សិក្ខាសាលាបណ្តុះណ្តាលអំពីផលិតភាព និងការគ្រប់គ្រងអនុវត្តការងារក្នុងវិស័យសាធារណៈ ត្រូវបានរៀបចំឡើងរយៈពេល៥ថ្ងៃនៅក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ដោយចាប់ផ្តើមនៅថ្ងៃទី០៧ ខែកញ្ញា ឆ្នាំ២០២៦។ សិក្ខាកាមជាមន្ត្រីរាជការជាង២០រូប មកពីក្រសួងមហាផ្ទៃ ក្រសួងសេដ្ឋកិច្ច និងហិរញ្ញវត្តុ ក្រសួងសាធារណការ និងដឹកជញ្ជូន ក្រុមប្រឹក្សាអភិវឌ្ឍន៍កម្ពុជា និងស្ថាប័នពាក់ព័ន្ធមួយចំនួនទៀត បានចូលរួមវគ្គបណ្តុះបណ្តាលនេះ។ យោងតាមឯកឧត្តម ភោគ សុវណ្ណរិទ្ធ រដ្ឋលេខាធិការក្រសួងឧស្សាហកម្ម សិក្ខាសាលានេះមានគោលបំណង ពង្រឹងសមត្ថភាពមន្រ្តីរាជការ និងធ្វើឱ្យប្រសើរឡើងនូវផលិតភាពរបស់អង្គភាព ស័ក្តិសិទ្ធភាព អភិបាលកិច្ចល្អក្នុងការផ្តល់សេវាក្នុងវិស័យសាធារណៈ។ ការផ្តល់សេវាទាំងនេះត្រូវត្រូវធ្វើឡើងប្រកបដោយប្រសិទ្ធភាព តម្លាភាព ភាពងាយស្រួល និងផ្តល់ភាពជឿជាក់ដល់ប្រជាពលរដ្ឋ និងអ្នកវិនិយោគ ដែលជាអ្នកទទួលសេវា ដើម្បីរួមចំណែកដល់ការអភិវឌ្ឍសេដ្ឋកិច្ចសង្គម និងលើកស្ទួយសុខមាលភាពរបស់ប្រជាពលរដ្ឋ។ ក្នុងនាមឯកឧត្តមរដ្ឋមន្រ្តី ហែម វណ្ណឌី ឯកឧត្តម ភោគ សុវណ្ណរិទ្ធ បានបញ្ជាក់ថា ក្រសួងឧស្សាហកម្ម វិទ្យាសាស្ត្រ បច្ចេកវិទ្យា នវានុវត្តន៍ ដែលមានតួនាទីរួមចំណែកគាំទ្រដល់សហគ្រាសធុនមីក្រូ តូច មធ្យម និងសិប្បកម្ម បានសម្រួលនីតិវិធី បែបបទផ្តល់សេវាបច្ចេកទេស និងបង្កើតកម្មវិធីផ្សព្វផ្សាយ បណ្តុះបណ្តាល ដើម្បីលើកកម្ពស់សមត្ថភាព…

ក្នុងពិធីបើក «វេទិកាកូលាំងយូ ២០២៦» ស្ដីពីកិច្ចពិភាក្សាតុមូលរបស់ថ្នាក់ដឹកនាំធុរកិច្ចពិភពលោកសម្រាប់ការវិនិយោគសកល កាលពីថ្ងៃទី៧កញ្ញា នៅខេត្តហ្វូជៀន ប្រទេសចិន លោកឧបនាយករដ្ឋមន្ត្រី ស៊ុន ចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា បានលើកឡើងពីប្រធានបទដ៏មានសារៈសំខាន់សម្រាប់ពិភពធុរកិច្ចបច្ចុប្បន្ន គឺ «ការបង្ការ និងការគ្រប់គ្រងហានិភ័យមិនមែនពាណិជ្ជកម្ម» ក្នុងបរិបទដែលសហគ្រាសនានាកំពុងពង្រីកប្រតិបត្តិការលើឆាកអន្តរជាតិ។ ឯកឧត្តមបញ្ជាក់ថា នៅពេលការវិនិយោគ ឬអាជីវកម្មដើរចូលទៅកាន់ទីផ្សារសកល វិនិយោគិន ធុរជន ឬអាជីវករមិនត្រឹមតែប្រឈមមុខនឹងហានិភ័យហិរញ្ញវត្ថុនៅលើតារាងតុល្យការប៉ុណ្ណោះទេ ប៉ុន្តែថែមទាំងត្រូវប្រឈមនឹងបញ្ហាខាងក្រៅជាច្រើនដូចជា ភាពតានតឹងភូមិសាស្ត្រនយោបាយ ការផ្លាស់ប្តូរបទប្បញ្ញត្តិប្លែកៗ ប្រព័ន្ធច្បាប់ចម្រុះ ការរអាក់រអួលខ្សែច្រវាក់ផ្គត់ផ្គង់ និងគម្លាតនៃការយល់ដឹងរវាងវិនិយោគិន រដ្ឋាភិបាល និងសហគមន៍មូលដ្ឋាន។ ចេញពីបទពិសោធន៍ជាក់ស្តែងរបស់កម្ពុជា ឯកឧត្តមឧបនាយករដ្ឋមន្ត្រី បានស្នើឡើងនូវគោលការណ៍គ្រឹះចំនួន ៣ សម្រាប់បង្កើតបរិយាកាសវិនិយោគប្រកបដោយចីរភាព។ ទី១ គឺការព្យាករណ៍បាន៖ ដោយវិនិយោគិនត្រូវការច្បាប់ទម្លាប់ដែលច្បាស់លាស់ រាជរដ្ឋាភិបាលមានភារកិច្ចផ្តល់ជូននូវច្បាប់ប្រកបដោយតម្លាភាព គោលនយោបាយមានស្ថិរភាព និងគ្រឹះស្ថានស្ថាប័នដែលអាចពឹងផ្អែកបាន។ ចំណុចទី២ គឺភាពជាដៃគូ៖ ឯកឧត្តម ស៊ុន ចាន់ថុល លើកឡើងថា ការវិនិយោគនៅបរទេសដែលជោគជ័យមិនអាចពឹងផ្អែកលើតែដើមទុននោះទេ ប៉ុន្តែទាមទារនូវ «ទំនុកចិត្ត» ហើយទី៣ គឺការធ្វើពិពិធកម្ម និងការតភ្ជាប់៖ នៅក្នុងពិភពលោកដែលមានភាពមិនប្រាកដប្រជា ភាពធន់កើតចេញពីការមានជម្រើសច្រើន។ ចំពោះឯកឧត្តម ការធ្វើពិពិធកម្មទីផ្សារ…

កម្ពុជានិងអូស្រ្តាលី បានប្តេជ្ញាចិត្តក្នុងការបន្តពង្រឹងទំនាក់ទំនងការពារជាតិ ការយោគយល់គ្នាទៅវិញទៅមក និងកិច្ចសហប្រតិបត្តិការជាក់ស្តែងរវាងកងទ័ពនៃប្រទេសទាំងពីរ។ ការប្ដេជ្ញានេះ ធ្វើឡើងក្នុងជំនួបក្រៅផ្លូវការរវាងឧត្តមសេនីយ៍ឯក សួន សំណាង អគ្គនាយករង អគ្គនាយកដ្ឋានគោលនយោបាយ និងកិច្ចការបរទេស និងជាប្រធានក្រុមសម្របសម្រួលកិច្ចសហប្រតិបត្តិការយោធា (MCCG) ជាមួយលោក Bernard Phillip ឧបការីទី១ ទទួលបន្ទុកគោលនយោ​បាយអន្តរជាតិនៃប្រទេសអូស្រ្តាលី នៅព្រឹកថ្ងៃទី៨ ខែកញ្ញា ឆ្នាំ២០២៦។ យោងតាមនាយកដ្ឋានព័ត៌មានរបស់ក្រសួងការពារជាតិ​ កិច្ចពិភាក្សាបានផ្តោតលើការពង្រឹងកិច្ចសហប្រតិបត្តិការ និងការចូលរួមក្នុងវិស័យការពារជាតិរវាងកងទ័ពនៃប្រទេសទាំងពីរ ការអភិវឌ្ឍសមត្ថភាពរួម និងស្ថានការណ៍តាមបណ្តោយព្រំដែនកម្ពុជា-ថៃ ព្រមទាំងការផ្លាស់ប្តូរទស្សនៈលើកិច្ចខិតខំប្រឹងប្រែង ដើម្បីរក្សាសន្តិភាព ស្ថិរភាព និងលើកកម្ពស់ការយោគយល់គ្នាតាមរយៈមធ្យោបាយសន្តិវិធី។ ភាគីទាំងពីរក៏បានពិភាក្សាអំពីទិសដៅ និងអាទិភាពនៃកិច្ចសហប្រតិបត្តិការនាពេលអនាគតផងដែរ។ ជំនួបក្រៅផ្លូវការនេះធ្វើក្នុងឱកាសដំណើរទស្សនកិច្ចផ្លូវការរបស់ឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី និងរដ្ឋមន្ត្រីក្រសួងការពារជាតិ ទៅ​កាន់ប្រទេសអូស្ត្រាលី។ កាលពីថ្ងៃទី៧ កញ្ញាម្សិលមិញ ឯកឧត្តមឧបនាយករដ្ឋមន្រ្តីបានធ្វើទស្សនកិច្ចនៅមូលដ្ឋានទ័ពជើងទឹក HMAS Kuttabul ដោយមានការទទួលស្វាគមន៍ពីឧត្តមនាវីទោ Bradley Smith មេបញ្ជការទទួលបន្ទុកផ្នែកផ្គត់ផ្គង់លម្ហសមុទ្រ នៃកងទ័ពជើងទឹកអូស្ត្រាលី។ សូមបញ្ជាក់ថា រដ្ឋមន្ត្រីក្រសួងការពារជាតិកម្ពុជា បានដឹកនាំយោធាជាន់ខ្ពស់នៃក្រសួងការពារជាតិទៅបំពេញទស្សនកិច្ចនៅប្រទេសអូស្រ្តាលី ចាប់ពីថ្ងៃទី០៦ ដល់ថ្ងៃទី១០ ខែកញ្ញា ឆ្នាំ២០២៦។ ក្នុងដំណើរទស្សនកិច្ចនេះ ឯកឧត្តមនឹងជួបប្រជុំទ្វេភាគីជាមួយរដ្ឋមន្រ្តីក្រសួងការពារជាតិអូស្រ្តាលី និងពិភាក្សាជា​មួយមន្រ្តីយោធាជាន់ខ្ពស់យោធាអូស្រ្តាលីមួយចំនួនផងដែរ៕…

ឯកឧត្តម ស សុខា ឧបនាយករដ្ឋមន្រ្តី និងជារដ្ឋមន្រ្តីក្រសួងមហាផ្ទៃ ស្នើឲ្យមានការត្រួតពិនិត្យឡើងវិញ ក្រោយក្រសួងមហាផ្ទៃបានរកឃើញថា ការដេញថ្លៃធ្វើប្រព័ន្ធលូរំដោះទឹកតាមបណ្ដាខេត្តមួយចំនួនឡើងថ្លៃកប់ពពក ខុសប្រក្រតី។ ឯកឧត្តមលើកឡើងថា ក្នុងការដេញថ្លៃអនុវត្តគម្រោងហេដ្ឋារចនាសម្ព័ន្ធតាមមូលដ្ឋាន ក្រុមហ៊ុនខ្លះបានទម្លាក់តម្លៃធ្វើផ្លូវ ដើម្បីទទួលបានគម្រោងនោះ ប៉ុន្តែដំឡើងតម្លៃលើសេវាបន្ថែមផ្សេង​ ដូចជាបង្គោលសូឡា ឬដាក់លូជាដើម។  ការអះអាងរបស់រដ្ឋមន្រ្តីក្រសួងមហាផ្ទៃ បានធ្វើឡើងនៅក្នុងសន្និបាតបូកសរុបសមិទ្ធផលការ​ងាររបស់ក្រុមប្រឹក្សាឃុំ សង្កាត់ អាណត្តិទី៥ នាព្រឹកថ្ងៃទី០៨ ខែកញ្ញា ឆ្នាំ២០២៦នេះ។ ឯកឧត្តមបញ្ជាក់ថា ការធ្វើប្រព័ន្ធលូ ពេលកប់ក្នុងដីហើយ គ្មាននរណាមើលឃើញទេ ហើយអាជ្ញាធរក៏មិនដឹងថាប្រព័ន្ធលូនោះមានទំហំត្រឹមត្រូវតាមលក្ខខណ្ឌដេញថ្លៃឬយ៉ាងណានោះទេ។ ឯកឧត្តមអំពាវនាវឲ្យមានការរួមគ្នាតាមដានឃ្លាំមើលបញ្ហានេះ ព្រោះការប្រើប្រាស់ថវិកាសម្រាប់ថ្នាក់ក្រោមជាតិ គឺជាថវិការរបស់ប្រជាពលរដ្ឋទាំងអស់គ្នា។ រដ្ឋមន្រ្តីក្រសួងមហាផ្ទៃសង្កត់ធ្ងន់ថា ដើម្បីឲ្យមានតម្លាភាព និងមានគុណភាព ព័ត៌មានដេញថ្លៃត្រូវបង្ហាញឲ្យសាធារណជន និងសារព័ត៌មានបានឃើញ ក្រោយការដេញថ្លៃគម្រោងនានារួចរាល់។ លោកបណ្ឌិត មាស នី អ្នកឃ្លាំមើលការអភិវឌ្ឍសង្គម បានសង្កត់សម្គាល់ឃើញថា ករណីដេញថ្លៃធ្វើការអភិវឌ្ឍតាមឃុំសង្កាត់មួយចំនួន ពិតជាខ្វះតម្លាភាព និងមានអំពើពុករលួយជាប្រព័ន្ធ។  សូមបញ្ជាក់ថា សាធារណជនមានការចាប់អារម្មណ៍ខ្លាំងលើភាពមិនប្រក្តរតីនៃការអនុវត្តគម្រោងអភិវឌ្ឍន៍ឃុំសង្កាត់ ជាពិសេសក្រោយមានការបែកធ្លាយករណីដំឡើងបង្គោលភ្លើងសូឡាបំភ្លឺផ្លូវមួយដើមមានតម្លៃរហូតដល់ ៨លានរៀលនៅខេត្តកំពង់ឆ្នាំង៕ សេង បារាំង AMS

ប្រទេសចិន បានត្រៀមខ្លួនរួចរាល់ក្នុងការសហការជាមួយកម្ពុជា ដើម្បីអនុវត្តតាមការឯកភាពគ្នារវាងមេដឹកនាំជាន់ខ្ពស់នៃប្រទេសទាំងពីរ។ លោក ហាន ចឹង (Han Zheng) អនុប្រធានាធិបតីចិន ​បានលើកឡើងថា កន្លងទៅថ្មីៗនេះ ប្រធានាធិបតីចិន ​ Xi Jinping បានជួបពិភាក្សាជាមួយសម្ដេចតេជោ ហ៊ុន សែន និងសម្ដេចធិបតី ហ៊ុន ម៉ាណែត ដោយបានគូសវាសប្លង់មេដ៏ធំធេងមួយសម្រាប់ការកសាងសហគមន៍ចិន-កម្ពុជា ដែលមានអនាគតរួមគ្នា ក្នុងយុគសម័យថ្មី។ លោក ហាន ចឹង បានលើកឡើងដូច្នេះ នៅចំពោះមុខលោកឧបនាយករដ្ឋមន្ត្រី ស៊ុន ចាន់ថុល អនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា អំឡុងពេលដែលឯកឧត្តមអញ្ជើញទៅចូលរួមក្នុងពិព័រណ៍អន្តរជាតិចិន ស្តីពីការវិនិយោគ និងពាណិជ្ជកម្ម លើកទី២៦ នៅទីក្រុងសៀមិន ប្រទេសចិន។ ឈ្លៀតក្នុងពិព័រណ៍នោះ ឯកឧត្តម ស៊ុន ចាន់ថុល ក៏បានជួបជាមួយឯកឧត្តម Zhou Zuyi លេខាធិការគណៈកម្មាធិការបក្សកុម្មុយនីស្តចិន ប្រចាំខេត្តហ្វូជៀន និងជាប្រធានគណៈកម្មាធិការអចិន្ត្រៃយ៍ នៃសភាប្រជាជនខេត្តហ្វូជៀនផងដែរ។ បច្ចុប្បន្ន ទំនាក់ទំនងទ្វេភាគី កម្ពុជា ចិន បានឈានដល់កម្រិតកំពូលដែលមិនធ្លាប់មាន តាមរយៈ «កិច្ចសហប្រតិបត្តិការដៃគូយុទ្ធសាស្ត្រគ្រប់ជ្រុងជ្រោយ»…