ទន្ទឹមនឹងការស្រកចុះនៃទឹកជំនន់នៅចំណុចស្ពានសំរោង គីឡូម៉ែត្រលេខ១១៦ ទឹកស្ទឹងកំពង់សិលា នៅចំណុចស្ពានកំពង់សិលា គីឡូម៉ែត្រលេខ១៣១ ឃុំកំពង់សីលា ស្រុកំពង់សិលា ខេត្តព្រះសីហនុ កំពុងមានការកើនឡើងជាបន្តបន្ទាប់។ គិតត្រឹមម៉ោង ៤:៣០ នាទីរសៀលថ្ងៃទី១៨ ខែកក្កដា ឆ្នាំ ២០១៨ នេះ ទឹកស្ទឹងកំពង់សិលា មានកម្ពស់ ៦,៩០ ម៉ែត្រ ពោលគឺបានកើនឡើងដល់ធ្នឹមស្ពានហើយ៕ម.ន

ខេត្តកណ្តាល ៖ ឯកឧត្តមអគ្គបណ្ឌិតសភាចារ្យ អូន ព័ន្ធមុន្នីរ័ត្ន ប្រធានគណៈអចិន្រ្តិយ៍គណៈពង្រឹងមូលដ្ឋានស្រុកខ្សាច់កណ្តាល និងស្រុកល្វាឯម បានលើកឡើងនៅក្នុងជំនួបសំណេះសំណាលជាមួយសមាជិកសមាជិកាគណបក្សប្រជាជនកម្ពុជានៅឃុំល្វាស និងឃុំកោះកែវ ក្នុងស្រុកល្វាឯម ខេត្តកណ្តាល ថ្ងៃទី១៨ ខែកក្កដា ឆ្នាំ២០១៨ ថា ពាក់ព័ន្ធនឹងការបោះឆ្នោតជ្រើសរើសតំណាងរាស្ត្រ នីតិកាលទី៦ នៅថ្ងៃទី២៩ ខែកក្តដា ឆ្នាំ២០១៨ ខាងមុខនេះ ពិតជាមានសារៈសំខាន់ណាស់ ក្នុងការជ្រើសរើសយកមេដឹកនាំប្រទេសដែលមានគំនិតអភិវឌ្ឍន៍ ការគិតគូរដល់ប្រជាពលរដ្ឋ ការបន្តរក្សាកំណើនសេដ្ឋកិច្ច ជាពិសេសការរក្សាសន្តិភាពជូនប្រជាពលរដ្ឋ ព្រោះប្រទេសមានសុខសន្តិភាព គឺមានការអភិវឌ្ឍ និងធ្វើឲ្យប្រជាពលរដ្ឋមានជីវភាពកាន់តែធូធារ។

មកដល់ម៉ោង៣:៣០ នាទីរសៀលថ្ងៃទី១៨ ខែកក្កដា ឆ្នាំ២០១៨ នេះ ទឹកជំនន់នៅលើកំណាត់ផ្លូវជាតិលេខ ៤ ត្រង់ចំណុចស្ពានសំរោង គីឡូម៉ែត្រលេខ១១៦ ភូមិស្ទឹងសំរោង ឃុំអូរបាក់រទេះ ស្រុកកំពង់សិលា ខេត្តព្រះសីហនុ បានបន្តស្រកចុះមួយកម្រិតបន្ថែមទៀត ប៉ុន្តែទឹកនៅតែបន្តហូរកាត់ពីលើផ្លូវជាតិ និងស្ពាន ប្រវែងប្រមាណ ៣០០-៤០០ ម៉ែត្រ ក្នុងកម្ពស់ប្រមាណពី ០,៨០-០,៨៥ ម៉ែត្រ ។ ភ្លៀងនៅតែបន្តធ្លាក់ ឯការធ្វើចរាចរឆ្លងកាត់ក៏នៅតែបន្តផ្អាកដដែល។

មន្ទីរសាធារណការ និងដឹកជញ្ជូនរាជធានីភ្នំពេញសូមទស្សនាវីដេអូអប់រំស្ដីពីរបៀបប្រើប្រាស់សេវាដឹកជញ្ជូនសាធារណៈរថយន្ដក្រុងរបស់រដ្ឋបាលរាជធានីភ្នំពេញ។

នៅថ្ងៃ១៨ ខែកក្កដា ឆ្នាំ២០១៨ អភិបាលខេត្តកំពង់ស្ពឺ លោក វ៉ី សំណាង បានបន្តចុះពិនិត្យស្ថានភាពជំនន់ទឹកភ្លៀង ស្ថិតនៅឃុំព្រៃរមៀត និងឃុំតាំងខ្យា ស្រុកភ្នំស្រួចដែលមានកម្ពស់ទឹកជន់លិចកើនឡើងរហូត១ម៉ែត្រ។ លោក វ៉ី សំណាង បានបញ្ជាឲ្យកម្លាំងមានសមត្ថកិច្ច អាជ្ញា ស្រុក ត្រូវត្រៀម និងយកចិត្តទុកដាក់លើមុខសញ្ញា ដែលងាយរងគ្រោះដូចជា កុមារតូចៗ, ចាស់ជរា, ជនពិការជាដើម ក្នុងការត្រៀមបម្រុងរកទីទួលសុវត្ថិភាពជូនប្រជាពលរដ្ឋ។

នៅព្រឹកថ្ងៃ១៨ ខែកក្កដានេះ រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ បានអនុញ្ញាតឲ្យយុវជន ដែលជាអតីតនិស្សិតសកលវិទ្យាល័យភូមិន្ទកសិកម្ម ចូលជួបសម្តែងការគួរសម។ អតីតនិស្សិតដឹកនាំដោយលោក ភុន រតនា និងសហការីស្ថាបនិកផ្សារខ្មែរនៅកម្ពុជា ក្នុងគោលបំណង បង្ហាញជូនពីរបកគំហើញ និងស្នើសុំនូវអនុសាសន៍លើរបកគំហើញ ថ្មីៗនៃ “ម៉ាស៊ីនតេស្តិ៍ រកសារធាតុគីមីផ្ទុកក្នុងបន្លែ សាច់ ផ្លែឈើ ដែលជាបចេ្ចកវិទ្យាទំនើប មានសារៈប្រយោជន៍ ដល់វិស័យកសិកម្មនៅកម្ពុជា។