ភ្នំពេញ៖ ប្រជាពលរដ្ឋក្រីក្រចំនួន៩គ្រួសារ រស់នៅក្នុងសង្កាត់ផ្សារថ្មីទី១ ខណ្ខដូនពេញ រាជធានីភ្នំពេញ ថ្លែងអំណរគុណចំពោះសម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដែលបានយកចិត្តទុកដាក់ និងបានផ្តល់ប័ណ្ណសមធម៌ ឬប័ណ្ណក្រីក្រ ដើម្បីទទួលប្រាក់ឧបត្ថម្ភ ក្នុងខណៈពេលដែលក្រុមគ្រួសារ ពលរដ្ឋទាំងនេះកំពុងជួបប្រទះការខ្វះខាតដោយសារបញ្ហាកូវីដ-១៩ ។ ឯកឧត្តម សួន រិនឌី តំណាងរាស្រ្ត មណ្ឌុលភ្នំពេញ និងជាអនុប្រធានទី១ ឯកឧត្តម ស៊ាងវិសុទ្ធ និងឯកឧត្តម ណុប ចាន់ណារិន្ទ អនុប្រធានក្រុមការងារគណបក្សចុះជួយខណ្ឌ ព្រមទាំងក្រុមការងារចុះជួយសង្កាត់ផ្សារថ្មីទី១ បានចុះចែកបណ្ណសមធម៌ ជូនដល់ប្រជាជនក្រីក្រចំនួនចំនួន៩គ្រួសារ ផ្ទាល់ដៃនាព្រឹក ថ្ងៃទី០៨ ខែកក្តដា ឆ្នាំ២០២០នេះ។ ឯកឧត្តម សួន  រិន្ទឌី ប្រាប់ពលរដ្ឋថា៖ នេះជាការយកចិត្តទុកដាក់របស់ប្រមុខរាជរដ្ឋាភិបាលកម្ពុជា ដែលសម្តេចតេជោ ហ៊ុន សែន នាយករដ្ឋមន្រ្តី បានប្រកាសដាក់ចេញនូវ “ កម្មវិធីផ្តល់សាច់ប្រាក់ជូនប្រជាពលរដ្ឋដែលមានជីវភាពក្រីក្រ និងជនងាយរងគ្រោះដោយសារផលប៉ះពាល់នៃជំងឺកូវីដ-១៩ ” នៅទូទាំងប្រទេស និងបានបញ្ចេញប្រាក់១២៥លានដុល្លារ រួចទៅហើយ ហើយរាជរដ្ឋាភិបាលនឹងត្រៀមបញ្ចេញថវិកាបន្តទៀត បើសិនជាហេតុការណ៍ផលប៉ះពាល់នៃជំងឺកូវីដ១៩…

ខេត្តស្វាយរៀង៖ លោក ជំទាវ ដួង វណ្ណា ប្រធានកិត្តិយសសាខាកាកបាទក្រហមកម្ពុជាខេត្តស្វាយរៀង លោកជំទាវ ហៅ ច័ន្ទសិរីទេពី ចៅ ភិរុណ អនុគណៈកម្មាធិការសាខា និងសហការី នាព្រឹកថ្ងៃពុធ ៣រោច ខែអាសាឍ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី ៨ ខែ កក្កដា ឆ្នាំ ២០២០ នេះបានបន្តនាំយកអំណោយមនុស្សធម៌របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា តាមរយៈសាខាកាកបាទក្រហមកម្ពុជាខេត្ត ជូនដល់គ្រួសារងាយរងគ្រោះ(ចាស់ជារា ៣១ គ្រួសារ ជនពិការ ២ នាក់ អ្នករស់នៅជាមួយមេរោគអេដស៍ ១ នាក់ ស្ត្រីមេម៉ាយ ៦ គ្រួសារ និងគ្រួសារមានជីវភាពខ្វះខាត ១៧ គ្រួសារ ) សរុបចំនួន ៥៧ គ្រួសារ ក្នុងស្រុកកំពង់រោទិ៍ មកពីឃុំស្វាយតាយាន ៣២ គ្រួសារ ឃុំញរ…

ខេត្តកំពង់ឆ្នាំង៖ ម្ចាស់កសិដ្ឋានចិញ្ចឹមបង្កង អូស្ត្រាលី ឬហៅថា៖ បង្កងដង្កៀបក្រហម មួយកន្លែងទៀតហើយដែលកំពង់ទទួលជោគជ័យ ឈ្មោះ “ភារម្យ សត្យា” ដែលមានទីតាំងស្ថិតនៅក្នុងភូមិទួលទ្រា ឃុំស្វាយជ្រុំ ស្រុករលាប្អៀរ បានអះអាងថា៖ រយៈពេលបទពិសោធន៍នៃការចិញ្ចឹមបង្កង៣ឆ្នាំ គាត់ទទួលបានជោគជ័យ គួរជាទីគាប់ចិត្ត ។ យ៉ាងនេះក្តីទម្រាំឈានដល់បានបានទទួលជោគជ័យប៉ុណ្ណេះ គាត់ក៏ធ្លាប់ទទួលការបរាជ័យច្រើនដែរ គឺកាលពីចាប់ផ្ដើមនៅ១ឆ្នាំ ដំបូងនៃមុខរបរនេះផងដែរ ។ បច្ចុប្បន្ន អ្វីដែលជាមហិច្ឆតាធំជាងនេះទៅទៀតលោកកំពុងបង្កើតស្រែបង្កង មួយកន្លែងទៀតឲ្យបានលើផ្ទៃដីចំនួន ១០ ហិតា នៅភូមិស្ដុកកប្បាស ឃុំប្រស្នឹប ស្រុករលាប្អៀរ គឺជាទីតាំងចិញ្ជឹមបង្កងសម្រាប់យកសាច់ ។ ម្ចាស់កសិដ្ឋានចិញ្ជឹមបង្កងឈ្មោះ ហង្សភារម្យ អាយុ៣៥ឆ្នាំ ខាងលើបានឱ្យដឹងថា៖ គាត់ចាប់ផ្ដើមបើកកសិដ្ឋានចិញ្ចឹមបង្កងនៅទីនេះ ពីដំបូងគាត់ចិញ្ចឹមកូនបង្កងត្រឹមតែ១ពាន់ក្បាល ប៉ុណ្ណោះ ។ ដោយដាក់ចិញ្ជឹមក្នុងអាងចិញ្ចឹមសិប្បនិមិត្តចំនួន២ តែក្រោយមកដោយការចិញ្ជឹមបានជោគជ័យខ្លះ បរាជ័យ ខ្លះលោកអាចពង្រីកកសិដ្ឋាន របស់លោកជាបន្តបន្ទាប់ ក្នុងរយៈពេលជាង១ឆ្នាំក្រោយមក ក៏បានទទួលជោគជ័យ ស្ទើរតែទាំងស្រុង ដោយសារតែលោក ចេះថែទាំនិង ស្គាល់ច្បាស់ពីជីវិតបង្កងអូស្ត្រាលី ឬបង្កង ដង្កៀបក្រហម និងចេះធ្វើការបង្កាត់ពូជ បន្សាំបន្តកូនរបស់វា។…

កំពង់ឆ្នាំង៖ កសិដ្ឋានបៃតង ( គ្រីនហ្វាម ) ដែលជាតំបន់ទេសចរណ៍ដ៏គួរអោយទាក់ទាញថ្មីមួយទៀតនៅក្នុងភូមិក្រាំងស្គារត្បូង ឃុំក្រាំងស្គារ ស្រុកទឹកផុស ខេត្តកំពង់ឆ្នាំង ដែលមានចម្ងាយផ្លូវប្រមាណជាង៥០គីឡូម៉ែត្រពីទីរួមកំពង់ឆ្នាំង ។ កសិដ្ឋានមួយនេះកំពុងដំណើរការអភិវឌ្ឍន៍ដាំដំណាំកសិឧស្សាហកម្មជាច្រើនប្រភេទនៅលើដីរាប់រយហិតា ដើម្បីបំរើតម្រូវការនៅក្នុងស្រុក ក្នុងនោះដែរក៏កំពុងដាំដើមផ្កាចំរុះពណ៌ នៅជុំវិញសួនឬស្សី និងកំពុងកសាងទំនប់បង្ហៀរទឹកមួយកន្លែងសំរាប់មុជទឹក កសាងអាងហែលទឹក កសាងកន្លែងបោះតង់លំហែរកាយ កសាងកញ្ចុះឬស្សី និងផ្ទះឬស្សី ផងដែរ ដើម្បីទាក់ទាញភ្ញៀវទេសចរណ៍ជាតិ និងអន្តរជាតិអោយចូលមកលេងកម្សាន្តយ៉ាងសប្បាយរីករាយ នៅរៀងរាល់ចុងសប្តាហ៍ ។ លោក សុភ័ណ្ឌ មេការកសិដ្ឋានបៃតង នៅព្រឹកថ្ងៃទី០៧ ខែកក្កដា ឆ្នាំ២០២០ នេះបាននិយាយឲ្យក្រុមអ្នកយកព័ត៌មានយើងដឹងថា៖ នៅតំបន់ទេសចរណ៍សួនឬស្សី យើងកំពុងធ្វើការដាំដុះផ្កាចំរុះពណ៌លើផ្ទៃដី ប្រមាណ៣ហិកតា កំពុងកសាងទំនប់បង្ហៀរមួយកន្លែងសម្រាប់មុជទឹកលេង ដែលមានប្រភពទឹកអូរហូរមកពីចុះមកពីលើភ្នំឱរ៉ាល់ នៅតាមទឹកអូរធម្មជាតិនេះ និងមានដាក់ទូកសំរាប់ភ្ញៀវជិះស្ទូចត្រីលេងកម្សាន្តផងដែរ ។ ដោយឡែក នៅមុខសួនឬស្សី យើងក៏បានរៀបចំធ្វើកន្លែងបោះតង់លំហែកាយរាប់សិប កន្លែង ធ្វើអាងហែលទឹក និងធ្វើកញ្ចុសឬស្សីរាប់រយកញ្ចុស សំរាប់ភ្ញៀងមកលេងកម្សាន្ត លំហែរកាយ ជាមួយក្រុមគ្រួសារ ឬមិត្តភ័ក្ត រៀងរាល់ចុងសប្តាហ៍ផងដែរ ។ លោក សុភ័ណ្ឌ បានអោយដឹងទៀតថា៖…