បរទេស៖ សហរដ្ឋអាមេរិកបាននិយាយ កាលពីថ្ងៃព្រហស្បតិ៍ថា ខ្លួនមិនយល់ស្រប ទាំងការរកឃើញរបស់គណៈកម្មាធិការអង្គការសហប្រជាជាតិដែលថា វិធីសាស្រ្តធ្វើសង្គ្រាម របស់អ៊ីស្រាអែលគឺស្របទៅនឹង «អំពើប្រល័យពូជសាសន៍» ព្រមទាំង ការចោទប្រកាន់របស់អង្គការឃ្លាំមើលសិទ្ធិមនុស្ស អំពី «ឧក្រិដ្ឋកម្មប្រឆាំងមនុស្សជាតិ» នៅក្នុងតំបន់ហ្គាហ្សា។ អ្នកនាំពាក្យក្រសួងការបរទេស លោក Vedant Patel បាននិយាយថា «របាយការណ៍របស់គណៈកម្មាធិការពិសេស របស់អង្គការសហប្រជាជាតិ ដែលបានចោទប្រកាន់អ៊ីស្រាអែល ពីការប្រើប្រាស់ភាពអត់ឃ្លាន ជាយុទ្ធសាស្ត្រសង្គ្រាម គឺជាអ្វីដែលយើងនឹងមិនយល់ស្របជាដាច់ខាត»។ លោកបានថ្លែងថា «យើងគិតថា ពាក្យសម្តីបែបនោះ និងការចោទប្រកាន់បែបនោះ គឺពិតជាគ្មានមូលដ្ឋាន»។ លោក Patel ក៏បានលើកយកបញ្ហា ជាមួយនឹងរបាយការណ៍មួយ របស់អង្គការឃ្លាំមើលសិទ្ធិមនុស្សដែលបាននិយាយថា អ៊ីស្រាអែលបានផ្លាស់ទីលំនៅដោយបង្ខំ សម្រាប់ពលរដ្ឋ ហ្គាហ្សា ក្នុងរយៈពេលជាងមួយឆ្នាំនៃសង្រ្គាមនៅក្នុងអ្វីដែលស្មើនឹង «ឧក្រិដ្ឋកម្មប្រឆាំងមនុស្សជាតិ»។ លោក Patel បាននិយាយថា «វាគឺស្របទាំងស្រុង និងអាចទទួលយកបាន ក្នុងការស្នើសុំជនស៊ីវិល ឱ្យជម្លៀសទៅកាន់តំបន់ជាក់លាក់មួយ ខណៈពេលដែលពួកគេកំពុងធ្វើប្រតិបត្តិការយោធា ហើយបន្ទាប់មក ពួកគេអាចត្រឡប់ទៅផ្ទះវិញ» ដោយអ្នកនាំពាក្យក្រសួងការបរទេសអាមេរិករូបនេះ បានបញ្ជាក់ថា «យើងមិនបានឃើញប្រភេទ នៃការផ្លាស់ទីលំនៅ ដោយប្រើប្រាស់កម្លាំង ជាក់លាក់ណាមួយ…

វ៉ាស៊ីនតោន ៖ មន្ត្រីរដ្ឋាភិបាលជាន់ខ្ពស់អាមេរិកនិយាយថា ប្រធានាធិបតីអាមេរិក លោក Joe Biden នឹងជួបជាមួយសមភាគី លោក Xi Jinping នៅថ្ងៃសៅរ៍នេះ នៅខាងក្រៅកិច្ចប្រជុំអន្តរជាតិនៅប្រទេសប៉េរូ។ ក្រុមមន្ត្រីបានប្រាប់អ្នកយកព័ត៌មានកាលពីថ្ងៃពុធថា កិច្ចពិភាក្សារវាងមេដឹកនាំទាំងពីរ នឹងត្រូវធ្វើឡើងនៅខាងក្រៅ នៃកិច្ចប្រជុំកំពូលកិច្ចសហប្រតិបត្តិការសេដ្ឋកិច្ចអាស៊ីប៉ាស៊ីហ្វិកនៅរដ្ឋធានីលីម៉ា។ ក្រុមមន្ត្រីបានឱ្យដឹងថា លោកប្រធានាធិបតី Biden ចង់ពិភាក្សាអំពីទំនាក់ទំនងយោធា និងយោធារវាងប្រទេសទាំងពីរ (អាមេរិក-ចិន)។ លោក Biden ក៏ទំនងជានឹងបញ្ជាក់អំពី សារៈសំខាន់ នៃ ការ រក្សា សន្តិភាព និង សន្តិសុខ នៅ ទូទាំង ច្រក សមុទ្រ តៃវ៉ាន់ និង បង្ហាញ ការ ព្រួយ បារម្ភ ចំពោះ សកម្មភាព របស់ ចិន នៅ សមុទ្រ ចិន ខាង ត្បូង។ លោក Biden ក៏ត្រូវបានគេរំពឹងដែរថា…

វ៉ាស៊ីនតោន ៖ ក្រុមហ៊ុន Tesla កំពុងប្រមូលឡាន Cybertruck ចំនួន ២,៤៣១គ្រឿងនៅសហរដ្ឋអាមេរិកត្រឡប់មកវិញ ដោយសារតែជួបបញ្ហាជាមួយឧបករណ៍បំពងសំឡេងរបស់ពួកវា ដែលបង្កើនហានិភ័យរហូតដល់ជ្រុះចេញពីរថយន្តតែម្តង។ ការប្រកាសនេះធ្វើឡើងបន្ទាប់ឯកសាររបស់ក្រុមហ៊ុន Tesla របស់មហាសេដ្ឋីបច្ចេកវិទ្យា លោក Elon Musk បានផ្ញើទៅកាន់រដ្ឋបាលសុវត្ថិភាពចរាចរណ៍ផ្លូវជាតិ (NHTSA) ហើយបានបង្ហាញជាសាធារណៈកាលពីថ្ងៃពុធសប្តាហ៍នេះ។ ការប្រមូលមកវិញនេះ នឹងប៉ះពាល់ដល់រថយន្ត Cybertruck មួយចំនួន ដែលផលិតនៅចន្លោះថ្ងៃទី៦ ខែវិច្ឆិកា ឆ្នាំ ២០២៣ និងថ្ងៃទី៣០ ខែកក្កដា ឆ្នាំ ២០២៤។ ទោះបីជាយ៉ាងណា ក្រុមហ៊ុន Tesla បានអះអាងថា មិនមានការប៉ះទង្គិចរហូតដល់ថ្នាក់បាត់បង់ជីវិត ឬរបួស ទាក់ទងនឹងបញ្ហានេះទេ។ សរុបមក រហូតមកដល់ពេលនេះ Tesla ត្រូវបានប្រព័ន្ធផ្សព្វផ្សាយរាយការណ៍ អំពីការប្រមូលរថយន្ត Cybertrucks ចំនួន៦លើកហើយនៅក្នុងឆ្នាំនេះ។ កាលពីខែមុន ក្រុមហ៊ុន Tesla បាននិយាយថា ខ្លួននឹងប្រមូលមកវិញនូវរថយន្ត Cybertruck ជាង ២៧,០០០គ្រឿងនៅសហរដ្ឋអាមេរិកត្រឡប់មកវិញ ដោយសារបញ្ហាកាមេរ៉ាខាងក្រោយ ដែលអាចធ្វើឱ្យពិបាកដល់ការមើលឃើញរបស់អ្នកបើកបរ…

ប៉េកាំង ៖ ចិនបានក្លាយជា ប្រទេស ដំបូង គេ ដែល បំបែក កំណត់ ត្រា ផលិតរថយន្តប្រើថាមពលថ្មីបានជាង ១០ លានគ្រឿង។ ប្រទេសចិននិយាយថា ខ្សែសង្វាក់រោងចក្ររបស់ចិន បានបញ្ចេញរថយន្តប្រើថាមពលថ្មី ហៅកាត់ (NEV) ជាង ១០លាន គ្រឿង រួច ហើយ នៅ ឆ្នាំ ២០២៤នេះ។ នេះ ជា លើក ដំបូង ហើយ ដែល ការ ផលិត រថយន្ត អគ្គិសនីកូនកាត់ និង រថយន្ត កោសិកា ប្រេង ប្រចាំឆ្នាំ បាន ឆ្លង ផុត កម្រិត នោះ។ មន្ត្រីជាន់ខ្ពស់រដ្ឋាភិបាលចិនបានសាទរ ចំពោះការរីកចម្រើនផ្នែកបច្ចេកវិទ្យា និងកំណើនទីផ្សារឡានអគ្គិសនី ហើយថា ចិនបានក្លាយជា ប្រទេស ដំបូង គេ ដែល…

វ៉ាស៊ីនតោន ៖ ប្រធានាធិបតីជាប់ឆ្នោតអាមេរិក លោក Donald Trump នឹងតែងតាំងបេសកជនពិសេសមួយរូប ដើម្បីដឹកនាំការចរចាស្តីពីការដោះស្រាយសង្គ្រាមអ៊ុយក្រែន។ នេះបើតាមការចេញផ្សាយដោយសារព័ត៌មាន Fox News កាលពីថ្ងៃពុធ។ ប្រភពអនាមិកបានប្រាប់សារព័ត៌មាន Fox News ថា អ្នកនឹងឃើញបេសកជនពិសេសជាន់ខ្ពស់ម្នាក់ ដែលមានភាពជឿជាក់ខ្ពស់ នឹងទទួលភារកិច្ចស្វែងរកដំណោះស្រាយឈានទៅរកសន្តិភាពបញ្ចប់សង្គ្រាមអ៊ុយក្រែន។ លោក Trump បាននិយាយទៅកាន់លោក Zelensky កាលពីសប្តាហ៍មុន ហើយបានប្រាប់សារព័ត៌មាន NBC News ថា គាត់អាចនឹងនិយាយទៅកាន់លោក Putin អំពីបញ្ហានេះនាពេលខាងមុខ។ ចំណែកលោក Putin វិញ បានអបអរសាទរលោក Trump ចំពោះជ័យជម្នះរបស់គាត់កាលពីថ្ងៃព្រហស្បតិ៍សប្តាហ៍មុន ហើយប្រាប់អ្នកសារព័ត៌មានថា លោកត្រៀមខ្លួនជាស្រេច ដើម្បីជជែកជាមួយប្រធានាធិបតីជាប់ឆ្នោតអាមេរិក។ គួរបញ្ជាក់ថា ពេញមួយយុទ្ធនាការរបស់លោក Trump បានសន្យាម្តងហើយម្តងទៀតថា នឹងបញ្ចប់ជម្លោះអ៊ុយក្រែនក្នុងរយៈពេល ២៤ម៉ោង ប្រសិនបើលោកជាប់ឆ្នោត។ យ៉ាងណាមិញ លោក Trump មិនបានពន្យល់អំពីរបៀបដែលគាត់នឹងធ្វើបែបនេះទេ ទោះបីជាគាត់បានអះអាងថា នឹងប្រើទំនាក់ទំនងដ៏អស្ចារ្យរបស់គាត់ជាមួយលោក Putin និងជាមួយប្រធានាធិបតីអ៊ុយក្រែន…

បាងកក ៖ ប្រទេសថៃបានចាប់ផ្តើមគម្រោង «ទុរេនឌីជីថល» ភូមិមួយ ឌីជីថលមួយ ​ហៅកាត់ OTOD ដើម្បីជួយកសិករដាំទុរេន ចំនួន៨,៨ លាននាក់ បង្កើនផលិតភាព របស់ពួកគេ ប្រកួតប្រជែងទីផ្សារ។ ប្រធានទីភ្នាក់ងារលើកកម្ពស់សេដ្ឋកិច្ចឌីជីថល លោក Nuttapon បាននិយាយថា គំនិតផ្តួចផ្តើម OTOD Digital Durian មានគោលបំណងជួយគ្រួសារកសិករ ជាង៦,១០០គ្រួសារ ក្នុងការទទួលយកវេទិកាឌីជីថល សម្រាប់ការកត់ត្រាទិន្នន័យដាំដុះ ក្នុងរយៈពេលពីរឆ្នាំ ដោយការប្រមូលទិន្នន័យនេះនឹងរួមចំណែកដល់ការបង្កើនផលិតភាព។ លើសពីនេះ កសិករក្នុង២៣ខេត្ត នឹងត្រូវបានបណ្តុះបណ្តាល លើកម្មវិធីពាណិជ្ជកម្មអេឡិចត្រូនិក និងទទួលការបញ្ជាក់ សម្រាប់ការអនុវត្តកសិកម្មល្អ។ បើតាមមន្ត្រីក្រសួងសេដ្ឋកិច្ច និងសង្គមឌីជីថល បង្ហាញថា គម្រោងនេះនឹងរួមចំណែក ក្នុងការកសាងទំនុកចិត្តអ្នកប្រើប្រាស់ទាំងក្នុងស្រុក និងក្រៅស្រុក លើកកម្ពស់ផលិតផល ដែលមានតម្លៃខ្ពស់ ទូទាំងពិភពលោក ចំពេលមានការប្រកួតប្រជែងដ៏ខ្លាំងក្លា ជាពិសេស ពីប្រទេសចិន និងបណ្តាប្រទេសក្នុងតំបន់អាស៊ីអាគ្នេយ៍។ ប្រទេសថៃមានផ្ទៃដីដាំទុរេន ជាង១លានរ៉ៃ និងផលិតបាន ១លាន ៥៣ម៉ឺនតោន។ ទុរេនគ្របដណ្តប់ ៦៩% នៃផ្លែឈើថៃនាំចេញទាំងអស់…

បរទេស៖ ធនាគារពិភពលោក ឬ World Bank បាននិយាយ កាលពីថ្ងៃព្រហស្បតិ៍ថា ជាងមួយឆ្នាំនៃការប៉ះទង្គិចគ្នា ដែលបានវិវឌ្ឍន៍ទៅជាសង្រ្គាម កាលពីពេលថ្មីៗនេះ បានធ្វើឱ្យប្រទេសលីបង់ ខាតបង់សេដ្ឋកិច្ច ច្រើនជាង៥ពាន់លានដុល្លារ ជាមួយនឹងការខូចខាតរចនាសម្ព័ន្ធជាក់ស្តែង រាប់ពាន់លានដុល្លារ ផ្សេងទៀត។ ចាប់តាំងពីថ្ងៃទី ២៣ ខែកញ្ញាមក អ៊ីស្រាអែលបានបង្កើនយុទ្ធនាការវាយប្រហារតាមផ្លូវអាកាស ទៅលើប្រទេសលីបង់។ ក្រោយមក បានបញ្ជូនកងទ័ពលុកលុយតាមផ្លូវគោក បន្ទាប់ពីការបាញ់គ្រាប់ផ្លោង ឆ្លងព្រំដែន ជិតមួយឆ្នាំ ដែលផ្តួចផ្តើមឡើង ដោយក្រុមហេសបូឡា ជុំវិញសង្រ្គាមហ្គាហ្សា។ នៅក្នុងរបាយការណ៍ស្តីពីប្រទេសលីបង់ ធនាគារពិភពលោកបានផ្តល់ការប៉ាន់ប្រមាណសម្រាប់ការខូចខាត រវាងថ្ងៃទី ៨ ខែតុលា ឆ្នាំ ២០២៣ ដល់ថ្ងៃទី ២៧ ខែតុលា ឆ្នាំ ២០២៤ ក្នុងនោះ បង្ហាញថា មានការខាតបង់សេដ្ឋកិច្ចចំនួន ៥.១ពាន់លានដុល្លារ ជាមួយនឹងការខូចខាតដល់រចនាសម្ព័ន្ធរូបវ័ន្ត យ៉ាងហោចណាស់ ៣.៤ ពាន់លានដុល្លារ បន្ថែមទៀត។ របាយការណ៍នេះបានបន្តថា «ការខាតបង់ ភាគច្រើន មាននៅក្នុងវិស័យពាណិជ្ជកម្ម និង…