មូស្គូ ៖ ប្រទេសអេត្យូពីទទួលបានយន្តហោះចម្បាំង Su-35 ផលិតដោយប្រទេសរុស្ស៊ីចំនួន ១២ គ្រឿង ហើយគ្រោងនឹងទទួលបានសំណាញ់មេឃ S-400 ចំនួន ៤ ឈុតបន្ថែមទៀត ដើម្បីពង្រឹងសមត្ថភាពយោធា និងការពារសន្តិសុខជាតិ នេះបើតាមការប្រកាសរបស់នាយករដ្ឋមន្ត្រីអេត្យូពី លោក អាប៊ី អាម៉េដ កាលពីថ្ងៃពុធ ។ បើតាម Military Watch, Su-35 ជាយន្តហោះចម្បាំងស៊េរីទំនើបរបស់រុស្ស៊ីផលិតឡើងក្នុងឆ្នាំ ២០០៧ ដែលអាចហោះហើរក្នុងល្បឿនពី ១,៤០០ ទៅ ១,៥០០ គីឡូម៉ែត្រក្នុងមួយម៉ោង និងក្នុងរយៈចម្ងាយពី ៤,០០០ ទៅ ៤,៥០០ គីឡូម៉ែត្រ ។ វាបំពាក់ទៅដោយប្រព័ន្ធរ៉ាដា Irbis-E ដែលមានសមត្ថភាពរកឃើញគោលដៅនៅចម្ងាយ ៤០០ គីឡូម៉ែត្រ ។ ចំណែកអាវុធសំខាន់ៗដែលយន្តហោះ Su-35 អាចពាំក្នុងបេសកកម្មល្បាតផ្លូវអាកាស រួមមានមីស៊ីលបាញ់រយៈចម្ងាយមធ្យមប្រភេទ R-77M ដែលអាចបាញ់ដល់ចម្ងាយពី ១១០ ទៅ ២០០ គីឡូម៉ែត្រ ។ បើតាម…

មូស្គូ ៖ ប្រទេសរុស្ស៊ីបានបាញ់សាកល្បងមីស៊ីលផ្លោងអន្តរទ្វីបប្រភេទ Bulava ដែលអាចវាយប្រហារកម្ទេចគោលដៅសត្រូវក្នុងចម្ងាយប្រមាណ ៨,០០០ គីឡូម៉ែត្រ ចេញពីនាវាមុជទឹកដើរដោយថាមពលនុយក្លេអ៊ែរនៅឯសមុទ្រ Okhotsk នេះបើតាមប្រកាសរបស់ក្រសួងការពារជាតិរុស្ស៊ី កាលពីថ្ងៃពុធ ។ ក្រសួងបញ្ជាក់ថា មីស៊ីល Bulava នេះ ត្រូវបានបាញ់ចេញពីនាវាមុជទឹកយុទ្ធសាស្ត្រ Generalissimus Suvorov នៃកងនាវាមុជទឹកប្រចំាតំបន់ប៉ាស៊ីហ្វិក ខណៈដែលវាកំពុងស្ថិតនៅក្រោមផ្ទៃទឹក ។ ការបាញ់សាកល្បងនេះ ជាផ្នែកមួយនៃការហ្វឹកហ្វឺនយោធាតាមកាលវិភាគ ។ ក្រសួងបន្ថែមថា មីស៊ីលនេះត្រូវបានតម្រង់ទៅកាន់ទីលានសាកល្បង Chizha នៅក្នុងតំបន់ Arkhangelsk ភាគខាងលិចរបស់ប្រទេសរុស្ស៊ី ពោលគឺមិនឆ្ងាយប៉ុន្មានពីប្រទេសសមាជិក NATO គឺន័រវេស និងហ្វាំងឡង់ ។ បើតាម Newsweek, នាវាមុជទឹក Generalissimo Suvorov គឺជាប្រភេទនាវាមុជទឹកយុទ្ធសាស្ត្រជំនាន់ទី៤ ដើរដោយថាមពលនុយក្លេអ៊ែរ និងត្រូវបានបំពាក់ប្រព័ន្ធមីស៊ីលកំណាច Torpedo និងឧបករណ៍ទំនើបៗសម្រាប់ការរុករក ការទំនាក់ទំនង និងការរកឃើញសញ្ញាក្រោមទឹក ។ នាវាមុជទឹកនេះត្រូវបានដាក់ឱ្យចូលបម្រើការក្នុងជួរកងទ័ពជើងទឹករុស្ស៊ីនៅខែធ្នូ ឆ្នាំ២០២២ ខណៈនាវាមុជទឹកនេះ អាចផ្ទុកមីស៊ីលផ្លោងអន្តរទ្វីប Bulava ចំនួន…

វ៉ាស៊ីនតោន ៖ ភ្លើងសង្គ្រាមដ៏ធំនៅអឺរ៉ុប ដែលឈានចូលដល់ឆ្នាំទី ៥ ហាក់រកឃើញពន្លឺសន្តិភាពសាជាថ្មី ខណៈដែលលោកប្រធានាធិបតីអាមេរិក ដូណាល់ ត្រាំ ប្រកាសថា នឹងមានការរៀបចំជំនួបមួយរវាងលោកប្រធានាធិបតីរុស្ស៊ី វ្ល៉ាឌីមៀរ ពូទីន និងលោកប្រធានាធិបតីអ៊ុយក្រែន វ៉ូឡូឌីមៀរ ហ្សេឡេនស្គី ក្នុងពេលឆាប់ៗនេះ ដើម្បីជំរុញស្វែងរកដំណោះស្រាយបញ្ឈប់ជម្លោះរវាងគូសត្រូវទាំងពីរ ។ បើតាម Straits Times, មេដឹកនាំអាមេរិករូបនេះ កាលពីថ្ងៃពុធ បានប្រាប់អ្នកសារព័ត៌មាន ក្រោយវិលត្រឡប់មកពីរដ្ឋតិចសាស់ ជាទីដែលលោកបានចូលរួមក្នុងយុទ្ធនាការឃោសនាបោះឆ្នោតពាក់កណ្តាលអាណត្តិចំនួនពីរលើកថា រដ្ឋបាលរបស់លោកកំពុងធ្វើឱ្យមានវឌ្ឍនភាពយ៉ាងខ្លាំងលើបញ្ហាជម្លោះរវាងរុស្ស៊ី និងអ៊ុយក្រែន ។ លោក ត្រាំ បានសង្កត់ធ្ងន់ថា ជំនួបមួយនឹងត្រូវរៀបចំឡើងក្នុងពេលឆាប់ៗនេះ ដោយមានលោកប្រធានាធិបតី ពូទីន និងប្រធានាធិបតី ហ្សេលេនស្គី ចូលរួម ។ យ៉ាងណា ប្រធានាធិបតីអាមេរិករូបនេះ មិនបានបញ្ជាក់លំអិតអំពីកាលបរិច្ឆេទ ឬទីតាំងជាក់លាក់នៃជំនួបនេះនៅឡើយទេ ប៉ុន្តែលោក ត្រាំ ដែលមានវ័យ៨០ឆ្នាំរូបនេះ បានបង្ហើបថា វានឹងកើតឡើងក្នុងពេលឆាប់ៗនេះ ពោលគឺមិនយូរប៉ុន្មានទៀតទេ ដោយលោកអះអាងថា កិច្ចការនេះ មិនចាំបាច់ធ្វើឡើងតាមរយៈការជួបមុខគ្នាផ្ទាល់នោះទេ ។ យោងតាមសម្តីរបស់លោកប្រធានាធិបតី…

តេហេរ៉ង់ ៖ ប្រទេសអ៊ីរ៉ង់បានព្រមានទុកមុនថា បើសង្គ្រាមជុំថ្មីផ្ទុះឡើងនៅក្នុងតំបន់ឈូងសមុទ្រពែក្ស ដែលដុតបញ្ឆេះដោយអ៊ីស្រាអែល នឹងជះឥទ្ធិពលយ៉ាងធ្ងន់ធ្ងរដល់ទីផ្សារពិភពលោក ជាពិសេសទីផ្សារថាមពល ។ នេះបើតាមការបញ្ជាក់របស់រដ្ឋមន្ត្រីការបរទេសអ៊ីរ៉ង់ លោក Abbas Araghchi កាលពីថ្ងៃពុធ ។ យោងតាម AFP, តំបន់ឈូងសមុទ្រពែក្សមានសារៈសំខាន់ខ្លាំង ចំពោះការផ្គត់ផ្គង់ថាមពល និងការដឹកជញ្ជូនប្រេង រួមទាំងឧស្ម័នទៅកាន់ទីផ្សារអន្តរជាតិ ។ ដូច្នេះ បើសង្គ្រាមជុំថ្មីផ្ទុះឡើង នោះវាអាចបង្កផលប៉ះពាល់ដ៏ធ្ងន់ធ្ងរដល់សុវត្ថិភាពនៃការដឹកជញ្ជូន និងស្ថិរភាពនៃការផ្គត់ផ្គង់ថាមពល ពិសេសតម្លៃថាមពល និងទីផ្សារអន្តរជាតិ ។ ប៉ុន្តែមុនពេលបញ្ហានេះកើតឡើង ប្រមុខការទូតកំពូលអ៊ីរ៉ង់ លោក Araghchi បានព្រមានតាមបណ្តាញសង្គម X ថា ផលប៉ះពាល់ដ៏ធ្ងន់ធ្ងរលើទីផ្សារអន្តរជាតិ ដែលបណ្តាលមកពីសកម្មភាពយោធារបស់អ៊ីស្រាអែលនៅតំបន់ឈូងសមុទ្រពែក្ស នៅតែជាក្តីបារម្ភដ៏សំខាន់ ទាំងប្រទេសផ្គត់ផ្គង់ឧស្ម័ន និងប្រទេសប្រើប្រាស់ឧស្ម័ន ។ ការព្រមានរបស់អ៊ីរ៉ង ត្រូវបានធ្វើឡើងចំពេលដែលអាមេរិក និងអ៊ីស្រាអែលក្នុងពេលប៉ុន្មានថ្ងៃចុងក្រោយនេះ បានលើកឡើងពីលទ្ធភាពបើកការវាយប្រហារឈុតធំសាជាថ្មីប្រឆាំងប្រទេសអ៊ីរ៉ង់ ។ ជាក់ស្តែង លោកនាយករដ្ឋមន្ត្រីអ៊ីស្រាអែល បេនចាមីន ណេតាន់យ៉ាហ៊ូ បានអះអាងក្នុងពេលថ្មីៗនេះថា រូបលោកអាចនឹងសហការជាមួយលោកប្រធានាធិបតីអាមេរិក ដូណាល់ ត្រាំ ដើម្បីលុបបំបាត់អ្វីដែលលោកហៅថា…

ប៉េកាំង ៖ ប្រទេសចិន កាលពីថ្ងៃអង្គារ បានអំពាវនាវដល់ថ្នាក់ដឹកនាំជប៉ុនបច្ចុប្បន្ន ឱ្យការពារមូលដ្ឋាននយោបាយនៃទំនាក់ទំនងរវាងប្រទេសទាំងពីរ ស្របតាមឆន្ទៈ ឥស្សរជននយោបាយជំនាន់មុនរបស់ខ្លួន ដែលតែងតែគោរពនិងការពារទំនាក់ប្រទេសជិតខាងទាំងពីរ។ យោងតាមការចុះផ្សាយរបស់ CNA, លោក ស៊ី ជីនពីង ប្រធានាធិបតីចិន បានរៀបរាប់ដោយបង្ហាញពីការសង្ឃឹមថា «ថ្នាក់ដឹកនាំជប៉ុនបច្ចុប្បន្ន នឹងឱ្យតម្លៃចំពោះការខិតខំប្រឹងប្រែងរបស់ឥស្សរជននយោបាយជំនាន់មុន, គោរពតាមឯកសារនយោបាយទាំងបួនរវាងចិននិងជប៉ុន ព្រមទាំង ការពារមូលដ្ឋាននយោបាយនៃទំនាក់ទំនងទ្វេភាគីនេះឱ្យបានម៉ឺងម៉ាត់»។ មេដឹកនាំចិនបានអះអាងបែបនេះ តាមរយៈសាររំលែកទុក្ខ ផ្ញើទៅកាន់ក្រុមគ្រួសាររបស់អតីតនាយករដ្ឋមន្ត្រីជប៉ុន លោក Yasuo Fukuda ដែលទទួលមរណភាព កាលពីសប្តាហ៍មុន។ លោក ស៊ី ជីនពីង បានបន្ថែមថា ចិននឹងចងចាំជានិច្ចនូវរាល់ការរួមចំណែករបស់លោក Fukuda ក្នុងទំនាក់ទំនង រវាងចិននិងជប៉ុន ក៏ដូចជា ក្នុងការអភិវឌ្ឍតំបន់អាស៊ី ហើយលោកថ្លែងចាត់ទុក លោក Fukuda គឺជាអ្នកនយោបាយជប៉ុន ដែលមានភាពស្មោះត្រង់, ប្រកាន់ខ្ជាប់នូវទស្សនៈត្រឹមត្រូវចំពោះប្រវត្តិសាស្ត្រ និង មានការទទួលខុសត្រូវ ព្រមទាំង ជាមិត្តចាស់របស់ប្រជាជនចិន។ បើតាម CNA, នេះគឺជាករណីដ៏កម្រមួយ ដែលមេដឹកនាំកំពូលរបស់ទីក្រុងប៉េកាំង លើកឡើងដោយផ្ទាល់អំពីទំនាក់ទំនងរវាងចិននិងជប៉ុន ចាប់តាំងពីប្រទេសជិតខាងទាំងពីរមានភាពរកាំរកូលជាមួយគ្នា…