សេអ៊ូល ៖ អាល្លឺម៉ង់ និងកូរ៉េខាងត្បូង កាលពីថ្ងៃព្រហស្បតិ៍ បានប្រកាសពីការពង្រឹងភាពជាដៃគូផ្នែកសន្តិសុខ ដោយលើកឡើងថា កិច្ចសហប្រតិបត្តិការដែលកំពុងកើនឡើង រវាងទីក្រុងមូស្គូ និងទីក្រុងព្យុងយ៉ាង បង្ហាញថា សន្តិសុខនៅអឺរ៉ុប និងអាស៊ី កាន់តែមានទំនាក់ទំនងផ្សារភ្ជាប់គ្នាទៅវិញទៅមក។ ប្រធានាធិបតីកូរ៉េខាងត្បូង លោក Lee Jae-myung បានមានប្រសាសន៍ថា នៅក្នុងកិច្ចប្រជុំកំពូលមួយនៅទីក្រុងសេអ៊ូល រដ្ឋាភិបាលទាំងពីរបានព្រមព្រៀងគ្នាពង្រីកកិច្ចសហប្រតិបត្តិការលើវិស័យការពារជាតិ និងសន្តិសុខ។ លោកបានបន្ថែមថា ភាគីទាំងពីរគ្រោងចុះហត្ថលេខាលើកិច្ចព្រមព្រៀងមួយស្តីពីការការពារព័ត៌មានយោធាដែលមានលក្ខណៈសម្ងាត់។ លោក Lee បានថ្លែងថា «ក្រុមហ៊ុនការពារជាតិរបស់កូរ៉េ មានចំណាប់អារម្មណ៍យ៉ាងខ្លាំងក្នុងការបង្កើតភាពជាដៃគូយូរអង្វែងជាមួយអាល្លឺម៉ង់ រួមទាំងការបង្កើតសហគ្រាសរួម ឬ joint ventures និងគម្រោងអភិវឌ្ឍន៍រួមគ្នាផ្សេងៗទៀត»។ លោក Friedrich Merz អធិការបតីអាល្លឺម៉ង់ ដែលធ្វើទស្សនកិច្ចនៅសេអ៊ូល បានលើកឡើងថា ការបញ្ជូនកងទ័ពកូរ៉េខាងជើងទៅចូលរួមប្រយុទ្ធប្រឆាំងនឹងអ៊ុយក្រែន បង្ហាញឱ្យឃើញថា ជម្លោះនានានៅពេលបច្ចុប្បន្ន មិនមែនមានកម្រិតត្រឹមតែនៅក្នុងតំបន់ណាមួយនោះទេ។ លោក Merz បន្ថែមថា «ពិភពលោកពិតជាបានក្លាយទៅជាតូចចង្អៀត សូម្បីតែនៅក្នុងគ្រាដែលមានសង្គ្រាមក៏ដោយ»។ បើតាម reuters, សេចក្តីប្រកាសនេះធ្វើឡើងក្នុងពេលដែលរដ្ឋាភិបាលលោកខាងលិចបានព្រមានថា កិច្ចសហប្រតិបត្តិការយោធារវាងទីក្រុងមូស្គូ និងទីក្រុងព្យុងយ៉ាង បានកាន់តែស៊ីជម្រៅចាប់តាំងពីការឈ្លានពានរបស់រុស្ស៊ីទៅលើអ៊ុយក្រែន។…

វ៉ាស៊ីនតោន ៖ លោកស្រី Melania Trump ស្ត្រីទីមួយនៃសហរដ្ឋអាមេរិក កាលពីថ្ងៃព្រហស្បតិ៍ទទួលបានការកោតសរសើរ ទាំងរុស្ស៊ី និងអ៊ុយក្រែន ចំពោះការសម្របសម្រួលបទឈប់បាញ់ ដើម្បីផ្តល់ជំនួយ នៅទីក្រុង Oleshky។ នេះបើតាមការចេញផ្សាយរបស់ reuters។ បើតាមប្រភព, ភរិយារបស់លោកប្រធានាធិបតី ដូណាល់ ត្រាំ រូបនេះ បានជួយសម្របសម្រួលឱ្យមានបទឈប់បាញ់មួយ នៅជុំវិញទីក្រុង Oleshky របស់អ៊ុយក្រែន ដែលកំពុងស្ថិតក្រោមការគ្រប់គ្រងរបស់រុស្ស៊ី និង កំពុងជួបប្រទះការខ្វះខាតយ៉ាងធ្ងន់ធ្ងរ។ បទឈប់បាញ់នេះត្រូវបានធ្វើឡើង ក្នុងពេលដែលកិច្ចខិតខំប្រឹងប្រែងកំពុងចាប់ផ្តើម ដើម្បីនាំយកស្បៀងអាហារ និងថ្នាំពេទ្យចូលទៅក្នុងតំបន់នោះ ព្រមទាំងអនុញ្ញាតឱ្យមនុស្សរាប់រយនាក់អាចចាកចេញបាន។ បទឈប់បាញ់នេះអនុវត្តតែចំពោះទីក្រុង Oleshky និងតំបន់ Kherson ទាំងមូលប៉ុណ្ណោះ ដែលជាតំបន់បានរងការវាយប្រហារស្ទើរតែរៀងរាល់ថ្ងៃ ពីសំណាក់យន្តហោះដ្រូន និងកាំភ្លើងធំអស់រយៈពេលជាច្រើនឆ្នាំមកហើយ។ ក្នុងចំណោមប្រជាជនចំនួន ២៤.០០០ នាក់ដែលធ្លាប់រស់នៅទីនោះមុនសង្គ្រាម, គេជឿថា មានប្រជាជនប្រហែល ១.៥០០ នាក់ នៅតែបន្តរស់នៅកណ្តាលគំនរបាក់បែក ដោយត្រូវប្រឈមមុខនឹងការទម្លាក់គ្រាប់ផ្លោងជាប្រចាំ ព្រមទាំង ការខ្វះខាតស្បៀងអាហារ និងថ្នាំពេទ្យយ៉ាងធ្ងន់ធ្ងរ។ ប្រតិបត្តិការនៅទីក្រុង Oleshky នេះ…

ប៉ារីស ៖ ប្រធានាធិបតីបារាំង លោក Emmanuel Macron កាលពីថ្ងៃព្រហស្បតិ៍ បានចោទប្រកាន់អ្នកនយោបាយស្តាំនិយមជ្រុលថា បានបង្កើត បរិយាកាសនៃការរើសអើងពូជសាសន៍ នៅទូទាំងប្រទេសបារាំង។ បើតាម Reuters, ការចោទប្រកាន់នេះ ធ្វើឡើង នៅប៉ុន្មានថ្ងៃបន្ទាប់ពីមានករណីសម្លាប់មនុស្សមួយករណី ដែលមានមូលហេតុពាក់ព័ន្ធនឹងបញ្ហាពូជសាសន៍ នៅតំបន់ជាយក្រុងប៉ារីស។ ហេតុការណ៍វាយប្រហារ កាលពីថ្ងៃសុក្រ សប្តាហ៍មុន ដែលបណ្តាលឱ្យមនុស្សម្នាក់ស្លាប់ និង ៧ នាក់ផ្សេងទៀតរងរបួស បង្កឱ្យមានការជជែកដេញដោយ៉ាងក្តៅគគុកអំពីបញ្ហាការរើសអើងពូជសាសន៍ នៅក្នុងឆាកនយោបាយ និងប្រព័ន្ធផ្សព្វផ្សាយរបស់បារាំង។ ព្រឹត្តិការណ៍នេះកើតឡើង ក្នុងពេលដែលប្រទេសបារាំងកំពុងប្រឈមមុខនឹងបញ្ហាសង្គមជាច្រើន ខណៈដែលការបោះឆ្នោតជ្រើសរើសប្រធានាធិបតីនឹងមកដល់ក្នុងរយៈពេលប៉ុន្មានខែខាងមុខ។ នៅក្នុងបទសម្ភាសន៍ដ៏វែងមួយ ជាមួយអ្នកបង្កើតមាតិកាលើ YouTube ឈ្មោះ Hugo Decrypte ដែលត្រូវបានផ្សព្វផ្សាយ កាលពីយប់ថ្ងៃពុធ, លោក Macron បានលើកឡើងថា «មានចលនានយោបាយមួយចំនួន ដែលបាននាំឱ្យមានការបញ្ចេញមតិដោយគ្មានការរារាំង ឬ ការយល់ឃើញថា អាចនិយាយអ្វីក៏បាន ឬ disinhibition of speech និងបង្កើតឱ្យមានបរិយាកាសនៃការរើសអើងពូជសាសន៍នៅក្នុងសង្គម»។ លោកបានចង្អុលបង្ហាញថា គណបក្ស National…

ព្យុងយ៉ាង ៖ ចំពេលផ្ទុះភាពតានតឹងខ្លាំងតាមបណ្តោយព្រំដែនជាមួយកូរ៉េខាងត្បូង, លោក គីម ជុងអ៊ុន មេដឹកនាំកូរ៉េខាងជើង បានប្រកាសប្រាប់នៅចំពោះមុខកងទ័ពថា ត្រូវតែត្រៀមខ្លួនធ្វើសង្គ្រាមឲ្យបានពេញលេញ។ នេះបើតាមការចេញផ្សាយរបស់ទីភ្នាក់ងារសារព័ត៌មានកណ្តាលកូរ៉េ KCNA ថ្មីៗនេះ។ អំឡុងកិច្ចប្រជុំលើកទី ៣ នៃមេបញ្ជាការកងអនុសេនាធំរបស់កងទ័ពប្រជាជនកូរ៉េ ហៅកាត់ KPA កាលពីថ្ងៃអង្គារ សប្តាហ៍នេះ, លោក គីម ជុងអ៊ុន បានរៀបរាប់ថា «ភារកិច្ចបដិវត្តន៍ចម្បងរបស់មេបញ្ជាការកងអនុសេនាធំ គឺត្រូវបញ្ចប់ការរៀបចំប្រយុទ្ធឲ្យរួចរាល់ នៅក្នុងអង្គភាព ដើម្បីត្រៀមខ្លួនឱ្យបានពេញលេញសម្រាប់ការផ្ទុះសង្គ្រាម»។ មេដឹកនាំកូរ៉េខាងជើងវ័យ៤២ឆ្នាំរូបនេះ បានគូសបញ្ជាក់ថា ភាពស្មោះត្រង់ និងសមត្ថភាពដឹកនាំរបស់ពួកគេ គួរតែត្រូវបានបង្ហាញ តាមរយៈជោគជ័យក្នុងការប្រែក្លាយអង្គភាពរបស់ខ្លួន ឱ្យទៅជាកងកម្លាំងដែល «ម្នាក់អាចទប់ទល់នឹងសត្រូវមួយរយនាក់ ដោយមានជំនឿមុតមាំលើបដិវត្តន៍, មានស្មារតីស្នេហាជាតិ, មានវីរភាពដ៏អស្ចារ្យដែលគ្មានគូប្រៀប និងមានប្រសិទ្ធភាពក្នុងការប្រយុទ្ធ»។ បើតាម anadolu, ការលើកឡើងរបស់លោក គីម ដែលប្រាប់ឲ្យកងទ័ពត្រៀមខ្លួនចូលសមរភូមិធ្វើសង្គ្រាមយ៉ាងដូច្នេះ បានធ្វើឡើង ក្នុងពេលដែលភាពតានតឹងនៅលើឧបទ្វីបកូរ៉េកំពុងកើនឡើង ពោលគឺបន្ទាប់ពីមានហេតុការណ៍ផ្ទុះគ្រាប់ កាលពីខែមុន នៅក្នុងតំបន់គ្មានយោធា DMZ ដែលខណ្ឌចែករវាងកូរ៉េខាងជើង និងកូរ៉េខាងត្បូង ជាហេតុបណ្តាលឱ្យទាហានកូរ៉េខាងត្បូងចំនួន ៣ នាក់រងរបួស។…

វ៉ាស៊ីនតោន ៖ ប្រធានាធិបតីអាមេរិកលោក ដូណាល់ ត្រាំ កាលពីថ្ងៃព្រហស្បតិ៍បានប្រកាសផ្តល់ថ្នាំពេទ្យជួយព្យាបាលប្រជាជនអ៊ីរ៉ង់ ក្រោយពេលដែលទីក្រុងវ៉ាស៊ីនតោនបានចាប់ផ្តើមធ្វើសង្គ្រាមប្រឆាំងនឹងទីក្រុងតេហេរ៉ង់រយៈពេលជាង ៨ ខែមកនេះ ។ ឆ្លើយតបនឹងសំណួរអំពីលិខិតរបស់អនុប្រធានាធិបតីអាមេរិក លោក JD Vance ផ្ញើទៅកាន់អ៊ីរ៉ង់ដែលផ្ដោតលើជំនួយវេជ្ជសាស្ត្រកាលពីពេលថ្មីៗនេះ, លោក ត្រាំ បានប្រាប់អ្នកសារព័ត៌មានថា «រឿងនេះពិតជាអាចធ្វើបាន ដោយសារតែប្រជាជនអ៊ីរ៉ង់កំពុងត្រូវការជំនួយផ្នែកសម្ភារៈវេជ្ជសាស្ត្រ និងរបស់របរផ្សេងៗទៀតជាចាំបាច់ ។ លោកថា ការនាំយកសម្ភារៈចាំបាច់នានាចូលទៅជួយដល់ប្រជាជនដែលកំពុងមានបញ្ហាសុខភាព គឺជាសាមញ្ញ និងគ្រាន់តែជាធម្មតាប៉ុណ្ណោះ ។ ការលើកឡើងពីការបំណងចង់ជួយផ្តល់សម្ភារៈវេជ្ជសាស្ត្រនេះ បានធ្វើឡើង បន្ទាប់ពីប្រព័ន្ធផ្សព្វផ្សាយអាមេរិក Wall Street Journal បានរាយការណ៍ថា លោក JD Vance សរសេរទៅកាន់មន្ត្រីសន្តិសុខជាន់ខ្ពស់របស់ទីក្រុងតេអេរ៉ង់កាលពីថ្ងៃពុធ ។ បើតាមទីភ្នាក់ងារសារព័ត៌មានអ៊ីរ៉ង់ Tasnim, ទីក្រុងតេហេរ៉ង់បានទទួលលិខិតពីលោក JD Vance រួចហើយ ប៉ុន្តែមិនទាន់មានការឆ្លើយតបណាមួយនៅឡើយទេ។ ជុំវិញការលើកឡើងនេះ, បេសកម្មរបស់ប្រទេសអ៊ីរ៉ង់ប្រចាំអង្គការសហប្រជាជាតិនៅទីក្រុងញូវយ៉ក មិនបានឆ្លើយតបភ្លាមៗ ចំពោះសំណើសុំការអត្ថាធិប្បាយលើលិខិតនេះនៅឡើយទេ ខណៈការិយាល័យរបស់លោក JD Vance ក៏មិនបានឆ្លើយតបភ្លាមៗចំពោះសំណើសុំការអត្ថាធិប្បាយនោះដែរ ៕…

វ៉ាស៊ីនតោន ៖ មន្ទីរបញ្ចកោណកាលពីថ្ងៃព្រហស្បតិ៍បានព្រមានទៅដល់បណ្តាប្រទេសអឺរ៉ុប ឲ្យកាត់បន្ថយការនិយាយពាក្យសម្តីណាដែលប៉ះពាល់ដល់ប្រទេសរុស្ស៊ី ក្រោយពេលដែល លោកប្រធានាធិបតី វ្ល៉ាឌីមៀ ពូទីន ព្រមានបំផ្ទុះសង្គ្រាម ជាមួយទ្វីបមួយនេះទាំងមូល ប្រសិនបើអឺរ៉ុប មិនព្យាយាមស្តារទំនាក់ទំនងជាមួយរុស្ស៊ីទេនោះ ។ បើតាម Reuters, លោក ពូទីន ព្រមានថា ទីក្រុងមូស្គូបានត្រៀមខ្លួនរួចរាល់សម្រាប់សង្គ្រាម ដែលអាចកើតមានជាមួយអឺរ៉ុប បើទោះបីជារុស្ស៊ីមិនចង់ឱ្យមានសង្គ្រាមបែបនេះក៏ដោយ ។ លោកថា រុស្ស៊ីចង់ពង្រឹងទំនាក់ទំនងជាមួយអឺរ៉ុបជាជាងការធ្វើសង្គ្រាម ព្រោះ ជម្លោះនឹងមិននាំឱ្យមានអ្នកឈ្នះនោះឡើយ ។ បើតាមលោក ពូទីន, សង្គ្រាមនឹងធ្វើឲ្យមានការប៉ះពាល់ជាច្រើន រួមទាំងទំនាក់ទំនងផងដែរ ហើយបញ្ហានេះអាចនាំឱ្យកើតមានស្ថានការណ៍ស្រដៀងគ្នាទៅនឹងអ្វីដែលកំពុងកើតឡើង នៅច្រកសមុទ្រហ័រមូស ក្នុងជម្លោះរវាងសហរដ្ឋអាមេរិក និងអ៊ីរ៉ង់ ។ ឆ្លើយតបនឹងរឿងនេះ មន្ត្រីក្រសួងការពារជាតិអាមេរិក បានស្នើទៅកាន់ប្រទេសជាសមាជិកអង្គការណាតូមួយចំនួន ឱ្យកាត់បន្ថយភាពតានតឹងនូវវោហាសាស្ត្ររបស់ពួកគេ ដែលនិយាយទាក់ទងនឹងការគំរាមកំហែង ពីសំណាក់រុស្ស៊ី ដោយសារតែសេចក្តីថ្លែងការណ៍មួយចំនួនរបស់មេដឹកនាំ និងមន្ត្រីអឺរ៉ុបទាំងនោះបានធ្វើឱ្យប៉ះពាល់ដល់សន្តិសុខ នៅក្នុងទ្វីបអឺរ៉ុប ។ ប្រភពដដែលបញ្ជាក់ថា ប្រទេសអឺរ៉ុប ដែលទទួលបានសារស្នើឱ្យមានការប្រុងប្រយ័ត្នចំពោះការថ្លែងជាសាធារណៈប៉ះពាល់រុស្ស៊ី រួមមាន លីទុយអានី, ឡាតវី និង អេស្តូនី ។…