កៀវ ៖ អ៊ុយក្រែនបានប្រគល់ទៅឱ្យសហរដ្ឋអាមេរិកនូវសំណើផែនការមួយ ដើម្បីបិទបញ្ចប់សង្រ្គាមជាមួយរុស្ស៉ី នេះបើតាមការបញ្ជាក់របស់ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី កាលពីថ្ងៃអង្គារ។ នៅក្នុងសុន្ទរកថាជាវីដេអូមួយ លោក ហ្សេលេនស្គី បានគូសបញ្ជាក់ដូច្នេះថា «យើងបានបញ្ជូនសំណើរបស់យើងទៅកាន់ភាគីសហរដ្ឋអាមេរិក ហើយសហរដ្ឋអាមេរិកអាចជួយពង្រឹងការការពាររបស់យើង តាមរយៈការផ្ដល់ឱ្យមុនគេបំផុតនោះគឺការការពារដែនអាកាស និងដាក់សម្ពាធលើរុស្ស៉ី»។ បើតាម CNA, ការប្រកាសរបស់លោក ហ្សេលេនស្គីអំពីសំណើសម្រាប់កិច្ចចរចាសន្តិភាពដែលបានជាប់គាំងមួយផ្នែកធំ ចាប់តាំងពីសង្រ្គាមអ៉ីរ៉ង់ផ្ទុះឡើងមក កើតមានឡើងចំពេលមានសេចក្ដីរាយការណ៍ពីរុស្ស៉ី និងអ៊ុយក្រែនថាក្រុមអ្នកចរចាអាមេរិកនឹងធ្វើដំណើរទស្សនកិច្ចក្នុងពេលឆាប់ៗទៅកាន់ប្រទេសទាំង២។ គួរឲ្យដឹងថា បេសកជនពិសេសរបស់លោកប្រធានាធិបតី ដូណាល់ ត្រាំ បានធ្វើទស្សនកិច្ចទៅកាន់ទីក្រុងមូស្គូលើកចុងក្រោយបំផុត កាលពីខែមករា ឆ្នាំ២០២៦ និងមិនទាន់ធ្វើទស្សនកិច្ចទៅកាន់ទីក្រុងកៀវនៅឡើយទេ៕ ប្រភព CNA ប្រែសម្រួល ៖ សារ៉ាត

បូហ្គោតា ៖ គ្រោះរញ្ជួយដីកម្រិតធ្ងន់ ៧,៤រ៉ិចទ័រ ដែលបានកើតឡើងនៅប្រទេស កូឡុំប៊ី កាលពីដើមសប្ដាហ៍នេះ បានផ្តាច់អាយុជីវិតមនុស្ស កើនលើស ២៥០នាក់ហើយ។ យ៉ាងណា ក្រុមអ្នកជួយសង្រ្គោះនៅតែបន្តធ្វើប្រតិបត្តិការជួយសង្រ្គោះ និងស្វែងរកអ្នកដែលអាចនៅមានជីវិតកំពុងជាប់នៅក្រោមគំនរបែកបាក់។ បើតាមសេចក្ដីរាយការណ៍ពីបណ្ដាទីក្រុងរងផលប៉ះពាល់ ចំនួនអ្នកស្លាប់បានកើនដល់ ២៥៤នាក់ គិតត្រឹមព្រឹកថ្ងៃអង្គារ ទី១១ ខែសីហា ឆ្នាំ២០២៦។ អាកាសយានដ្ឋានចំនួន៣ នៅតែបន្តបិទទ្វារនៅឡើយ ហើយតំបន់ជាច្រើនផ្សេងទៀតជាពិសេស Choco ប្រជាជននៅតែបន្តខ្វះខាតហ្គាស ទឹក អគ្គិសនី និងផ្លូវថ្នល់សំខាន់ៗមួយចំនួនត្រូវបានបិទចរាចរណ៍ជាបណ្ដោះអាសន្ន។ គ្រោះរញ្ជួយដីនេះដែរបានបណ្ដាលឱ្យអគារ ផ្ទះ សាលារៀន និងមន្ទីរពេទ្យ រួមទាំងហេដ្ឋារចនាសម្ព័ន្ធជាច្រើនបាក់រលំ ឬរងការខូចខាត។ គ្រោះរញ្ជួយដី៧,៤រ៉ិចទ័រ និងមានជម្រៅ ១០៧គីឡូម៉ែត្រនៅក្នុងដី ត្រូវបានក្រុមមន្ត្រីកូឡុំប៊ីចាត់ទុកថាជាគ្រោះរញ្ជួយដីដ៏សាហាវបំផុតដែលបានវាយប្រហារលើប្រទេសរបស់ពួកគេ ក្នុងរយៈពេលជាង១សតវត្សរ៍មកនេះ៕ ប្រភព ៖ AFP ប្រែសម្រួល ៖ សារ៉ាត

ហាណូយ ៖ ក្រុមហ៊ុនអវកាសឯកជន Vinspace របស់វៀតណាម ប្រកាសថា ខ្លួននឹងចាប់ដៃគូជាមួយក្រុមហ៊ុន SpaceX របស់កំពូលមហាសេដ្ឋី Elon Musk ដើម្បីបាញ់បង្ហោះផ្កាយរណបលើកដំបូងរបស់ខ្លួនទៅកាន់គន្លងតារាវិថី ។ ក្រុមហ៊ុន Vinspace បានបញ្ជាក់កាលពីថ្ងៃ អង្គារ ថា ខ្លួននឹងប្រើប្រាស់កម្មវិធី Transporter របស់ក្រុមហ៊ុន SpaceX ដើម្បីបញ្ជូនផ្កាយរណបផលិតក្នុងស្រុករបស់វៀតណាមទៅកាន់គន្លងតារាវិថី នៅត្រីមាសទី ២ ក្នុងឆ្នាំ ២០២៧ ។ យោងតាមក្រុមហ៊ុនអវកាសដែលមានមូលដ្ឋាននៅទីក្រុងហាណូយមួយនេះ, បេសកកម្មនេះដែរ នឹងអនុញ្ញាតឲ្យមានការសាកល្បងបច្ចេកវិទ្យារបស់ Vinspace នៅក្នុងស្ថានភាពពិភពលោកពិតប្រាកដ បង្កើនកិច្ចសហប្រតិបត្តិការអន្តរជាតិ និងបច្ចេកវិទ្យាអវកាសពាណិជ្ជកម្ម ។ តាមរយៈកិច្ចព្រមព្រៀងនេះទៀតសោត ក្រុមហ៊ុន Vinspace នឹងទទួលខុសត្រូវលើកិច្ចការស្រាវជ្រាវ ការអភិវឌ្ឍ ការផលិត និងប្រតិបត្តិការផ្កាយរណប បន្ទាប់ពីការបាញ់បង្ហោះទៅកាន់ទីអវកាស ។ លោក Vu Trong Thu អគ្គនាយកក្រុមហ៊ុន VinSpace បានអះអាងថា កិច្ចសន្យាជាមួយ SpaceX ជាការបោះជំហានទៅមុខដ៏សំខាន់មួយ…

កៀវ ៖ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី កាលពីថ្ងៃ អង្គារ បានចង្អុលមុខរុស្ស៊ីចំៗ ថាបានប្រើប្រាស់មីស៊ីលរបស់កូរ៉េខាងជើង វាយប្រហារយ៉ាងសាហាវសម្លាប់មនុស្សដល់ទៅ ១០នាក់ និងរាប់សិបនាក់ទៀតរងរបួស ។ យោងតាមចារកម្មយោធាអ៊ុយក្រែន, ប្រព័ន្ធរ៉ាដាចាប់បានសញ្ញាហោះហើររបស់មីស៊ីលបាលិស្ទិករយៈចម្ងាយខ្លីប្រភេទ KN-23 ឬ KN-24 របស់កូរ៉េខាងជើង ។ មីស៊ីលទាំងនេះ មានក្បាលគ្រាប់ធំជាង និងបាញ់បានឆ្ងាយជាងមីស៊ីល អ៊ីស្កាន់ឌើIskander របស់រុស្ស៊ី ។ ចំណែកការស្ទាក់ចាប់ពួកវាមានការលំបាកខ្លាំង ហើយមានតែសំណាញ់មេឃ Patriot ដែលផលិតដោយអាមេរិកតែមួយគត់ ទើបអាចបាញ់ទម្លាក់វាបាន ។ ក្រៅពីចោទរុស្ស៊ីប្រើមីស៊ីលកូរ៉េខាងជើង, លោកប្រធានាធិបតី ហ្សលេនស្គី ក៏បានអះអាងដែរថា រុស្ស៊ីកំពុងរៀបចំផែនការចល័តទ័ពថ្មីនៅរដូវស្លឹកឈើជ្រុះ ក្នុងគោលបំណងអូសបន្លាយការធ្វើសង្គ្រាម ហើយកងទ័ពមួយចំនួនដែលដាក់ពង្រាយមកពីកូរ៉េខាងជើង ។ មេដឹកនាំអ៊ុយក្រែនរូបនេះ បានសង្កត់ធ្ងន់ថា ការចល័តទ័ពនេះ នឹងកើតឡើងបន្ទាប់ពីការបោះឆ្នោតសភារបស់ប្រទេសរុស្ស៊ី នៅខែកញ្ញាខាងមុខ ។ បើតាមការលើកឡើងលោក ហ្សេលេនស្គី, កូរ៉េខាងជើងបានសម្រេចចិត្តបញ្ជូនកងទ័ពរាប់ម៉ឺននាក់ទៅកាន់ទឹកដីរុស្ស៊ី ដើម្បីចូលរួមសង្គ្រាមនៅអ៊ុយក្រែន ៕ ប្រភព ៖ AFP…

កង់បេរ៉ា ៖ មេដឹកនាំអូស្រ្តាលី និងវៀតណាម កាលពីថ្ងៃ អង្គារ បានប្តេជ្ញាជំរុញកិច្ចសហប្រតិបត្តិការយោធាទ្វេភាគីឱ្យកាន់តែរឹងមាំ ចំពេលមានការព្រួយបារម្ភអំពីការពង្រីកឥទ្ធិពលរបស់មហាយក្សចិន ទាំងក្នុងតំបន់ប៉ាស៊ីហ្វិក និងសមុទ្រចិនខាងត្បូង ។ ថ្លែងក្នុងសន្និសិទរួមគ្នាជាមួយមេដឹកនាំវៀតណាម លោកនាយករដ្ឋមន្រ្តីអូស្រ្តាលី Anthony Albanese និយាយថា ភាគីទាំងពីរបានពិភាក្សាអំពីបញ្ហាប្រឈមនានា និងភាពតានតឹងមួយចំនួនដែលតំបន់កំពុងជួបប្រទះ ។ លោកថា ទាំងអូស្រ្តាលី និងវៀតណាម ចង់ឃើញតំបន់ឥណ្ឌូប៉ាស៊ីហ្វិកមួយ ដែលមានសន្តិភាព ស្ថិរភាព និងពោលពេញដោយភាពសប្បាយរុងរឿង ។ ចំណែកប្រធានាធិបតីវៀតណាម លោក To Lam ក្នុងដំណើរបំពេញទស្សនកិច្ចលើកដំបូងមកកាន់អូស្រ្តាលី បានប្រាប់អ្នកសារព័ត៌មានថា រូបលោក និងលោកនាយករដ្ឋមន្រ្តី Albanese កំពុងស្វែងរកលំហនៃកិច្ចសហប្រតិបត្តិការកាន់តែទូលំទូលាយ ។ ជាមួយគ្នានេះ លោកស្រី Huong Le Thu អ្នកជំនាញកិច្ចការវៀតណាម និងជាប្រធានក្រុមប្រឹក្សាប្រឹក្សានៃវិទ្យាស្ថានគោលនយោបាយអូស្ត្រាលី-វៀតណាម និយាយថា ភាគីទាំងពីរនឹងធ្វើការរួមគ្នា ដើម្បីពង្រឹងសមត្ថភាពការពារខ្លួន ក៏ដូចជាឆ្លើយតបការព្រួយបារម្ភ ជុំវិញការបង្កើនអំណាចយោធារបស់ចិន ជាពិសេសការគៀបសង្កត់ផ្នែកសេដ្ឋកិច្ច និងពន្ធគយពីសំណាក់អាមេរិក និងចិន ។ លោកស្រីបន្ថែមថា…

វ៉ាស៊ីនតោន ៖ ប្រធានាធិបតីអាមេរិក លោក ដូណាល់ ត្រាំ បានអះអាងថា ប្រទេសអ៊ីរ៉ង់កំពុងប្រឈមមុខនឹងជម្រើសចំនួនពីរ ក្នុងសង្គ្រាមជាមួយសហរដ្ឋអាមេរិក ទី១គឺការដួលរលំសេដ្ឋកិច្ច និងទី២គឺរងការវាយប្រហារទ្រង់ទ្រាយធំ ។ ក្នុងបទសម្ភាសន៍ជាមួយ Real America’s Voice តាមទូរស័ព្ទ ដែលចាក់ផ្សាយកាលពីថ្ងៃ ចន្ទ, លោក ត្រាំ បាននិយាយថា លោកកំពុងស្ថិតក្នុងការចរចា ប៉ុន្តែភាគីអ៊ីរ៉ង់ គឺជា “អ្នកចរចាដ៏ពូកែបោកប្រាស់” ។ ជាមួយគ្នានេះ លោក ត្រាំ បានច្រានចោលការព្រួយបារម្ភនានា ជុំវិញការខ្វះខាតគ្រាប់រំសេវ ដោយលោកនិយាយថា អាមេរិកកំពុងផលិតគ្រាប់បន្ថែមយ៉ាងច្រើនសន្ធឹកសន្ធាប់ ហើយបានទម្លាក់កំហុសនេះលើអតីតប្រធានាធិបតីអាមេរិក លោក ចូ បៃដិន ។ លោក ត្រាំ បានសង្កត់ធ្ងន់ថា យើងគ្មានបញ្ហាជាមួយគ្រាប់រំសេវទេ ប៉ុន្តែគ្រាន់តែមានតិចប៉ុណ្ណោះ ហើយយើងកំពុងផលិតបន្ថែមយ៉ាងសន្ធឹកសន្ធាប់ ។ លោកថា បញ្ហានេះ គឺដោយសារតែលោក បៃដិន បានផ្តល់ជំនួយទំហំ ៣០០ពាន់លានដុល្លារទៅឱ្យអ៊ុយក្រែន ។ បើតាមកាសែតរ៉យទ័រ, កងទ័ពអាមេរិកបានប្រើប្រាស់ស្ទើរតែអស់ស្តុកនូវមីស៊ីលវាយប្រហារចម្ងាយឆ្ងាយមានភាពជាក់លាក់កម្រិតខ្ពស់…