សៀមរាប៖ នាព្រឹកថ្ងៃទី២៥ ខែមិថុនា ឆ្នាំ២០២០នេះ ឯកឧត្តម ទៀ សីហា អភិបាលខេត្តសៀមរាប បានអញ្ជើញជាអធិបតី ក្នុងពិធីសម្ពោធដាក់ឲ្យដំណើរការជាផ្លូវការ ការិយាល័យច្រកចេញចូលតែមួយ និងការិយាប្រជាពលរដ្ឋ របស់រដ្ឋបាលស្រុកបន្ទាយស្រី ដើម្បីប្រមូលផ្ដុំការផ្ដល់សេវារដ្ឋបាលមួយចំនួននៅកន្លែងតែមួយ ជូនប្រជាពលរដ្ឋ ប្រកបដោយគុណភាព ប្រសិទ្ធភាព តម្លាភាព គណនេយ្យភាព និងបរិយាប័ន្ន ។ ក្នុងឱកាសនោះដែរ ឯកឧត្តម ទៀ សីហា បានមានប្រសាសន៍ថា ការរៀបចំបង្កើតការិយាល័យច្រកចេញចូលតែមួយ និងការិយាល័យប្រជាពលរដ្ឋ នៅថ្នាក់ក្រុង-ស្រុក របស់ខេត្តនេះ បានចូលរួមសម្រេច នូវចក្ខុវិស័យរបស់រាជរដ្ឋាភិបាល ក្នុងកម្មវិធីកំណែទម្រង់ វិមជ្ឈការ និងវិសហមជ្ឈការ តាមរយៈការលើកកម្ពស់ប្រសិទ្ធភាព និងគុណភាព នៃការផ្ដល់សេវារដ្ឋបាលកាន់តែល្អប្រសើរឡើងជូនប្រជាពលរដ្ឋ ។ ឯកឧត្តម ទៀ សីហា មានប្រសាសន៍បញ្ជាក់ទៀតថា ការបង្កើតឲ្យមានការិយាល័យច្រកចេញចូលតែមួយ គឺដើម្បីកាត់បន្ថយ ភាពស្មុគស្មាញ និងភាពសាំញ៉ាំនៃបែបបទ និងនីតិវិធីរដ្ឋបាល សម្រួលជូនប្រជាពលរដ្ឋក្នុងការស្នើសុំសេវានានា ពីរដ្ឋបាលសាធារណៈ កាត់បន្ថយជាអតិបរមានូវការិយាធិបតេយ្យ និងអំពើពុករលួយ ។ ជាមួយគ្នានេះ ការិយាល័យប្រជាពលរដ្ឋ…

អគ្គលេខាធិការដ្ឋាន នៃគណៈកម្មាធិការជាតិ សុវត្ថិភាពចរាចរណ៍ផ្លូវគោក សហការជាមួយ នាយកដ្ឋានសុវត្ថិភាពចរាចរណ៍ផ្លូវគោក នៃអគ្គនាយកដ្ឋានដឹក ជញ្ជូនផ្លូវគោក ក្រសួងសាធារណការ និងដឹកជញ្ជូន មន្ទីរសាធារណការ និងដឹកជញ្ជូនខេត្តស្ទឹងត្រែង លេខាធិការដ្ឋានអនុគណៈកម្មការ សុវត្ថិភាពចរាចរណ៍ផ្លូវគោក ខេត្តស្ទឹងត្រែង នៅព្រឹកថ្ងៃទី២៥ ខែមិថុនា ឆ្នាំ២០២០នេះបានធ្វើយុទ្ធនា ការអប់រំផ្សព្វផ្សាយច្បាប់ ស្តីពីចរាចរណ៍ផ្លូវគោក ដល់បងប្អូនប្រជាពលរដ្ឋជាអ្នកប្រើប្រាស់ផ្លូវទាំងអស់ នៅខេត្តស្ទឹងត្រែង។ ពិធីបានប្រព្រឹត្តទៅនៅមុខសាលាខេត្តស្ទឹងត្រែង ក្រោមអធិបភាពពីលោកជំទាវ មឹន មាណវី រដ្ឋលេខាធិការក្រសួងសាធារណការ និងដឹកជញ្ជូន និងជាអគ្គលេខាធិការ នៃអគ្គលេខាធិការដ្ឋាន គណៈកម្មាធិការជាតិសុវត្ថិភាពចរាចរណ៍ផ្លូវគោក, លោក ដួង ពៅ អភិបាលរងខេត្តស្ទឹងត្រែង ព្រមទាំង មានការចូលរួមពីកងកម្លាំងប្រដាប់អាវុធ លោក លោកស្រី ប្រធាន អនុប្រធានមន្ទីរ ជុំវិញខេត្ត និងប្រជាពលរដ្ឋប្រមាណជាង ១០០នាក់ ។ លោកជំទាវ មឹន មាណវី បានលើកឡើងថា គោលបំណង នៃការចុះអប់រំផ្សព្វផ្សាយនាពេលនេះ គឺដើម្បីពញ្ញាក់ស្មារតីដល់អ្នកប្រើប្រាស់ផ្លូវទាំងអស់ ជាពិសេសអ្នកប្រើប្រាស់ ទោចក្រយានយន្តឱ្យយកចិត្តទុកដាក់ និងចូលរួមគោរពច្បាប់ស្តីពីចរាចរណ៍ផ្លូវគោក សំដៅចូលរួមទប់ស្កាត់…

សៀមរាប៖ កិច្ចប្រជុំលទ្ធផលនៃការអនុវត្តសកម្មភាពប្រចាំ ខែឆមាសទី១ ឆ្នាំ២០២០ របស់គណៈកម្មាធិការប្រយុទ្ធប្រឆាំងអំពើជួញដូរមនុស្សខេត្តសៀមរារបស់ខ្លួន ក្រោមអធិបតីភាពលោកស្រី យូ សុភា អភិបាលរងខេត្តសៀមរាប ជាប្រធានលេខាធិការដ្ឋាន (គ.ខ.ប.ជ) ខេត្ត ក្រុមការងារបច្ចេកទេសទាំង ៦ (ក្រុមការងារទប់ស្កាត់ ក្រុមការងារការពារជនរងគ្រោះ ការងារពង្រឹងកិច្ចសហប្រតិបត្តិការ ក្រុមការងារអនុវត្តន៍ច្បាប់ ក្រុមការងារកិច្ចការយុត្តិធម៌ ក្រុមការងារកិច្ចការទេសន្តរប្រវេសន៍) និងលោក លោកស្រី តំណាងអង្គការដៃគូ អ្នកពាក់ព័ន្ធ ជាច្រើននាក់បានអញ្ជើញចូលរួមក្នុងកិច្ចប្រជុំផងដែរ នាព្រឹកថ្ងៃទី២៥ ខែមិថុនា ឆ្នាំ២០២០ នៅសាលប្រជុំនៃរដ្ឋបាលសាលាខេត្តសៀមរាប។ លោកស្រី យូ សុភា អភិបាលរងខេត្តសៀមរាប ជាប្រធានលេខាធិការដ្ឋាន (គ.ខ.ប.ជ) ខេត្ត មានប្រសាសន៍ថា ចំពោះស្ថានភាពទូទៅខេត្តសៀមរាប ពាក់ព័ន្ធទៅនឹងអំពើជួញដូរមនុស្ស ការធ្វើអាជីវកម្មផ្លូវភេទ ការរត់ពន្ធមនុស្ស និងការជួញដូរមនុស្សឆ្លងដែន នៅតែមានភាពស្មុគស្មាញ បត់បែន និងជ្រកក្រោមរូបភាពស្របច្បាប់ផ្សេងៗ ដែលជនល្មើសអាចប្រើប្រាស់ ដើម្បីកេងប្រវ័ញ្ចលើប្រជាពលរដ្ឋបានយ៉ាងងាយស្រួលដូចជា ការធ្វើអាជីវកម្មផ្លូវភេទតាមរូបភាពជា សេវាកំសាន្ត ខារ៉ាអូខេ-ម៉ាស្សា-ធ្វើការងារតាមហាងបៀរហ្គាដិន រូបភាពភ្ជាប់ពាក្យ ឬ អាពាហ៍ពិពាហ៍ការនាំស្តីចេញទៅក្រៅប្រទេសតាមទិដ្ឋាការទេសចរណ៍ តែក្នុងគោលដៅរកគូស្រករ ឬលក់កម្លាំងពលកម្ម…

ខេត្តស្ទឹងត្រែង៖ ព្រះរាជអាជ្ញារង នៃអយ្យការ អមសាលាដំបូងខេត្តស្ទឹងត្រែង លោក វង្ស សាវ៉ាត បានដឹកនាំមន្ត្រី នៃកម្លាំងសមត្ថកិច្ចចម្រុះខេត្ត និងមន្ត្រីនៅក្នុងមូលដ្ឋាន ចុះបង្ក្រាប និងដហូតឈើ ប្រភេទលេខ១ បានប្រមាណជាង ១៤០សន្លឹក ដែលឈើទាំងនោះ ត្រូវគេដឹងថា ឈ្មួញបានដឹកជញ្ជូនយកមកលាក់ទុក នៅក្នុងស្រះទឹកមួយ ហើយឈ្មួញបានត្រៀមដឹកតាមមធ្យោបាយរថយន្តគ្រប់ប្រភេទ នាំយកទៅលក់នៅក្រៅរង្វង់ដែនដីខេត្តស្ទឹងត្រែង។ ប៉ុន្តែ ឈើទាំងនោះ ត្រូវបានកម្លាំងសមត្ថកិច្ចបង្ក្រាប កាលពីថ្ងៃទី២៤ មិថុនា ឆ្នាំ២០២០ នៅតាមបណ្តោយដងផ្លូវជាតិលេខ៧ ស្ថិតក្នុងភូមិឬទ្ធីសែនជ័យ២ « ភូមិឧបសម្ព័ន្ធ » ឃុំអូរស្វាយ ស្រុកបូរីអូរស្វាយសែនជ័យ ខេត្តស្ទឹងត្រែង។ មន្ត្រីនៅក្នុងការបង្ក្រាបឈើនោះ បាននិយាយថា ប្រតិបត្តិការចុះបង្ក្រាបឈើល្មើសច្បាប់នេះ បានធ្វើឡើងក្រោមកិច្ចសហការ រវាងកម្លាំងកងរាជអាវុធហត្ថ និងមន្ត្រីព្រៃឈើខេត្ត ដឹកនាំការបង្ក្រាប ដោយព្រះរាជអាជ្ញារង នៃអយ្យការ អមសាលាដំបូងខេត្ត លោក វង្ស សាវ៉ាត។ លោកថា នៅក្នុងប្រតិបត្តិការនេះ កម្លាំងសមត្ថកិច្ច បានរឹងអូសឈើលេខ១ ប្រភេទឈើផ្ចឹក បានចំនួន ១៤៤សន្លឹក…

កំពង់ឆ្នាំង៖ ជនសង្ស័យប្រុសស្រី៥នាក់ និងថ្នាំញៀន១៤កញ្ចប់ ត្រូវបានកម្លាំងកងរាជអាវុធហត្ថខេត្តកំពង់ឆ្នាំងសហការជាមួយសមត្ថកិច្ចកងរាជអាវុធហត្ថខេត្តពោធិ៍សាត់ ធ្វើការស្រាវជ្រាវមុខសញ្ញាចែកចាយ ប្រើប្រាស់នូវសារធាតុញៀន និងរក្សាទុកដោយខុសច្បាប់ ។ កិច្ចប្រតិបតការខាងលើនេះបានធ្វើឡើងនៅវេលាម៉ោងប្រមាណ ៣ និង ៣៥នាទី ថ្ងៃទី២៤ខែ មិថុនា ឆ្នាំ២០២០ ម្សិលមិញដោយមានការអនុញ្ញាតិពីមេបញ្ជាការកងរាជអាវុធហត្ថខេត្តកំពង់ឆ្នាំង លោកឧត្តមសេនីយ៍ត្រី សាក់ សារ៉ាង កម្លាំងនៃការិយាល័យជំនាញ និងកម្លាំងកងរាជអាវុធហត្ថមូលដ្ឋានក្រុងកំពង់ឆ្នាំង ដឹកនាំដោយលោកវរសេនីយ៍ត្រី យ៉ាង លឿន សហការ និងពន្លាតដែនដីសមត្ថកិច្ចជាមួយកងរាជអាវុធហត្ថខេត្តពោធិ៍សាត់ ដោយមានការសម្របសម្រួលពីព្រះរាជអាជ្ញាអមសាលាដំបូងខេត្តពោធិ៍សាត់ លោក កូយកាន់យ៉ាន បានចុះ បង្ក្រាបបទល្មេីសចែកចាយនឹងប្រេីប្រាស់ដោយខុសច្បាប់ នូវសារធាតុញៀនចំនួន០១ករណី។ កិច្ចប្រតិបតការខាងលើនេះបានធ្វេីការឃាត់ខ្លួនជនសង្ស័យប្រុសស្រីចំនួន០៥នាក់៖១.ឈ្មោះ ទុយ គឹមសឿន ភេទប្រុស អាយុ៣៨ឆ្នាំ រស់នៅភូមិម៉ុងបារាំង សង្កាត់ប្អេរ ក្រុង និងខេត្តកំពង់ឆ្នាំង (មុខរបរមិនពិតប្រាកដ)។២.ឈ្មោះ សុឹម.បូរីជលសារ ភេទប្រុស អាយុ១៧ឆ្នាំ រស់នៅភូមិទី៣ សង្កាត់ខ្សាម ក្រុង និងខេត្តកំពង់ឆ្នាំង (មុខរបរមិនពិតប្រាកដ)។៣.ឈ្មោះ ម៉ៅ សំណាង ភេទប្រុស អាយុ១៧ឆ្នាំ រស់នៅភូមិស្ទឹងតូច…

ខេត្តព្រះវិហារ៖ រដ្ឋមន្ត្រីក្រសួងធនធានទឹក និងឧតុនិយម លោក លឹម គានហោ បានដឹកនាំគណៈប្រតិភូ និងមន្ត្រីជំនាញបច្ចេកទេសជាន់ខ្ពស់របស់ក្រសួង ដោយមានការចូលរួមពី អភិបាលរងខេត្តព្រះវិហារ លោក ស៊ូ សិរី តំណាងអភិបាលខេត្តព្រះវិហារ លោក ប្រាក់ សុវណ្ណ បានអញ្ជើញចុះពិនិត្យ គម្រោងអភិវឌ្ឍន៍អាងទឹករក្សា ដែលបាន និងកំពុងដំណើរការសាងសង់ ស្ថិតនៅតាមបណ្តោយស្ទឹងសែន ជាប់ព្រំប្រទល់ស្រុកពីរ គឺស្រុកជ័យសែន និងស្រុករវៀង ខេត្តព្រះវិហារ កាលពីថ្ងៃទី២៤ មិថុនាឆ្នាំ២០២០ ម្សិលមិញនេះ។ អភិបាលរងខេត្តព្រះវិហារ លោក ស៊ូ សិរី បានមានប្រសាសន៍អោយដឹងថា គម្រោងអភិវឌ្ឍន៍អាងទឹករក្សា បានចាប់ផ្តើមដំណើរការសាងសង់ កាលថ្ងៃទី១ វិច្ឆិកា ឆ្នាំ២០១៩ នោះមក ដែលស្ថាបនាឡើងដោយក្រុមហ៊ុន ចំនួន២ គឺក្រុមហ៊ុន The Consortium of Guangdong Foreign Construction Co., Ltd. & Guangdong Yuantian Engineering…

ស្វាយរៀង៖ លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្រ្តី រដ្ឋមន្រ្តីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ចក្នុងនាមអ្នកតំណាងរាស្ត្រមណ្ឌលស្វាយរៀង បានថ្លែងថា ប្រជាការពារ ជាកម្លាំង ដ៏សំខាន់ដែលបានចូលរួម រក្សាសន្តិសុខ សុវត្ថិភាព សណ្តាប់ធ្នាប់ជូន ប្រជាពលរដ្ឋតាមដ្ឋានមិនអាចខ្វះបាន។ លោកជំទាវកិត្តិសង្គហបណ្ឌិត ម៉ែន សំអន ថ្លែងបែបនេះខណៈបានអញ្ជើញជួបសំណេះសំណាលជាមួយប្រជាការពារភូមិ ចំនួន ៤១២នាក់ នៃស្រុកកំពង់រោទិ៍ ដែលពិធីត្រូវបានរៀបចំឡើងក្នុងវិទ្យាល័យ ហ៊ុន សែន កំពង់រោទិ៍ ខេត្តស្វាយរៀង នាព្រឹកថ្ងៃព្រហស្បតិ៍ ៥កើត ខែអាសាឍ ឆ្នាំជូត ទោស័ក ព.ស. ២៥៦៤ ត្រូវនឹង ថ្ងៃទី២៥ ខែមិថុនា ឆ្នាំ២០២០ ។ លោកជំទាវកិត្តិសង្គហបណ្ឌិត ម៉ែន សំអនក៏បានផ្តាំផ្ញើសួរសុខទុក្ខដោយក្តីនឹករលឹកពីសំណាក់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងសម្តេចកិត្តិព្រឹទ្ធបណ្ឌិត ជូនបងប្អូនប្រជាពលរដ្ឋទាំងអស់ នៅទូទាំងខេត្តស្វាយរៀង ដោយសម្តេចទាំងទ្វេរតែងតែគិតគូរខ្ពស់ចំពោះជីវភាពប្រចាំថ្ងៃរបស់ប្រជាពលរដ្ឋ។ លោកជំទាវបានបន្តទៀតក្រោមការដឹកនាំប្រកបដោយកិត្តិបណ្ឌិតរបស់សម្តេចអគ្គមហាសេនាបតីតេជោ ហ៊ុន សែន…