ភ្នំពេញៈ សមិទ្ធផលថ្មីមួយទៀតគឺទីស្នាក់ការភូមិអូរអណ្តូងត្រូវបានសម្ពោធដាក់អោយប្រើប្រាស់ជាផ្លូវការដើម្បីបម្រើសេវ៉ាជូនប្រជាពលរដ្ឋនៅក្នុងភូមិអរអណ្តូង សង្កាត់ព្រែកប្រា ខណ្ឌច្បារអំពៅ ។    ពិធីសម្ពោធទីស្នាក់ការភូមិនេះបានធ្វើឡើងនៅព្រឹកថ្ងៃទី១៧ ខែកក្កដា  ឆ្នាំ២០២០  ក្រោមវត្តមានលោកជំទាវ ឡោក ខេង ប្រធានក្រុមការងារចុះជួយខណ្ឌច្បារអំពៅ  លោកអ៊ំ ម៉ារ៉េត ប្រធានក្រុមប្រឹក្សាខណ្ឌ , លោកចេង មុនីរ៉ា អភិបាលខណ្ឌ , លោក-លោកស្រីជាអភិបាលរង , លោក មេបញ្ជាការកងរាជអាវុធហត្ថខណ្ឌ , លោកអធិការនគរបាលខណ្ឌ និងមានការចូលរួមពីប្រជាពលរដ្ឋជិត៣០០នាក់ ។    លោកចេង មុនីរ៉ា អភិបាលនៃគណៈអភិបាលខណ្ឌច្បារអំពៅបានថ្លែងនៅក្នុងអង្គពិធីដូច្នេះថា  អាគារថ្មី ទីស្នាក់ការភូមិអូរអណ្តូងនេះចាប់ផ្តើមសាងសង់នៅថ្ងៃទី១៦  ខែមីនា  ឆ្នាំ២០១៩ ហើយបញ្ចប់ការសាង សង់នៅថ្ងៃទី២១  ខែវិច្ឆិកា ឆ្នាំ២០១៩ មានទំហ៊ំទទឹង៥ម៉ែត្រ គុណ បណ្តោយ៦ម៉ែត្រ កំពស់២ជាន់  ចំណាយទឹកប្រាក់អស់ជាង១១២លានរៀល ស្មើនិងជាង២៧០០០ដុល្លារ ។  ប្រភពថវិការនៃការសាងសង់អាគារថ្មីនេះបានមកពីសប្បុរសជន ចូលរួមចំណែកជាមួយគណៈអភិបាលខណ្ឌនិងសង្កាត់ ទើបសម្រេចបាននូវសមិទ្ធផលមួយបន្ថែមទៀតសម្រាប់បំរើសេវ៉ាសាធារណៈជូនប្រជាពលរដ្ឋនៅក្នុងមូលដ្ឋាន ។    លោកអភិបាលបានបន្តថា ក្នុងអាណត្តិបច្ចុប្បន្ននេះ គណៈអភិបាលខណ្ឌ  កងកម្លាំងប្រដាប់អាវុធ  មន្ត្រីរាជការទូទាំងខណ្ឌ-សង្កាត់-ភូមិ …

ចិន៖ អាជ្ញាធរសុខាភិបាលជាតិចិន នៅថ្ងៃសុក្រនេះ បានរាយការណ៍ពីការរកឃើញអ្នកឆ្លងជំងឺ COVID-19 ចំនួន១០ករណីថ្មីបន្ថែមទៀតក្នុងពេលតែ១ថ្ងៃ គឺនៅថ្ងៃព្រហស្បត្តិ៍ម្សិលមិញ នេះបើតាមសារព័ត៌មានរ៉យទ័រនៅថ្ងៃទី១៧ ខែកក្កដា ឆ្នាំ២០២០ ។ ប្រភពបានឱ្យដឹងថា អ្នកឆ្លងជំងឺ COVID-19 ទាំងអស់ខាងលើនេះ ក្នុងនោះមាន៩ករណីជាករណីនាំចូល ដែលជាប់ទាក់ទងជាមួយនឹងក្រុមអ្នកដំណើរមកពីក្រៅប្រទេស ។ ដោយឡែករដ្ឋធានីប៉េកាំង មិនបានរាយការណ៍ពីករណីឆ្លងថ្មីនោះទេ នៅក្នុងរយៈពេល១១ថ្ងៃមកនេះ ។ សូមបញ្ជាក់ថា នៅទូទាំងប្រទេសចិន មានចំនួនអ្នកឆ្លងជំងឺ COVID-19 សរុប៨ម៉ឺន៣ពាន់៦១២ករណី ក្នុងនោះមានអ្នកជម្ងឺសរុប៤ពាន់៦៣៤នាក់ស្លាប់ និងអ្នកជាសះស្បើយឡើងវិញសរុប៧ម៉ឺន៨ពាន់៧១៩នាក់ ខណៈអ្នកជំងឺសកម្ម ឬកំពុងសម្រាកព្យាបាលនៅមន្ទីរពេទ្យ២៥៩នាក់ ៕

ភ្នំពេញ៖ កម្លាំងនគរបាល ខណ្ឌដង្កោ នៅព្រឹក ថ្ងៃទី១៧ ខែកក្កដា ឆ្នាំ២០២០នេះ បានបញ្ជូនខ្លួនជនសង្ស័យជនជាតិនីហ្សេរីយ៉ា ២នាក់ និងស្ដ្រីខ្មែរម្នាក់ទៅកាន់សាលាដំបូងរាជធានីភ្នំពេញ ដេីម្បីចាត់ការបន្ដតាមនីតិវិធី ពាក់ព័ន្ធករណីឆបោក លុយជាង១ម៉ឺនដុល្លារ តាមបណ្ដឹងរបស់ជនរង គ្រោះប្ដឹងឲ្យសមត្ថកិច្ចចាប់ខ្លួន។ សមត្ថកិច្ច បានឲ្យដឹងថា ជនសង្ស័យទាំង ៣នាក់មាន៖-ទី០១ឈ្មោះ NDEKWE ANTHONY CHUKWUEBUKA ភេទប្រុស អាយុ២៧ឆ្នាំ ជនជាតិនីហ្សេរីយ៉ា មុខរបរនៅផ្ទះ ស្នាក់នៅផ្ទះជួលលេខ០៩ ផ្លូវលេខ០៩ បុរីលឹមឈាងហាក់ ភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ។ -ទី០២ឈ្មោះ AMAOGANAYA MICHAEL CHUKWUDI ភេទប្រុស អាយុ២៩ឆ្នាំ មុខរបរនៅផ្ទះ ស្នាក់នៅផ្ទះជួលលេខ១៦ ផ្លូវលេខ០៩ បុរីលឹមឈាងហាក់ ភូមិម័ល សង្កាត់ដង្កោ ខណ្ឌដង្កោ រាជធានីភ្នំពេញ ។ -ទី០៣ឈ្មោះ មិត្ត ស្រីនី ភេទស្រី អាយុ ២៦ឆ្នាំ…

ខេត្តកំពង់ចាម៖ ត្បិតមកដល់ពេលនេះ មិនទាន់រកឃើញមានប្រជាពលរដ្ឋណាម្នាក់នៅក្នុងខេត្តកំពង់ចាម កើតជំងឺកូវីដ-១៩ ក៏ដោយ។ តែឯកឧត្តម អ៊ុន ចាន់ដា អភិបាលនៃគណៈអភិបាលខេត្ត បានក្រើនរំលឹកឱ្យប្រជាពលរដ្ឋ មានការប្រុងប្រយ័ត្ន ដើម្បីបញ្ចៀសកុំឱ្យមានរលកទី២ ឆ្លងចូលក្នុងសហគមន៍ ជាមួយនោះនោះកាកបាទ ក្រហមកម្ពុជាខេត្ត បានចុះចែកអំណោយជូនដល់ប្រជាពលរដ្ឋជាហូរហែ។ ជាក់ស្ដែងនៅរសៀល ថ្ងៃទី ១៦ កក្កដា ២០២០ ព្រះសីលសំវរៈ ប៊ត តាំងឆេង ព្រះរាជាគណៈថ្នាក់ចត្វា ព្រះនាគមុនី ព្រះមេគណខេត្តកំពង់ចាម ដឹកនាំមន្ដ្រីសង្ឃសាលាគណខេត្ដកំពង់ចាម និងព្រះអនុគណ និងសហការីទាំង១០ក្រុង-ស្រុកក្នុងខេត្ដកំពង់ចាម  និមន្តប្រគល់ គ្រឿងឧបភោគ  និងបច្ច័យ ដល់សាខាកាកបាទក្រហមកម្ពុជាខេត្ត ដេីម្បីចូលរួមចំណែកការងារមនុស្សធម៌ ជួយដល់ប្រជាពលរដ្ឋ ដែលមានជីវភាពខ្វះខាតក្នុងអំឡុងពេលផ្ទុះជំងឺ Covid។ ឯកឧត្ដម អ៊ុន ចាន់ដា  ប្រធានគណៈកម្មាធិការសាខា កាកបាទក្រហមកម្ពុជាខេត្តកំពង់ចាម បានថ្លែងព្រះអំណរគុណដល់  ព្រះសង្ឃគ្រប់បណ្តាវត្តទាំងអស់ក្នុងខេត្តដែលបានសហការគ្នា ក្នុងការងារជួយសង្គម  និងបានចូលរួមការកសាងប្រទេសជាតិ មិនថាវិស័យពុទ្ធិចក្រ ឬវិស័យអាណាចក្រឡេីយ។ មន្ត្រីសាខាកាកបាទក្រហមកម្ពុជាខេត្ត បានប្រាប់ឱ្យដឹងដែលថា នាពេលកន្លងមកក្នុងខេត្តកំពង់ចាម ដែលបានផ្ទុះឡើងនូវជំងឺកូវីដព្រះមេគណខេត្ត រួមជាមួយនឹងមន្ត្រីសង្ឃជាច្រើនអង្គបានយកព្រះទ័យ ទុកដាក់…

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅយប់ថ្ងៃទី១៦ ខែកក្កដា ឆ្នាំ២០២០នេះ បានបង្ហាញរូបភាពលើទីលានវាយកូនហ្គោលជាច្រើនសន្លឹក។ ជាមួយការបង្ហាញរូបភាពលើទីលានវាយកូនហ្គោលវាលស្មៅដ៏ខៀវស្រងាត់នេះ សម្តេចតេជោ ហ៊ុន សែន បានបញ្ជាក់ថា សម្តេចបានឆ្លៀតហាត់ប្រាណវាយកូនគោល នៅទីលានវាយកូនគោលក្បែរផ្ទះ ព្រោះក្នុងរយៈពេលនៃការកាន់ទុក្ខម្តាយក្មេករហូតគម្រប់១០០ថ្ងៃមិនហ៊ានចេញទៅលេងខាងក្រៅទេ។ ជាមួយរូបភាពដែលបានបង្ហាញបានស្តែងឱ្យឃើញថា មេដឹកនាំដែលប្រឡូកលើសមរភូមិសង្គ្រាមទាំងសង្គ្រាមប្រដាប់អាវុធ និងសង្គ្រាមនយោបាយជាង ៤០ឆ្នាំរូបនេះ នៅតែមានកម្លាំងពលំ និងស្មារតីមាំមួន ទោះមកដល់ពេលនេះវ័យជិតឈានចូល៧០ឆ្នាំទៅហើយក៏ដោយនោះ។ សម្តេចតេជោ ហ៊ុន សែន តែងបានបញ្ជាក់ថា កម្លាំងពលំ និងសុខភាពរបស់សម្តេចនៅតែល្អជាធម្មតា ហើយថ្ងៃខ្លះសម្តេចហាត់ប្រាណចន្លោះពី ៣ ទៅ៤ម៉ោងឯណោះ។ តាមរយៈសុខភាព និងកម្លាំងពលំ ប្រាជ្ញាស្មារតីដ៏ល្អប្រសើរនេះ សម្តេចតេជោ បានប្រកាសបន្តឈរឈ្មោះជាបេក្ខភាពនាយករដ្ឋមន្ត្រីរយៈពេល២អាណត្តិទៅមុខបន្តទៀត៕

ភ្នំពេញ៖ បុរសម្នាក់បេីករថយន្តមួយគ្រឿងដែលជារថយន្តសម្រាប់ រុករក និងសង្គ្រោះគ្រោះមហន្តរាយ បានគេចពីម៉ូតូមួយគ្រឿងដែលបើកបញ្រ្ចាសទិសគ្នា ជ្រុលទៅបុកជាមួយនឹងបង្គោលភ្លើង និងដេីមឈេី  បណ្ដាលឲ្យរងការខូចខាតយ៉ាងដំណំ កាលពីវេលាម៉ោង៣រំលងអាធ្រាត្រ ឈានចូលថ្ងៃទី១៧ ខែកក្កដា ឆ្នាំ២០២០  នៅតាមបណ្តោយផ្លូវ២៧១កែងនឹង៤៨០ ស្ថិតក្នុងសង្កាត់ផ្សារដេីមថ្កូវ ខណ្ឌចំការមន  រាជធានីភ្នំពេញ។ តាមសម្ដីបុរសម្នាក់មានវ័យប្រហែល៤០ឆ្នាំ និងជាតៃកុងរថយន្តបង្កម៉ាក Ford ពណ៌ទឹកប្រាក់ស្លាកលេខ រដ្ឋ 05-2-0606 បានរៀបរាប់ឲ្យដឹងថា មុនពេលកើតហេតុគាត់បើករថយន្តខាងលើតាមបណ្តោយផ្លូវ២៧១ក្នុងទិសដៅពីកើតមកលិច  ពេលដែលមកដល់ចំណុចផ្លូវកែង៤៨០  ស្រាប់តែមានម៉ូតូមិនចាំម៉ាកមួយគ្រឿងបើកយ៉ាងលឿន ក្នុងទិសដៅបញ្ច្រាសគ្នាបត់ចូលផ្លូវ៤៨០ ធ្វើឲ្យគាត់ជាន់ហ្រ្វាំងមិនទាន់ក៏សម្រេចចិត្តបួងចង្កូតទៅបុកនឹងបង្គោលភ្លើង និងដើមឈើបណ្តាលឲ្យរងការខូចខាតយ៉ាងដំណំទៅមុខលែងរួច តែរូបគាត់ និងបងប្អូនប្រជាពលរដ្ឋមិនរងរបួស។ ក្រោយពេលកើត សមត្ថកិច្ចមូលដ្ឋានបានចុះត្រួតពិនិត្យនឹងរៀបចំស្ទូចរថយន្ត បង្កយកទៅរក្សទុកបណ្តោះអាសន្ននៅការិយាល័យចរាចរណ៍ផ្លូវគោក នៃស្នងការនគរបាលរាជធានីភ្នំពេញ ដើម្បីរង់ចាំដោះស្រាយតាមក្រោយ៕ ដោយ៖ ជីម ភារ៉ា