ភ្នំពេញ៖ លោក សារិន វណ្ណា ប្រធានមន្ទីររៀបចំដែនដីនគរូបនីយកម្ម សំណង់ និងសុរិយោដី រាជធានីភ្នំពេញ បានគូសបញ្ជាក់ថា សម្រាប់មន្ត្រីអាជ្ញាធរថ្នាក់ក្រោមជាតិ ដែលត្រូវអនុវត្ត ស្របពេលដែលប្រទេសជាតិទទួលបាននូវសុខសន្តិភាព និងមានការអភិវឌ្ឃ ក្នុងការសម្របសម្រួលដល់ជីវភាព សូមឲ្យប្រជាពលរដ្ឋជាម្ចាស់ដីផ្ទះ ប្រញាប់រួសរាន់ដាក់ពាក្យស្នើសុំចុះបញ្ជី ដើម្បីបង់ពន្ធប្រថាប់ត្រា ដោយមានការលើកលែង និងអនុគ្រោះពន្ធ (លក់ទិញពីមួយទៅមួយ ជាច្រើនកង់បង់ត្រឹមតែមួយដងប៉ុណ្ណោះ) រហូតដល់ថ្ងៃទី៣១ ខែធ្នូ ឆ្នាំ២០១៨ ខាងមុខ ក្រោមការគិតគូររបស់សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា។

ភ្នំពេញ៖ ជនសង្ស័យជាសិស្សវិទ្យាល័យព្រែកព្នៅ និងម្នាក់ទៀតជាសិស្សវិទ្យាល័យសំរោង បានធ្វើសកម្មភាពឆក់ទូរសព្ទដៃពីតាអាចារ្យវត្តខ្ទរ បានសម្រេច ប៉ុន្តែត្រូវកម្លាំងនគរបាលប៉ុស្ដិ៍បាក់ខែង សហការជាមួយនគរបាលផ្នែកអន្តរាគមន៍ខណ្ឌជ្រោយចង្វារព័ទ្ធចាប់បាន។

ត្បូងឃ្មុំ ៖ ប្រធានក្រុមការងារថ្នាក់កណ្តាលគណបក្សប្រជាជនកម្ពុជា ចុះជួយស្រុកអូររាំងឪ និងជាបេក្ខជនតំណាងរាស្រ្តមណ្ឌលត្បូងឃ្មុំ ឯកឧត្តមសាយ សំអាល់ បានធ្វើបាឋកថា ស្តីពីស្ថានភាពនយោបាយកម្ពុជាបច្ចុប្បន្ន ដល់យុវជនសកម្មជនគណបក្សប្រជាជនកម្ពុជាខេត្តត្បូងឃ្មុំ ប្រមាណជាង១ពាន់នាក់ នាព្រឹកថ្ងៃទី១៨ ខែកក្កដា ឆ្នាំ២០១៨នេះ។

យោងតាមការផ្សាយរបស់ក្រសួងធនធានទឹក បានឲ្យដឹងថា នៅថ្ងៃ១៨ ខែកក្កដានេះ ព្យុះទី៩ឈ្មោះ សុនទិញ SONTINH បាន និងកំពុងស្ថិតនៅខាងកើតកោះហៃណាំប្រទេសចិន។ ព្យុះនោះនឹងធ្វើដំណើរឆ្លងកាត់ កោះហៃណាំ និងមកដល់ឆ្នេរតុងកឹងប្រទេសវៀតណាម នៅយប់ថ្ងៃ១៩ ខែកក្កដា។ យោងតាមការព្យាករណ៍ ឥទ្ធិពលព្យុះនោះនឹងធ្វើឲ្យអាការធាតុនៅប្រទេសកម្ពុជា ផ្ទៃមេឃមានសភាពអួរអាប់ ពពកច្រើន និងមានភ្លៀងធ្លាក់រាយប៉ាយនៅទូទាំងប្រទេស។ ជាពិសេសគឺចាប់ពីថ្ងៃទី១៩ ដល់ថ្ងៃ២១ ខែកក្កដា នឹងមានភ្លៀងធ្លាក់ខ្លាំងនៅតំបន់មាត់សមុទ្រ តំបន់ខ្ពង់រាប តំបន់ជួរភ្នំ និងបណ្ដាខេត្តដែលស្ថិតនៅតាមបណ្ដោយព្រំប្រទល់កម្ពុជា -វៀតណាម។  សេចក្ដីជូនដំណឹងរបស់ក្រសួងធនធានទឹកបានឲ្យដឹងថា នៅលើផ្ទៃសមុទ្រ មានភ្លៀងធ្លាក់ជោគជាំលាយឡំដោយខ្យល់បោកបក់ខ្លាំង និងមានរលកខ្ពស់ៗ។ ក្រសួងធនធានទឹក និងឧតុនិយម ក៏បានអំពាវនាវដល់ប្រជានេសាទ អ្នកធ្វើដំណើរតាមសមុទ្រ និងប្រជាពលរដ្ឋដែលរស់នៅតំបន់ទំនាបជាប់ផ្លូវទឹកនានា បង្កើនការប្រុងប្រយត្ន័ខ្ពស់ ដើម្បីជៀសវាងនូងគ្រោះថ្នាក់ផ្សេងៗ ដែលអាចកើតមានឡើងជាយថាហេតុ៕

សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអះអាងនៅចំពោះមុខកម្មករ​និយោជិតរោងចក្រ​កាត់ដេរសម្លៀកបំពាក់ ថប សាមមីត ហ្គាមិន ថា រាជរដ្ឋាភិបាល នឹងចាប់ផ្តើមអនុវត្តការបើក​ប្រាក់ខែ​​រាល់២សប្តាហ៍ម្តង សម្រាប់កម្មករនិយោជិតរោងចក្រ សហគ្រាសក្នុងវិស័យឯកជនទាំងឡាយ ប្រសិនបើសម្តេចនឹងបន្តក្នុងតំណែងជានាយករដ្ឋមន្ត្រីក្នុងអាណត្តិទី៦។ នេះគឺជាគោលការណ៍​ថ្មីមួយ ដែលសម្តេចតេជោ ក៏បានប្រកាសរួចម្តងមកហើយ នៅពេលចាប់ផ្តើម​យុទ្ធនាការ​ឃោសនា​បោះឆ្នោតថ្ងៃដំបូង កាលពីថ្ងៃទី៧ ខែកក្តដា កន្លងទៅ ដោយគោលការណ៍នេះ ក៏នឹងត្រូវអនុវត្តសម្រាប់ទាំងមន្ត្រីរាជការ កងកម្លាំងប្រដាប់អាវុធផងដែរ។