ភ្នំពេញ៖ស្របពេលដែលកម្ពុជាកំពុងត្រៀមខ្លួនធ្វើជាម្ចាស់ផ្ទះរៀបចំកិច្ចប្រជុំកំពូលហ្វ្រង់កូហ្វូនីលើកទី២០ នាពាក់កណ្តាលខែវិច្ឆិកានេះ សៀវភៅមគ្គុទ្ទេសក៍ជា២ភាសា បារាំង-ខ្មែរ ក្រោមចំណងជើងថា «ស្នាមញញឹមខ្មែរ» ត្រូវបានសម្ពោធជាផ្លូវការ ដើម្បីរំលេចពីអត្តសញ្ញាណ​ជាតិ និងលុបបំបាត់ការយល់ខុសអំពីកម្ពុជា ទៅកាន់សហគមន៍អន្តរជាតិ ជាពិសេសបណ្តាប្រទេសនិយាយភាសាបារាំង។ សៀវភៅ «ស្នាមញញឹមខ្មែរ» គឺជាស្នាដៃនិពន្ធរួមគ្នារវាងអ្នកនិពន្ធខ្មែរនិងបារាំង ដោយមានការសហការរវាងសារព័ត៌មានថ្មីៗ និង​គ្រឹះស្ថានបោះពុម្ពផ្សាយស៊ីប៉ា (SIPAR)។ សៀវភៅនេះត្រូវបានប្រកាសចេញផ្សាយជាផ្លូវការនៅថ្ងៃទី០២ ខែវិច្ឆិកា ឆ្នាំ២០២៦ ដោយ​បោះពុម្ពលើកដំបូងចំនួន ៣.០០០ក្បាល។ សៀវភៅនេះត្រូវបានបែងចែកជា ៣ជំពូកធំៗ ផ្តោតលើខ្លឹមសារជាភាសាខ្មែរមួយចំហៀង និងភាសាបារាំងមួយចំហៀង ដែលមានដាក់លក់នៅលើទីផ្សារក្នុងតម្លៃ ៥ដុល្លារក្នុងមួយក្បាល និងមានបែងចែកតាមបណ្ណាល័យនានា​ផងដែរ។ ថ្លែងក្នុងសន្និសីទសារព័ត៌មាននារសៀលថ្ងៃទី២ ខែវិច្ឆិកានៅទីស្តីការក្រសួងព័ត៌មាន ឯកឧត្ដម នេត្រ ភក្ត្រា រដ្ឋមន្ត្រីក្រសួងព័ត៌មានបាន​បញ្ជាក់ថា ការចេញផ្សាយសៀវភៅនេះ គឺចំពេលដ៏សំខាន់ដែលកម្ពុជានឹងធ្វើជាម្ចាស់ផ្ទះកិច្ចប្រជុំកំពូលហ្វ្រង់កូហ្វូនីលើកទី២០ ពីថ្ងៃទី១៤ ដល់១៦ វិច្ឆិកា។ ឯកឧត្តមចាត់ទុកការចេញផ្សាយនេះថា ជាឱកាសដ៏មានតម្លៃក្នុងការបង្ហាញពីវប្បធម៌ អក្សរសិល្ប៍ ប្រវត្តិសាស្ត្រ និងការ​រស់នៅរបស់ពលរដ្ឋកម្ពុជា ទៅកាន់សហគមន៍ហ្វ្រង់កូហ្វូនី និងមិត្តភក្តិអន្តរជាតិ។ ជាងនេះទៅទៀត ក្រសួងព័ត៌មាននឹងយកសៀវភៅនេះ ទៅចែកជូនដល់អ្នកសារព័ត៌មានជាតិនិងអន្តរជាតិ នៅថ្ងៃបើកកិច្ចប្រជុំកំពូលផងដែរ ដើម្បីផ្សព្វផ្សាយពីភាពអស្ចារ្យរបស់កម្ពុជា។ លោក គី សុខលីម…

ឯកឧត្តម ប៉ែន បូណា អ្នកនាំពាក្យរាជរដ្ឋាភិបាលកម្ពុជា បានប្រាប់បណ្ដាញព័ត៌មាន AMS នៅថ្ងៃចន្ទទី០២ ខែវិច្ឆិកា ឆ្នាំ២០២៦នេះថា កម្ពុជានៅរក្សាជំហរដដែល គឺមិនស្នើបើកច្រកព្រំដែនជាមួយថៃឡើងវិញឡើយ ព្រោះការបិទព្រំដែននេះមិនមែនជាគំនិតផ្តួចផ្តើមរបស់កម្ពុជាទេ។ ការបញ្ជាក់របស់អ្នកនាំពាក្យរាជរដ្ឋាភិបាលកម្ពុជានេះ គឺឆ្លើយតបក្រោយពីលោក អានុទីន ចាន់វីរ៉ាគុល (Anutin Charnvirakul) នាយករដ្ឋមន្រ្តីបានថ្លែងកាលពីពេលថ្មីៗនេះថា ប្រទេសថៃមិនមានផែនការបើកច្រកព្រំដែនជាមួយកម្ពុជាឡើងវិញ ឬស្តារទំនាក់ទំនងទ្វេភាគីឱ្យត្រឡប់ទៅកម្រិតដូចមុននោះទេ ដរាបណាបញ្ហាសំខាន់ៗមួយចំនួន រួមមានជម្លោះទឹកដី បទល្មើសឆ្លងដែន និងសន្តិសុខជាតិ មិនទាន់ត្រូវបានដោះស្រាយ។ សម្រាប់លោកបណ្ឌិត គិន ភា អ្នកឃ្លំាមើលសង្គម និងនយោបាយនៅកម្ពុជា និងជាប្រធានវិទ្យាស្ថានទំនាក់ទំនងអន្តរជាតិនៃរាជបណ្ឌិត្យសភាកម្ពុជា ការលើកឡើងរបស់នាយករដ្ឋមន្រ្តីថៃពីរឿងបិទបើកព្រំដែន ដោយយកបញ្ហាទឹកដី បទល្មើសឆ្លងដែន និងសន្តិសុខជាតិជាលេសនេះ បានក្លាយទៅជារបៀបវារៈនយោបាយ ដើម្បីគ្រាន់តែការពារតំណែងរដ្ឋាភិបាលរបស់លោកប៉ុណ្ណោះ។ អ្នកជំនាញដដែលនេះ បានគូសបញ្ជាក់ថា ៖ ដើម្បីបន្តជីវិតដើម្បីនិរន្តរភាពរដ្ឋាភិបាលខ្លួនដែលចប់អាណត្តិនឹង គឺមានតែប្រើសន្លឹកបៀព្រំដែននឹងតទៅទៀតទេ អានឹងខ្ញុំគិតថា បញ្ហា៣ដែលគាត់លើកនឹង គឺជាបញ្ហាដែលប្រើប្រាស់ជាឧបករណ៍បន្តជីវិតរដ្ឋាភិបាលរបស់គាត់។ សូមបញ្ជាក់ថា នៅពាក់កណ្តាលឆ្នាំ២០២៥ ពេលកម្ពុជានិងថៃចាប់ផ្តើមមានភាពតាងតឹងខ្លាំងដាក់គ្នានៅតាមព្រំដែន ភាគីថៃបានសម្រេចបិទច្រកព្រំដែនគោកទាំងអស់ជាមួយកម្ពុជាជាឯកតោភាគី ព្រោះចង់ដាក់សម្ពាធសេដ្ឋកិច្ចលើកម្ពុជា។ ក្រោយភាគីថៃសម្រេចបែបនេះ កម្ពុជាក៏បានបិទតាមក្រោយដែរ ហើយកម្ពុជាក៏មិនដែលនឹកនាស្នើឲ្យថៃបើកច្រកព្រំដែនគោកឡើងវិញឡើយរហូតមកដល់ប្ចុប្បន្ន៕ សេង…

ការពីថ្ងៃទី 31 ខែតុលានៅថ្ងៃទី 1 វិច្ឆិកានៅភ្នំពេញ ក្រុព្រឹត្តិការណ៍ “ម៉ាអេមនៅលើទឹក” បានធ្វើឲ្យបរិយាកាសនៅ Walkstreet កាន់តែមានភាពរស់រវើក និងសប្បាយរីករាយជាមួយឆាកបណ្តែតទឹកដ៏ធំប្លែកមិនធ្លាប់មាននៅកម្ពុជា ព្រមទាំងការសម្តែង Flyboard Show ដ៏អស្ចារ្យពីម្ចាស់កំណត់ត្រាពិភពលោក Guinness World Records ដែលបានទាក់ទាញការចាប់អារម្មណ៍ពីសំណាក់អ្នកចូលរួមយ៉ាងច្រើនកុះករ។ បន្ថែមពីនេះ អ្នកចូលរួមក៏បានរីករាយជាមួយការសម្តែងពីសំណាក់សិល្បករល្បីៗជាច្រើន រួមមាន កញ្ញា Pich Solika, លោក Tep Piseth, លោក Yuuhai, , លោក Monetrey ព្រមទាំង DJ ដែលបានរួមគ្នាបង្កើតបរិយាកាសសប្បាយរីករាយ និងធ្វើឲ្យរាត្រីកាន់តែ “ម៉ាអេម” ជាមួយអ្នកគាំទ្ររាប់ពាន់នាក់។ តាមរយៈព្រឹត្តិការណ៍នេះ អាន់ឆ័របានបន្តបេសកកម្មរបស់ខ្លួនក្នុងការនាំយកបទពិសោធន៍ថ្មីៗ និងបង្កើតពេលវេលាដ៏ចងចាំជាមួយអ្នកគាំទ្រ ដោយធ្វើឲ្យគ្រប់ឱកាសកាន់តែ “ម៉ាអេម” និងពោរពេញទៅដោយភាពសប្បាយរីករាយ។ សម្រាប់ព័ត៌មាន និងសកម្មភាពថ្មីៗបន្ថែមទៀត សូមចូលទៅកាន់ទំព័រហ្វេសប៊ុកផ្លូវការ Anchor Beer (Cambodia)។ ពិសាដោយការទទួលខុសត្រូវ!

អ្នកភូមិសំរោង ក្រុងអង្គរ នៅតែបន្តរក្សាមុខរបរធ្វើអំបោសពីដើមរុក្ខជាតិរកពីព្រៃតជំនាន់ ដើម្បីទ្រទ្រង់ជីវភាពគ្រួសារ ព្រមទាំងរួម​ចំណែក​យ៉ាងសំខាន់​ដល់កិច្ចការសម្អាត និងថែរក្សាសោភណភាពរមណីយដ្ឋានអង្គរ។ ដើម្បីសម្រេចបាននូវអំបោសមួយដើម មិនមែនជាការងារងាយស្រួល ។ទោះបីជាការដើរប្រមូលដើមពួច និងដើមម្រេចទន្សាយ​ពីក្នុងព្រៃជ្រៅ តម្រូវឱ្យបោះតង់សម្រាកអត់ធន់ជាច្រើនថ្ងៃ និងទទួលបានប្រាក់ចំណូលមិនសូវខ្ពស់ក៏ដោយ ប៉ុន្តែអ្នកភូមិសំរោង ឃុំលាងដៃ ស្រុកអង្គរធំ ខេត្តសៀមរាប នៅតែបន្តរក្សាមុខរបរធ្វើអំបោសអំពីដើមរុក្ខជាតិតាមព្រៃនេះដដែល។មុខរបរតជំនាន់នេះ ដែលមិនត្រឹមតែជួយ​សម្រាល​បន្ទុកគ្រួសារប៉ុណ្ណោះទេ ប៉ុន្តែថែមទាំងជាសម្ភារជួយដល់ការសម្អាតបរិស្ថានប្រាសាទក្នុងរមណីយដ្ឋានអង្គរផងដែរ។ អំបោស គឺជាសម្ភារប្រើប្រាស់ប្រចាំថ្ងៃដែលមិនអាចខ្វះបានឡើយ សម្រាប់បោសសម្អាតតាមផ្ទះ ទីធ្លា និងតាមដងផ្លូវ។ ទោះបី​ជា​អំបោស​ធ្វើអំពីដើមរុក្ខជាតិមានច្រើនប្រភេទយ៉ាងណាក៏ដោយ ប៉ុន្តែសម្រាប់អ្នកភូមិសំរោង ឃុំលាងដៃ ស្រុកអង្គរធំ បានជ្រើសរើសយក​ដើមពួច និងដើមម្រេចទន្សាយ មកច្នៃធ្វើជាអំបោស ពីព្រោះរុក្ខជាតិ២ប្រភេទនេះ ធន់នឹងសំណឹក ព្រមទាំងស្រាលងាយស្រួលបោស។ ដើម្បី​បាន​រុក្ខជាតិទាំងនេះមកផលិតជាអំបោស អ្នកភូមិត្រូវឆ្លងកាត់ការលំបាកជាច្រើនដំណាក់កាល។ ស្ថិតក្នុងគ្រួសារមួយដែលប្រកបរបរធ្វើអំបោសតជំនាន់ លោក រឿម សារ៉ូ បានរៀបរាប់ថា ដោយសាររុក្ខជាតិដែលត្រូវធ្វើអំបោស​នៅក្បែរភូមិ​កាន់តែខ្សត់ លោកត្រូវធ្វើដំណើរទៅកាន់ស្រុកស្ទោង ខេត្តកំពង់ធំ និងត្រូវបោះតង់សម្រាកក្នុងព្រៃយ៉ាងតិចជិត ១០ថ្ងៃ ក្នុងមួយជើងៗ ដើម្បីកាប់ដើមពួច និងម្រេចទន្សាយឱ្យបានពេញគោយន្ត។ អ្នកស្រី រឹម ហាវ ដែលជាភរិយា បានឱ្យដឹងបន្ថែមថា ការចេញរកមួយជើងៗអាចកាប់រុក្ខជាតិយកមកធ្វើអំបោសបានចាប់ពី ៥០០…

កម្ពុជា នឹងធ្វើជាម្ចាស់ផ្ទះវេទិកាហិរញ្ញវត្ថុអន្តរជាតិ Black Swan Summit ជាលើកដំបូង នៅពាក់កណ្ដាលខែវិច្ឆិកានេះ ដោយមានការចូលរួមពីទេសាភិបាលធនាគារកណ្តាល និយ័តករ តំណាងគ្រឹះស្ថានធនាគារ និងក្រុមហ៊ុនបច្ចេកវិទ្យាហិរញ្ញវត្ថុ (FinTech) ក្នុងតំបន់អាស៊ាន និងបណ្តាប្រទេសប្រើប្រាស់ភាសាបារាំង។ វេទិកាអន្តរជាតិនេះ នឹងធ្វើឡើងនៅថ្ងៃទី១៥-១៦ ខែវិច្ឆិកា ឆ្នាំ២០២៦ ដោយមានការសហការរវាងធនាគារជាតិនៃកម្ពុជា (NBC) និងស្ថាប័នបណ្ដាញបច្ចេកវិទ្យា និងហិរញ្ញវត្ថុសកល (GFTN)។ តាមរយៈវេទិកានេះ អ្នកចូលរួមនឹងទទួលបានទស្សនទានថ្មីៗ និងការយល់ដឹងកាន់តែច្បាស់អំពីទិសដៅវិវត្តនៃប្រព័ន្ធហិរញ្ញវត្ថុ ព្រមទាំងឱកាស និងបញ្ហាប្រឈមនានា ដែលអាចកើតមានក្នុងវិស័យនេះ នាពេលអនាគត។ លោកជំទាវបណ្ឌិត ជា សិរី ទេសាភិបាល ធនាគារជាតិនៃកម្ពុជា គូសបញ្ជាក់ថា កម្ពុជា ធ្លាប់ឆ្លងកាត់​ពេលវេលាដ៏លំបាកមួយកាលពីអតីតកាល ដោយត្រូវកសាងប្រព័ន្ធហិរញ្ញវត្ថុរបស់ខ្លួនឡើងវិញពីចំណុចសូន្យ។ ប្រព័ន្ធបាគង បានបង្ហាញឱ្យឃើញថា ហេដ្ឋារចនាសម្ព័ន្ធឌីជីថលអាចជួយជំរុញប្រតិបត្តិការ​អន្តរធនាគារឱ្យកាន់តែទូលំទូលាយ ពង្រីកលទ្ធភាពទទួលបានសេវាទូទាត់ឌីជីថល ពង្រឹងតួនាទីរបស់ប្រាក់រៀល និងតភ្ជាប់កម្ពុជាឱ្យកាន់តែជិតស្និទ្ធជាមួយប្រទេសនានា។ សម្រាប់លោកជំទាវបណ្ឌិត ជា សិរី កិច្ចប្រជុំ Black Swan Summit Cambodia នឹងផ្តល់​ជាវេទិកាសម្រាប់ពិភាក្សាកាន់តែទូលំទូលាយ អំពីបទពិសោធទាំងនេះជាមួយបណ្តាប្រទេសក្នុងតំបន់អាស៊ីអាគ្នេយ៍…

ឯកឧត្តម ប្រាក់ សុខុន ឧបនាយករដ្ឋមន្ត្រី ​រដ្ឋមន្ត្រី​ការបរទេសកម្ពុជា នឹង​ដឹកនាំគណៈប្រតិភូកម្ពុជា អញ្ជើញ​ចូល​រួមកិច្ចប្រជុំ​រដ្ឋមន្ត្រីការបរទេសមេគង្គ-ឡានឆាង លើកទី១១ នៅរដ្ឋធានីប៉េកាំង ប្រទេសចិន ដើម្បីពង្រឹងកិច្ចសហប្រតិបត្តិការតំបន់ និងទំនាក់ទំនងទ្វេ​ភាគី។ ក្រសួងការបរទេស និងសហប្រតិបត្តិការ​អន្តរជាតិ បានប្រកាសឱ្យដឹងកាលពីថ្ងៃចន្ទទី២ វិច្ឆិកាថា ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការ​បរទេស នឹងដឹកនាំគណៈប្រតិភូជាន់ខ្ពស់អញ្ជើញទៅ​បំពេញទស្សនកិច្ច និងចូលរួមកិច្ចប្រជុំរដ្ឋមន្ត្រីការ​បរទេស​មេគង្គ-ឡានឆាង លើកទី១១ នៅរដ្ឋធានី​ប៉េកាំងចាប់ពីថ្ងៃទី៣ ដល់ថ្ងៃទី៤ ខែវិច្ឆិកា ឆ្នាំ២០២៦ ដើម្បីពង្រឹងកិច្ចសហប្រតិបត្តិការតំបន់ និងទំនាក់ទំនង​ទ្វេភាគីកម្ពុជា-ចិន។ ដំណើរចូលរួមនេះ គឺតបតាមការអញ្ជើញរបស់ ឯកឧត្តម វ៉ាង យី រដ្ឋមន្ត្រីការបរទេសចិន។ ក្នុងអំឡុង​ពេលកិច្ចប្រជុំ រដ្ឋមន្ត្រីការបរទេសនៃ​បណ្តាប្រទេស​សមាជិកមេគង្គ-ឡានឆាង នឹងធ្វើការវាយតម្លៃលើ​វឌ្ឍនភាពនៃការអនុវត្តផែនការសកម្មភាពប្រាំឆ្នាំ ២០២៣-២០២៧ ព្រមទាំងផ្លាស់ប្តូរទស្សនៈលើទិសដៅ និងអាទិភាពនាពេលអនាគត។កិច្ចពិភាក្សានៅក្នុងកិច្ចប្រជុំនេះ នឹងផ្តោតជាសំខាន់​លើ​ការ​ពង្រឹង​ចំណងមិត្តភាព សាមគ្គីភាព ការជំរុញការ​អភិវឌ្ឍប្រកបដោយចីរភាព និងការលើកកម្ពស់​ការតភ្ជាប់ផ្នែកសង្គម និងវប្បធម៌នៅក្នុងអនុតំបន់​មេគង្គ-ឡានឆាង។ ក្រសួងការបរទេសបានឱ្យដឹងទៀតថា នៅប្រទេស​ចិន​ក្រៅពីចូលរួមក្នុងកិច្ចប្រជុំ ឯកឧត្តមឧបនាយក​រដ្ឋមន្ត្រី ប្រាក់ សុខុន ក៏គ្រោងនឹងជួប​ពិភាក្សា​ការងារទ្វេ​ភាគីដាច់​ដោយឡែកមួយជាមួយ ឯកឧត្តម វ៉ាង យី…

ពិធីប្រណាំងទូក ង រយៈពេល២ថ្ងៃនៅខេត្តតាកែវ បានបិទបញ្ចប់ដោយជោគជ័យ ក្រោមអធិបតីភាពឯកឧត្តមរដ្ឋមន្ត្រី ជា វ៉ាន់ដេត និងមានការចូលរួមទស្សនាយ៉ាងច្រើនកុះករពីប្រជាពលរដ្ឋ។ ឯកឧត្តម ជា វ៉ាន់ដេត រដ្ឋមន្ត្រីក្រសួងប្រៃសណីយ៍និងទូរគមនាគមន៍ និង ជា ប្រធាន ក្រុម ការងារ រាជរដ្ឋាភិបាលចុះមូលដ្ឋាន ខេត្តតាកែវ បានអញ្ជើញជាអធិបតីដ៏ខ្ពង់ខ្ពស់ក្នុងពិធីបិទការប្រណាំងទូក ង នៅខេត្តតាកែវ នៅរសៀល ថ្ងៃទី១ ខែវិច្ឆិកា ឆ្នាំ២០២៦ ដើម្បីអបអរសាទរព្រះរាជពិធីបុណ្យអុំទូក បណ្តែតប្រទីប និងសំពះព្រះខែ អកអំបុក ឆ្នាំ២០២៦។ កម្មវិធីនេះក៏ជាការចូលរួមចំណែកថែរក្សាវប្បធម៌ ប្រពៃណី និងលើកស្ទួយវិស័យកីឡាអុំទូក ង និងទេសចរណ៍នៅខេត្តតាកែវផងដែរ។ ការអញ្ជើញចូលរួមក្នុងព្រឹត្តិការណ៍នេះមាន តំណាងរាស្ត្រ ក្រុមប្រឹក្សាខេត្ត គណៈ អភិបាល ខេត្ត ថ្នាក់ ដឹកនាំ ជាអនុប្រធាន សមាជិក ក្រុម ការងារ រាជរដ្ឋាភិបាលថ្នាក់ជាតិចុះមូលដ្ឋាន ខេត្ត តាកែវ មន្ទីរ អង្គភាព ស្ថាប័ន នានាជុំវិញខេត្ត…

អ្នកជំនាញកិច្ចការតំបន់ និងភូមិសាស្ត្រនយោបាយរំពឹងថា កម្ពុជានឹងលើកឡើងពីបញ្ហាសន្តិសុខ ជម្លោះព្រំដែន ការបង្ក្រាបបទល្មើសឆ្លងដែន និងការជំរុញកិច្ចសហប្រតិបត្តិការសេដ្ឋកិច្ច ក្នុងឱកាសដែលឯកឧត្តម ប្រាក់ សុខុន ឧបនាយករដ្ឋមន្ត្រី ដឹកនាំគណៈប្រតិភូចូលរួមកិច្ចប្រជុំរដ្ឋមន្ត្រីការបរទេស មេគង្គ-ឡានឆាង លើកទី១១ នៅរដ្ឋធានីប៉េកាំង ប្រទេសចិន នាថ្ងៃទី៣-៤ ខែវិច្ឆិកា ឆ្នាំ២០២៦។ តបតាមការអញ្ជើញរបស់ ឯកឧត្តម វ៉ាង យី រដ្ឋមន្ត្រីការបរទេសចិន ឯកឧត្តមឧបនាយករដ្ឋមន្ត្រី ប្រាក់ សុខុន នឹងដឹកនាំគណៈប្រតិភូអញ្ជើញទៅបំពេញទស្សនកិច្ច និងចូលរួមកិច្ចប្រជុំដ៏មានសារៈសំខាន់នេះ។ ក្នុងអំឡុងពេលកិច្ចប្រជុំ រដ្ឋមន្ត្រីការបរទេសនៃបណ្តាប្រទេសសមាជិកមេគង្គ-ឡានឆាង នឹងធ្វើការវាយតម្លៃលើវឌ្ឍនភាពនៃការអនុវត្តផែនការសកម្មភាព ៥ឆ្នាំ ២០២៣-២០២៧ ព្រមទាំងផ្លាស់ប្តូរទស្សនៈលើទិសដៅ និងអាទិភាពនាពេលអនាគត។ យោងតាមការប្រកាសរបស់ក្រសួងការបរទេសនៅថ្ងៃទី ២ វិច្ឆិកា កិច្ចពិភាក្សានឹងផ្តោតជាសំខាន់លើការពង្រឹងចំណងមិត្តភាព សាមគ្គីភាព ការជំរុញការអភិវឌ្ឍប្រកបដោយចីរភាព និងការលើកកម្ពស់ការតភ្ជាប់ផ្នែកសង្គម និងវប្បធម៌នៅក្នុងអនុតំបន់មេគង្គ-ឡានឆាង។ ក្រៅពីកិច្ចប្រជុំតំបន់ ឯកឧត្តមឧបនាយករដ្ឋមន្ត្រី ប្រាក់ សុខុន ក៏គ្រោងនឹងជួបពិភាក្សាការងារទ្វេភាគីដាច់ដោយឡែកជាមួយ ឯកឧត្តម វ៉ាង យី ដើម្បីស្វែងរកមធ្យោបាយថ្មីៗក្នុងការពង្រឹងទំនាក់ទំនងកម្ពុជា-ចិន និងផ្លាស់ប្តូរទស្សនៈលើបញ្ហាតំបន់ និងអន្តរជាតិដែលជាផលប្រយោជន៍រួម។ ឯកឧត្តម​…