ដយីឌុបមួយគ្រឿងដឹកឈើគ្មានច្បាប់អនុញ្ញាត្ត ស្ថិតនៅក្នុងចំណុច106 ឃុំក្រាំងស្គា ស្រុកទឹកផុស ខេត្ដកំពង់ឆ្នាំង។ សូមបញ្ជាក់ថា ប្រភេទឈើដែលរថយន្តនេះ ដឹក គឺជាប្រភេទឈើក្លុង និងផ្ចឹក។បន្ទាប់ពីឃាត់រថយន្តដឹកឈើខាងលើ សមត្ថកិច្ចអាវុធហត្ថបាន បញ្ជូនមកឲ្យផ្នែករដ្ឋបាលព្រៃឈើស្រុកទឹកផុស ចំណាត់ការបន្តតាមនិតិវិធី៕ដោយៈ សុខ គឹមសៀន

សៀមរាប៖ សមាជិកសមាជិកាទាំងអស់ត្រូវនាំគ្នាទៅបោះឆ្នោត នីតិកាលទី៦ ថ្ងៃខាងមុខនេះ។ សម្តេចពិជ័យសេនា ទៀ បាញ់ សមាជិកគណៈអចិន្ត្រៃយ៍ គណៈកម្មាធិការកណ្តាល នៃគណបក្សប្រជាជនកម្ពុជា អ្នកតំណាងរាស្ត្រមណ្ឌលសៀមរាប និង ជាប្រធានក្រុមការងារថ្នាក់កណ្តាល ចុះជួយខេត្តសៀមរាប បានថ្លែងនៅក្នុងឱកាសក្នុងពិធីសម្ពោធដាក់ឲ្យប្រើប្រាស់ជាផ្លូវការ អគារទីស្នាក់ការគណបក្សប្រជាជនកម្ពុជាស្រុកក្រឡាញ់  ស្ថិតនៅភូមិត្រពាំងច្រាំង ឃុំក្រឡាញ់ ស្រុកក្រឡាញ់ ខេត្តសៀមរាប ដែលសាងសង់ឡើងដោយក្រុមការងារថ្នាក់កណ្តាល និងខេត្តចុះជួយស្រុកក្រឡាញ់ កាលពីថ្ងៃទី១៨ ខែ កក្កដា ឆ្នាំ២០១៨។ ឆ្លៀតក្នុងឱកាសនោះ សម្តេចពិជ័យសេនា ទៀ បាញ់ បានជួបធ្វើការសំណេះ សំណាលជាមួយ សមាជិក សមាជិកា គណបក្សប្រជាជនកម្ពុជាស្រុក ចំនួន ២៧២០នាក់ និងការបង្ហាញបេក្ខភាពជាបេក្ខជនជាតំណាងរាស្ត្រ អាណត្តិទី៦ ទាំងពេញសិទ្ធិ និង ត្រៀមបម្រុង។

សៀមរាប ៖ សម្ដេចពិជ័យសេនា ទៀ បាញ់ សមាជិកគណៈអចិន្ត្រៃយ៍គណៈកម្មាធិការកណ្តាល នៃគណបក្សប្រជាជនកម្ពុជា និងជាប្រធានក្រុមការងារចុះជួយខេត្តសៀមរាប និងជាបេក្ខភាពតំណាងរាស្ត្រមណ្ឌលសៀមរាប នៅព្រឹកថ្ងៃទី១៨ ខែកក្កដា ឆ្នាំ២០១៨កន្លងមកនេះ ចុះជួបធ្វើការសំណេះ សំណាលជាមួយសមាជិក សមាជិកា គណបក្សប្រជាជនកម្ពុជា ស្រុកស្រីស្នំ ខេត្តសៀមរាប ចំនួន១,១២០នាក់ និងបង្ហាញបេក្ខភាពជាបេក្ខជនជាតំណាងរាស្ត្រ អាណត្តិទី៦ ទាំងពេញសិទ្ធិ និងត្រៀមបម្រុង នៅស្នាក់ការគណបក្សប្រជាជនកម្ពុជាស្រុកស្រីស្នំ។