កៀវ ៖ ប្រធានាធិបតីអ៊ុយក្រែន លោក Volodymyr Zelensky បាននិយាយ កាលពីថ្ងៃអាទិត្យថា ប្រទេសរបស់លោកនឹងបញ្ឈប់ការវាយប្រហារលើរោងចក្រប្រេងកែច្នៃរបស់រុស្ស៊ី ប្រសិនបើរដ្ឋាភិបាលវ៉ាស៊ីនតោនផ្តល់ប្រព័ន្ធមីស៊ីលការពារអាកាស Patriot ដ៏មានឥទ្ធិពលដល់ទីក្រុងកៀវ។ បំណងឈប់ឲ្យវាយប្រហារបែបនេះ ត្រូវបានគេដឹងថា គឺជាតម្រូវការចម្បងរបស់ប្រធានាធិបតីអាមេរិក លោក Donald Trump។ ថ្លែងទៅកាន់បណ្តាញព័ត៌មានអាមេរិក Fox News, លោក Zelensky បាននិយាយថា «ប្រសិនបើចង់ឱ្យយើងមិនវាយប្រហារលើរោងចក្រប្រេងកែច្នៃរបស់រុស្ស៊ី ពួកគេក៏ត្រូវតែមិនវាយប្រហារលើប្រព័ន្ធថាមពលរបស់យើងដែរ។ ជម្រើសមួយទៀតគឺ ផ្តល់មីស៊ីល Patriot មកឱ្យយើង យើងនឹងស្វែងរកថវិកាទិញ ដោយមិនមែនគ្រាន់តែសុំជាជំនួយនោះទេ»។ លោក Zelensky បានបន្ថែមថា ប្រសិនបើរដ្ឋាភិបាលវ៉ាស៊ីនតោនផ្តល់ប្រព័ន្ធមីស៊ីលទាំងនោះសម្រាប់រយៈពេលមួយខែ ទីក្រុងកៀវនឹងផ្អាកការវាយប្រហារលើរោងចក្រប្រេងកែច្នៃរបស់រុស្ស៊ី ក្នុងរយៈពេលដូចគ្នានេះដែរ។ មីស៊ីល Patriot ស្ថិតក្នុងចំណោមអាវុធសំខាន់បំផុតដែលអ៊ុយក្រែនមាន ដើម្បីស្ទាក់ចាប់ដ្រូន និងមីស៊ីលរបស់រុស្ស៊ី។ ក្រសួងការបរទេសអាមេរិកបានឱ្យដឹងថា រដ្ឋបាលរបស់លោក Trump កាលពីថ្ងៃសុក្របានអនុម័តការលក់មីស៊ីល Patriot ចំនួន ៥០០ គ្រាប់ទៅឱ្យអ៊ុយក្រែន ប៉ុន្តែប្រធានាធិបតីអ៊ុយក្រែនរូបនេះបានព្រមានថា ការប្រគល់អាវុធទាំងនោះអាចត្រូវចំណាយពេលរាប់ឆ្នាំ។ អាជ្ញាធរអ៊ុយក្រែនបានព្រមានជាច្រើនសប្តាហ៍មកហើយថា ស្ដុកមីស៊ីលស្ទាក់ចាប់របស់ពួកគេកំពុងតែថយចុះយ៉ាងខ្លាំង។…

បរទេស ៖ តម្លៃប្រេងបានធ្លាក់ចុះជាង ១% នៅថ្ងៃចន្ទនេះ បន្ទាប់ពីមន្ត្រីអ៊ីរ៉ង់ និងកាតាបានជួបចរចាគ្នាជាថ្ងៃទី៣ ជាប់ៗគ្នា ដោយមានគោលបំណងជំរុញឱ្យមានកិច្ចព្រមព្រៀងមួយ ដើម្បីបញ្ចប់សង្គ្រាមដែលដឹកនាំដោយសហរដ្ឋអាមេរិក និងអ៊ីស្រាអែល ប្រឆាំងនឹងអ៊ីរ៉ង់។ បើតាម Reuters, តម្លៃប្រេងឆៅ Brent សម្រាប់ការដឹកជញ្ជូននាពេលអនាគត បានធ្លាក់ចុះ ១,៥៩ ដុល្លារ ឬ ១,៤០% មកនៅត្រឹម ១១១,៨៤ ដុល្លារក្នុងមួយបារ៉ែល ខណៈដែលតម្លៃប្រេងឆៅប្រភេទ West Texas Intermediate ហៅកាត់ WTI របស់សហរដ្ឋអាមេរិក បានធ្លាក់ចុះ ១,៥៦ ដុល្លារ ឬ ១,៥០% មកនៅត្រឹម ១០២,៥៦ ដុល្លារក្នុងមួយបារ៉ែល។ ជាការកត់សម្គាល់, តម្លៃប្រេង Brent បានបញ្ចប់ខែតុលា ក្នុងកម្រិតខ្ពស់បំផុត អំឡុងរយៈពេល ៦ ខែចុងក្រោយ ដោយសារមានក្តីបារម្ភថា ជម្លោះរវាងសហរដ្ឋអាមេរិក និងអ៊ីរ៉ង់ អាចនឹងកើនឡើងកាន់តែខ្លាំងម្តងទៀត បន្ទាប់ពីការបោះឆ្នោតពាក់កណ្តាលអាណត្តិរបស់សហរដ្ឋអាមេរិក នៅថ្ងៃអង្គារនេះ។ លោក…

កៀវ ៖ កងទ័ពអាកាសអ៊ុយក្រែន បានអះអាងកាលពីថ្ងៃ អាទិត្យ ថា កម្មវិធីទូរស័ព្ទជូនដំណឹងអំពីការវាយប្រហារតាមអាកាស ឬ “Air Raid Alert” របស់អ៊ុយក្រែន ត្រូវរងការវាយប្រហារតាមប្រព័ន្ធអ៊ីនធឺណិត ដោយបានផ្ញើសារព្រមានមិនពិត និងបង្កឱ្យមានការភ្ញាក់ផ្អើលជាខ្លាំងដល់ប្រជាពលរដ្ឋ ។ បើតាម Kyiv Independent, កម្មវិធី “Air Raid Alert” នេះ គឺជាឧបករណ៍បច្ចេកវិទ្យាដ៏សំខាន់មួយ ដែលបង្កើតឡើងក្រោមកិច្ចសហការរវាងរដ្ឋាភិបាលអ៊ុយក្រែន និងក្រុមហ៊ុនបច្ចេកវិទ្យាសន្តិសុខ Ajax Systems ដើម្បីផ្ដល់ដំណឹងភ្លាមៗដល់ពលរដ្ឋ ក្នុងការស្វែងរកជម្រកសុវត្ថិភាព នៅពេលមានការវាយប្រហារដោយយន្តហោះដ្រូន ឬមីស៊ីលពីរុស្ស៊ី ។ មុនពេលរងការវាយប្រហារតាមប្រព័ន្ធអ៊ីនធឺណិត កម្មវិធីនេះបានផ្ញើសារជូនដំណឹងទៅកាន់ទូរស័ព្ទដៃរបស់ពលរដ្ឋក្នុងទីក្រុងកៀវ និងតំបន់មួយចំនួនទៀត ដោយព្រមានអំពី «គ្រោះថ្នាក់វិទ្យុសកម្ម ឬនុយក្លេអ៊ែរ» ពិសេស «គ្រោះថ្នាក់គីមី» និង «ការប្រយុទ្ធគ្នាតាមដងផ្លូវ» ។ ឆ្លើយតបបញ្ហានេះ កងទ័ពអាកាស និងមជ្ឈមណ្ឌលប្រឆាំងព័ត៌មានក្លែងក្លាយអ៊ុយក្រែន បានចេញមុខប្រកាសភ្លាមៗតាមបណ្តាញសង្គម Telegram ថា ការវាយប្រហារតាមប្រព័ន្ធអ៊ីនធឺណិតនេះ គឺជាការជ្រៀតជ្រែកពីសំណាក់សត្រូវ ។ ទន្ទឹមគ្នា…

អង់ការ៉ា ៖ ប្រធានាធិបតីតួកគី លោក រ៉េសេប តាយយីប អឺដូហ្គាន បានថ្កោលទោសការវាយប្រហារលើនាវាស៊ីវិលថា ជាទង្វើដែលមិនអាចទទួលយកបាន និងព្រមានថា សង្គ្រាមនៅអ៊ុយក្រែនកំពុងឆេះរាលដាលឆ្លងចូលដល់តំបន់សមុទ្រខ្មៅ ។ ការព្រមាននេះត្រូវបានធ្វើឡើង បន្ទាប់ពីមេដឹកនាំតួកគីយ៉េរូបនេះ ជួបពិភាក្សាជាមួយប្រធានាធិបតីអ៊ុយក្រែន លោក វ៉ូឡូឌីមៀ ហ្សេឡេនស្គី ដែលបានមកបំពេញទស្សនកិច្ចនៅទីក្រុងអ៊ីស្តង់ប៊ុល ប្រទេសតួកគីយ៉េ ដែលជាបងធំទី២ នៅក្នុងអង្គការណាតូ កាលពីថ្ងៃអាទិត្យ ។ ថ្លែងក្នុងសន្និសីទកាសែតរួមគ្នា លោក អឺដូហ្គាន បានជំរុញឱ្យគ្រប់ភាគីជម្លោះប្រកាន់ខ្ជាប់នូវការទទួលខុសត្រូវ ដោយលោកអះអាងថា ការបង្កើនភាពតានតឹង និងការកំណត់គោលដៅវាយប្រហារលើនាវាស៊ីវិល នឹងមិនផ្តល់ផលប្រយោជន៍ដល់ភាគីណាមួយឡើយ ។ ប្រធានាធិបតីតួកគីយ៉េរូបនេះ បានសង្កត់ធ្ងន់ថា សន្តិភាពដ៏យុត្តិធម៌មួយ គឺជាសន្តិភាពដែលគ្មានភាគីណាមួយក្លាយជាអ្នកចាញ់នោះទេ ហើយផ្លូវការទូតនៅតែអាចនាំមកនូវលទ្ធផលជាក់ស្តែងបាន ។ ជាការឆ្លើយតប លោកប្រធានាធិបតី ហ្សេលេនស្គី និយាយថា លោកបានឯកភាពជាមួយលោក អឺដូហ្គាន ក្នុងការសហការបង្កើតច្រករបៀងដឹកជញ្ជូនគ្រាប់ធញ្ញជាតិតាមសមុទ្រខ្មៅ ដើម្បីធានាថា ផ្លូវដឹកជញ្ជូនតាមសមុទ្រនេះនៅតែអាចដំណើរការបានជាប្រក្រតី និងមានប្រសិទ្ធភាព ។ បើតាមស៊ីនហួរ, អង្គការសហប្រជាជាតិ និងតួកគីយ៉េ បានសម្របសម្រួលបង្កើតគំនិតផ្តួចផ្តើមដឹកជញ្ជូនគ្រាប់ធញ្ញជាតិតាមសមុទ្រខ្មៅ ជាមួយរុស្ស៊ី…

តេហេរ៉ង់ ៖ ប្រទេសអ៊ីរ៉ង់ កាលពីថ្ងៃអាទិត្យ បានប្រកាសចាត់ទុកកងទ័ពជើងទឹក អាកាស និងសេវាស៊ើបការណ៍សម្ងាត់ (MI6) របស់ចក្រភពអង់គ្លេស ជាអង្គភាព «ភេរវករ និងអរិភាព» ដោយសារតែសកម្មភាពរបស់ទីក្រុងឡុងដ៍ប្រឆាំងនឹងទីក្រុងតេហេរ៉ង់ក្នុងពេលមួយឆ្នាំកន្លងមកនេះ ។ វិធានការក្តៅនេះ កើតឡើងក្រោយអ៊ីរ៉ង់ចោទថា ចក្រភពអង់គ្លេសបានធ្វើសកម្មភាពជាច្រើនប្រឆាំងនឹងប្រទេសខ្លួន មានដូចជាការចូលរួមរបស់ទីក្រុងឡុងដ៍ក្នុងសង្គ្រាមប្រឆាំងអ៊ីរ៉ង់ តាមរយៈការបើកដៃឱ្យអាមេរិកប្រើប្រាស់មូលដ្ឋានទ័ព និងទីតាំងយោធានានានៅលើទឹកដីខ្លួន ក៏ដូចជាការចាត់ទុកកងកម្លាំងឆ្មាំបដិវត្តន៍អ៊ីស្លាមអ៊ីរ៉ង់ (IRGC) ថា ជា «ការគំរាមកំហែងដល់សន្តិសុខជាតិ» ។ បើតាមក្រសួងការបរទេសអ៊ីរ៉ង់, ការសម្រេចចិត្តចាត់ទុកកងទ័ពជើងទឹក អាកាស និងសេវាស៊ើបការណ៍សម្ងាត់ (MI6) របស់ចក្រភពអង់គ្លេស ជាអង្គភាព «ភេរវករ និងអរិភាព» បានចូលជាធរមានកាលពីថ្ងៃទី១ ខែវិច្ឆិកាតទៅ ដោយផ្អែកលើសេចក្តីសម្រេចដែលអនុម័តដោយក្រុមប្រឹក្សាសន្តិសុខជាតិជាន់ខ្ពស់របស់អ៊ីរ៉ង់ ។ បន្ថែមលើនេះ អ៊ីរ៉ង់ក៏បានថ្កោលទោសគោលនយោបាយ និងសកម្មភាពអរិភាពរបស់ទីក្រុងឡុងដ៍ប្រឆាំងនឹងទីក្រុងតេហេរ៉ង់ផងដែរ ដោយចាត់ទុកសកម្មភាពនានារបស់ចក្រភពអង់គ្លេស បានផ្ទុយស្រឡះពីគោលការណ៍ធម្មនុញ្ញអង្គការសហប្រជាជាតិ និងច្បាប់អន្តរជាតិ ជាពិសេសគោលការណ៍ស្តីពីការគោរពអធិបតេយ្យភាពជាតិ និងការហាមឃាត់វិធានការខុសច្បាប់ប្រឆាំងនឹងរដ្ឋដទៃ ។ ជាមួយគ្នានេះ ក្រសួងការបរទេសអ៊ីរ៉ង់ បានសង្កត់ធ្ងន់ទៀតថា វិធានការទាំងនេះត្រូវបានអនុម័តស្របតាមច្បាប់អន្តរជាតិ និងគោលការណ៍សងសឹកតបត ដោយព្រមានថា រដ្ឋាភិបាលអង់គ្លេសនឹងត្រូវទទួលខុសត្រូវចំពោះផលវិបាកដែលកើតចេញពីសកម្មភាពអរិភាពរបស់ខ្លួនប្រឆាំងនឹងទីក្រុងតេហេរ៉ង់…