-
ចិន រកឃើញកំណប់រ៉ែមាស និងទង់ដែង ១ លាន ២០០ តោន មានតម្លៃជាង ៤៥ ពាន់លានដុល្លារ
ប៉េកាំង ៖ ប្រទេសចិនកាលពីថ្ងៃអង្គារបានប្រកាសពីការរកឃើញកំណប់រ៉ែទង់ដែងជាង ១ លានតោន និងមាសចំនួន ២០០ តោន ដោយគិតជាទឹកប្រាក់មានតម្លៃជាង ៤៥ ពាន់លានដុល្លារ ។ នេះបើតាមការបញ្ជាក់ពីក្រសួងធនធានធម្មជាតិចិន ។ ប្រភពដដែលបញ្ជាក់ថា តំបន់រ៉ែកម្រមួយនេះមានឈ្មោះថា Chating ស្ថិតនៅក្នុងខេត្ត Anhui ភាគកណ្តាលនៃប្រទេសចិន ។ វាមានបណ្តោយប្រហែល ១.២ គីឡូម៉ែត្រ និង ទទឹង ១.១ គីឡូម៉ែត្រ ។ សមិទ្ធផលដ៏សំខាន់នេះត្រូវបានសម្រេច ក្នុងរយៈពេលត្រឹមតែប៉ុន្មានខែប៉ុណ្ណោះ ហើយវាមានសារៈសំខាន់ខ្លាំងណាស់ ព្រោះថា ប្រទេសចិនមានតម្រូវការទង់ដែងខ្ពស់ និងនៅតែពឹងផ្អែកខ្លាំងលើការផ្គត់ផ្គង់ពីខាងក្រៅ ប៉ុន្តែការរកឃើញប្រភពរ៉ែ Chating នៅក្នុងខេត្ត Anhui លើកនេះ បង្ហាញថា ប្រទេសចិននៅតែមានសក្តានុពលយ៉ាងខ្លាំងក្នុងការរុករករ៉ែក្នុងស្រុក។ បើតាម South China morning post, ទង់ដែង គឺជាវត្ថុធាតុមិនអាចខ្វះបាន សម្រាប់បណ្តាញចែកចាយអគ្គិសនី, យានយន្តអគ្គិសនី, ថាមពលកកើតឡើងវិញ និង មជ្ឈមណ្ឌលទិន្នន័យសម្រាប់បច្ចេកវិទ្យា AI…
-
ទីក្រុងញូវយ៉ក ផ្តើមអនុវត្តបម្រាមមិនឲ្យសិស្សប្រើ AI ពីថ្នាក់បឋម រហូតដល់ អនុវិទ្យាល័យ
អាមេរិក ៖ អាជ្ញាធរទីក្រុងញូវយ៉ក កាលពីថ្ងៃពុធ បានប្រកាសដាក់បម្រាម រយៈពេលមួយឆ្នាំ លើការប្រើប្រាស់បច្ចេកវិទ្យា AI សម្រាប់សិស្សសាលារដ្ឋ ចាប់ពីថ្នាក់បឋមសិក្សា រហូតដល់ អនុវិទ្យាល័យ ។ លោក Zohran Mamdani អភិបាលក្រុងញូយ៉កនិយាយថា សាលារៀនទាំងអស់នៅទីក្រុងញូយ៉កនឹងត្រូវផ្អាកការប្រើប្រាស់ឧបករណ៍អប់រំ AI ប្រមាណ ៤០ ប្រភេទ ដែលកំពុងដំណើរការបច្ចុប្បន្ន នៅក្នុងថ្នាក់រៀន ។ លោក Mamdani គូសបញ្ជាក់ថា «កុមារត្រូវការគ្រូបង្រៀន និងការទំនាក់ទំនងរវាងមនុស្ស និង មនុស្ស ដើម្បីរៀនសូត្រ ជាមួយនឹងការលូតលាស់។ ពួកគេត្រូវការអភិវឌ្ឍជំនាញជាមួយមិត្តរួមថ្នាក់ បង្កើតទំនាក់ទំនងជាមួយលោកគ្រូ អ្នកគ្រូ និង ដោះស្រាយបញ្ហាលំបាកៗ ដោយខ្លួនឯង»។ យ៉ាងណា លោកអះអាងថា លោកគ្រូ អ្នកគ្រូ នៅតែត្រូវបានអនុញ្ញាតឱ្យប្រើប្រាស់ AI សម្រាប់ការរៀបចំកិច្ចការបង្រៀន និងការងាររដ្ឋបាល ដូចជា ការរៀបចំកាលវិភាគជាដើម។ យ៉ាងណា ក្រុមហ៊ុនអភិវឌ្ឍន៍ AI ធំៗ ដូចជា…
-
ពលរដ្ឋម្នាក់មកប្តឹងដល់ក្រសួងយុត្តិធម៌ ដោយចោទនគរបាល និងមន្រ្តីតុលាការខេត្តស្ទឹងត្រែងថាចាប់គាត់ទៅឃុំឃាំង១ឆ្នាំដោយភាន់ច្រឡំ
ប្រជាពលរដ្ឋខ្មែរ-ឥស្លាមនៅខេត្តស្ទឹងត្រែងម្នាក់បានដាក់ពាក្យបណ្ដឹងនៅក្រសួងយុតិ្តធម៌ដើម្បីសុំកិច្ចអន្តរាគមន៍ស្វែងរកយុត្តិធម៌ឡើងវិញ ដោយអះអាងថា រូបគេត្រូវមន្រ្តីនគរបាលយុត្តិធម៌ និងមន្រ្តីតុលាការខេត្តស្ទឹងត្រែង ចាប់និងឃុំខ្លួនច្រឡំរយៈពេល ១ឆ្នាំ។ ឯកឧត្តម ឯម ច័ន្ទមករា អ្នកនាំពាក្យក្រសួងយុតិ្តធម៌ បានប្រាប់បណ្ដាញព័ត៌មាន AMS នៅថ្ងៃទី០៣ ខែកញ្ញា ឆ្នាំ២០២៦នេះថា ក្រសួងបានទទួលជ្រាប និងកំពុងយកចិត្តទុកដាក់តាមដានយ៉ាងដិតដល់ចំពោះករណីដែលកើតឡើងនៅសាលាដំបូងខេត្តស្ទឹងត្រែងនេះ។ អ្នកនាំពាក្យក្រសួងយុតិ្តធម៌បញ្ជាក់ថា បានឃើញសេចក្តីប្រកាសព័ត៌មានបំភ្លឺរបស់លោកអ្នកនាំពាក្យសាលាដំបូងខេត្តស្ទឹងត្រែង និងបានឃើញនូវពាក្យបណ្តឹងតវ៉ារបស់ប្រជាពលរដ្ឋដែលបានដាក់ចូលមកកាន់ក្រុមប្រឹក្សាវិន័យនៃឧត្តមក្រុមប្រឹក្សានៃអង្គចៅក្រមរួចហើយ។ ករណីនេះ ឯកឧត្តម ឯម ច័ន្ទមករា គូសបញ្ជាក់ថា ក្រសួងកំពុងធ្វើចំណាត់ការផ្ទៃក្នុងតាមនីតិវិធី និងសមត្ថកិច្ច ដើម្បីធានាភាពយុត្តិធម៌ពិតប្រាកដ ហើយករណីនេះចាំបាច់ត្រូវឆ្លងកាត់ការអង្កេតស្រាវជ្រាវយ៉ាងល្អិតល្អន់ និងឯករាជ្យ ដោយយន្តការមានសមត្ថកិច្ច ជាពិសេសក្រុមប្រឹក្សាវិន័យនៃឧត្តមក្រុមប្រឹក្សានៃអង្គចៅក្រម ដែលជាស្ថាប័នមានសមត្ថកិច្ចផ្ទាល់ក្នុងការពិនិត្យមើលភាពត្រឹមត្រូវ ឬភាពមិនប្រក្រតីនៃការអនុវត្តនីតិវិធីរបស់ចៅក្រម និងព្រះរាជអាជ្ញា។ ជាមួយគ្នានេះ ឯកឧត្តមបញ្ជាក់ថា ក្រសួងលើកទឹកចិត្តឱ្យប្រជាពលរដ្ឋប្រើប្រាស់សិទ្ធិតវ៉ាតាមផ្លូវច្បាប់ដូចករណីខាងលើនេះផងដែរ។ សូមបញ្ជាក់ថា ពលរដ្ឋខ្មែរ-ឥស្លាមដែលបានដាក់ពាក្យបណ្ដឹងនេះ មានឈ្មោះថា ស្លេះ ហ្វឺត រស់នៅភូមិស្រែពោធិ៍ សង្កាត់ស្រះឬស្សី ក្រុងស្ទឹងត្រែង ខេត្តស្ទឹងត្រែង។ ក្នុងពាក្យបណ្ដឹងនោះ លោក ស្លេះ ហ្វឺត បានបញ្ជាក់ថា នៅថ្ងៃទី០៦ ខែតុលា ឆ្នាំ២០២៥ សមត្ថកិច្ចបានចាប់ខ្លួនលោក ដោយចោទថាបានកាប់រុករានដីព្រៃដោយខុសច្បាប់ធ្វើជាកម្មសិទ្ធិនៅឧទ្យាណជាតិវ៉ើនសៃ-សៀមប៉ាង។ ប៉ុន្តែការចាប់ខ្លួននៅពេលនោះ ត្រូវបានលោក និងក្រុមគ្រួសាបដិសេធថាមិនមែនជាឈ្មោះរបស់លោកនៅក្នុងដីកាចាប់ខ្លួនទេ។ នៅក្នុងដីកា…
-
ក្រសួងចំនួន២ ជំរុញឲ្យអ្នកប្រកបរបរសេដ្ឋកិច្ចក្រៅប្រព័ន្ធងាកមកចុះបញ្ជីក្នុងប្រព័ន្ធ ដើម្បីទទួលបានអត្ថប្រយោជន៍ និងឱកាសថ្មីៗ
ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងក្រសួងទេសចរណ៍ បានជំរុញ និងលើកទឹកចិត្តដល់អ្នកប្រកបរបរសេដ្ឋកិច្ចក្រៅប្រព័ន្ធ ឱ្យងាកមកចុះឈ្មោះនៅក្នុងប្រព័ន្ធវិញ ដើម្បីទទួលបានការលើកទឹកចិត្ត និងការថែបំប៉នផ្សេងៗពីក្រសួង-ស្ថាប័នពាក់ព័ន្ធ។ អត្ថប្រយោជន៍ដែលអ្នកប្រកបរបរសេដ្ឋកិច្ចក្រៅប្រព័ន្ធទទួលបាននាពេលបច្ចុប្បន្ន រួមមាន៖ ការស្នើចូលជាសមាជិក ប.ស.ស. សម្រាប់បុគ្គលស្វ័យនិយោជន៍, បណ្ណជំនាញតម្លៃ ១៥០ដុល្លារ, បណ្ណជំនួយសម្រាប់ដំណោះស្រាយឌីជីថលតម្លៃ ១លានរៀល, កញ្ចប់ធានារ៉ាប់រង, សេវាឌីជីថលសម្រាប់ការលក់ និងគ្រប់គ្រងអាជីវកម្ម, ការបណ្តុះបណ្តាលជំនាញគ្រប់គ្រងហិរញ្ញវត្ថុ សហគ្រិនភាព និងជំនាញឌីជីថល។ យោងតាមរបាយការណ៍ក្រសួងឧស្សាហកម្ម គិតត្រឹមថ្ងៃទី២ ខែកញ្ញា ឆ្នាំ២០២៦ សំណើចុះឈ្មោះចំនួនជាង ៤៦ម៉ឺន ៥ពាន់លើថ្នាលឌីជីថល ត្រូវបានអនុម័តដោយផ្តល់វិញ្ញាបនបត្រឌីជីថលជូនដល់អ្នកសេដ្ឋកិច្ចក្រៅប្រព័ន្ធ សម្រាប់ប្រើប្រាស់ដើម្បីស្នើសុំអត្ថប្រយោជន៍នានា។ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ និងជាប្រធានគណៈកម្មាធិការសម្របសម្រួលការអភិវឌ្ឍសេដ្ឋកិច្ចក្រៅប្រព័ន្ធ បានគូសបញ្ជាក់ថា ការចុះឈ្មោះមិនមែនគ្រាន់តែដើម្បីទទួលបានវិញ្ញាបនបត្រប៉ុណ្ណោះទេ ប៉ុន្តែជាការបើកច្រកទៅរកអត្ថប្រយោជន៍ និងឱកាសថ្មីៗ សម្រាប់ការរីកចម្រើន។ ទោះបីយ៉ាងណា ឯកឧត្តមបានសង្កត់ធ្ងន់ថា ការចុះឈ្មោះបានសម្រេចមិនមានន័យថានឹងទទួលបានអត្ថប្រយោជន៍ដោយស្វ័យប្រវត្តិទេ តែអ្នកសេដ្ឋកិច្ចក្រៅប្រព័ន្ធត្រូវស្នើសុំអត្ថប្រយោជន៍នីមួយៗទៅតាមលក្ខខណ្ឌកំណត់។ រាជរដ្ឋាភិបាលបានដាក់ចេញ និងជំរុញការអនុវត្តយុទ្ធសាស្ត្រជាតិស្តីពីការអភិវឌ្ឍសេដ្ឋកិច្ចក្រៅប្រព័ន្ធ ឆ្នាំ២០២៣-២០២៨ ដោយបង្កលក្ខណៈឱ្យអ្នកប្រកបរបរក្នុងសេដ្ឋកិច្ចក្រៅប្រព័ន្ធមានលទ្ធភាពចូលរួម និងទទួលបានអត្ថប្រយោជន៍ពីប្រព័ន្ធគាំពារសង្គមផ្លូវការ ព្រមទាំងការបណ្តុះបណ្តាលជំនាញវិជ្ជាជីវៈ និងបច្ចេកទេសជូនដល់យុវជនមកពីគ្រួសារក្រីក្រ និងគ្រួសារងាយរងហានិភ័យចំនួន…
-
ឯកឧត្តម ប៉ែន បូណា៖ ពួកយើងត្រូវដើរតួជាមគ្គុទេ្ទសក៍ ដ៏ពូកែដើម្បីបង្ហាញសមិទ្ធផលរបស់រាជរដ្ឋាភិបាលឱ្យដិតក្នុងអារម្មណ៍ប្រជាពលរដ្ឋជានិច្ច
កែប៖ «កែបគឺជាខេត្តទេសចរណ៍ដ៏ច្រឡឹង និងដ៏មានសក្តានុពល ជាខេត្តមួយក្នុងចំណោមខេត្តជាប់មាត់សមុទ្រទាំងបួនរបស់កម្ពុជា ជាតំបន់សេដ្ឋកិច្ចពិសេសពហុបំណង និងជារបៀងសេដ្ឋកិច្ចប្រទាក់ក្រឡាគ្នាដ៏សំខាន់។ ដូច្នេះ យើងមិនត្រូវបណ្តោយឱ្យសក្តានុពលនិងភាពល្បីល្បាញនេះត្រូវបានគេមើលរំលងឬត្រូវគេបំភ្លៃ វាយប្រហារ ដោយសាររឿងរ៉ាវបន្តិចបន្តួចដែលកើតឡើងនោះឡើយ»។ នេះជាការគូសបញ្ជាក់របស់ឯកឧត្តម ប៉ែន បូណា រដ្ឋមន្ត្រីប្រតិភូអមនាយករដ្ឋមន្ត្រី និងជាប្រធានអង្គភាពអ្នកនាំពាក្យរាជរដ្ឋាភិបាល ក្នុងឱកាសអញ្ជើញជាវាគ្មិនក្នុងវគ្គបណ្តុះបណ្តាលស្តីពី «ការពង្រឹងប្រសិទ្ធភាពការងារនាំពាក្យនិងព័ត៌មាន» នៅសាលាខេត្តកែប កាលពីព្រឹកថ្ងៃទី៣ ខែកញ្ញា ឆ្នាំ២០២៦។ អ្នកនាំពាក្យរាជរដ្ឋាភិបាលបន្តថា ដើម្បីឱ្យ សក្តានុពលនិងសមិទ្ធផលទាំងឡាយដែលកើតឡើងក្រោមម្លប់សុខសន្តិភាព ដក់ជាប់ក្នុងអារម្មណ៍របស់ប្រជាពលរដ្ឋ យើងត្រូវដើរតួនាទីជាមគ្គុទេ្ទសក៍(Guide) ប្រកបដោយទេពកោសល្យក្នុងការផ្សព្វផ្សាយផលិតផលរបស់យើងឱ្យប្រជាពលរដ្ឋបានជ្រាបផង ក៏ដូចជាដើម្បីទាក់ទាញភ្ញៀវទេសចរ និងអ្នកវិនិយោគផង។ បើតាមឯកឧត្តម ប៉ែន បូណា ក្រុមការងារព័ត៌មាន និងនាំពាក្យរបស់រដ្ឋបាលខេត្ត និងមន្ទីរពាក់ព័ន្ធត្រូវធ្វើការងារនេះឱ្យបានសកម្ម និងឥតឈប់ឈរ និងដោយមធ្យោបាយវៃឆ្លាតក្នុងស្មារតីបុរេសកម្មជានិច្ច។ ឯកឧត្តមបន្តថា ទន្ទឹមនឹងបុរេសកម្ម ក្រុមការងារព័ត៌មាននិងនាំពាក្យទាំងអស់ក៏ត្រូវតែរហ័សរហួន ក្នុងការឆ្លើយតបឱ្យទាន់ពេលវេលានូវព័ត៌មានក្លែងក្លាយ ព័ត៌មានបំផ្លើសបំភ្លៃនានាឱ្យទាន់ពេលវេលា ដើម្បីកុំឱ្យព័ត៌មានទាំងនោះមកបំផ្លាញសមិទ្ធផលនានាដែលអាជ្ញាធរខេត្ត និងរាជរដ្ឋាភិបាលបានខិតខំកសាងឡើងយ៉ាងលំបាកនោះបានឡើយ។ អ្នកនាំពាក្យរាជរដ្ឋាភិបាល សង្កត់ធ្ងន់ថា នៅក្នុងយុគសម័យឌីជីថល ព័ត៌មានក្លែងក្លាយមានឥទ្ធិពលអាចធ្វើឱ្យមហាជនមានការភាន់ច្រឡំយ៉ាងងាយ ពោលគឺ «គេអាចប្រែក្លាយសឱ្យទៅជាខ្មៅ» ត្រឹមមួយប៉ប្រិចភ្នែក ហើយអាចទម្លាក់កំហុស និងបំផ្លាញស្នាដៃរបស់មន្ត្រីអាជ្ញាធរ ដែលខិតខំធ្វើការបម្រើជាតិជាយូរឆ្នាំ ឱ្យទៅជាមនុស្សអាក្រក់ក្នុងភ្នែកមហាជនលើបណ្តាញសង្គមបានយ៉ាងងាយ។…
-
AirAsia embarks on first-of-its-kind codeshare partnership with leading Türkiye LCC Pegasus and amps up Istanbul frequency to daily
Expanding horizons: This new partnership will pave the way for more than 100 additional routes over the short and long term Strengthening the Asia-Europe bridge: AirAsia will increase Istanbul connectivity to seven flights weekly From Kuala Lumpur to Europe: AirAsia unlocks pathways to Stansted (London), Vnukovo (Moscow), Esenboga (Ankara), Zurich (Switzerland) and Athens (Greece) via…
-
ចិន សរសើរកម្ពុជា ដែលយកចិត្តទុកដាក់ និងដោះស្រាយទាន់ពេលវេលារាល់បញ្ហាប្រឈមចំពោះអ្នកវិនិយោគចិននៅកម្ពុជា
ឯកអគ្គរដ្ឋទូតចិនប្រចាំកម្ពុជា បានកោតសរសើររាជរដ្ឋាភិបាលកម្ពុជា ចំពោះការយកចិត្តទុកដាក់ក្នុងការដោះស្រាយបានទាន់ពេលវេលាចំពោះបញ្ហាប្រឈមនានា ដែលអ្នកវិនិយោគចិននៅកម្ពុជា បានចួបប្រទះ។ លោក Wang Wenbin បានកត់សម្គាល់ឃើញថា រាល់សំណូមពរ និងបញ្ហាប្រឈមមួយចំនួនធំ ដែលវិស័យឯកជនចិនបានលើកឡើង ត្រូវបានយកចិត្តទុកដាក់ដោះស្រាយបានទាន់ពេលវេលា ដោយភាពសមស្រប និងមានប្រសិទ្ធភាពខ្ពស់។ លោកយល់ថា កាយវិការនេះឆ្លុះបង្ហាញឱ្យឃើញពីតម្លៃយ៉ាងធំធេង នៃការគិតគូរយកចិត្តទុកដាក់របស់រាជរដ្ឋាភិបាលកម្ពុជា ក្នុងការថែទាំគាំទ្រការវិនិយោគពីវិស័យឯកជន។ លោកឯកអគ្គរាជទូតបានលើកឡើងដូច្នេះ នៅចំពោះមុខលោកឧបនាយករដ្ឋមន្រ្តី ស៊ុន ចាន់ថុល អនុប្រធានទី១ ក្រុមប្រឹក្សាអភិវឌ្ឍន៍កម្ពុជា អំឡុងកិច្ចសន្ទនាលើកទី២ រវាងរដ្ឋនិងវិស័យឯកជន កម្ពុជា-ចិន នៅថ្ងៃទី៣ ខែកញ្ញា ឆ្នាំ២០២៦។ កិច្ចសន្ទនានេះ រៀបចំឡើងក្នុងគោលបំណង ដើម្បីពង្រឹង និងជំរុញកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងការវិនិយោគ ព្រមទាំងធ្វើឱ្យប្រសើរឡើងនូវទំនាក់ទំនងសេដ្ឋកិច្ច កសាងជំនឿទុកចិត្តពីសំណាក់សហគមន៍ធុរកិច្ចចិន សំដៅជំរុញឱ្យមានការពង្រីកវិសាលភាពវិនិយោគបន្ថែម និងទាក់ទាញការវិនិយោគថ្មីៗ ទៀតមកកម្ពុជា។ ក្នុងកិច្ចសន្ទនាខាងលើនេះ ឯកឧត្តមឧបនាយករដ្ឋមន្ត្រី ស៊ុន ចាន់ថុល បានសង្កត់ធ្ងន់ជាថ្មីអំពីឆន្ទៈនយោបាយ និងការប្តេជ្ញាចិត្តយ៉ាងមុតមាំរបស់រាជរដ្ឋាភិបាលកម្ពុជា ក្នុងការបោសសម្អាត និងលុបបំបាត់បទល្មើសឆបោកតាមប្រព័ន្ធបច្ចេកវិទ្យាឱ្យអស់ពីកម្ពុជា ដើម្បីធានាបាននូវបរិយាកាសធុរកិច្ចប្រកបដោយសុវត្ថិភាព និងទំនុកចិត្តខ្ពស់។ លើសពីនេះ ឯកឧត្តមឧបនាយករដ្ឋមន្ត្រី ក៏បានរំលឹកអំពីលទ្ធផលវិជ្ជមានដែលទទួលបានពីបេសកកម្មគោះទ្វារ វិនិយោគនៅតាមបណ្តាប្រទេសនានាកន្លងមក ព្រមទាំងបានគូសបញ្ជាក់អំពីផែនការក្នុងការដឹកនាំគណៈប្រតិភូ ទៅបំពេញបេសកកម្មគោះទ្វារទាក់ទាញ និងជំរុញការវិនិយោគនៅសាធារណរដ្ឋប្រជាមានិត ក្នុងពេលឆាប់ៗ ខាងមុខ…
-
មន្ត្រីនគរបាល២នាក់ត្រូវក្រសួងមហាផ្ទៃផ្អាកការងារ ពាក់ព័ន្ធនឹងការយកលុយ៩ពាន់ដុល្លារពីអ្នកដឹកក្រណាត់នៅស្វាយរៀង
ក្រសួងមហាផ្ទៃ បានសម្រេចផ្អាកការងារមន្ត្រីនគរបាលសេដ្ឋកិច្ចនៃស្នងការដ្ឋាននគរបាលខេត្តស្វាយរៀងចំនួន២នាក់ រួមទាំងឃាត់ខ្លួនបុគ្គលមួយរូបទៀត ដែលពាក់ព័ន្ធនឹងការយកប្រាក់ចំនួន៩ ០០០ដុល្លារពីម្ចាស់រថយន្តដឹកក្រណាត់ ហើយមានការបែកធ្លាយ វីដេអូអង្គុយរាប់លុយតាមបណ្តាញសង្គម កាលពីថ្ងៃទី០៦ ខែសីហា ឆ្នាំ២០២៦។ក្នុងសេចក្តីសម្រេចចុះថ្ងៃទី២៨ ខែសីហា ឆ្នាំ២០២៦ ក្រសួងមហាផ្ទៃពន្យល់ថា មូលហេតុនៃការផ្អាកការងារបណ្តោះអាសន្ននេះ គឺដោយសារមន្រ្តីទាំង២បានល្មើសបទវិន័យនគរបាលជាតិកម្ពុជា។ សូមបញ្ជាក់ថា មន្រ្តីនគរបាលទាំង២រូបនេះ មានម្នាក់ជានាយការិយាល័យនគរបាលប្រឆាំងបទល្មើសសេដ្ឋកិច្ច និងម្នាក់ទៀតជានាយរងការិយាល័យមួយនេះ។ ចំណាត់ការខាងលើធ្វើឡើងបន្ទាប់ពីពលរដ្ឋជាម្ចាស់រថយន្តដឹកក្រណាត់ បានដាក់ពាក្យបណ្តឹងពាក់ព័ន្ធការឃាត់រថយន្តរបស់ខ្លួនទុកចំនួន២គ្រឿង ដោយគ្មានប្រាប់ពីកំហុស ហើយថែមទាំងបានបង្ខំឱ្យប្រាក់ចំនួន១ម៉ឺនដុល្លារ ជាថ្នូរនឹងការប្រគល់រថយន្តត្រឡប់វិញ ប៉ុន្តែក្រោយការចរចារ តម្លៃនេះបានចុះមកនៅត្រឹម ៩ពាន់ដុល្លារ។ លោក ទូច សុខៈ អ្នកនាំពាក្យរងនៃក្រសួងមហាផ្ទៃ បានបញ្ជាក់ប្រាប់បណ្តាញព័ត៌មាន AMS ថា បន្ទាប់ពីផ្អាកការងារមន្ត្រីនគរបាល២រូបនោះ អាជ្ញាធរនឹងបន្តស្រាវជ្រាវស៊ើបអង្កេត ដើម្បីឈានដល់ការដោះស្រាយតាមនីតីវិធី ច្បាប់ជាបន្តទៀត៕ សៅ សុខអេង
-
លោក Netanyahu ចុះទៅពិនិត្យតំបន់ហ្គាហ្សារបស់ប៉ាឡេស្ទីនដោយផ្ទាល់
ហ្គាហ្សា ៖ លោក Benjamin Netanyahu នាយករដ្ឋមន្ត្រីអ៊ីស្រាអែល កាលពីថ្ងៃពុធ បានចុះទៅពិនិត្យតំបន់ហ្គាហ្សារបស់ប៉ាឡេស្ទីនដោយផ្ទាល់ ស្របពេលដែលលោកអះអាងថា ត្រូវមានការងារដែលត្រូវធ្វើឲ្យរួចរាល់។ លោក Benjamin Netanyahu នាយករដ្ឋមន្ត្រីអ៊ីស្រាអែលបានថ្លែងថា «នៅមានការងារត្រូវធ្វើឱ្យរួចរាល់» អំឡុងពេលចុះទៅជួបកងទ័ព នៅតំបន់ Gaza Strip ដោយលោកបានប្តេជ្ញាថា នឹងមិនដកកងកម្លាំងចេញពីទីតាំងរបស់ពួកគេ នៅក្នុងទឹកដីប៉ាឡេស្ទីនឡើយ ហើយនឹងបន្តដកហូតអាវុធពីក្រុម Hamas។ ការចុះទៅផ្ទាល់នេះ ធ្វើឡើងស្របពេលដែល រដ្ឋមន្ត្រីក្រសួងការពារជាតិអ៊ីស្រាអែល លោក Israel Katz បានថ្លែង កាលពីថ្ងៃពុធថា ប្រទេសរបស់ខ្លួនរៀបចំផែនការរួចរាល់ហើយ ក្នុងការជម្លៀសប្រជាជនប៉ាឡេស្ទីនរាប់សែននាក់ចេញពីតំបន់ហ្គាហ្សា ប៉ុន្តែ កំពុងរង់ចាំការអនុញ្ញាតពីសហរដ្ឋអាមេរិក។ តាមទិន្នន័យផ្លូវការរបស់អ៊ីស្រាអែល, ការវាយប្រហាររបស់ក្រុមហាម៉ាស កាលពីថ្ងៃទី៧ ខែតុលា ឆ្នាំ ២០២៣ បានសម្លាប់មនុស្ស ១ពាន់២២១នាក់។ ចំណែកឯប្រតិបត្តិការយោធាសងសឹករបស់អ៊ីស្រាអែល បានបណ្តាលឱ្យមនុស្សបាត់បង់ជីវិតកើនឡើងដល់ ៧ម៉ឺន៣ពាន់៤៧០នាក់នៅហ្គាហ្សា ក្នុងនោះ មានជាង ១ពាន់៣៣០នាក់បានស្លាប់ ចាប់តាំងពីកិច្ចព្រមព្រៀងបទឈប់បាញ់ត្រូវបានប្រកាស នេះបើយោងតាមក្រសួងសុខាភិបាលនៅហ្គាហ្សា៕ ប្រភព ៖ AFP…
-
អាមេរិកបដិសេធថា ខ្លួនមិនបានលួចយកប្រេងវេណេស៊ុយអេឡាដូចការចោទ
ការ៉ាកាស ៖ សហរដ្ឋអាមេរិកបានថ្លែងបដិសេធការចោទប្រកាន់ដែលថា ខ្លួនលួចប្រេងរបស់ប្រទេសវេណេស៊ុយអេឡា ខណៈរដ្ឋមន្ត្រីថាមពល ទីក្រុងវ៉ាស៊ីនតោន អះអាងពីផលប្រយោជន៍រួម។ លោក Chris Wright រដ្ឋមន្ត្រីថាមពលសហរដ្ឋអាមេរិក កាលពីថ្ងៃពុធ បានច្រានចោលការអះអាងដែលថា ទីក្រុងវ៉ាស៊ីនតោនកំពុង “លួចប្រេងកាតរបស់ប្រទេសវេណេស៊ុយអេឡា” បន្ទាប់ពីប្រទេសនៅអាមេរិកខាងត្បូងមួយនេះ បានយល់ព្រមផ្តល់សិទ្ធិចូលប្រមូលផលប្រយោជន៍លើធនធានធម្មជាតិដ៏មហាសាលរបស់ខ្លួនទៅឱ្យសហរដ្ឋអាមេរិក។ នៅក្នុងការថ្លែងប្រាប់ភ្នាក់ងារព័ត៌មាន AFP និងប្រព័ន្ធផ្សព្វផ្សាយផ្សេងទៀត នៅឯអាកាសយានដ្ឋាន ក្នុងទីក្រុង ការ៉ាកាស, លោក Wright ដែលបានធ្វើដំណើរទៅកាន់ប្រទេសវេណេស៊ុយអេឡា ដើម្បីមើលការខុសត្រូវលើការចុះហត្ថលេខាលើកិច្ចព្រមព្រៀងថាមពលជាច្រើនដែលមានតម្លៃរាប់ពាន់លានដុល្លារ បានព្យាយាមបន្ធូរបន្ថយការរិះគន់ជុំវិញបញ្ហានេះ។ តាមរយៈកិច្ចព្រមព្រៀងនេះ, សហរដ្ឋអាមេរិកនឹងគ្រប់គ្រងភាគច្រើនលើប្រេងកាតជាង ៦៥ ប៊ីលានបារ៉ែល ឬ ប្រហែលជិត ២០ ភាគរយ នៃប្រេងកាតសរុបរបស់វេណេស៊ុយអេឡា ជាប្រទេសដែលគេអះអាងថា មានទុនបម្រុងប្រេងធំបំផុត នៅលើពិភពលោក។ ជាការឆ្លើយតប រដ្ឋាភិបាលទីក្រុងការ៉ាកាស បានព្យាករណ៍ថា នឹងទទួលបានប្រាក់ចំណូលប្រមាណ ២០៩ ប៊ីលានដុល្លារអាមេរិក ក្នុងរយៈពេល ២៥ ឆ្នាំខាងមុខ ពីកិច្ចព្រមព្រៀងប្រវត្តិសាស្ត្រមួយនេះ។លោក Wright បានមានប្រសាសន៍ថា «ខ្ញុំបានឃើញចំណងជើងព័ត៌មានទាំងនោះ ដែលចោទថា យើងកំពុងលួចប្រេងកាតវេណេស៊ុយអេឡា។…