ដំណើរទស្សនកិច្ចផ្លូវការរបស់លោកនាយករដ្ឋមន្ត្រីវៀតណាម ឡេ មិញ ហ៊ុង នៅកម្ពុជានៅថ្ងៃទី៩ និងថ្ងៃទី១០ ខែតុលានេះ មានគោលដៅជំរុញទំនាក់ទំនងទ្វេភាគីលើគ្រប់វិស័យ។ នេះបើតាមការលើកឡើងរបស់លោក ង្វៀន មិញ វូ ឯកអគ្គរដ្ឋទូតវៀតណាមប្រចាំកម្ពុជា ដែលត្រូវបានទីភ្នាក់ងារសារព័ត៌មានវៀតណាមដកស្រង់កាលពីថ្ងៃទី០៧ ខែតុលា ឆ្នាំ២០២៦។ លោកឯកអគ្គរដ្ឋទូតបានលើកឡើងថា ទោះបីជាមានការអភិវឌ្ឍអន្តរជាតិ និងតំបន់ដ៏ស្មុគស្មាញ និងមិនអាចទាយទុកជាមុនបានក៏ដោយ ដំណើរទស្សនកិច្ចនេះឆ្លុះបញ្ចាំងពីការប្តេជ្ញាចិត្តរបស់វៀតណាមក្នុងការធ្វើការជាមួយកម្ពុជា ដើម្បីរក្សាបរិយាកាសសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍរួមគ្នានៅក្នុងតំបន់ ក៏ដូចជាលើកកម្ពស់កិច្ចសហប្រតិបត្តិការទ្វេភាគីលើគ្រប់វិស័យ។ លោក ង្វៀន មិញ វូ បានលើកឡើងថា ដំណើរទស្សនកិច្ចនេះនឹងផ្តល់ឱកាសសម្រាប់ភាគីទាំងពីរដើម្បីពិនិត្យ និងដោះស្រាយបញ្ហា និងឧបសគ្គដែលនៅសេសសល់ក្នុងកិច្ចសហប្រតិបត្តិការទ្វេភាគី ធ្វើឱ្យជាក់ស្តែង និងសម្រេចបាននូវការប្តេជ្ញាចិត្ត និងកិច្ចព្រមព្រៀងដែលមានស្រាប់ និងកំណត់ទិសដៅយុទ្ធសាស្ត្រថ្មី និងអាទិភាពសម្រាប់ទំនាក់ទំនងទ្វេភាគីក្នុងរយៈពេលខាងមុខ។ លោកបានមានប្រសាសន៍ថា រដ្ឋមន្ត្រី ថ្នាក់ដឹកនាំតាមវិស័យ និងតំណាងធុរកិច្ចវៀតណាមមួយចំនួននឹងអមដំណើរលោកនាយករដ្ឋមន្ត្រី ខណៈដែលភាគីទាំងពីរគ្រោងនឹងចុះហត្ថលេខាលើឯកសារសហប្រតិបត្តិការមួយចំនួន។ លោក ង្វៀន មិញ វូ បានគូសបញ្ជាក់ថា កិច្ចសហប្រតិបត្តិការលើវិស័យសេដ្ឋកិច្ច ពាណិជ្ជកម្ម និងវិនិយោគ គឺជាវិស័យដែលប្រទេសទាំងពីរត្រូវផ្តោតការយកចិត្តទុកដាក់បន្ថែមទៀត។ លោកបញ្ជាក់ថា កម្ពុជា…

ខេត្តកំពង់ស្ពឺ៖ ថ្ងៃអង្គារ ទី៦ ខែតុលា ឆ្នាំ២០២៦ ឯកឧត្តមវេជ្ជបណ្ឌិត ង៉ូវ កាង រដ្ឋលេខាធិការក្រសួងសុខាភិបាល បានអញ្ជើញចុះពិនិត្យវឌ្ឍនភាពការងារជួសជុល សាងសង់ និងកែលម្អហេដ្ឋារចនាសម្ព័ន្ធ សួនរុក្ខជាតិឱសថបុរាណគិរីរម្យ ដោយមានការចូលរួមពីថ្នាក់ដឹកនាំ និងមន្ត្រីនៃមជ្ឈមណ្ឌលជាតិស្រាវជ្រាវវេជ្ជសាស្ត្របុរាណ ក្រុមការងារនៃនាយកដ្ឋានហិរញ្ញវត្ថុ ព្រមទាំងក្រុមវិស្វករ នៃក្រសួងសុខាភិបាល។ ជាលទ្ធផលនៃការចុះពិនិត្យ ឃើញថាការងារសាងសង់មានវឌ្ឍនភាពល្អ និងកំពុងដំណើរការយ៉ាងសកម្ម ដោយសន្ទុះនៃការអនុវត្តការងារ មានភាពលឿនជាងការគ្រោងទុក។ គិតមកដល់ថ្ងៃទី៦ ខែតុលា ឆ្នាំ២០២៦ ការងារសាងសង់សម្រេចបានប្រមាណ ៣០–៣៥% នៃផែនការសរុប ដែលបង្ហាញពីការខិតខំប្រឹងប្រែង របស់ក្រុមការងារបច្ចេកទេស និងក្រុមសាងសង់ ក្នុងការជំរុញការអនុវត្តគម្រោង ឱ្យមានវឌ្ឍនភាពជាបន្តបន្ទាប់។ ឯកឧត្តមរដ្ឋលេខាធិការ បានកោតសរសើរចំពោះវឌ្ឍនភាពការងារ ដែលសម្រេចបាន និងបានណែនាំដល់ក្រុមការងារពាក់ព័ន្ធ បន្តពង្រឹងការសម្របសម្រួល និងជំរុញការងារឱ្យបានតាមកាលវិភាគ។ ជាមួយគ្នានេះ ត្រូវបន្តយកចិត្តទុកដាក់ខ្ពស់ ចំពោះគុណភាពសំណង់ ដោយអនុវត្តឱ្យបានត្រឹមត្រូវតាមលក្ខណៈបច្ចេកទេស និងគោលការណ៍សុវត្ថិភាព ដើម្បីធានាបាននូវភាពរឹងមាំ ប្រើប្រាស់បានយូរអង្វែង និងស័ក្តិសមទៅនឹងតួនាទីរបស់ទីតាំងនេះ។ ការជួសជុល សាងសង់ និងកែលម្អហេដ្ឋារចនាសម្ព័ន្ធសួនរុក្ខជាតិ ឱសថបុរាណគិរីរម្យនេះ ត្រូវបានអនុវត្តក្រោមការចង្អុលបង្ហាញ និងការយកចិត្តទុកដាក់ខ្ពស់ពី ឯកឧត្តមសាស្ត្រាចារ្យ…

ប្រមុខដឹកនាំរដ្ឋាភិបាលកម្ពុជា សម្ដេចធិបតី ហ៊ុន ម៉ាណែត នៅក្នុងពិធីប្រគល់សញ្ញាបត្រជូនដល់និស្សិតនៅថ្ងៃទី០៨ ខែតុលា ឆ្នាំ២០២៦នេះ បានរំលឹកថា សម្ដេចធ្លាប់លើកជាសំណើរសំណូមពរឲ្យភាគីទី៣ ចូលរួមធ្វើជាសាក្សីសម្រាប់ការវាស់វែងព្រំដែនលើកក្រោយជាមួយ​ថៃតាមយន្តការគណៈកម្មាធិការព្រំដែនចម្រុះកម្ពុជា-ថៃ JBC ។ ការលើករបស់សម្ដេចធិបតី ត្រូវបានអ្នកឃ្លាំមើលសង្គមគាំទ្រ។ លោកបណ្ឌិត ជ័យ តិច អ្នកស្រាវជ្រាវការអភិវឌ្ឍសង្គម និងសេដ្ឋកិច្ចយល់ឃើញថា ការចូលរួមធ្វើជាសាក្សី​ពីសហគមន៍អន្តរជាតិសម្រាប់វាស់វែងព្រំដែនខ្មែរ-ថៃ គឺជារឿងល្អសម្រាប់ខ្មែរទៅថ្ងៃអនាគត។ បើតាមលោកបណ្ឌិត ជ័យ តិច ថា៖ «ដើម្បីឲ្យការវាស់វែងនេះប្រកបដោយការទុកចិត្ត និងគោរពទៅតាមបទដ្ឋានបច្ចេកទេសឯកសារគិតយុត្តិ បើមានការចូលរួមអង្កេតការណ៍ពីភាគីទី៣ រួមមានដូចជា AOT មានអនុព័ន្ធ មានស្ថានទូតដែលពាក់ព័ន្ធ ឬក៏មហាអំណាចឬក៏ភាគីអន្តរជាតិ UN អង្គការសហប្រជាជាតិរក្សាសន្តិភាព -ល- ចូលរួមគឺកាន់តែល្អ ហើយមានភាពរឹងមាំហើយនូវទំនុកចិត្តដែលធានានូវការអនុវត្តទៅតាមបច្ចេកទេស និងទៅតាមឯកសារដែលមានស្រាប់។» ដោយឡែក​ លោកបណ្ឌិត ញិល រដ្ឋា អ្នកជំនាញភូមិសាស្រ្តនយោបាយ យល់ឃើញថា គំនិតផ្តួចផ្តើមរបស់សម្ដេចធិបតី នឹងជួយបង្ហាញសុច្ឆន្ទៈ និងភាពត្រឹមត្រូវរបស់កម្ពុជាក្នុងការងារបោះបង្គោល និងខណ្ឌសីមាព្រំដែនជាមួយថៃ។ អ្នកជំនាញភូមិសាស្រ្តនយោបាយរូបនេះបានបន្ថែមដូច្នេះថា ៖ «ខ្ញុំគិតថាចំណុចពីរដែលត្រូវពិចារណាលើចេតនារបស់លោក ទី១ខ្ញុំគិតថាគាត់ចង់បង្ហាញអំពីភាពស្អាតស្អំ និងតម្លាភាពខាងកម្ពុជា ចឹងកម្ពុជាបើកដៃឲ្យអាស៊ានចូលដឹងលឺ…

ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ក្រុមប្រឹក្សាអភិវឌ្ឍន៍កម្ពុជា (CDC) បានគូសបញ្ជាក់ជាថ្មីពីការប្តេជ្ញាចិត្តយ៉ាងមុតមាំរបស់រាជរដ្ឋាភិបាល ជាពិសេសស្ថាប័ន ​ CDC ផ្ទាល់ ក្នុងការធ្វើកំណែទម្រង់ផ្ទៃក្នុងដ៏មុតស្រួច សំដៅលើកកម្ពស់គុណភាព ប្រសិទ្ធភាព និងស័ក្តិសិទ្ធភាពការអនុវត្តការងារស្នូលរបស់ស្ថាប័ន។ ការលើកឡើងរបស់ឧបនាយករដ្ឋមន្ត្រី ស៊ុន ចាន់ថុល ដូច្នេះ​ធ្វើឡើងនៅថ្ងៃទី៨ ខែតុលា ឆ្នាំ២០២៦ ក្នុងពិធីទទួលទានអាហារពេលព្រឹកធុរកិច្ចលើកទី៤ រវាងស្ថាប័នរដ្ឋនិងវិស័យឯកជន សហការរៀបចំដោយសភាពាណិជ្ជកម្មអឺរ៉ុបប្រចាំនៅកម្ពុជា។ ក្នុងឱកាសនោះ ឯកឧត្តម ស៊ុន ចាន់ថុល បានលើកឡើងពីការងារអាទិភាព ដែលក្រុមប្រឹក្សាអភិវឌ្ឍន៍កម្ពុជា ផ្ដោតសំខាន់ ក្នុងនោះមានការលើកកម្ពស់ និងទាក់ទាញការវិនិយោគផ្ទាល់ពីបរទេសមកកាន់កម្ពុជា តាមរយៈការកាត់បន្ថយនូវនីតិវិធី និងចំណាយមិនចាំបាច់ផ្សេងៗ ព្រមទាំងការផ្តល់កិច្ចសម្របសម្រួលវិនិយោគគ្រប់ជ្រុងជ្រោយ ចាប់តាំងពីការដាក់ពាក្យស្នើសុំវិនិយោគ រហូតដល់គម្រោងវិនិយោគអាចចាប់ផ្តើមប្រតិបត្តិការបានដោយរលូន។ ភារកិច្ចសំខាន់មួយទៀតរបស់ CDC គឺការផ្តល់សេវាថែទាំ និងគាំទ្រការវិនិយោគយ៉ាងជិតស្និទ្ធ ដើម្បីធានាបាននូវការជឿទុកចិត្ត និងភាពជោគជ័យយូរអង្វែងរបស់វិនិយោគិនបរទេសនៅកម្ពុជា។ ទន្ទឹមនេះ ឯកឧត្តមឧបនាយករដ្ឋមន្ត្រី ក៏បានជំរុញលើកទឹកចិត្តដល់វិស័យឯកជន ឱ្យបន្តធ្វើការយ៉ាងជិតស្និទ្ធជាមួយរាជរដ្ឋាភិបាលកម្ពុជា ក្នុងការត្រៀមលក្ខណៈសម្បត្តិឱ្យបានរួចរាល់ ដើម្បីរំកិលខ្លួនឈានទៅប្រមូលផ្តុំការវិនិយោគលើឧស្សាហកម្ម ដែលជាប្រភពដើមនៃខ្សែច្រវាក់ផលិតកម្ម និងមានតម្លៃបន្ថែមខ្ពស់។ បន្ថែមលើនេះ ឯកឧត្តម ស៊ុន…

នៅក្នុងពិធី“ប្រគល់សញ្ញាបត្រជូនដល់និស្សិតជ័យលាភី របស់សាកលវិទ្យាល័យគ្រប់គ្រង និងសេដ្ឋកិច្ច” នៅព្រឹកថ្ងៃទី០៨ ខែតុលា ឆ្នាំ២០២៦នេះ សម្ដេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា បានបញ្ជាក់ថា ចំពោះបញ្ហាសង្រ្គាម និងទឹកជំនន់ កិច្ចការអាទិភាពរបស់រាជរដ្ឋាភិបាល គឺជួយសង្រ្គោះជីវិតប្រជាពលរដ្ឋជាមុនសិន។ សម្ដេចធិបតី សង្កត់ធ្ងន់ថា បន្ទាប់ពីសង្រ្គោះជីវិតប្រជាជនទៅកន្លែងមានសុវត្ថិភាព បញ្ចៀសគ្រោះថ្នាក់បញ្ហាប្រឈមដោយសារសង្រ្កាមឈ្លានពាន និងគ្រោះទឹកជំនន់ រដ្ឋាភិបាលក៏គិតគូរផ្ដល់អាហារហូបចុក សេវាសុខាភិបាល និងជម្រករបស់ប្រជាជនដែលរងផលប៉ះពាល់ផងដែរ។ បើតាមសម្ដេច ក្នុងចំណោមខេត្តជាប់ព្រំដែនកម្ពុជា-ថៃ បាត់ដំបងជាខេត្តមួយប្រឈមនឹងបញ្ហាធំៗជាច្រើនដែលមិនបានព្យាករទុកក្នុងរយៈពេលជាងមួយឆ្នាំមកនេះ។ បញ្ហាប្រឈម គឺរឿងសង្រ្គាមឈ្លានពាន និងទឹកជំនន់ ធ្វើឲ្យប៉ះពាល់សេដ្ឋកិច្ច និងប្រជាជន។ សូមបញ្ជាក់ថា សង្រ្គាមឈ្លានពានរបស់ថៃនៅឆ្នាំ២០២៥ បានប៉ះពាល់ទៅដល់ប្រជាពលរដ្ឋស៊ីវិលប្រមាណជិត ៧០ម៉ឺននាក់ ក្នុងនោះជនភៀសសឹកជាង ២ម៉ឺននាក់នៅមិនទាន់អាចត្រឡប់ទៅលំនៅដ្ឋានវិញបាននៅឡើយ។ ចំណែកគ្រោះទឹកជំនន់វិញ យោងតាមរបាយការណ៍គណៈកម្មាធិការជាតិគ្រប់គ្រងគ្រោះមហន្តរាយ មានប្រជាពលរដ្ឋសរុបជាង ៤ម៉ឺន៤ពាន់គ្រួសារ ក្នុងខេត្តចំនួន១០ បានរងផលប៉ះពាល់ រួមទាំងដំណាំស្រូវ លំដ្ឋាន ផ្លូវថ្នល់ផងដែរ។ ទោះយ៉ាងណា សម្ដេចធិបតីបញ្ជាក់ថា នៅពេលបញ្ហាបានបញ្ចប់ កន្លែងខូចខាតនឹងត្រូវស្ដារអភិវឌ្ឍឡើងវិញ៕ សេង បារាំង AMS

​សម្តេចធិបតី ហ៊ុន ម៉ាណែត បានប្រកាសថា ផ្លូវខូចខាតនៅក្រុងបាត់ដំបងចំនួន២១ខ្សែ គ្រោងជួសជុលឡើង​វិញនៅខែវិច្ឆិកាខាងមុខតាមរយៈគម្រោងរបស់ធនាគារអភិវឌ្ឍន៍អាស៊ី (ADB) ហើយរាជរដ្ឋាភិបាលក៏នឹងទម្លាក់ថវិកា ដើម្បីជួសជុលផ្លូវចំនួន៧ខ្សែបន្ថែមទៀតប្រវែងចំនួន១១គីឡូម៉ែត្រ។ នៅក្នុងពិធីប្រគល់សញ្ញាបត្រជូននិស្សិតនៅព្រឹកថ្ងៃទី០៨ ខែតុលា ឆ្នាំ២០២៦ សម្តេចធិបតីនាយករដ្ឋមន្រ្តី បានបញ្ជាក់ថា ក្រសួងសាធារណការ និងដឹកជញ្ជូនកំពុងរៀបចំដេញថ្លៃចុងក្រោយជាមួយ ADB ដើម្បីអាចចាប់ផ្តើមអនុវត្តគម្រោងនៅខែវិច្ឆិកា។ បើតាមសម្តេចធិបតី កន្លងមក ក្រសួងនិង ADB បានបញ្ចប់ ២ជំហានរួចហើយ លើការរៀបចំហេដ្ឋារចនាសម្ព័ន្ធមួយចំនួនដូចជា៖ កន្លែងទឹកកខ្វក់ កន្លែងចាក់សំរាម និងកន្លែងធ្វើពិពិធកម្មទឹកស្អាត។ សម្តេចធិបតី ហ៊ុន ម៉ាណែត បានបន្ថែមថា ការជួសជុល និងធ្វើផ្លូវថ្មីសរុបទាំង២៨ខ្សែនេះ គឺផ្ដោតទៅលើផ្លូវសំខាន់ៗជាអាទិភាព ហើយការធ្វើនេះមិនត្រឹមតែផ្តោតលើផ្ទៃផ្លូវប៉ុណ្ណោះទេ ប៉ុន្តែថែមទាំងរួមបញ្ចូលការរៀបចំប្រព័ន្ធលូបង្ហូរទឹកឱ្យបានដំណើរការជាមួយគ្នាផងដែរ ដើម្បីធានាគុណភាព និងនិរន្តរភាពនៃការប្រើប្រាស់យូអង្វែង។ ប្រធានមន្ទីរសាធារណការ និងដឹកជញ្ជូនខេត្តបាត់ដំបង លោក ព្រួញ រិទ្ធថា បានប្រាប់បណ្តាញព័ត៌មាន AMS ថា គម្រោងជួសជុលផ្លូវទាំង២៨ខ្សែនេះគ្រោងអនុវត្តរយៈពេល១ឆ្នាំ ដោយរំពឹងថា នឹងបញ្ចប់ទាំងស្រុងនៅចុងឆ្នាំ២០២៧៕ សៅ សុខអេង