ភ្នំពេញ៖ ជនសង្ស័យ៥នាក់ត្រូវសមត្ថកិច្ចកសាងសំណុំរឿងបញ្ជូនទៅតុលាការ កាលពីព្រឹកថ្ងៃ ទី២៤ខែមិថុនា ឆ្នាំ២០២០នេះ។ សមត្ថកិច្ចខណ្ឌសែនសុខបានអោយដឹងថា៖ជនសង្ស័យទាំង ៥នាក់នេះពាក់ព័ន្ធក២ករណីផ្សេងគ្នា៖ ករណីទី១ រក្សាទុកនូវសារធាតុញៀន, ករណីទី២ឆក់ ។ បើតាមនគរបាលជំនាញផ្នែកព្រហ្មទណ្ឌខណ្ឌបានឲ្យដឹងថា ជនសង្ស័យទាំង៥នាក់ខាងលើនេះ សមត្ថកិច្ចនគរបាលខណ្ឌសែនសុខធ្វើការបង្ក្រាបបាន ក្នុងមូលដ្ឋានកន្លងមក ហើយបានបញ្ចាប់នីតិវិធីសាកសួររួចហើយ ។ លោក វរសេនីយ៍ឯក ហួរ ម៉េងវ៉ាង អធិការនគបាលខណ្ឌសែនសុខ ក៏បានសំណូមពរ ដល់បងប្អូនប្រជាពលរដ្ឋក្នុងមូលដ្ឋានខណ្ឌ  សែនសុខទាំងអស់ សូមមេត្តាជួយសហការណ៍ និងផ្តល់ព័ត៌មានមក កម្លាំងសមត្ថកិច្ចផង ប្រសិនបើបងប្អូនដឹងថាមានក្មេងទំនើងប្រមូលផ្តុំគ្នា ប្រើប្រាស់ ឬចែកចាយនូវសាធាតុ ញៀន និងបទល្មើសផ្សេងៗ ដើម្បីឲ្យកម្លាំងរបស់លោកចុះទៅបង្ក្រាបឲ្យ បានទាន់ពេលវេលាផងដែរ ៕ ដោយ៖ ប៊ុនធី

សៀមរាប៖ កាលពីព្រឹកថ្ងៃទី២៣ ខែមិថុនា ឆ្នាំ២០២០ ឯកឧត្តម ទៀ សីហា អភិបាលនៃគណៈអភិបាលខេត្ត បានដឹកនាំក្រុមការងារបច្ចេកទេស ឈ្មោះផ្លូវ និងលេខផ្លូវក្នុងក្រុងសៀមរាប។ ផ្លូវក្នុងក្រុងសៀមរាប ដែលក្រុមការងារបានសិក្សា និងរៀបចំមានចំនួន ១៨១៦ខ្សែ ក្នុងនោះផ្លូវប្រមាណជាង ៥០ខ្សែត្រូវបានដាក់ឈ្មោះ។ កិច្ចប្រជុំ ក៏បានឯកភាពលើការកំណត់លេខផ្លូវ បានកំណត់ជាប្លុកចំនួន ៤ប្លុក ក្នុងនោះប្លុក(ក) មានចំនួន ៥៧៥ខ្សែ ប្រវែងសរុប ១១៤ពាន់៦០០ម៉ែត្រ , ប្លុក (ខ) មាន ចំនួន ៣០៥ខ្សែ មានប្រវែងសរុប ១៤៨ពាន់៩៩០ម៉ែត្រ , ប្លុក (គ) មានចំនួន៤៤០ខ្សែ មានប្រវែងសរុប ១៣៤ពាន់៣៨០ម៉ែត្រ និង ប្លុក (ឃ) មានចំនួន៤៩៦ខ្សែ មានប្រវែងសរុប ១១៥ពាន់៦៣០ម៉ែត្រ ។ ដោយឡែក ឈ្មោះផ្លូវត្រូវធ្វើការកែសម្រួលមួយចំនួនដោយត្រូវដាក់ជាឈ្មោះវីរជន ឥស្សរជន , សប្បុរសជន និង ឈ្មោះពីប្រវត្តិសាស្ត្រ ឬជាឈ្មោះតាមភូមិសាស្ត្រធម្មជាតិ…

សៀមរាប៖ កាលពីថ្ងៃទី២៣ ខែមិថុនា ឆ្នាំ២០២០នេះ ឯកឧត្ដមបណ្ឌិត អ៊ុក រ៉ាប៊ុន រដ្ឋមន្រ្ដីក្រសួងអភិវឌ្ឍន៍ជនបទ រួមដំណើរដោយលោក Liu Zhijie អគ្គកុងស៊ុលរបស់ស្ថានទូតចិន ប្រចាំនៅខេត្តសៀមរាប ឯកឧត្ដមរដ្ឋលេខាធិការ អនុរដ្ឋលេខាធិការ អាជ្ញាធរខេត្ត រួមទាំងមន្រ្ដីបច្ចេកទេសនៃក្រសួងអភិវឌ្ឍន៍ជនបទ បានអញ្ជើញទៅពិនិត្យការដ្ឋានខួងអណ្ដូងទឹកស្អាតចំនួនពីរកន្លែងស្ថិតនៅភូមិក្អែកទុំ ឃុំរើល ស្រុកពួក និងនៅក្នុងភូមិបល្ល័ង្គ ឃុំបល្ល័ង្គ ស្រុកប្រាសាទបាគង ខេត្តសៀមរាប ។ ឯកឧត្ដមបណ្ឌិត ចាន់ ដារ៉ុង រដ្ឋលេខាធិការក្រសួងអភិវឌ្ឍន៍ជនបទ និងជានាយកគម្រោងផ្គត់ផ្គង់ទឹកជនបទជំហានទី២ បានឲ្យដឹងថា៖ គម្រោងផ្គត់ផ្គង់ទឹកជនបទជំហានទី២ ក្រោមហិរញ្ញប្បទានឥតសំណងរបស់សាធារណរដ្ឋប្រជាមានិតចិន អនុវត្តរយៈពេល ២៤ខែ ដោយចាប់ផ្ដើមពី ខែធ្នូ ឆ្នាំ២០១៩ ដល់ខែវិច្ឆិកា ឆ្នាំ២០២១ ។ ចំពោះគម្រោងនេះមានគោលបំណងធ្វើឲ្យប្រសើឡើង នូវលក្ខខណ្ឌរស់នៅរបស់ប្រជាពលរដ្ឋនៅតំបន់ជនបទ និងចូលរួមកាត់បន្ថយភាពក្រីក្រ ដោយផ្ដោតការយកចិត្តទុកដាក់ទៅលើលើវិស័យផ្គត់ផ្គង់ទឹកស្អាតតាមរយៈការខួងអណ្ដូង និងសាងសង់ស្រះទឹកសហគមន៍ ។ ឯកឧត្ដមរដ្ឋលេខាធិការ បានបន្តថា៖ ក្រសួងអភិវឌ្ឍន៍ជនបទ បានចុះកិច្ចសន្យាជាមួយក្រុមហ៊ុន China Jiangxi International Economic…

ព្រឹកថ្ងៃ២៣ ខែមិថុនា ឆ្នាំ២០២០ ឯកឧត្តមឧត្តមសេនីយ៍ឯក បណ្ឌិត ជា ប៊ុនហេង ទីប្រឹក្សាផ្ទាល់សម្តេចក្រឡាហោម ស ខេង ប្រធាន អង្គភាពកីឡានគរបាលជាតិ និងជាអគ្គលេខាធិការសហព័ន្ធកីឡាទូកកានូ និងរ៉ូអ៊ីងកម្ពុជា បានចាត់មន្ត្រីក្រោមឱវាទ នាំយកថវិការបស់អង្គភាពចំនួន២សែនរៀល និងអង្ករមួយបាវ(៥០គីឡូក្រាម) ឧបត្ថម្ភដល់បុរសវ័យចំណាស់ពិការជើងម្ខាងម្នាក់ឈ្មោះ តា លី ដែលរស់នៅគ្មានទីពឹងតាមបណ្តោយមាត់ទន្លេក្នុងក្រុងតាខ្មៅ និងជាអ្នកមើលថែទូកឱ្យសហព័ន្ធកីឡាទូកកានូ និងរ៉ូអ៊ីងកម្ពុជា។ ដោយមើលឃើញពីការលំបាក ឯកឧត្តម ប្រធានអង្គភាពកីឡានគរបាលជាតិ ក៏បានសន្យាឧបត្ថម្ភថវិកាចំនួន២សែនរៀលរៀងរាល់ខែ និងអង្ករមួយបាវរាល់៣ខែម្តងជូនអ៊ំប្រុស តា លី ផងដែរដើម្បីដោះស្រាយជីវភាព ៕

សៀមរាប៖ ក្រសួងទេសចរណ៍ សហការជាមួយស្ថានទូតឥណ្ឌាប្រចាំកម្ពុជា និងស្ថាប័នពាក់ព័ន្ធបានរៀបចំ “ទិវាយោគៈអន្តរជាតិ លើកទី៦” “The 6th International Day of YOGA” នៅថ្ងៃទី២៣ ខែមិថុនា ឆ្នាំ២០២០ វេលាម៉ោង០៦:៣០នាទីព្រឹក នាបរិវេណមុខក្លោងទ្វារ នៃប្រាសាទតាព្រហ្ម  ខេត្តសៀមរាប-អង្គរ។ ទិវាយោគៈអន្តរជាតិលើកនេះ មានការចូលរួមជាគណៈអធិបតីពីឯកឧត្តម សូ  វិសុទ្ធី  អនុរដ្ឋលេខាធិការក្រសួងទេសចរណ៍ លោកជំទាវ Manika Jain ឯកអគ្គរដ្ឋទូតនៃសាធារណរដ្ឋឥណ្ឌាប្រចាំនៅកម្ពុជា លោកជំទាវ យូ សុភា អភិបាលរងខេត្តសៀមរាប ឯកឧត្តម សុខ សង្វារ អគ្គនាយករងអជ្ញាធរជាតិអប្សរា និងតំណាងក្រសួងអប់រំយុវជន និងកីឡា  ព្រមជាមួយគ្រូបង្វិកពីប្រទេសឥណ្ឌា អ្នកសារព័ត៌មាន និងអ្នកចូលរួមហាត់ ប្រមាណ១២០នាក់ (មកពីជុំវិញខេត្តសៀមរាប និង ស.ស.យ.ក)។ ក្រសួងទេសចរណ៍បានសហការជាមួយស្ថានទូតឥណ្ឌាប្រចាំនៅកម្ពុជា រៀបចំទិវាយោគៈអន្តរជាតិនេះ បានចំនួន ០៥លើករូចមកហើយ គិតចាប់ពីឆ្នាំ២០១៥ មកដល់ឆ្នាំ២០១៩ ដោយបានរៀបចំនៅតាមគោលដៅទេសចរណ៍ដ៏ពេញនិយមចំនួន ០៥គឺ៖…

ភ្នំពេញ៖ ឯកឧត្ដម ថោង រដ្ឋសក្តិ អគ្គនាយកអភិវឌ្ឍន៍ទេសចរណ៍ និងសហប្រតិបត្តិការអន្តរជាតិ មានប្រសាសន៍ថា ចាប់ពីថ្ងៃទី១៥-២៣ ខែមិថុនា ឆ្នាំ២០២០ ក្រសួងទេសចរណ៍កម្ពុជា ចូលរួមកិច្ចប្រជុំគណៈកម្មាធិការទេសចរណ៍អាស៊ានទាំង៤ ដើម្បីពិភាក្សាគ្នាលើការស្តារវិស័យទេសចរណ៍ក្នុងតំបន់ឡើងវិញ និងពិភាក្សាលើវិធានការនានា សម្រាប់ទប់ទល់វិបត្តិជំងឺកូវីដ-១៩។ឯកឧត្ដម ថោង រដ្ឋសក្តិ បានបន្តថា កិច្ចពិភាក្សាទាំងនេះត្រូវបានធ្វើឡើងក្រោមកិច្ចសម្របសម្រួលពីលេខាធិការដ្ឋានអាស៊ាន លោក លឹម ចុកហយ តាមរយៈ Video Conference ក្នុងនោះរួមមាន៖* ទី១៖ កិច្ចប្រជុំគណៈកម្មាធិការប្រកួតប្រជែងទេសចរណ៍អាស៊ានលើកទី៩* ទី២៖ កិច្ចប្រជុំគណៈកម្មាធិការត្រួតពិនិត្យអ្នកជំនាញទេសចរណ៍អាស៊ាន (ATPMC) លើកទី២៣* ទី៣៖ កិច្ចប្រជុំគណៈកម្មាធិការអភិវឌ្ឍទេសចរណ៍ប្រកបដោយនិរន្តរភាព និងគ្រប់ជ្រុងជ្រោយ (ASITDC) លើកទី៩* ទី៤៖ កិច្ចប្រជុំគណៈកម្មាធិការត្រួតពិនិត្យ និងវាយតម្លៃធនធានទេសចរណ៍អាស៊ាន (ATRMEC)។ ឯកឧត្ដមអគ្គនាយកបានបន្ថែមទៀតថា ស្របពេលជាមួយកិច្ចប្រជុំគណៈកម្មការទេសចរណ៍អាស៊ាន ក៏មានកិច្ចប្រជុំក្រុមការងារដៃគូទីផ្សារទេសចរណ៍អាស៊ានលើកទី៩ផងដែរ។គណៈកម្មការទេសចរណ៍អាស៊ាន បានដាក់ចុះនូវគោលនយោបាយធំៗមួយចំនួន ដើម្បីស្តារវិស័យទេសចរណ៍អាស៊ានឡើងវិញ និងវិធានការនានាសម្រាប់ទប់ទល់នឹងវិបត្តិកូវីដ-១៩ មានដូចតទៅ៖* ទី១៖ អាស៊ានគាំទ្រការរៀបចំគោលការណ៍ណែនាំស្តីពី ការវាយតម្លៃទទួលស្គាល់សមត្ថភាពបុគ្គលិក កំពុងបម្រើការងារក្នុងវិស័យទេសចរណ៍អាស៊ាន ស្របតាមប្រព័ន្ធគុណវុឌ្ឍអាស៊ាន ដែលដឹកនាំដោយកម្ពុជា។*…