ភ្នំពេញ៖ កម្លាំងអធិការដ្ឋាននគរបាលខណ្ឌសែនសុខ បានធ្វេីការស្រាវជ្រាវ ឃាត់ខ្លួនជនសង្ស័យម្នាក់  នៅវេលាម៉ោង១និង៣០នាទី ថ្ងៃទី២៣  ខែកក្កដា  ឆ្នាំ ២០២០  ករណីលួចម៉ូតូ នៅចំណុចផ្ទះសំណាក់ផារីយ៉ា ផ្លូវបេតុង ភូមិត្រពាំងឈូក សង្កាត់អូរបែកក្អម ខណ្ឌសែនសុខ បង្កឡេីងកាលពីថ្ងៃទី០៣-០៥-២០២០ វេលាម៉ោង០៥ និង១៦នាទី។ សមត្ថកិច្ចបានឲ្យដឹងថា ជនសង្ស័យម្នាក់ដែលឃាត់ខ្លួនបានខាងលេីមាន ឈ្មោះ អ៊ុ វត្ថា ភេទប្រុស អាយុ២១ឆ្នាំ ជនជាតិខ្មែរ មុខរបរគ្មាន ស្នាក់នៅផ្ទះលេខ១២១ ភូមិផ្សារទឹកថ្លា សង្កាត់ទឹកថ្លា ខណ្ឌសែនសុខ (មានសារធាតុញៀន) បានធ្វើសកម្មភាពលួចម៉ូតូរបស់ជនរងគ្រោះ ឈ្មោះ  សុខុន វិជា ភេទប្រុស អាយុ២២ឆ្នាំ ជនជាតិខ្មែរ មុខរបរនៅផ្ទះ ស្នាក់នៅផ្ទះគ្មានលេខ ភូមិព្រៃព្រីងខាងជើង សង្កាត់ចោមចៅ២ ខណ្ឌពោធិ៍សែនជ័យ  ។ សម្ភារៈបាត់បង់ម៉ូតូ០១គ្រឿង ម៉ាកសេ១២៥ ពណ៌ខ្មៅ ផលិតឆ្នាំ២០២០ ពាក់ស្លាកលេខភ្នំពេញ1IB-9414  ។ បច្ចុប្បន្ននេះ  ជនសង្ស័យកំពុងឃាត់ខ្លួនបណ្ដោះអាសន្ននៅអធិការដ្ឋាននគរបាលខណ្ឌសែនសុខ…

ភ្នំពេញ៖​ នៅព្រឹកថ្ងៃព្រហស្បតិ៍ ៣កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងព្រឹកថ្ងៃទី២៣ ខែកក្កដា ឆ្នាំ២០២០ នៅអាជ្ញាធរជាតិប្រយុទ្ធនឹងជំងឺអេដស៍ រៀបចំកិច្ចប្រជុំពេញអង្គអាជ្ញាធរជាតិប្រយុទ្ធនឹងជំងឺអេដស៍ លើកទី១ ឆ្នាំ២០២០ តាមវីដេអូខនហ្វឺរេន ក្រោមអធិបតីភាពឯកឧត្តមទេសរដ្ឋមន្ត្រី អៀង មូលី ប្រធានអាជ្ញាធរ។ កិច្ចប្រជុំនេះមានការចូលរួមពីឯកឧត្តម លោកជំទាវ លោក អ្នកស្រីជាប្រធាន និងតំណាងគណៈកម្មាធិការប្រយុទ្ធនឹងជំងឺអេដស៍ក្រសួង ស្ថាប័ន រាជធានី ខេត្ត ដៃគូអភិវឌ្ឍន៍ និងអង្គការជាតិ អន្តរជាតិ សរុប៧០គណនី។ ជាមួយគ្នានេះ នៅបន្ទប់ប្រជុំអាជ្ញាធរក៏មានការចូលរួមពីថ្នាក់ដឹកនាំក្រសួងការងារ និងបណ្តុះបណ្តាលវិជ្ជាជីវៈ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ អនុប្រធាន ទីប្រឹក្សា អគ្គលេខាធិការ អគ្គលេខាធិការរង ប្រធាននាយកដ្ឋាន អនុប្រធាននាយកដ្ឋាន និងមន្រ្តីអាជ្ញាធរ ចំនួន៤៥នាក់។ កិច្ចប្រជុំដំណើរការតាមរបៀបវារៈដូចខាងក្រោម :១) សុន្ទរកថាស្វាគមន៍បើកកិច្ចប្រជុំពេញអង្គ ដោយឯកឧត្តមទេសរដ្ឋមន្ដ្រី ២) របាយការណ៍វឌ្ឍនភាពជាពហុវិស័យនៃការឆ្លើយតបមេរោគអេដស៍ និងជំងឺអេដស៍ និងសមិទ្ធផលការងារឆមាសទី១…

ភ្នំពេញ ៖ លោកជំទាវកិត្តិសង្គហបណ្ឌិត ម៉ែន សំអន បានស្វាគមន៍យ៉ាងកក់ក្ដៅ និងកោតសសើរចំពោះ លោក ប៉ិច បូឡែន ប្រធានក្រុមប្រឹក្សាភិបាល នៃសមាគមសហព័ន្ធសេវាអប់រំនៅកម្ពុជា និងសហការី ដែលបានផ្តួចផ្តើមគំនិតបង្កើតសមាគមសហព័ន្ធអប់រំ ដើម្បីជួយអភិវឌ្ឍវិស័យអប់រំ ជាពិសេស ក្នុងវិស័យឯកជន និង បានចូលរួមចំណែកដល់រាជរដ្ឋាភិបាលក្នុងការបណ្តុះបណ្តាលសិស្ស និស្សិត នៅកម្ពុជា ។ សូមបញ្ជាក់ថា៖ នាព្រឹកថ្ងៃព្រហស្បតិ៍ ៣កើត ខែស្រាពណ៍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី២៣ ខែកក្កដា ឆ្នាំ២០២០ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី បានអនុញ្ញាតឲ្យលោក ប៉ិច បូឡែន ប្រធានក្រុមប្រឹក្សាភិបាល នៃសមាគមសហព័ន្ធសេវាអប់រំនៅកម្ពុជា និងសហការីអញ្ជើញចូលជួបសំដែងការគួរសម នៅទីស្តីការក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច ។ ជាការឆ្លើយតប លោក ប៉ិច បូឡែន ក៏បានលើកឡើងអំពីវឌ្ឍនៈភាពរបស់សមាគម ដែលបានដំណើរការរហូតមកដល់ពេលបច្ចុប្បន្ន ។ ក្នុងនោះ…

ភ្នំពេញ៖ ថ្ងៃទី២៣ ខែកក្កដា ឆ្នាំ២០២០ ដើម្បីធានាបាននូវការបំពេញបេសកកម្មក្នុងការរៀបចំធ្វើជាម្ចាស់ផ្ទះនៃព្រឹត្តិការណ៍ស៊ីហ្គេម លើកទី៣២ ឆ្នាំ២០២៣ ឲ្យទទួលបានជោគជ័យ និងឧត្តមភាព ក្រសួងអប់រំ យុវជន និងកីឡា បានបើកសិក្ខាសាលារយៈពេលពីរថ្ងៃពីថ្ងៃទី២៣-២៤ខែកក្កដា ឆ្នាំ២០២០ នៅសណ្ឋាគារសុខាភ្នំពេញ ដើម្បីប្រមូលធាតុចូល នៃការតាក់តែងសេចក្តីព្រាងច្បាប់ ស្តីពីការគ្រប់គ្រងវិស័យអប់រំកាយ និងកីឡា។ ថ្លែងក្នុងពិធីបើកសិក្ខាសាលា ឯកឧត្តម ណាត ប៊ុនរឿន រដ្ឋលេខាធិការ ក្រសួងអប់រំយុវជន និងកីឡា និងជាប្រធានក្រុមការងារកំណែទម្រង់ច្បាប់ និងប្រព័ន្ធយុត្តិធម៌បានមានប្រសាសន៍ថា នាឆ្នាំ២០២៣ខាងមុខនេះ ព្រះរាជាណាចក្រកម្ពុជានឹងទទួលរៀបចំធ្វើជាម្ចាស់ផ្ទះក្នុងការប្រកួត ស៊ីហ្គេម លើកទី៣២ ជាលើកដំបូងជាប្រវត្តិសាស្ត្រ ហើយក្នុងនាមជាសមាជិកស្ថាបនិកតាំងពីឆ្នាំ១៩៥៩ មក យើងមិនមានឱកាសល្អដូចជាពេលនេះឡើយ។ បេសកកម្មដ៏ឧត្តុង្គឧត្តមនេះពិតជាធ្ងន់ធ្ងរ និងមានតម្លៃបំផុត សម្រាប់កម្ពុជា ក្នុងការបញ្ចេញសមត្ថភាព និងរួមគ្នា ដើម្បីស្តារកិត្យានុភាពរបស់ប្រទេសជាតិ យើងឡើងវិញនៅលើឆាកអន្តរជាតិ។ ឯកឧត្តមបន្តថា ដូច្នេះដើម្បីធានាបាននូវឧត្តមភាពយើងត្រូវការរៀបចំតាក់តែងច្បាប់ស្តីពីការគ្រប់គ្រងវិស័យអប់រំកាយ និងកីឡា ហើយច្បាប់នេះ នឹងចូលរួម ចំណែកយ៉ាងសំខាន់មួយ ក្នុងការបំពេញបេសកកម្មដ៏ឧត្តុង្គឧត្តម ក្នុងនាមជាម្ចាស់ផ្ទះស៊ីហ្គេម២០២៣ ហើយក៏ជាការពង្រឹងនូវការគ្រប់គ្រងវិស័យអប់រំកាយ និងកីឡារបស់យើងឲ្យកាន់តែមានលក្ខណៈនីតិរដ្ឋ។ឯកឧត្តមបានបញ្ជាក់ថា ដើម្បីឲ្យច្បាប់នេះបានចេញជាស្ថាពរ ក្រសួងបានសម្រេចបង្កើតគណៈកម្មការសិក្សាស្រាវជ្រាវ…

កណ្តាល៖ ខារ៉ាអូខេជាច្រើនកន្លែង នៅក្រុងតាខ្មៅ កំពុងបើកដំណើរការដោយលួចលាក់ បិទភ្លើងពីមុខ ក្នុងបន្ទប់ផឹកស៊ី ច្រៀងរាំជាធម្មតា ខណៈខារ៉ាអូខ ហុង កុង ត្រូវបានសមត្ថកិច្ចចុះបង្ក្រាប ដែលប្រហើន និងសេចក្តីជូនដំណឹងលេខ១២៦៩ សជណ ចុះថ្ងៃទី១០ ខែកក្កដា ឆ្នាំ២០២០ របស់រដ្ឋបាលខេត្តកណ្តាល។ ជាក់ស្ដែងនៅយប់ថ្ងៃទី២២ ខែកក្កដា ឆ្នាំ២០២០លោកឧត្តមសេនីយ៍ត្រី ឈឿន សុចិត្ត ស្នងការនគរបាលខេត្តកណ្តាល បានដាក់បទបញ្ជារឲ្យលោកស្នងការរងទទួលផែនការងារនគរបាលព្រហ្មទណ្ឌ ដឹកនាំកម្លាំងការិយាល័យនគរបាលព្រហ្មទណ្ឌកម្រិតស្រាល និងការិយាល័យអន្តរាគមន៍ សហការជាមួយកម្លាំងអធិការនគរបាលក្រុងតាខ្មៅ និងអាជ្ញាធរក្រុងតាខ្មៅ សង្កាត់តាខ្មៅ ចុះពិនិត្យទីតាំងខារ៉ាអូខេឈ្មោះ ហុង កុង(KTV HONG KONG) ស្ថិតនៅចំណុចភូមិថ្មី សង្កាត់តាខ្មៅ ក្រុងតាខ្មៅ ខេត្តកណ្តាល។ ម្ចាស់ទីតាំងខារ៉ាអូខេឈ្មោះ យូ ស្រង់ ភេទស្រី អាយុ៤១ឆ្នាំ មានទីលំនៅភូមិក្បាលស្ពាន ២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ពិតជាបានលួចបើកឲ្យភ្ញៀវចូលច្រៀងនៅក្នុងបន្ទប់ខារ៉ាអូខេពិតប្រាកដមែន។ នៅក្នុងប្រតិបត្តិការនោះ អាជ្ញារធរក្រុងតាខ្មៅ បានធ្វើកិច្ចសន្យា និងបានអប់រំណែនាំឲ្យម្ចាស់ទីតាំងខារ៉ាអូខេគោរពតាមសេចក្តីជូនដំណឹងលេខ១២៦៩ សជណ…