កៀវ ៖ ប្រធានាធិបតីអ៊ុយក្រែន លោក Volodymyr Zelensky កាលពីថ្ងៃចន្ទ បានបង្ហាញជម្រើសចំនួន ៣ ទៅកាន់ភាគីសហរដ្ឋអាមេរិក ហើយក្នុងករណីដែលមានការព្រមព្រៀងគ្នានោះ អ៊ុយក្រែននឹងបញ្ឈប់ការវាយប្រហារលើរោងចក្រចម្រាញ់ប្រេងរបស់រុស្ស៊ី ។ បើតាម Kyiv Post, ជម្រើសដំបូងគឺលោក Zelensky ទាមទារឱ្យរុស្ស៊ីឈប់វាយប្រហារលើរោងចក្រអគ្គិសនី និងហេដ្ឋារចនាសម្ព័ន្ធថាមពលរបស់អ៊ុយក្រែនជាមុនសិន ទើបអ៊ុយក្រែនឈប់វាយលុកលើរោងចក្រចម្រាញ់ប្រេង និងរោងចក្រផលិតប្រេងម៉ាស៊ូតរបស់រុស្ស៊ីដូចគ្នា ។ សម្រាប់ជម្រើសទី២ លោក Zelensky ស្នើឱ្យសហរដ្ឋអាមេរិកបើកការគ្របដណ្តប់បណ្តាញទំនាក់ទំនងផ្កាយរណប Starlink នៅលើទឹកដីរុស្ស៊ី ដើម្បីឱ្យអ៊ុយក្រែនអាចទទួលព័ត៌មានអំពីទីតាំងបាញ់មីស៊ីលផ្លោងរបស់រុស្ស៊ី ។ លោកថា អ៊ុយក្រែនចង់ប្រើព័ត៌មានទាំងនេះ ដើម្បីងាយស្រួលវាយប្រហារលើទីតាំងបាញ់មីស៊ីលរបស់រុស្ស៊ីវិញ ។ ចំណែកជម្រើសចុងក្រោយ មេដឹកនាំអ៊ុយក្រែនរូបនេះ ទទូចឱ្យសហរដ្ឋអាមេរិកពន្លឿនការផ្គត់ផ្គង់មីស៊ីលស្ទាក់ចាប់របស់សំណាញ់មេឃ Patriot ដើម្បីជួយអ៊ុយក្រែនការពារខ្លួនពីការវាយប្រហាររបស់រុស្ស៊ី ។ ទន្ទឹមនឹងការបង្ហាញជម្រើស ៣ យ៉ាងនេះ លោក Zelensky ក៏បានអះអាងផងដែរថា រហូតមកទល់ពេលនេះ នៅមិនទាន់មានជម្រើសណាមួយ ត្រូវបានសហរដ្ឋអាមេរិកយកទៅអនុវត្តនោះទេ ខណៈដែលអ៊ុយក្រែនកំពុងតស៊ូប្រយុទ្ធយ៉ាងស្វិតស្វាញ ដើម្បីការរស់រានមានជីវិត ។ ក្រៅពីបញ្ហាបទឈប់បាញ់លើវិស័យថាមពល លោក…

សេអ៊ូល ៖ យោធាកូរ៉េខាងត្បូងបានអះអាងនៅថ្ងៃអង្គារនេះថា ប្រទេសកូរ៉េខាងជើងបានចាប់ផ្តើមដាក់ពង្រាយកាំភ្លើងធំជាច្រើននៅតាមតំបន់ព្រំដែន ដោយតម្រង់កាណុងទៅរកប្រទេសកូរ៉េខាងត្បូងដោយផ្ទាល់តែម្ដង ។ បើតាម Yonhap, កាំភ្លើងធំដែលកូរ៉េខាងជើងដាក់ពង្រាយនេះ ជាប្រភេទកាំភ្លើងធំចល័តទំហំ ១២២ មីល្លីម៉ែត្រ ដែលអាចបាញ់ដល់ចម្ងាយចន្លោះពី ១៥ ទៅ ២៤ គីឡូម៉ែត្រ ។ ប្រភពដដែលបញ្ជាក់ថា កាំភ្លើងធំទាំងនេះត្រូវបានកូរ៉េខាងជើងដាក់ពង្រាយនៅស្រុក Kaepung នៃខេត្ត Hwanghae ដែលមានចម្ងាយត្រឹមតែ ១ គីឡូម៉ែត្រកន្លះប៉ុណ្ណោះពីទីតាំងសង្កេតការណ៍ Aegibong នៃទីក្រុង Gimpo របស់កូរ៉េខាងត្បូង ។ ជុំវិញការដាក់ពង្រាយកាំភ្លើងធំនេះ អ្នកនាំពាក្យអគ្គសេនាធិការចម្រុះកូរ៉េខាងត្បូង លោក Jang Do-young បកស្រាយថា តាមការវាយតម្លៃរបស់យើង កូរ៉េខាងជើងបានដាក់ពង្រាយកាំភ្លើងធំចាស់ៗប៉ុណ្ណោះ ។ យ៉ាងណា អ្នកជំនាញចាត់ទុកថា ការដាក់ពង្រាយប្រព័ន្ធអាវុធធុនធ្ងន់ដោយផ្ទាល់នៅតាមព្រំដែននេះ គឺជាករណីត្រូវប្រុងប្រយ័ត្ន ដោយសារកាំភ្លើងធំជាទូទៅ ត្រូវការទីតាំងលាក់បាំង ដើម្បីកាត់បន្ថយហានិភ័យពីការសង្កេតឃើញ និងការវាយប្រហាររបស់សត្រូវ ។ ជាក់ស្តែងការដាក់ពង្រាយអាវុធប្រភេទនេះកើតឡើង បន្ទាប់ពីលោកស្រី Kim Yo jong ប្អូនស្រីដ៏មានឥទ្ធិពលរបស់មេដឹកនាំកូរ៉េខាងជើងលោក…

ប៊ែន ៖ រដ្ឋាភិបាលស្វីសបានប្រកាសកាលពីថ្ងៃចន្ទថា រដ្ឋមន្ត្រីការបរទេសស្វីស លោក Ignazio Cassis នឹងធ្វើដំណើរទៅកាន់ប្រទេសកូរ៉េខាងជើង ក្នុងសប្តាហ៍នេះ ដើម្បីធ្វើការពិភាក្សាផ្នែកនយោបាយ និងដើម្បីបើកដំណើរការការិយាល័យការទូតរបស់ស្វីស នៅទីក្រុងព្យុងយ៉ាងឡើងវិញជាផ្លូវការ។ លោក Cassis ដែលត្រូវចាប់ផ្តើមដំណើរទស្សនកិច្ច នៅថ្ងៃព្រហស្បតិ៍ គ្រោងនឹងជួបជាមួយអាជ្ញាធរកូរ៉េខាងជើងក្នុងអំឡុងពេលពិធីបើកការិយាល័យជាផ្លូវការ នៅថ្ងៃទី៣០ ខែតុលា។ បើតាម Reuters, ការពិភាក្សានឹងគ្របដណ្តប់លើប្រធានបទមួយចំនួន រួមមាន ការបន្តកិច្ចពិគ្រោះយោបល់ទ្វេភាគីរវាងក្រសួងការបរទេសនៃប្រទេសទាំងពីរ, បញ្ហាសន្តិសុខនៅលើឧបទ្វីបកូរ៉េ និងបញ្ហាភូមិសាស្ត្រនយោបាយ។ បន្ទាប់ពីនោះ, លោក Cassis នឹងធ្វើដំណើរទៅកាន់ទីក្រុងសេអ៊ូល ដើម្បីជួបពិភាក្សាជាមួយមន្ត្រីកូរ៉េខាងត្បូង។ ការិយាល័យនៅទីក្រុងព្យុងយ៉ាងមួយនេះ ស្ថិតនៅក្រោមការគ្រប់គ្រងរបស់ស្ថានទូតស្វីសប្រចាំទីក្រុងប៉េកាំង ដែលជាស្ថានទូតទទួលខុសត្រូវលើទំនាក់ទំនងការទូត និងកុងស៊ុលជាមួយប្រទេសកូរ៉េខាងជើង។ ការិយាល័យ ដែលបានចាប់ផ្តើមដំណើរការ តាំងពីថ្ងៃទី១៩ ខែតុលាមក គឺជាការស្តារឡើងវិញនូវវត្តមានការទូតអចិន្ត្រៃយ៍របស់ស្វីស នៅក្នុងប្រទេសកូរ៉េខាងជើង។ ខណៈដែលប្រទេសស្វីសបានចូលរួមទំនាក់ទំនងឡើងវិញយ៉ាងសកម្ម ជាមួយទីក្រុងព្យុងយ៉ាងក្នុងរយៈពេលប៉ុន្មានឆ្នាំ ចុងក្រោយនេះ, សហភាពអឺរ៉ុបវិញ បានផ្អាកកិច្ចសន្ទនាដោយផ្ទាល់ជាមួយកូរ៉េខាងជើងស្ទើរតែទាំងស្រុង៕ ប្រភព ៖ Reuters, ប្រែសម្រួល ៖ សារ៉ាត

បរទេស ៖ តម្លៃប្រេងបានធ្លាក់ចុះបន្តិច នៅថ្ងៃអង្គារនេះ ដោយសារលទ្ធភាពនៃការដោះស្រាយជម្លោះរវាងសហរដ្ឋអាមេរិក-អ៊ីស្រាអែល និង អ៊ីរ៉ង់ បានជួយកាត់បន្ថយការភ័យខ្លាចចំពោះការរំខានដល់ការផ្គត់ផ្គង់។ តម្លៃប្រេងឆៅប្រភេទ Brent បានធ្លាក់ចុះ ៦៦ សេន ឬ ០,៥៧ ភាគរយ មកនៅត្រឹម ១១៥,១៥ ដុល្លារក្នុងមួយបារ៉ែល ខណៈដែលតម្លៃប្រេងឆៅប្រភេទ West Texas Intermediate ឬ WTI របស់សហរដ្ឋអាមេរិក បានធ្លាក់ចុះ ៤៤ សេន ឬ ០,៤៣ ភាគរយ មកនៅត្រឹម ១០១,៣២ ដុល្លារ។ បើតាម CNA, ការធ្លាក់ចុះនេះបន្តិច បានកើតឡើង នៅក្រោយ១ថ្ងៃ បន្ទាប់ពីប្រទេស អារ៉ាប៊ី សាអូឌីត តួកគី និងប៉ាគីស្ថាន ដែលជាសមាជិកសម្ព័ន្ធយោធាណាតូឥស្លាម បានជួបពិភាក្សាជាមួយមន្ត្រីអ៊ីរ៉ង់ នៅទីក្រុងតេហេរ៉ង់ ក្នុងគោលបំណងកាត់បន្ថយភាពតានតឹងនៅតំបន់មជ្ឈិមបូព៌ា។ ទោះជាយ៉ាងណាក៏ដោយ ការធ្លាក់ចុះនៃតម្លៃនេះ មានកម្រិតប៉ុណ្ណោះ ដោយសារលទ្ធភាពនៃសន្តិភាពនៅតែមានភាពផុយស្រួយ ខណៈដែលក្រុមហ៊ូទី ដែលគេជឿថា…

តេហេរ៉ង់ ៖ មន្ត្រីជាន់ខ្ពស់មកពីប្រទេសអារ៉ាប៊ី សាអូឌីត, តួកគី និងប៉ាគីស្ថាន ដែលសុទ្ធតែជាសមាជិកនៃសម្ព័ន្ធណាតូឥស្លាម បានហោះទៅជួបពិភាក្សាជាមួយភាគីអ៊ីរ៉ង់ កាលពីថ្ងៃចន្ទ ក្នុងគោលបំណងទប់ស្កាត់កុំឱ្យសង្គ្រាមនៅមជ្ឈិមបូព៌ាផ្ទុះឡើងវិញ ខណៈដែលទីក្រុងតេហេរ៉ង់បានលើកឡើងថា កិច្ចពិភាក្សានេះគឺ «ល្អប្រសើរណាស់»។ សេចក្តីថ្លែងការណ៍មួយរបស់ក្រសួងការបរទេសអារ៉ាប៊ីសាអូឌីតបានឱ្យដឹងថា មន្ត្រីមកពីប្រទេសទាំងបីដែលជាភាគីនៃកិច្ចព្រមព្រៀងទីក្រុង  Mecca ឬ គេស្គាល់ថា ណាតូឥស្លាម បានធ្វើដំណើរទៅកាន់ប្រទេសអ៊ីរ៉ង់ ជាផ្នែកមួយនៃកិច្ចខិតខំប្រឹងប្រែងដើម្បី «កាត់បន្ថយភាពតានតឹងរវាងភាគីនានាដែលពាក់ព័ន្ធនឹងវិបត្តិបច្ចុប្បន្ន»។ កិច្ចពិភាក្សា ដែលមានការចូលរួមពីឥស្សរជនសំខាន់ៗ រួមទាំងរដ្ឋមន្ត្រីក្រសួងការពារជាតិអារ៉ាប៊ីសាអូឌីត ព្រះអង្គម្ចាស់ Khalid bin Salman ផងនោះ បានធ្វើឡើងបន្ទាប់ពីមានការព្រមានពីសហរដ្ឋអាមេរិក អ៊ីរ៉ង់ និងអ៊ីស្រាអែល ថា អរិភាពអាចនឹងផ្ទុះឡើងវិញនៅក្នុងសង្គ្រាមដែលមានរយៈពេល ៨ ខែមកនេះ។ នេះគឺជាដំណើរទស្សនកិច្ចរួមគ្នាលើកដំបូងទៅកាន់ទីក្រុងតេហេរ៉ង់ ដោយប្រទេសប៉ាគីស្ថាន អារ៉ាប៊ី សាអូឌីត និងតួកគី ចាប់តាំងពីពួកគេបានបង្កើតសម្ព័ន្ធភាពការពារជាតិមួយនេះ នៅទីក្រុង Mecca ដែលជាទីក្រុងដ៏ពិសិដ្ឋស្ថិតនៅភាគខាងលិចនៃប្រទេសអារ៉ាប៊ីសាអូឌីត កាលពីខែសីហា។ គណៈប្រតិភូទាំងនោះបានជួបជាមួយប្រធានាធិបតីអ៊ីរ៉ង់ លោក Massoud Pezeshkian និង រដ្ឋមន្ត្រីការបរទេស លោក Abbas…

ហ្ស៊េរុយសាឡិម ៖ នាយករដ្ឋមន្ត្រីអ៊ីស្រាអែល លោក ​Benjamin Netanyahu បានចេញការព្រមានធ្ងន់ៗថា ​អាវុធនុយក្លេអ៊ែរនឹងចូលមកកម្ទេចប្រទេសមួយនេះ  ប្រសិនបើជាលោកចាញ់ការបោះឆ្នោត នៅថ្ងៃអង្គារ ទី២៧ ខែតុលា នេះ។ តាមរយៈបណ្តាញសង្គម X កាលពីថ្ងៃអាទិត្យ, លោក ​Benjamin Netanyahu បានបញ្ចេញ រូបភាព​ AI ​ដែលបានបង្ហាញពីការវាយប្រហារ​អាវុធនុយក្លេអ៊ែរ ទៅលើទីក្រុង Tel Aviv ឆេះខ្ទេចខ្ទីយ៉ាងសន្ធោសន្ធៅ ព្រមទាំង ​ព្រមានអំពីអំពើប្រល័យពូជសាសន៍ លើកទីពីរ ដែលបង្កឡើងដោយអ៊ីរ៉ង់ ទៀតផង។ លោកអះអាងថា គ្មានអ្វីសំខាន់ជាង ការទប់ស្កាត់ អ៊ីរ៉ង់ មិនឲ្យទទួលបានអាវុធនុយក្លេអ៊ែរ នោះទេ។ លោកថែមទាំងប្រកាសច្រានចោល នូវអ្វី ដែលលោកហៅថា ​​ភាពចម្រូងចម្រាសនានាជុំវិញរដ្ឋាភិបាល ដោយលោកចោទថា គ្រាន់តែជាល្បិចបន្លំភ្នែកដ៏ធំមួយ ​បង្កើតឡើងដើម្បីបិទបាំងបញ្ហាសំខាន់ៗប៉ុណ្ណោះ។ បើតាម timesofisrael, លោក Netanyahu ត្រូវ​បានក្រុមអ្នករិះគន់ចោទប្រកាន់ថា បានព្យាយាមបង្កភាពរញ៉េរញ៉ៃ ដើម្បីជំរុញឲ្យមានសង្គ្រាមជាថ្មីទល់នឹងអ៊ីរ៉ង់ ក្នុងបំណងជះឥទ្ធិពល ឬ ពន្យារពេលការបោះឆ្នោត។…