វ៉ាសូវី ៖ ប្រទេសប៉ូឡូញនឹងចាយលុយប្រហែល ២៥៣ លានដុល្លារ ដើម្បីក្លាយជាម្ចាស់ផ្ទះមជ្ឈមណ្ឌលថែទាំ និងជួសជុលមីស៊ីលស្ទាក់ចាប់ PAC-3 របស់សំណាញ់មេឃ Patriot ដែលផលិតដោយក្រុមហ៊ុន Lockheed Martin របស់សហរដ្ឋអាមេរិក ។ នេះបើតាមការអះអាងរបស់លោកស្រី Magdalena Sobkowiak-Czarnecka អនុរដ្ឋមន្ត្រីការពារជាតិប៉ូឡូញ កាលពីថ្ងៃអង្គារ ។ សំណាញ់មេឃ Patriot គឺជាប្រព័ន្ធខែលការពារដែនអាកាស ដែលបាញ់ចេញពីផ្ទៃដីទៅអាកាសដ៏ទំនើបបំផុតរបស់សហរដ្ឋអាមេរិក ។ ប្រព័ន្ធរ៉ាដារបស់ Patriot គ្របដណ្ដប់លើរយៈចម្ងាយប្រហែល ១៥០ គីឡូម៉ែត្រ និងបំពាក់ដោយមីស៊ីលស្ទាក់ចាប់ដ៏មានអនុភាពចំនួន ២ ប្រភេទ ។ ក្នុងនោះ មីស៊ីលស្ទាក់ចាប់ PAC-2 របស់សំណាញ់មេឃ Patriot អាចបាញ់បានចម្ងាយលើស ១០០ គីឡូម៉ែត្រ និងមីស៊ីលស្ទាក់ចាប់ PAC-3 អាចបាញ់បានចម្ងាយអតិបរមា ៦៩ គីឡូម៉ែត្រ ។ មីស៊ីលស្ទាក់ចាប់របស់ប្រព័ន្ធខែលការពារដែនអាកាសនេះ មួយគ្រាប់ៗត្រូវចំណាយពេលផលិតយូរខែ ឬយូរឆ្នាំ ហើយមានតម្លៃចាប់ពី ២ ទៅ…

តេហេរ៉ង់ ៖ មេដឹកនាំកំពូលអ៊ីរ៉ង់ លោក Mojtaba Khamenei កាលពីថ្ងៃអង្គារ បានទាមទារឱ្យគូជម្លោះសហរដ្ឋអាមេរិក បំពេញតាមលក្ខខណ្ឌរបស់ប្រទេសខ្លួន ដែលបានប្រកាសក្នុងពេលថ្មីៗនេះ ដើម្បីបញ្ចប់សង្គ្រាម ។ ការទាមទាររបស់លោក Khamenei ត្រូវបានធ្វើឡើងបន្ទាប់ពីអ៊ីរ៉ង់បានបញ្ជូនផែនការថ្មីមួយទៅកាន់គូជម្លោះសហរដ្ឋអាមេរិក កាលពីថ្ងៃទី២២ ខែកញ្ញា តាមរយៈអ្នកសម្របសម្រួល នៅក្រៅកិច្ចប្រជុំលើកទី៨១ នៃមហាសន្និបាតអង្គការសហប្រជាជាតិ នៅទីក្រុងញូវយ៉ក ។ ក្រោមផែនការនេះ អ៊ីរ៉ង់បានស្នើឱ្យបញ្ចប់សង្គ្រាម និងបើកច្រកសមុទ្រ ហ័រមូស ឡើងវិញក្នុងរយៈពេល ៧ថ្ងៃ ហើយថែមទាំងទាមទារឱ្យសហរដ្ឋអាមេរិកត្រូវតែទទួលយកលក្ខខណ្ឌរបស់អ៊ីរ៉ង់ មុនពេលឈានទៅរកកិច្ចព្រមព្រៀងបញ្ឈប់ជម្លោះ ។ យោងតាមសេចក្តីថ្លែងការណ៍ដែលបង្ហោះតាមគេហទំព័ររបស់ខ្លួន មេដឹកនាំកំពូលអ៊ីរ៉ង់រូបនេះ ថែមទាំងអំពាវនាវឱ្យការពារសិទ្ធិរបស់ប្រទេសអ៊ីរ៉ង់ និងសិទ្ធិរបស់អ្វីដែលទីក្រុងតេហេរ៉ង់ហៅថា «រណសិរ្សតស៊ូ» ក្នុងតំបន់ ។ ដោយពណ៌នាស្ថានភាពបច្ចុប្បន្នថា «មិនមែនសង្គ្រាម ហើយក៏មិនមែនសន្តិភាព» លោក Khamenei បានសង្កត់ធ្ងន់លើសារៈសំខាន់នៃការធានាឱ្យបាននូវការបំពេញលក្ខខណ្ឌដែលមន្ត្រីជាន់ខ្ពស់អ៊ីរ៉ង់បានកំណត់ ស្ថិតក្នុងគោលបំណងបញ្ចប់សង្គ្រាម ។ សូមរម្លឹកថា អ៊ីស្រាអែល និងសហរដ្ឋអាមេរិកបានបើកការវាយប្រហាររួមគ្នាលើទីក្រុងតេហេរ៉ង់ និងទីក្រុងផ្សេងទៀតរបស់ប្រទេសអ៊ីរ៉ង់ កាលពីថ្ងៃទី២៨ ខែកុម្ភៈ ។ ជាការឆ្លើយតប អ៊ីរ៉ង់បានបើកការវាយប្រហារតបតវិញ…

ហ្សាការតា ៖ ឥណ្ឌូនេស៊ី និងសិង្ហបុរីបានព្រមព្រៀងបង្កើតក្រុមការងាររួមមួយ ដើម្បីចាត់វិធានការលើក្រុមហ៊ុននានា ដែលទទួលខុសត្រូវចំពោះការបង្កឱ្យមានភ្លើងឆេះព្រៃ ដែលបង្កើតជាផ្សែងអ័ព្ទប៉ះពាល់សុខភាពប្រជាជនហោះហើរឆ្លងកាត់ព្រំដែនរវាងប្រទេសទាំងពីរ ។ នេះបើតាមការប្រកាសរបស់រដ្ឋមន្ត្រីការបរទេសនៃប្រទេសទាំងពីរ កាលពីថ្ងៃអង្គារ ។ បើតាមស៊ីនហួរ, ក្រោយបញ្ចប់ជំនួបទ្វេភាគីជាមួយប្រមុខការទូតកំពូលសិង្ហបុរី លោក Vivian Balakrishnan, រដ្ឋមន្ត្រីការបរទេសឥណ្ឌូនេស៊ី លោក Arrmanatha Nasir បានបញ្ជាក់ថា ក្រុមការងាររួមនេះ នឹងដើរតួនាទីសម្របសម្រួលការចែករំលែកព័ត៌មាន ការស៊ើបអង្កេតព័ត៌មានហិរញ្ញវត្ថុ និងការប្រមូលភស្តុតាងឆ្លងដែន ដើម្បីចាត់វិធានការតាមផ្លូវច្បាប់ ។ ទន្ទឹមគ្នា ប្រទេសទាំងពីរសង្ឃឹមថា កិច្ចសហប្រតិបត្តិការនេះ នឹងជួយទប់ស្កាត់ក្រុមហ៊ុននានា ដែលពាក់ព័ន្ធនឹងការបង្កឱ្យមានភ្លើងឆេះព្រៃ ជាពិសេសទប់ស្កាត់កុំឱ្យកើតមានភ្លើងឆេះព្រៃសាជាថ្មី ដែលបណ្តាលឱ្យមានផ្សែងអ័ព្ទប៉ះពាល់សុខភាពប្រជាជនហោះហើររាលដាលឆ្លងកាត់ព្រំដែន ។ ជំនួបទ្វេភាគីរវាងប្រមុខការទូតកំពូលទាំងពីរ កើតឡើងចំពេលដែលប្រទេសឥណ្ឌូនេស៊ីបានប្រឈមមុខនឹងការលំបាកអស់រយៈពេលជាច្រើនខែ ក្នុងការគ្រប់គ្រងភ្លើងឆេះព្រៃ ដែលបណ្តាលឱ្យមានការខឹងសម្បារ និងការតវ៉ាពីសំណាក់ប្រជាជនក្នុងតំបន់ ។ យោងតាមអង្គការតាមដានការកាប់បំផ្លាញព្រៃឈើ Nusantara Atlas, ភ្លើងឆេះព្រៃនៅឥណ្ឌូនេស៊ី បានបង្កការបំផ្លិចបំផ្លាញផ្ទៃដីអស់ជាង ១,៩ លានហិកតា ក្នុងរយៈពេល ៩ ខែប៉ុណ្ណោះ ពោលនៅត្រឹមខែកញ្ញា ឆ្នាំ២០២៦នេះ ៕ ប្រភព…

ប៊ែរឡាំង ៖ អធិការបតីអាល្លឺម៉ង់ លោក Friedrich Merz កាលពីថ្ងៃអង្គារ ប្រកាសជំរុញឱ្យចិនប្រើប្រាស់ឥទ្ធិពលរបស់ខ្លួនលើរុស្ស៊ី ដើម្បីប្រញាប់បញ្ឈប់សង្គ្រាមនៅអ៊ុយក្រែន ។ បើតាម AFP, លោក Merz ថែមទាំងបានអំពាវនាវឱ្យចិនដែលជាប្រទេសមហាយក្សនៅអាស៊ី ជួយនាំមកនូវសន្តិភាពដ៏យុត្តិធម៌មួយនៅអ៊ុយក្រែនផងដែរ ដោយលោកបានបញ្ជាក់ថា ទីក្រុងប៉េកាំងមានទំនួលខុសត្រូវខ្ពស់ ក្នុងការការពារច្បាប់ទម្លាប់អន្តរជាតិ ខណៈដែលការឈ្លានពានរបស់ទីក្រុងមូស្គូនៅតែបន្តអូសបន្លាយ ។ មេដឹកនាំអាល្លឺម៉ង់រូបនេះ បាននៅចំពោះមុខអ្នកសារព័ត៌មាននៅប្រទេសសិង្ហបុរី ថា រាល់ដំណោះស្រាយសន្តិភាពនាពេលអនាគត ត្រូវតែមានការចូលរួមពីអ៊ុយក្រែន អឺរ៉ុប រុស្ស៊ី និងសហរដ្ឋអាមេរិក ដោយលោកបានសង្កត់ធ្ងន់ថា ការចរចាណាមួយដែលមិនមានការចូលរួមពីទីក្រុងកៀវ គឺជារឿង «មិនអាចទទួលយកបានជាដាច់ខាត» ។ លោក Merz បន្ថែមថា ការបញ្ចប់សង្គ្រាមរុស្ស៊ី-អ៊ុយក្រែន គឺអាស្រ័យទៅលើលោកប្រធានាធិបតី Vladimir Putin ហើយអាល្លឺម៉ង់ប្តេជ្ញាថា នឹងបន្តគាំទ្រទីក្រុងកៀវ ដរាបណាការធ្វើបែបនេះ នៅតែជាភាពចាំបាច់ ។ អធិការបតីអាល្លឺម៉ង់មានវ័យ៧០ឆ្នាំរូបនេះ បានសង្កត់ធ្ងន់ថា បើសិនមានបទឈប់បាញ់ណាមួយកើតឡើង បណ្តាប្រទេសនៅអឺរ៉ុបនឹងត្រូវដើរតួនាទី ក្នុងការផ្តល់ការធានាសន្តិសុខ ។ មកទល់ពេលនេះ ភ្លើងសង្គ្រាមរវាងគូសត្រូវស៊ីសាច់ហុតឈាមទាំងពីរ គឺរុស្ស៊ី…

មូស្គូ ៖ ប្រធានាធិបតីអ៊ីរ៉ង់ លោក Masoud Pezeshkian បានប្រាប់សមភាគីរុស្ស៊ី លោក Vladimir Putin កាលពីថ្ងៃអង្គារថា តំបន់មជ្ឈិមបូព៌ាអាចដោះស្រាយបញ្ហារបស់ខ្លួនបាន ដោយមិនចាំបាច់មានការចូលរួមពីសហរដ្ឋអាមេរិកឡើយ។ លោក Pezeshkian បានថ្លែងនៅក្នុងជំនួបជាមួយលោក ពូទីន នៅក្រៅកិច្ចប្រជុំកំពូលនៃវេទិកាប្រទេសនាំចេញឧស្ម័ន ឬ Gas Exporting Countries Forum​ ក្នុងទីក្រុងមូស្គូថា «ខ្ញុំជឿជាក់ថា យើងមានសមត្ថភាពដោះស្រាយបញ្ហារបស់យើងនៅក្នុងតំបន់នេះ ដោយមិនចាំបាច់ពឹងផ្អែកលើសហរដ្ឋអាមេរិកទេ»។ លោកបានប្រាប់លោក ពូទីន ថា «ពាណិជ្ជកម្មរបស់យើងកំពុងពង្រីក និងរីកចម្រើនពីមួយថ្ងៃទៅមួយថ្ងៃ។ សកម្មភាពរបស់សហរដ្ឋអាមេរិកនៅក្នុងតំបន់នេះ បានធ្វើឱ្យវាកាន់តែងាយស្រួលសម្រាប់យើង ក្នុងការឆ្ពោះទៅរកពហុភាគីនិយមឱ្យកាន់តែទូលំទូលាយ និងពង្រឹងកិច្ចសហប្រតិបត្តិការជាមួយលោក ក៏ដូចជាប្រទេសដទៃទៀត ដែលកំពុងរងទណ្ឌកម្មឯកតោភាគីពីសហរដ្ឋអាមេរិក»។ លោក ពូទីន បានឱ្យដឹងថា លោកបានពិភាក្សាអំពីសង្គ្រាមជាមួយលោក Pezeshkian ដោយបង្ហាញក្តីសង្ឃឹមថា ស្ថានភាពនឹងមានភាពប្រសើរឡើង។ លោក ពូទីន បាននិយាយថា «យើងបានពិភាក្សាគ្នាជាមុនរួចហើយ ដោយផ្ទាល់រវាងភាគីទាំងពីរ អំពីស្ថានភាពនៅក្នុងតំបន់ ដែលជាស្ថានភាពមួយពិតណាស់ថា មិនអាចជៀសផុតពីការបង្កឱ្យមានក្តីបារម្ភនោះទេ»។ លោកបានបន្ថែមដោយសង្ឃឹមថា ស្ថានភាពនេះនឹង «វិវត្តទៅក្នុងទិសដៅវិជ្ជមាន»។ លោក Pezeshkian បានសម្តែងទំនុកចិត្តដែរថា ភាគីទាំងពីរមានឆន្ទៈក្នុងការពង្រីកកិច្ចសហប្រតិបត្តិការលើវិស័យវិទ្យាសាស្ត្រ…

មូស្គូ ៖ ទោះបីជាកំពុងរងទណ្ឌកម្មពីអឺរ៉ុប, នាវាដឹកប្រេងម៉ាស៊ូតរបស់រុស្ស៊ីចំនួន ៣ គ្រឿងបានចាប់ផ្តើមធ្វើដំណើរ ឆ្ពោះទៅកាន់សហរដ្ឋអាមេរិក។ នេះបើតាមយោងតាមសេចក្តីថ្លែងការណ៍របស់ទីក្រុងមូស្គូ និងរបាយការណ៍ពីប្រព័ន្ធតាមដាននាវា ដែលបានចេញផ្សាយ កាលពីថ្ងៃអង្គារ។ ឧបនាយករដ្ឋមន្ត្រីរុស្ស៊ី លោក Alexander Novak បានប្រាប់អ្នកសារព័ត៌មាន កាលពីថ្ងៃទី២៧ ខែតុលាថា «បច្ចុប្បន្ននេះ មាននាវាដឹកប្រេងចំនួន ៣ គ្រឿង» ដែលផ្ទុកប្រេងឥន្ធនៈរបស់រុស្ស៊ី កំពុងធ្វើដំណើរទៅកាន់សហរដ្ឋអាមេរិក។ លោកបានបន្ថែមថា នាវាទី ៤ មួយគ្រឿងទៀតត្រូវបានគេរំពឹងថា នឹងចេញដំណើរ នៅថ្ងៃពុធនេះ។ យោងតាមវេទិកាតាមដាននាវា Kpler, នាវាទាំង ៣ គ្រឿងនោះរួមមាន នាវា Talisman (ដែលស្ថិតក្រោមទណ្ឌកម្មរបស់សហរដ្ឋអាមេរិក និងសហភាពអឺរ៉ុប), នាវា Leruo (ដែលស្ថិតក្រោមទណ្ឌកម្មរបស់ចក្រភពអង់គ្លេស និងសហភាពអឺរ៉ុប) និងនាវា Agioi Fanendes។ ក្រុមហ៊ុនតាមដាននាវាចរណ៍ Kpler បានឱ្យដឹងថា នាវាទាំងនេះកំពុងដឹកប្រេងម៉ាស៊ូតសរុបចំនួន ៩២ម៉ឺន៤,០០០ បារ៉ែល ដែលបរិមាណនេះស្មើនឹងប្រហែលមួយភាគបីនៃការប្រើប្រាស់ប្រេងម៉ាស៊ូតប្រចាំថ្ងៃនៅក្នុងវិស័យដឹកជញ្ជូនរបស់សហរដ្ឋអាមេរិក។ នៅខែតុលានេះ, ប្រធានាធិបតីសហរដ្ឋអាមេរិក…