នៅពេលដែលមានគណៈប្រតិភូស្វែងរកការពិតរបស់សហគមន៍អឺរ៉ុបមក មានមូស និងរុយច្រើនណាស់ ដែលបានឆ្លៀតឱកាសនិយាយមួលបង្កាច់ពីសភាពការណ៍ពិតនៅកម្ពុជា ជូនគណៈប្រតិភូ ក្នុងចេតនាដាក់កំហុសមកលើរាជរដ្ឋាភិបាលកម្ពុជារបស់គណបក្សប្រជាជនកម្ពុជា ដែលជាគណបក្សឈ្នះឆ្នោត ។ មានមតិខ្លះ គេលើកឡើងថា បើរាជរដ្ឋាភិបាលកម្ពុជាមានឆន្ទៈនយោបាយ រាល់បញ្ហានឹងត្រូវដោះស្រាយបាន? ដោះស្រាយបានត្រង់ថា ឲ្យមានការដោះលែងជនល្មើសច្បាប់ចេញពីគុក ដោយមិនគិតពីផ្លូវច្បាប់ ដែលអ្នកប្រព្រឹត្តល្មើសច្បាប់ត្រូវទទួលខុសត្រូវចំពោះមុខច្បាប់។ ពួកគេអាស្រ័យដោយលម្អៀងខាងនយោបាយទៅរកអតីតបក្សប្រឆាំង ចង់យកវប្បធ៌មនិទណ្ឌភាពមកដាក់នៅកម្ពុជា ទើបពួកគេហៅថា មានឆន្ទៈនយោបាយចង់ដោះស្រាយបញ្ហាជាតិ។ ការដឹកនាំប្រទេស ត្រូវប្រកាន់ខ្ជាប់តាមគោលការណ៍ប្រជាធិបតេយ្យ គួបផ្សំនឹងនីតិរដ្ឋ នោះទើបអាចធានាបានសន្តិភាព ស្ថិ់រភាពសង្គម និងយុត្តិធ៌មសង្គមក្នុងប្រជាជន។ បើយកឆន្ទៈមកដឹកនាំនោះ មិនអាចរកយុត្តិធ៌មសង្គមបានទេ ហើយនឹងនាំដល់សង្គមមួយអនាធិបតេយ្យ គ្មានសណ្តាប់ធ្នាប់ ដែលធ្វើឲ្យបាត់បង់សណ្តាប់ធ្នាប់សាធារណសង្គម ជាក់ជាមិនខានឡើយ។ បើយ៉ាងដូច្នេះ មិនអាចធានាបានស្ថិរភាពនយោបាយ និងសន្តិភាពសម្រាប់ប្រទេសជាតិបានឡើយ។ ដូច្នេះ ការទាមទារ និងការមានមតិ ផ្ទុយពីគោលការណ៍នីតិរដ្ឋ គឺជាការមិនអាចទទួលយកបានជាដាច់ខាត។ អាចចាត់ទុកថាជាសិទ្ធិបញ្ចេញមតិ ជាឯកជនតែប៉ុណ្ណោះ។ ដោយៈ សុខ ឥសាន

សៀមរាប៖ នៅក្នុងឱកាសជួបសំណេះសំណាលជាមួយមន្រ្តីរាជការទូទាំងខេត្ត នៅព្រឹកថ្ងៃទី១២ ខែកក្កដា ឆ្នំា២០១៨នេះ អាជ្ញាធរខេត្តសៀមរាបអះអាងថា មន្រ្តីរាជការនឹងមានភាពងាយស្រួលជាងមុនក្នុងការចំណាយសម្រាប់ផ្គត់ផ្គង់ជីវភាពក្នុងគ្រួសារ បន្ទាប់ពីរាជរដ្ឋាភិបាលដែលដឹកនំាដោយសម្តេចតេជោ ហ៊ុន សែន អនុវត្តន៍ការបើកប្រាក់ខែ២សប្តាហ៍ម្តង នៅពេលខាងមុខឆាប់ៗនេះ។

រយៈពេល៦ខែ ឆ្នាំ២០១៨ កន្លងមកនេះ ខេត្តកណ្តាលមានការងារធំៗជាច្រើន ដែលយើងទាំងអស់គ្នាបានខិតខំដោយស្មារតីទទួលខុសត្រូវ លទ្ធផលល្អប្រសើរគួរជាទីមោទនៈ។ នេះជាការលើកឡើងរបស់ ឯកឧត្តមបណ្ឌិត ម៉ៅ ភិរុណ អភិបាលនៃគណៈអភិបាលខេត្តកណ្តាល នៅក្នុងកិច្ចប្រជុំបូកសរុបការងារ ខែមិថុនា ឆ្នាំ២០០១៨ នារសៀលថ្ងៃទី១១ ខែកក្កដា នៅសាលាខេត្តកណ្តាល។

លោកជំទាវ ហ៊ុន កុសនី អភិបាលរងខេត្តកណ្តាល និងជាអនុប្រធានអចិន្ត្រៃយ៍គណៈកម្មាធិការប្រយុទ្ធប្រឆាំងការជួញដូរមនុស្ស ខេត្តកណ្តាល បានមានប្រសាសន៍ថា ត្រូវបន្តការងារផ្សព្ធផ្សាយ អប់រំតាមគ្រប់រូបភាព និងប្រើប្រាស់លទ្ធភាព និងធនធានដើម្បីលើកកម្ពស់ការយល់ដឹងអំពីការជួញដូរមនុស្ស ការធ្វើអាជីវកម្មផ្លូវភេទ ការកេងប្រវ័ញ្ចពលកម្ម ការងារទេសន្តរប្រវេសន៍ ការជួញដូរមនុស្ស និងបទល្មើសផ្សេងៗទៀតឲ្យបានដល់ប្រជាពលរដ្ឋ គ្រប់ស្រទាប់យុវវ័យ និងជនងាយរងគ្រោះ ឲ្យមានការយល់ដឹង។

អនុវត្តតាមច្បាប់ស្តីពីការបោះឆ្នោត និងគោលការណ៍របស់គណៈកម្មាធិការជាតិរៀបចំការបោះឆ្នោត គ្រប់គណបក្សនយោបាយទាំងអស់ បានធ្វើសកម្មភាពស្វែងរករកសំឡេងឆ្នោត ទៅតាមលទ្ធភាពរៀងៗខ្លួន ពុះពារសម្រេចឲ្យបាននូវការប្ដេជ្ញាចិត្ត យកឈ្នះ ក្នុងការបោះឆ្នោតជ្រើសរើសតំណាងរាស្ត្រ នីតិកាលទី៦ នៅថ្ងៃទី២៩ ខែកក្កដា ឆ្នាំ២០១៨ខាងមុខនេះ។

យោងតាមសេចក្ដីជូនដំណឹងរបស់ គ.ជ.ប. នៅថ្ងៃទី១២ ខែកក្កដានេះ បានឲ្យដឹងថា បន្ទាប់ពីបានបញ្ចប់ការបោះពុម្ពសន្លឹកឆ្នោតរួច គណៈកម្មាធិការជាតិរៀបចំការបោះឆ្នោត នឹងដឹកជញ្ជូនសន្លឹកឆ្នោតពីរោងពុម្ព នៅថ្ងៃទី១៣ ខែកក្កដា ឆ្នាំ២០១៨ ទៅរក្សាទុកនៅឃ្លាំង គ.ជ.ប. ដែលមានទីតាំងស្ថិតនៅសង្កាត់គីឡូម៉ែត្រលេខ៦ ខណ្ឌឬស្សីកែវ រាជធានីភ្នំពេញ។ ការដឹកជញ្ជូនសន្លឹកឆ្នោតនេះ ត្រូវ គ.ជ.ប. ជូនដំណឹងថា នឹងចេញដំណើរពីរោងពុម្ព លី វ៉ាន់ហុង ស្ថិតនៅផ្ទះលេខ៩ ផ្លូវលេខ៣៤៥ សង្កាត់បឹងកក់ទី១ ខណ្ឌទួលគោក រាជធានីភ្នំពេញ នៅម៉ោង ៩ព្រឹក។ ក្នុងឱកាសដឹកជញ្ជូនសន្លឹកឆ្នោតនោះ អ្នកនាំពាក្យ គ.ជ.ប. នឹងមានវត្តមាននៅទីនោះ។ សន្លឹកឆ្នោត សម្ភារ និងឯកសារប្រើប្រាស់សម្រាប់ការបោះឆ្នោត គ.ជ.ប. ត្រូវបញ្ជូនទៅដល់ការិយាល័យបោះឆ្នោតទាំង ២ម៉ឺន២ពាន់៩៦៧ការិយាល័យ នៃមណ្ឌលបោះឆ្នោតទាំង២៥ មិនឲ្យលើសពី៣៦ម៉ោងមុនថ្ងៃបោះឆ្នោតឡើយ។