ខេត្តស្វាយរៀង៖ នៅថ្ងៃសៅរ៍ ៥កើត ខែស្រាពណ៍ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី ២៥ ខែ កក្កដា ឆ្នាំ ២០២០ ក្រុមការងារសាខាកាកបាទក្រហមកម្ពុជាខេត្តស្វាយរៀង ដឹកនាំដោយឯកឧត្តម ម៉ែន វិបុល ប្រធានគណៈកម្មាធិការសាខា និងសហការី បាននាំយកអំណោយមនុស្សធម៌របស់សាខាចុះសួរសុខទុក្ខ និងចែកអំណោយដល់ គ្រួសាររងគ្រោះដោយសារខ្យល់កន្ត្រាក់កាលពីថ្ងៃទី ២៤ ខែ កក្កដា ឆ្នាំ ២០២០  ចំនួន ៧ ខ្នង ខូចខាតទាំងស្រុង ៣ ខ្នង និងខូចខាតស្រាល ៤ ខ្នង(ក្នុងនោះមាន ១ គ្រួសារ កំពុងរស់នៅជាមួយមេរោគងេដស៍) នៅឃុំក្រោលគោ ស្រុកស្វាយជ្រំ ។ មានប្រសាសន៍សំណេះសំណាលក្នុងឱកាសនោះ ឯកឧត្តម ម៉ែន វិបុល  បាននាំមកនូវប្រសាសន៍ផ្ដាំផ្ញើសួរសុខទុក្ខពីសំណាក់សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជូនដល់បងប្អូនប្រជាពលរដ្ឋរងគ្រោះ ដែលជានិច្ចកាលសម្ដេច តែងតែគិតគូរពីសុខទុក្ខ…

ភ្នំពេញ៖ Visa ជាក្រុមហ៊ុនបច្ចេកវិទ្យាទូទាត់សាច់ប្រាក់តាមប្រព័ន្ធឌីជីថលឈានមុខគេនៅក្នុងពិភពលោក រួមជាមួយនិងក្រុមហ៊ុន Nham24 បានប្រកាសដាក់ឲ្យប្រើប្រាស់ការទូទាត់ប្រាក់តាម Visa កាត និងដាក់ Visa កាតជាជម្រើសអាទិភាព (Card-on-file) ក្នុងកម្មវិធីរបស់ក្រុមហ៊ុនដឹកជញ្ចូនម្ហូបអាហារដ៏ពេញនិយមជាងគេក្នុងប្រទេសកម្ពុជា ។ តាមរយៈការទូទាត់ប្រាក់តាម Visa កាត និងដាក់ Visa កាតជាជម្រើសអាទិភាព (Card-on-file) អ្នកប្រើប្រាស់នឹងទទួលបានអត្ថប្រយោជន៍ពីការទូទាត់ដ៏រហ័ស ងាយស្រួលជាងមុន និងមានសុវត្ថិភាព។ក្នុងប៉ុន្មានឆ្នាំចុងក្រោយនេះ ប្រទេសកម្ពុជាមានការរីកចម្រើនយ៉ាងឆាប់រហ័សលើវិស័យ ពាណិជ្ជកម្មអេឡិចត្រូនិច (eCommerce) មានអ្នកប្រើប្រាស់កាតធនាគារជាច្រើន បានបញ្ចូល និងផ្ទុកឯកសារ ក្នុងគណនីអនឡាញរបស់ពួកគេ ដើម្បីធ្វើការទូទាត់ តាមប្រព័ន្ធអ៊ីនធឺណេត។ តាមរយៈការប្រើប្រាស់សេវាកម្មទូទាត់តាមប្រព័ន្ធអ៊ីនធឺណេតរបស់ Visa ប្រតិបត្តិការ នឹងត្រូវបានការការពារដោយ បច្ចេកវិទ្យា tokenization ថ្មីរបស់ Visa ដែលព័ត៌មានសម្ងាត់នៅលើកាតរបស់អតិថិជនដែលរក្សារទុកលើប្រព័ន្ធអ៊ីនធឺណេតនោះ នឹងត្រូវបំប្លែងទៅជាពត័មានផ្សេងដែលហៅថា “token” ដែលការពារនូវព័ត៌មានសម្ងាត់ផ្សេងៗរបស់អតិថិជន។អ្នកស្រី ជុំ ម៉ូនីកា នាយិកាគ្រប់គ្រងក្រុមហ៊ុន Visa ប្រចាំប្រទេសកម្ពុជា បានមានប្រសាសន៍ថា៖ «នៅក្រុមហ៊ុន Visa យើងមានមោទនភាពលើបច្ចេកវិទ្យាទូទាត់ឌីជីថលថ្មីឈានមុខគេ ដែលអនុញ្ញាតឲ្យម្ចាស់…

ភ្នំពេញ៖ យុវជនម្នាក់បើករថយន្តដឹកខ្សាច់មួយគ្រឿងល្បឿនលឿន បើកវ៉ាជែងជ្រុលទៅបុករថយន្តទំនើបមួយគ្រឿងធ្វេីដំណេីរទិសដៅបញ្ច្រាស់គ្នាពេញទំហឹង បណ្ដាលឲ្យរថយន្តដឹកខ្សាច់ក្រឡាប់ផ្ងារជើងម្ខាង ប៉ុន្តែមិនមានអ្នករងរបួសនោះទេ ។ ហេតុការណ៍នេះបានកើតឡើងកាលពីវេលាម៉ោង៧ និង៥០នាទីយប់ ថ្ងៃសុក្រ ទី២៤ ខែកក្ដដា ឆ្នាំ២០២០ ស្ថិតនៅតាមបណ្ដោយផ្លូវ៦០ម៉ែត្រ កែងច្រកចូលផ្សារក្រមួន ក្នុងសង្កាត់ចាក់អង្រែក្រោម ខណ្ឌមានជ័យ ។ យោងតាមប្រភពពីកន្លែងកើតហេតុបានឲ្យដឹងថា មុនពេលកើតហេតុគេឃើញយុវជនម្នាក់បើករថយន្តដឹកខ្សាច់ ចង្កូតស្ដាំ ពាក់ស្លាកលេខ PP-0536 ធ្វើដំណើរទិសដៅពីជើងទៅត្បូងបោះពួយយ៉ាងលឿន និងវ៉ាជែងចូលចំណីផ្លូវរថយន្តម៉ាកKIAពណ៌ស ពាក់ស្លាកលេខភ្នំពេញ 2AX-6873បើកដោយបុរសម្នាក់រួមដំណើរ និងបុរសម្នាក់ទៀតក្នុងទិសដៅបញ្ចាស់គ្នាពេញទំហឹង បណ្ដាលឲ្យដឹកខ្សាច់ក្រឡាប់ផ្ងារជើងច្រងាង ចំណែករថយន្តម៉ាកKIA រងការខូចខាតមួយកំណត់ស្ទើរទាំងស្រុង ។ ក្រោយកើតហេតុសមត្ថកិច្ចមូលដ្ឋាន បានចុះមកដល់ចំនុចកើតហេតុដោយមិនបះពាល់សម្បត្តិ ដូចច្នេះសមត្ថកិច្ចភាគីទាំងសម្របសម្រួលគ្នាដោយ សម្រួលមិនត្រូវសមកិច្ចវាស់វែងយកទៅរក្សាទុកនៅការិយាល័យចរាចរណ៍ផ្លូវគោក រងចាំដោះស្រាយគ្នានៅពេលក្រោយ ៕ ដោយ៖ ជីម ភារ៉ា

  នៅដើមសប្តាហ៍ទី៤ ខែកក្កដាឆ្នាំ២០២០នេះអង្គភាពរដ្ឋាករទឹកបាត់ដំបង បានបើកនូវកិច្ចប្រជុំពិភាក្សាការងារមួយជាមួយនិងលោក អ៊ី ចាន់សន ទីប្រឹក្សាបច្ចេកទេសជាតិផ្នែកដោះស្រាយផលប៉ះពាល់ និងជាក្រុមការងារកុងស៊ុលតង់របស់ ADBដោយបានចុះសិក្សាទៅលើទីតាំងដែលគ្រោងនិងរៀបចំតម្លើងនូវស្ថានីយ៍បូមទឹកថ្មីមួយកន្លែងទៀតដើម្បីបូមទឹកពីស្ទឹងសង្កែ ទៅកាន់រោងចក្រផលិតទឹកស្អាតថ្មីដែលគ្រោងនិងតម្លើងការសាងសង់នៅដំណាច់ឆ្នាំ២០២០ ឬ ដើមឆ្នាំ២០២១ខាងមុខ។         នេះបើតាមការគូសបញ្ជាក់ពីក្រុមការងារនិងមន្ត្រីកុងស៊ុលតង់ របស់ADB ខណៈដែលបានចុះមកពិនិត្យមើលទីតាំង និងធ្វើការសិក្សាលម្អិតពីទីតាំងដែលគ្រោងអនុវត្តគម្រោងសាងសង់រោងចក្រ”ផលិតទឹកស្អាតថ្មី” មួយបន្ថែមទៀត។ ដែលមានសមត្ថភាព អាចផលិតទឹកស្អាត ដល់ទៅ៥ម៉ឺនម៉ែត្រត្រីគុណ (ម៉ែត្រគូប) ក្នុងមួយថ្ងៃ។ដែលស្ថិតនៅស្ថិតនៅក្នុងភូមិសាស្ត្រ ភូមិកំពង់សីមា សង្កាត់វត្តគរ ក្រុង-ខេត្តបាត់ដំបង។       ជាមួយនិងគម្រោងសិក្សាពីការតម្លើងនូវស្ថានីយ៍បូមទឹកនិងពិនិត្យទីតាំងសាងសង់រោងចក្រផលិតទឹកស្អាតថ្មីនេះ ក្នុងនោះក្រុមការងារ ADBនិងវត្តមានឯកឧត្តម អ៊ុត ក្លឹង ប្រធានអង្គភាពរដ្ឋាករទឹក នៃ មន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ ខេត្តបាត់ដំបង និងជាទីប្រឹក្សា សម្តេចក្រឡាហោម ស ខេង រួមនិងមន្ត្រីជំនាញសំខាន់ៗរបស់អង្គភាពរដ្ឋាករទឹកខេត្តបាត់ដំបងផ្ទាល់ បានចុះត្រួតពិនិត្យ ជាមួយនិងក្រុមការងាររបស់ ADB និងចុះទៅកាន់តំបន់មួយចំនួនដែលគ្រោងនិងធ្វើការពង្រីកបំពង់ទឹកស្អាតថ្មីបន្ថែមទៀត ដែលមានប្រវែងប្រមាណជា ១២៥គម. នៅតាម ឃុំ-សង្កាត់នានា ក្នុងក្រុងបាត់ដំបង ស្រុកថ្មគោល និងស្រុកសង្កែ…

 ភ្នំពេញ ៖ ការចូលរួមពីគ្រប់ភាគីក្នុងការចូលរួមការពារនិងអភិរក្សសត្វដំរីនៅកម្ពុជាគឺជាចំណែកមួយយ៉ាងសំខាន់នៃការងារគ្រប់គ្រងធនធានធម្មជាតិ និងការអភិរក្សជីវៈចម្រុះ។ នេះគឺជាប្រសាសន៍លើកឡើងរបស់ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន នាឱកាសអញ្ជើញចូលរួមជាអធិបតី ក្នុងពិធីរាត្រីសម្បុរសធម៌ជួយដល់ការអភិរក្សដំរី ដែលបានរៀបចំឡើងកាលពីថ្ងៃទី២៤ ខែកក្កដា ឆ្នាំ២០២០ នៅរាជធានីភ្នំពេញ។   លោកស្រី ក្លេ ខៃចិន្តា ប្រធានសមាគមអភិរក្សដីរីអៃរាវត្តាបានឱ្យដឹងថាការរៀបចំកម្មវិធីរាត្រីសប្បុរសធម៌នេះឡើងដើម្បីស្វែងរកការគាំទ្រមូលនិធិសម្រាប់ការថែរក្សានិងអភិរក្សសត្វដំរីនៅកម្ពុជា។ ហើយកន្លងមក មានថ្នាក់ដឹកនាំ មន្រ្តីរាជការ ក្រសួង ស្ថាប័ន តំណាងអង្គការ សមាគម ក្រៅរដ្ឋភិបាល និងប្រជាពលរដ្ឋ មួយចំនួន បានចូលរួមជួយឧបត្ថម្ភបន្តបន្ទាប់ដល់សមាគមអ្នកស្រី។ កន្លងមកក្រសួងបរិស្ថានតាមរយៈមូលនិធីបរិស្ថាននិងសង្គម បានជួយដល់សមាគមក្នុង១ឆ្នាំមានទឹកប្រាក់ចំនួន២០០០០ដុល្លារ ចាប់ពីឆ្នាំ២០១៩ សម្រាប់ការងារអភិរក្ស និងការបង្កាត់ពូជសត្វដំរីបន្ថែមទៀត ដើម្បីបង្កើនបរិមាណសត្វដ៍កម្រនៅក្នុងតំបន់។  សូមបញ្ជាក់ថា បច្ចុប្បន្នសត្វដំរីក្នុងសមាគមអភិរក្សដំរីអៃរាវត្តា មានចំនួន៣ក្បាល នៅក្នុងខេត្តរតនគីរី ហើយកន្លងទៅថ្មីៗនេះ ដំរីមួយក្បាលបានស្លាប់។ សមាគមនៅមានដំរីញីមួយក្បាល និងឈ្មោលមួយក្បាល សម្រាប់ទុកបង្កាត់ពូជបន្តទៅថ្ងៃខាងមុខ ។  ជាមួយគ្នានេះ ឯកឧត្តម សាយ សំអាល់ បានបញ្ជាក់ថា…

ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រនៃកម្ពុជា បានចេញព្រះរាជក្រឹត្យ ត្រាស់បង្គាប់តែងតាំង សមាជិកពេញសិទ្ធិ នៃរាជបណ្ឌិត្យសភាកម្ពុជា ចំនួន៥រូប ផងដែរ ក្នុងនោះរួមមាន ៖

ព្រះមហាក្សត្រ ចេញព្រះរាជក្រឹត្យ ត្រាស់បង្គាប់តែងតាំង និង ផ្តល់គោរមងារកិត្តិយស នៃរាជបណ្ឌិត្យសភាកម្ពុជា ជូនឯកឧត្តម ស៊ឹម កា ជា កិត្តិនីកិកោសលបណ្ឌិត។ នេះបើយោងតាម ព្រះរាជក្រឹត្យ ត្រាស់បង្គាប់ ដែលបានឡាយព្រះហស្តលេខាដោយ ព្រះករុណា ព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា នាថ្ងៃទី១៨ ខែកក្កដា ឆ្នាំ២០២០។