ឯកឧត្ដមឧបនាយករដ្ឋមន្ត្រី ប្រាក់ សុខុន បានលើកទឹកចិត្តដល់មន្ត្រីការទូតកម្ពុជា ឱ្យបន្តសហការជាមួយក្រសួង-ស្ថាប័នពាក់ព័ន្ធ ដើម្បីទាញយកអត្ថប្រយោជន៍ពីកាលានុវត្តភាពថ្មីៗ មករួមចំណែកដល់ការអភិវឌ្ឍសេដ្ឋកិច្ចជាតិ ។ ប្រមុខការទូតកម្ពុជាបានគូសបញ្ជាក់ថា មន្ត្រីការទូតត្រូវតែយល់ដឹងពីគោលនយោបាយសេដ្ឋកិច្ចរបស់កម្ពុជា ដើម្បីទាក់ទាញវិនិយោគិនពីបណ្ដាប្រទេសនានា មកបណ្ដាក់ទុននៅកម្ពុជា ប៉ុន្តែមិនមែនឱ្យបោះបង់តួនាទីស្នូលរបស់ខ្លួននោះទេ ។ ការយល់ដឹងបន្ថែមពីវិស័យអាទិភាពរបស់ជាតិ គឺជារឿងចាំបាច់ ។ ឯកឧត្ដម ប្រាក់ សុខុន ថ្លែងបែបនេះ ក្នុងសិក្ខាសាលាស្ដីពី «បច្ចុប្បន្នភាពស្ថានភាពសេដ្ឋកិច្ចកម្ពុជាសម្រាប់មន្ត្រីការទូត» កាលពីថ្ងៃទី២ ខែវិច្ឆិកា ឆ្នាំ២០២៦ ដោយមានការចូលរួមដោយផ្ទាល់ និងតាមប្រព័ន្ធអនឡាញ ពីសំណាក់ថ្នាក់ដឹកនាំក្រសួងការបរទេស ប្រធានស្ថានតំណាងកម្ពុជានៅបរទេស មន្ត្រីការទូត ព្រមទាំងតំណាងមកពីបណ្តាក្រសួង-ស្ថាប័នពាក់ព័ន្ធ សរុបប្រមាណ ២៥០ រូប ។ ឯកឧត្ដម ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ បានគូសបញ្ជាក់ផងដែរពីតួនាទីដ៏សំខាន់ នៃយន្តការលើកកម្ពស់ផលប្រយោជន៍ពាណិជ្ជកម្ម និងការវិនិយោគ ការពង្រឹងភាពប្រកួតប្រជែងសេដ្ឋកិច្ច ព្រមទាំងផ្សព្វផ្សាយប្រទេសកម្ពុជា ឱ្យក្លាយជាគោលដៅទាក់ទាញសម្រាប់ធុរកិច្ចអន្តរជាតិ និងភ្ញៀវទេសចរ ។ ឯកឧត្តម ឧបនាយករដ្ឋមន្ត្រី សង្កត់ធ្ងន់ថា កម្ពុជាមានប្រៀបផ្នែកសេដ្ឋកិច្ចច្រើន បូករួមនឹងស្ថានភាពភូមិសាស្ត្រអំណោយផលទៅលើវិស័យសំខាន់ៗដូចជា ទេសចរណ៍ កសិកម្ម…

សម្តេចនាយករដ្ឋមន្រ្តី បានជំរុញឱ្យសិស្សានុសិស្សបន្តទម្លាប់អានសៀវភៅលើក្រដាស ជាជាងពឹងផ្អែកលើប្រព័ន្ធឌីជីថល ដើម្បីពង្រឹងការផ្ដោតអារម្មណ៍ គំនិតច្នៃប្រឌិត និងសមត្ថភាពស្រាវជ្រាវ។ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអំពាវនាវ និងជំរុញឱ្យសិស្សានុសិស្សបង្កើនការអានសៀវភៅលើក្រដាសជាជាងការអានតាមប្រព័ន្ធឌីជីថល ដោយសារការអានលើក្រដាសជួយឱ្យមានការផ្តោតអារម្មណ៍បានល្អ ជួយបង្កើនគំនិតច្នៃប្រឌិត និងពង្រឹងសមត្ថភាពស្រាវជ្រាវ ស្របពេលដែលរាជរដ្ឋាភិបាលនៅតែចាត់ទុកការអានសៀវភៅជាគ្រឹះយ៉ាងសំខាន់ក្នុងការកសាងធនធានមនុស្ស។ សម្តេចធិបតី ហ៊ុន ម៉ាណែត បានថ្លែងបែបនេះ នៅក្នុងពិធីសម្ពោធដាក់ឱ្យប្រើប្រាស់ជាផ្លូវការនូវអគារសិក្សាថ្មី ក្នុងខេត្តកំពង់ធំ នាថ្ងៃអង្គារ ទី៣ ខែវិច្ឆិកា ឆ្នាំ២០២៦។ ក្នុងឱកាសនោះ សម្តេចបានគូសបញ្ជាក់ថា ការអានសៀវភៅលើក្រដាសមានការផ្ចិតផ្ចង់ និងផ្តោតអារម្មណ៍បានខ្ពស់ ខុសពីការអានតាមឌីជីថល ដែលងាយនឹងធ្វើឱ្យបែកអារម្មណ៍។ លើសពីនេះ ការអានលើអ៊ីនធឺណិតក៏អាចប៉ះពាល់ដល់ភ្នែក និងកាត់បន្ថយសមត្ថភាពចងចាំ ព្រមទាំងធ្វើឱ្យការអាន និងការស្រាវជ្រាវរបស់សិស្សមានការធ្លាក់ចុះយ៉ាងខ្លាំង។ សម្តេចធិបតីបានរំលេចពីគោលនយោបាយរបស់រាជរដ្ឋាភិបាលថា ការរៀនសូត្រមិនអាចចោលការអានសៀវភៅបានឡើយ ហើយការប្រើប្រាស់សៀវភៅឌីជីថលគួរតែធ្វើឡើងក្នុងកម្រិតបន្តិចបន្តួចបានហើយ ដោយមិនត្រូវបោះបង់សៀវភៅក្រដាសចោលនោះទេ ព្រោះប្រសិនបើពឹងផ្អែកតែលើឌីជីថល នៅពេលមានបញ្ហាបច្ចេកវិទ្យា ឬអ៊ីនធឺណិតគាំង នោះនឹងត្រូវបាត់បង់អ្វីៗទាំងអស់។ ជាមួយគ្នានេះ សម្តេចនាយករដ្ឋមន្ត្រីបានលើកឡើងពីបទពិសោធន៍របស់ប្រទេសស៊ុយអែត ដែលធ្លាប់ជាប្រទេសមុខគេក្នុងការប្តូរទៅរៀនតាមឌីជីថលទាំងស្រុង ប៉ុន្តែត្រូវប្រឈមបញ្ហាជាច្រើន រហូតបច្ចុប្បន្នត្រូវចំណាយថវិការាប់លានអឺរ៉ូបោះពុម្ពសៀវភៅឱ្យសិស្សអានឡើងវិញ។ បើតាមសម្តេចនាយករដ្ឋមន្រ្តី កម្ពុជាត្រូវរៀនសូត្រពីបទពិសោធន៍ និងការរីកចម្រើនរបស់គេ ប៉ុន្តែត្រូវថ្លឹងថ្លែងពីផលប៉ះពាល់ឱ្យបានច្បាស់លាស់។ ប្រមុខដឹកនាំរដ្ឋាភិបាល បានសង្កត់ធ្ងន់ថា ការកសាងធនធានមនុស្ស គឺមានសារសំខាន់បំផុតនៅគ្រប់កម្រិតសិក្សាទាំងអស់ ចាប់តាំងពីថ្នាក់តូចរហូតដល់ថ្នាក់ធំ ដើម្បីធានាបាននូវការអភិវឌ្ឍសមត្ថភាពប្រកបដោយគុណភាព…

អាជ្ញាធរសុខាភិបាលបន្តពង្រឹងការអនុវត្តសេវាពិនិត្យ និងគ្រប់គ្រងជំងឺមហារីកមាត់ស្បូន តាមរយៈការធ្វើតេស្ត HPV កាន់តែមានគុណភាព ប្រសិទ្ធភាព ស័ក្ត័សិទ្ធិភាព និងសមធម៌ ដើម្បីលើកកម្ពស់សុខុមាលភាពស្ត្រីកម្ពុជា ជាពិសេសស្ត្រីនៅតំបន់ជនបទ។ ក្រសួងសុខាភិបាលជំរុញការអនុវត្តសេវាបង្ការ ពិនិត្យរក និងគ្រប់គ្រងជំងឺមហារីកមាត់ស្បូន តាមរយៈការធ្វើតេស្តវីរុស HPV ឱ្យមានប្រសិទ្ធភាព និងសមធម៌នៅទូទាំងប្រទេស។ ការជំរុញនេះធ្វើឡើងក្នុងឱកាសដែលក្រសួងសុខាភិបាលរៀបចំសិក្ខាសាលាផ្សព្វផ្សាយនិយាមជាតិស្តីពីនីតិវិធីប្រតិបត្តិសម្រាប់ការគ្រប់គ្រង ការពិនិត្យ និងការព្យាបាលជំងឺមហារីកមាត់ស្បូនដោយការធ្វើតេស្ត HPV ព្រមទាំងសៀវភៅមគ្គុទ្ទេសក៍ពាក់ព័ន្ធ នៅសណ្ឋាគារសូហ្វីតែល ភ្នំពេញ កាលពីថ្ងៃទី២ ខែវិច្ឆិកា ឆ្នាំ២០២៦។ ក្នុងឱកាសនោះ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល បានសម្តែងការកោតសរសើរ និងវាយតម្លៃខ្ពស់ចំពោះថ្នាក់ដឹកនាំ មន្ត្រីជំនាញ បុគ្គលិកសុខាភិបាល ដៃគូអភិវឌ្ឍន៍ និងគ្រប់ភាគីពាក់ព័ន្ធ ដែលបានសហការគ្នាក្នុងការរៀបចំ និងអភិវឌ្ឍឯកសារបច្ចេកទេសទាំងនេះ ដើម្បីជាមូលដ្ឋានសម្រាប់ការអនុវត្តសេវាបង្ការ ពិនិត្យរក និងគ្រប់គ្រងជំងឺមហារីកមាត់ស្បូន ប្រកបដោយស្តង់ដារ សុវត្ថិភាព និងគុណភាព។ ឯកឧត្តមរដ្ឋមន្ត្រីមានប្រសាសន៍ថា ជំងឺមហារីកមាត់ស្បូន គឺជាបញ្ហាសុខភាពសាធារណៈដ៏សំខាន់ ដែលទាមទារឱ្យមានការយកចិត្តទុកដាក់ និងការចូលរួមពីគ្រប់ភាគីពាក់ព័ន្ធ។ ហានិភ័យនៃជំងឺនេះអាចត្រូវបានកាត់បន្ថយ ហើយការវិវត្តទៅជាមហារីកអាចត្រូវបានបង្ការតាមរយៈការចាក់វ៉ាក់សាំងបង្ការវីរុស HPV ការពិនិត្យរកជំងឺទាន់ពេលវេលា ការធ្វើរោគវិនិច្ឆ័យត្រឹមត្រូវ និងការផ្តល់ការព្យាបាលសមស្រប។ ក្នុងន័យនេះ ការពង្រឹងសេវាពិនិត្យរកជំងឺមហារីកមាត់ស្បូនតាមរយៈការធ្វើតេស្ត…

រដ្ឋបាលរាជធានីភ្នំពេញអំពាវនាវឱ្យម្ចាស់អាជីវកម្មទេសចរណ៍ត្រៀមខ្លួនទទួលភ្ញៀវ ខណៈកម្ពុជានឹងធ្វើជាម្ចាស់ផ្ទះរៀបចំកិច្ចប្រជុំកំពូលហ្វ្រង់កូហ្វូនីនៅពាក់កណ្តាលខែវិច្ឆិកានេះ។ ឯកឧត្តម ហួត ហៃ អភិបាលរងរាជធានីភ្នំពេញ បានអំពាវនាវឱ្យម្ចាស់អាជីវកម្មពាក់ព័ន្ធនិងវិស័យទេសចរណ៍ទាំងអស់ត្រៀមរៀបចំអាជីកម្មរបស់ខ្លួនឱ្យបានម៉ត់ចត់និងល្អបំផុតដើម្បីទទួលភ្ញៀវទេសចរណ៍ ខណៈដែលព្រះរាជាណាចក្រកម្ពុជា នឹងធ្វើជាម្ចាស់ផ្ទះ ក្នុងការរៀបចំកិច្ចប្រជុំកំពូលហ្វ្រង់កូហ្វូនី នៅពាក់កណ្តាលខែវិច្ឆិកានេះ ដោយមានភ្ញៀវមកពី៩២ប្រទេសជុំវិញពិភពលោកចូលរួម។ ក្នុងនាមអភិបាលរាជធានីភ្នំពេញ ឯកឧត្ដម ហួត ហៃ បានអំពាវនាវបែបនេះកាលពីរសៀលថ្ងៃទី០២ វិច្ឆិកា ឆ្នាំ២០២៦នេះ ក្នុងឱកាសនែការប្រារព្ធពិធីអបអរសារទរទិវាទេសចរណ៍ពិភពលោក ឆ្នាំ២០២៦ ក្រោមប្រធានបទស្តីពី របៀបវារៈឌីជីថល និងបញ្ញាសិប្បនិម្មិត ដើម្បីរៀបចំទេសចរណ៍ឡើងវិញ នៅសាលារាជធានីភ្នំពេញ ដោយមានម្ចាស់ និងតំណាងម្ចាស់អាជីវកម្មពាក់ព័ន្ធវិស័យទេសចរណ៍រាប់រយនាក់ចូលរួម។ ឯកឧត្តម ហួត ហៃ បានបញ្ជាក់ថា កម្ពុជានឹងធ្វើជាម្ចាស់ផ្ទះរៀបចំកិច្ចប្រជុំកំពូលហ្វ្រង់កូហ្វូនី ចាប់ពីថ្ងៃទី១៤ដល់ថ្ងៃទី១៦ខែវិច្ឆិកា នៅរាជធានីភ្នំពេញ ដោយមានការចូលរួមពីប្រមុខរដ្ឋ ប្រមុខរដ្ឋាភិបាល និងតំណាងនៃប្រទេសសមាជិកនៃអង្គការអន្តរជាតិហ្វ្រង់កូហ្វូនីប្រមាណ៩០ប្រទេសជុំវិញពិភពលោកចូលរួម។ លោកប្រធានាធិបតីបារាំង អេម៉ានុយអែល ម៉ាក្រុង និងប្រធានាធិបតី២ប្រទេសទៀត ក៏នឹងអញ្ជើញមកកាន់ប្រទេសកម្ពុជាដើម្បីចូលរួមក្នុងកិច្ចប្រជុំនេះផងដែរដែរ។ ដូច្នេះ ឯកឧត្តមសំណូលពរឱ្យម្ចាស់អាជីវកម្មពាក់ព័ន្ធនឹងវិស័យទេសចរណ៍ទាំងអស់ទទួលភ្ញៀវឱ្យបានល្អប្រសើរបំផុត ទាំងការបដិសណ្ឋារកិច្ច ម្ហូបអាហារ អនាម័យ បរិស្ថាន និងការងារពាក់ព័ន្ធផ្សេងទៀត សំដៅធ្វើយ៉ាងណាឱ្យភ្ញៀវទេសចរណ៍ ដែលមកលេងស្រុកខ្មែរម្តងហើយ ចង់មកម្តងទៀត។ យោងតាមមន្ទីរទេសចរណ៍រាជធានីភ្នំពេញ នៅឆ្នាំ២០២៥…