រាជធានីភ្នំពេញ៖ នៅរសៀលថ្ងៃទី២៣ ខែកក្កដា ឆ្នាំ២០២០ សមត្ថកិច្ចជំនាញនៃការិយាល័យស្រាវជ្រាវបទល្មើសព្រហ្មទណ្ឌ នៃ កងរាជអាវុធហត្ថរាជធានីភ្នំពេញ បានបញ្ជូនជនសង្ស័យ០២នាក់ទៅតុលាការបន្ទាប់ពួកគេធ្វើសកកម្មភាពលួចម៉ូតូ០១គ្រឿង ម៉ាកToday ពណ៌លឿង គ្មានស្លាកលេខ។ មុនឈានដល់ការឃាត់ខ្លួនជននេះ សមត្ថកិច្ចជំនាញមូលដ្ឋានអាវុធហត្ថខណ្ឌច្បារអំពៅ បន្ទាប់ពីទទួលពាក្យបណ្តឹងរបស់ជនរងគ្រោះ បានបើកការស្រាវជ្រាវយ៉ាងយកចិត្តទុកដាក់ រហូតនៅវេលាម៉ោង២២៖៣០នាទី ថ្ងៃទី២០ ខែកក្កដា ឆ្នាំ២០២០ នៅចំនុចភូមិដើមចាន់ សង្កាត់ច្បារអំពៅទី២ ខណ្ឌច្បារអំពៅ បានធ្វើការឃាត់ខ្លួនសង្ស័យជាមុខសញ្ញាលួចម៉ូតូទាំង០២នាក់ដោយក្នុងនោះមានឈ្មោះ ៖ ១-ឈ្មោះ ចាន់ ថា (រដ្ឋា) ភេទប្រុស អាយុ២៣ឆ្នាំ មុខរបរ លក់សណ្តែកដី ស្រុកកំណើត ខេត្តព្រៃវែង មានទីលំនៅ ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ។ ២-ឈ្មោះ សឹង ហន ភេទប្រុស អាយុ៣១ មុខរបរ ជាងឈើ មានស្រុកកំណើត ភូមិទួលរកា សង្កាត់ចាក់អង្រែក្រោម ខណ្ឌមានជ័យ។ តាមចម្លើយសារភាពរបស់ជនសង្ស័យទាំង២នាក់ខាងលើបានឲ្យដឹងថា កាលពីវេលាម៉ោង៤៖៤៧នាទីល្ងាចថ្ងៃទី១៩…

ភ្នំពេញ៖ បុរសម្នាក់ដែលអ្នកភូមិតែងតែឃើញគាត់ផឹកស្រាជាប្រចាំ និងមានសតិមិន ល្អ ស្រាប់តែថ្ងៃនេះខណៈអង្គុយផឹកសុខៗឈោងដៃសុំលុយគេ ជំពប់ជើងដួលក៏ត្រូវកុងតឺន័របើកកាត់កិនបណ្តាលឲស្លាប់ភ្លាមៗ នៅនឹងកន្លែង ចំណែករថយន្តបានបើករត់ប្រមាណជាង១គីឡូ  ទើបកម្លាំងប៉ុស្តិ៍នគរបា ល ចោមចៅទី៣ឃាត់បានទាំងអ្នកបើកបរ។ ហេតុការណ៍នេះបង្ករឲមានការណ៍ភ្ញាក់ ផ្អើលនៅវេលាម៉ោង ១០និង៣០នាទីព្រឹកថ្ងៃទី២៤ ខែកក្តដា ឆ្នាំ២០២០ នៅចំណុចផ្លូវបេតុង ច្រកចូលសាលារៀនសុវណ្ណភូមិ កែងផ្លូវជាតិ៤ស្ថិតក្នុងភូមិថ្នល់បំបែក សង្កាត់ចោម ចៅ ទី៣ ខណ្ឌពោធិ៍សែនជ័យ រាជធានីភ្នំ ពេញ ។ សពបុរសខាងលើមិនទាន់ស្គាល់អត្តសញ្ញា ណនៅឡើងទេ តែបើតាមអ្នកភូមិទីនោះ បាន ឲ្យដឹងថា កន្លងមកតែងតែឃើញនៅម្តុំនោះជាប្រចាំ និង និយមចូលចិត្តផឹកស្រា និងសុំលុយគេដែលបើកឡានកាន់នោះ។ បើតាមសម្តីពីបុរសម្នាក់ជាប្រជាការពារភូមិខាងលើ ដែលគាត់ឈរសម្រួលចរាចរណ៍ នៅទីនោះបានឱ្យដឹងថា មុនពេលកើតហេតុ គាត់ឃើញបុរសរងគ្រោះខាងអង្គុយផឹកស្រា  ២កំប៉ុង និងក្លែមស្វាយ ហើយនៅពេលនោះជនរងគ្រោះបានក្រោកឈរឈោងដៃសុំលុយគេដែលបើកឡានកាត់នោះ ខណៈ នោះ ជនរងគ្រោះបានជំពប់ជើងដួលស្របគ្នាក៏មានរថយន្តកុងតឺន័រ ក្បាលពណ៌ស ពាក់ ស្លាកលេខភ្នំពេញ 3E-8201 បើកមកដល់កិនស្លាប់តែម្តង ប៉ុន្តែរថយន្តមិនបានឈប់នោះទេ បានបើកបន្តទៅមុខជាង១គីឡូ…

ដីឥដ្ឋ៖ នាព្រឹកថ្ងៃទី២៤ ខែកក្កដា ឆ្នាំ២០២០ បណ្ឌិត្យសភានគរបាលកម្ពុជា បានរៀបចំពិធីបើក       សន្និបាតបូកសរុបលទ្ធផលនៃការអនុវត្តផែនការយុទ្ធសាស្រ្តរយៈពេល៥ឆ្នាំ (២០១៥-២០១៩) និងលើក ទិសដៅការងារសម្រាប់រយៈពេល៥ឆ្នាំបន្ត ក្រោមអធិបតីភាពរបស់ឯកឧត្តម នាយឧត្តមសេនីយ៍ សាស្ត្រាចារ្យសេង ផល្លី ប្រធានបណ្ឌិត្យសភានគរបាលកម្ពុជា ដោយមានការចូលរួមពីសំណាក់ថ្នាក់ដឹកនាំ គ្រូនគរបាលជាតិ និងមន្រ្តីក្រោមឱវាទចំនួនប្រមាណ៥០០នាក់។ ថ្លៃងទៅកាន់អង្គសន្និបាតនេះ ឯកឧត្តម បានថ្លែងកោតសរសើរចំពោះថ្នាក់ដឹកនាំ សាស្រ្តាចារ្យ គ្រូនគរបាលជាតិ និងមន្ត្រីទាំងអស់នៃបណ្ឌិត្យសភាដែលមានគំនិតនវានុវត្តន៍ មានឆន្ទៈការងារមោះមុត និងមានសាមគ្គីភាពផ្ទៃក្នុងល្អ ក្នុងការបំពេញភារកិច្ចប្រកបដោយការទទួលខុសត្រូវ ដើម្បីអភិវឌ្ឍបណ្ឌិត្យសភា ឱ្យស្របតាមស្ដង់ដាគុណភាពជាតិ និងអន្តរជាតិ។ ឯកឧត្តមបានបញ្ជាក់ថា បណ្ឌិត្យសភានគរបាលកម្ពុជាបានដាក់ចេញនូវកម្មវិធីកំណែទម្រង់លើការងារសំខាន់ៗទាក់ទងនឹងការដឹកនាំ-គ្រប់គ្រង ការអភិវឌ្ឍកម្មវិធីអប់រំ ការអភិវឌ្ឍសមត្ថភាពគ្រូ និងមន្រ្តីការអភិវឌ្ឍធនធានរូបវន្តនិងធនធានសិក្សា ការស្រាវជ្រាវវិទ្យាសាស្រ្តនគរបាល កិច្ចសហការប្រតិបត្តិការ អន្តរជាតិ និងការពង្រឹងវិន័យអ្នកសិក្សា ក្នុងការឈានទៅសម្រេចបានជោគជ័យលើការអនុវត្តផែនការយុទ្ធសាស្ត្រ៥ឆ្នាំរបស់ខ្លួន ដើម្បីកសាងវប្បធម៌គុណភាពនិងលើកម្ពស់សមត្ថភាពវិជ្ជាជីវៈកម្លាំងនគរ បាល ជាតិ ស្របតាមតម្រូវការរបស់សង្គមជាតិ ព្រមទាំងធានាបាននូវភាពម្ចាស់ការលើការអប់រំបណ្តុះបណ្តាលកងកម្លាំងនគរបាលជាតិក្នុងពេលអនាគត។ ឯកឧត្ដមប្រធានបានបញ្ជាក់បន្ថែមថា សន្និបាតនេះឆ្លុះបញ្ចាំងអំពីវឌ្ឍនភាពនិងសមិទ្ធផលធំៗនានា ជាប្រវត្តិសាស្រ្តរបស់បណ្ឌិត្យសភា ព្រមទាំងបង្ហាញអំពីបទពិសោធន៍ការងារល្អៗ ចំណុចខ្លាំង ចំណុចខ្សោយ បញ្ហាប្រឈម…

កំពង់ឆ្នាំង៖ ផ្លូវកៅស៊ូ២ជាន់១ខ្សែប្រវែង៣៥០០ម៉ែត្រ កសាងដោយក្រសួងអភិវឌ្ឍន៍ជនបទ ឆ្លងកាត់ភូមិសន្ទូច និងភូមិទ្រាត្បូង  ក្នុងឃុំស្រែថ្មី ស្រុករលាប្អៀរ ត្រូវបានកសាងរួចរាល់ប្រមានណ៣,៤ខែមកហើយប្រជាពលរដ្ឋពិតជាអបអរសាទរខ្លាំងណាស់ ចំពោះសមិទ្ទផលថ្មីមួយនេះរប់ប្រមុខរាជរដ្ឋាភិបាល ចែកជូនប្រជាពលរដ្ឋនៅជនបទ ។ លោក នូ ខៀវ មេឃុំស្រែថ្មី នៅល្ងាចថ្ងៃទី២៣ ខែកក្កដា នេះបាននិយាយឲ្យដឹងថា៖ ផ្លូវកៅស៊ូថ្មី១ខ្សែនេះ  កសាងដោយក្រសួងអភិវឌ្ឍន៍ជនបទ ដែលជាប្រភពថវិការបស់រាជរដ្ឋាភិបាល ហើយទើបនឹងកសាងរួចប្រមណ ៣,៤ខែ តែប៉ុណ្ណោះ ក៏ឃើញមានការផុលខូចខាតដោយកន្លែង ទើបលោកបានរយការណ៍ និងសំណូមពរដល់ក្រសួងមកជួយជួសជុលឡើងវិញ ។ ដូច្នេះតំណាងអោយអាជ្ញាធរឃុំ និងប្រជាពលរដ្ឋ លោកសូមថ្លែងអំណរគុណយ៉ាងជ្រាលជ្រៅ ដល់ក្រសួងអភិវឌ្ឍន៍ជនបទ និងប្រមុខរាជរដ្ឋាភិបាល ដែលបានជួយកសាងផ្លូវដ៏ល្អមួយនេះ។ ដោយឡែក ប្រជាពលរដ្ឋនៅក្នុងមូលដ្ឋាន បានលើកឡើងថា៖ គុណភាពផ្លូវមួយនេះ ដូចជាមិនល្អសោះ ព្រោះនៅចំណុចខាងជើងវត្តសន្ទូច ផ្លូវកៅស៊ូថ្មីនេះ បែរជាផុលខូចខាតទៅវិញរាប់រយម៉ែត្រ  ដែលពិនិត្យមើលជាក់ស្តែងពេលគេឈូសជួសជុលឡើងវិញ ពិនិត្យឃើញការដាក់ថ្ម និងចាក់កៅស៊ូគឺស្តើងៗតែប៉ុណ្ណោះ ទើបត្រូវខូចខាតយ៉ាងលឿនបែបនេះទៅវិញ ។ ដូច្នេះសូមក្រសួង ជួយធ្វើអធិការកិច្ចដល់ក្រុមការងារបច្ចេកទេស ជាអ្នកកសាងផ្លូវនេះផង ដើម្បីកុំឲ្យខូចឈ្មោះរបស់ក្រសួង ដែលខិតខំចំណាយថវិកាធ្វើដើម្បីប្រជាពលរដ្ឋ…

រាជធានីភ្នំពេញនឹងមានស្ពានអាកាសថ្មើរជើងថ្មីចំនួន២៦ទីតាំងផ្សេងទៀត សម្រាប់បងប្អូនប្រជាពលរដ្ឋក្នុងរាជធានីភំ្នពេញ។ នាព្រឹកថ្ងៃសុក្រ ០៤កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៤ ខែកក្កដា ឆ្នាំ២០២០នេះ ឯកឧត្ដម ឃួង ស្រេង អភិបាល នៃគណៈអភិបាលរាជធានីភ្នំពេញ បានអញ្ជើញជាអធិបតីក្នុងពិធីសម្ពោធនិងដាក់ឱ្យដំណើរការឆ្លងកាត់ស្ពានអាកាសថ្មើរជើងមុខផ្សារដើមគ ស្ថិតនៅសង្កាត់ផ្សារដើមគ ខណ្ឌទួលគោក រាជធានីភ្នំពេញ។ សមិទ្ធផលថ្មីៗនឹងលេចចេញជារូបរាងបណ្ដើរៗក្នុងរាជធានីភ្នំពេញ ក្រោមកិច្ចខិតខំរបស់រដ្ឋបាលរាជធានីភ្នំពេញ ដែលគ្រោងនឹងស្ថាបនាកែលម្អ ដើម្បីលើកកម្ពស់សោភ័ណភាព និងចូលរួមចំណែកដោះស្រាយបញ្ហាមួយចំនួន ដែលជាតម្រូវចាំបាច់របស់បងប្អូនប្រជាពលរដ្ឋក្នុងរាជធានីភំ្នពេញ៕