ខេត្តកំពតគ្រោងនឹងបង្ហាញផលិតផលទេសចរណ៍ថ្មីមួយទៀត គឺរូបសំណាកបាតដៃដើម្បីទាក់ទាញភ្ញៀវទេស​ចរឱ្យមកទស្សនា និងសម្រាកកម្សាន្ត។ ឯកឧត្តម ម៉ៅ ធនិន អភិបាលខេត្តកំពត បានប្រាប់បណ្ដាញព័ត៌មាន AMS នៅថ្ងៃពុធទី០២ ខែកញ្ញា ឆ្នាំ២០២៦នេះថា រូបសំណាកបាតដៃនេះជាផលិតផលទេសចរណ៍ថ្មីសម្រាប់ខេត្តកំពត ដែលបានសាងសង់នៅអំឡុងខែមីនាដើមឆ្នាំនេះ។ គិតមកដល់បច្ចុប្បន្នសំណង់ស្ថាបត្យកម្មសម្រេចជាង ៩០%ហើយ  ហើយនឹងរួចរាល់ នាពេលឆាប់ៗខាងមុខ។ តាមឯកឧត្តម ម៉ៅ ធនិន ចង់​ឱ្យការសាងសង់រូបសំណាកបាតដៃ រួចរាល់ទាន់រដូវបុណ្យភ្ជុំបិណ្ឌដើម្បីបើកឱ្យភ្ញៀវទេសចរទស្សនកម្សាន្ត។ខេត្តកំពតជាខេត្តមួយក្នុងចំណោមខេត្តទាំង៤ ជាប់មាត់សមុទ្រ  បានបង្កើតផលិតផលទេសចរណ៍ថ្មីៗជាច្រើនចាប់តាំងពីឯកឧត្តម ម៉ៅ ធនិន ធ្វើជាអភិបាលខេត្ត ។ ផលិតផលទេសចរណ៍ថ្មីៗដែលទើបបង្កើតឡើងមានដូចជា រូបសំណាកសេះសមុទ្រ, រូបនាឡិកាយក្ស និងសួនបាញ់ទឹករាំចម្រុះពណ៌ជាដើម។លោក សយ ស៊ីណុល ប្រធានមន្ទីរទេសចរណ៍ខេត្តកំពត បានបញ្ជាក់ថា សម្រាប់ខេត្តនឹងកសាងផលិតផលទេសចរណ៍ថ្មីៗបន្ថែមទៀតដើម្បីទាក់ទាញភ្ញៀវទេសចរជាតិ និងអន្តរជាតិ។ ប្រធានមន្ទីរទេសចរណ៍ខេត្តកំពតបញ្ជាក់ថា រមណីយដ្ឋានទេសចរណ៍ក្នុងខេត្តមាន ២១កន្លែង រួមមាន៖ រមណីយដ្ឋានទឹកឈូ, ណាតាយ៉ា, កែបថ្មី, ឋានសួគ៌បូកគោ, ភ្នំដូង, ភ្នំកំពង់ត្រាច, កោះតាដា, ប្រាសាទភ្នំខ្យង, ប្រាសាទភ្នំឈ្ងោក, ទំនប់ម្លេច, ទំនប់ប្រទាក់ក្រឡា, កោះសេះ, ស្រះឈូក, អន្លង់ក្មេងលេង, វត្តត្រើយកោះ, ភ្នំនាងសេដាឱន,…

ក្នុងរយៈពេលមួយ​ឆ្នាំកន្លងទៅនេះ​ សមត្ថកិច្ចកម្ពុជាបានបង្កកថវិកាជាង ៣០០លានដុល្លារអាម៉េរិក នៅក្នុងគណនីធនាគារដែលពាក់ព័ន្ធនឹងបទល្មើសឆបោកតាមប្រព័ន្ធបច្ចេកវិទ្យា ព្រមទាំងទ្រព្យសម្បត្តិផ្សេងៗទៀត ដែលកំពុងបន្តនីតិវិធីបង្កក និងវាយតម្លៃតាមផ្លូវច្បាប់។ វិធានការនេះមានគោលដៅកាត់ផ្តាច់លំហូរហិរញ្ញវត្ថុ និងផលប្រយោជន៍ពីសកម្មភាពរបស់បណ្តាញឧក្រិដ្ឋកម្ម។ នេះបើយោងតាមរបាយការណ៍ស្តីពីលទ្ធផលប្រតិបត្តិការបង្ក្រាបការឆបោកតាមប្រព័ន្ធបច្ចេកវិទ្យា ចាប់ពីខែកក្កដា ឆ្នាំ២០២៥ រហូតដល់ថ្ងៃទី៣១ ខែសីហា ឆ្នាំ២០២៦ ចេញផ្សាយនៅថ្ងៃទី២កញ្ញានេះ ដោយលេខាធិការដ្ឋាននៃគណៈកម្មការចំពោះកិច្ចប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (គ.ប.ឆ.ប.)។ របាយការណ៍បញ្ជាក់ផងដែរថា សមត្ថកិច្ចបានកសាង និងបញ្ជូនសំណុំរឿងសរុប ៤៤៦ករណី ទៅកាន់តុលាការ ពាក់ព័ន្ធនឹងជនត្រូវចោទជិត ៤ពាន់នាក់ រួមមានទាំងមេខ្លោង និងគូកន មកពី ២៩សញ្ជាតិ។ ​ ក្រៅពីឧក្រឹដ្ឋជន សមត្ថកិច្ចក៏បានអនុវត្តច្បាប់ចំពោះមន្រ្តីពាក់ព័ន្ធផងដែរ ដោយបានកសាងសំណុំរឿង ៤ករណី ពាក់ព័ន្ធនឹងជនសង្ស័យ ១៥នាក់ ក្នុងនោះមានព្រះរាជអាជ្ញារង អគ្គនាយករងអន្តោប្រវេសន៍ ស្នងការរងនគរបាលរាជធានីភ្នំពេញ អតីតអគ្គនាយកនៃក្រសួងការបរទេស ព្រមទាំងមន្ត្រីនគរបាល និងយោធាមួយចំនួនទៀត។ យោងតាមរបាយការណ៍ដដែល កម្លាំងសមត្ថកិច្ចជំនាញបានស្រាវជ្រាវ និងត្រួតពិនិត្យទីតាំងសង្ស័យសរុប ៨៣២ទីតាំង ដោយបានឈានទៅបើកប្រតិបត្តិការបង្ក្រាបបានចំនួន ៦៦៣ ទីតាំង។ ក្នុងនោះ សមត្ថកិច្ចបានបង្ក្រាប និងគ្រប់គ្រងមណ្ឌលឆបោកទ្រង់ទ្រាយធំចំនួន ៨៦ទីតាំង ហើយកំពុងអនុវត្តនីតិវិធីដើម្បីឈានទៅរឹបអូសតាមច្បាប់។ អាជ្ញាធរបញ្ជាក់ថា បច្ចុប្បន្ន មិនមានទីតាំងបទល្មើសឆបោកទ្រង់ទ្រាយធំនៅក្នុងប្រទេសកម្ពុជាទៀតទេ។ ទោះជាយ៉ាងណា សកម្មភាពឆបោកមួយចំនួននៅតែបន្តកើតមាន ប៉ុន្តែបានផ្លាស់ប្តូររូបភាពទៅជាប្រតិបត្តិការខ្នាតតូច…

(ភ្នំពេញ)៖ គណៈប្រតិភូរដ្ឋអ៊ីស្រាអែលបានកោតសរសើរ និងវាយតម្លៃខ្ពស់ចំពោះដំណើរការជ្រើសរើសពលករកសិកម្មកម្ពុជា ដែលក្រសួងការងារ និងបណ្ដុះបណ្ដាលវិជ្ជាជីវៈបានរៀបចំប្រកបដោយភាពយុត្តិធម៌ តម្លាភាព និងវិជ្ជាជីវៈខ្ពស់ ព្រមទាំងបង្ហាញទំនុកចិត្តលើគុណភាពពលករកម្ពុជា និងអនាគតនៃកិច្ចសហប្រតិបត្តិការការងារទ្វេភាគីរវាងប្រទេសទាំងពីរ។ ការលើកឡើងរបស់លោកស្រី Shirly Raisin Sasson ប្រធានផ្នែកកិច្ចព្រមព្រៀងទ្វេភាគី នៃរដ្ឋបាលពលករបរទេសរបស់រដ្ឋអ៊ីស្រាអែល ក្នុងអំឡុងពេលដែលគណៈប្រតិភូអ៊ីស្រាអែលបំពេញទស្សនកិច្ចនៅកម្ពុជា ដើម្បីពិនិត្យ និងតាមដានដោយផ្ទាល់នូវដំណើរការជ្រើសរើស និងសម្ភាសបេក្ខជនកម្ពុជា ដែលដាក់ពាក្យទៅធ្វើការក្នុងវិស័យកសិកម្មនៅអ៊ីស្រាអែល នៅសាលាវិទ្យាស្ថានជាតិពហុបច្ចេកទេសកម្ពុជា ស្ថិតនៅក្នុងសង្កាត់សំរោងក្រោម ខណ្ឌពោធិ័សែនជ័យ រាជធានីភ្នំពេញ នារសៀលថ្ងៃទី១ ខែកញ្ញា ឆ្នាំ២០២៦ ។ លោកស្រី Sasson បានបញ្ជាក់ថា តម្រូវការកម្លាំងពលកម្មក្នុងវិស័យកសិកម្មនៅអ៊ីស្រាអែលបានបន្តកើនឡើងពីមួយឆ្នាំទៅមួយឆ្នាំ។ កត្តានេះបានបង្កើតឱកាសសម្រាប់អ៊ីស្រាអែលពង្រីកការជ្រើសរើសពលករពីបណ្ដាប្រទេសនានា ក្នុងនោះក៏មានកម្ពុជាផងដែរ។ លោកស្រីបានលើកឡើងថា៖ «យើងមើលឃើញសក្តានុពលក្នុងការជ្រើសរើសពលករ និងពលករជំនាញផ្នែកកសិកម្មកម្ពុជាទៅធ្វើការនៅអ៊ីស្រាអែល»។ គណៈប្រតិភូអ៊ីស្រាអែលក៏បានកោតសរសើរចំពោះភាពជាដៃគូល្អ និងវិជ្ជាជីវៈរបស់ក្រសួងការងារ និងបណ្ដុះបណ្ដាលវិជ្ជាជីវៈ ក្នុងការរៀបចំ និងអនុវត្តដំណើរការជ្រើសរើសបេក្ខជន។ លោកស្រី Sasson បានសង្កត់ធ្ងន់ថា ភាគីកម្ពុជា និងអ៊ីស្រាអែលបានធ្វើការរួមគ្នាជាក្រុម ដើម្បីធានាថា ដំណើរការជ្រើសរើសត្រូវបានអនុវត្តដោយតម្លាភាព និងស្របតាមលក្ខណៈវិនិច្ឆ័យដែលភាគីទាំងពីរបានឯកភាពគ្នា។ លោកស្រីបានបន្ថែមថា៖ «យើងមានការប្តេជ្ញាចិត្តខ្ពស់ និងធ្វើការរួមគ្នាជាក្រុម ដើម្បីធានាថា ដំណើរការជ្រើសរើសនេះប្រព្រឹត្តទៅដោយតម្លាភាព…

ឯកឧត្តម នុត សវនា អគ្គនាយករងនៃអគ្គនាយកដ្ឋានពន្ធនាគារ និងជាប្រធានមណ្ឌលអប់រំកែប្រែទី១ បានដឹកនាំប្រជុំ​ត្រួតពិនិត្យវាយតម្លៃបញ្ជីឈ្មោះទណ្ឌិត​សម្រាប់​ស្នើសុំការបន្ធូរបន្ថយទោស និងលើកលែងទោសសម្រាប់ឱកាសពិធីបុណ្យអុំទូកបណ្ដែតប្រទីប និងសំពះព្រះខែ អកអំបុក នៅឆ្នាំ២០២៦ ខាងមុខនេះ។ ការត្រួតពិនិត្យបញ្ជីឈ្មោះទណ្ឌិតដែលនឹងត្រូវស្នើសុំការបន្ធូរបន្ថយទោស និងលើកលែងទោស គឺបានធ្វើឡើងនៅក្នុងកិច្ចប្រជុំចំនួន២លើក កាលពីថ្ងៃទី៣១ ខែសីហា និងថ្ងៃទី០១ ខែកញ្ញា ឆ្នាំ២០២៦។ ជាលទ្ធផល គណៈកម្មការរបស់មណ្ឌលបានសម្រេចបញ្ចូលទណ្ឌិតនៃមណ្ឌលអប់រំកែប្រែទី១សរុបចំនួន១០១នាក់ ដើម្បីស្នើសុំបន្ធូរបន្ថយទោស រយៈពេល០៣ខែ រយៈពេល ០៦ខែ និងរយៈពេល ០៩ខែ។​ ឯកឧត្តម នុត សវនា បានណែនាំដល់ទណ្ឌិតទាំងនោះ បន្តខិតខំកែប្រែខ្លួន ខិតខំរៀនសូត្រ រៀនជំនាញវិជ្ជាជីវ: តាមកម្មវិធីសមាហរណកម្ម ដែលមណ្ឌលផ្តល់ជូន និងចៀសវាងការប្រព្រឹត្តបទល្មើសសារជាថ្មី ក្រោយផុតទោសវិលចូលទៅរស់នៅក្នុងសហគមន៍វិញ។ ការបន្ធូរបន្ថយទោស និងលើកលែងទោសដល់ទណ្ឌិតនៅកម្ពុជា តែងតែធ្វើឡើងចំនួន៥ដង ក្នុងឆ្នាំនៅក្នុងកម្មវិធីបុណ្យជាតិធំៗ រួមមាន ទិវាជ័យជម្នះលើរបបប្រល័យពូជសាសន៍៧មករា ពិធីបុណ្យចូលឆ្នាំខ្មែរ ពិធីបុណ្យវិសាខបូជា ពិធីបុណ្យឯករាជ្យជាតិ និងពិធីបុណ្យអុំទូកបណ្ដែតប្រទីប សំពះព្រះខែ និងអកអំបុក។ ព្រះរាជក្រឹត្យស្តីពី«ការបន្ធូរបន្ថយទោស និងលើកលែងទោស» បាន​​បញ្ជាក់ថា ទណ្ឌិតដែលទទួលបានការស្នើសុំការបន្ធូរបន្ថយ និងលើកលែងទោស គឺលុះត្រា​ទណ្ឌិតទាំងនោះ​បានភ្ញាក់រលឹកខិតខំកែប្រែគំនិត មារយាទឱ្យក្លាយជាពលរដ្ឋសុចរិត គោរព ហ្មត់ចត់យ៉ាងត្រឹមត្រូវតាមបទបញ្ជាផ្ទៃក្នុងរបស់ពន្ធនាគារ…