មណ្ឌលគិរី៖ នៅថ្ងៃទី៨ ខែមិថុនា ឆ្នាំ២០២០ មន្រ្តីរដ្ឋបាលការពារ និងអភិរក្សធម្មជាតិ នៃមន្ទីរបរិស្ថានខេត្តមណ្ឌលគិរី បានលែងសត្វទោចថ្ពាល់លឿង ១ក្បាល ចូលទៅក្នុងជម្រកព្រៃធម្មជាតិវិញ បន្ទាប់ពីទទួលការសង្រ្គោះបឋម និងថែទាំសុខភាពអស់រយៈពេល២ថ្ងៃ។ សូមរម្លឹកជូនថា កាលពីថ្ងៃទី៣ ខែមិថុនា ឆ្នាំ២០២០ មន្រ្តីឧទ្យានុរក្សដែនជម្រកសត្វព្រៃកែវសីមា បានអប់រំណែនាំប្រជាពលរដ្ឋកុំឲ្យចិញ្ចឹមសត្វព្រៃ ហើយបានទទួលយកសត្វទោចថ្ពាលលឿងចំនួន១ក្បាល ពីប្រជាពលរដ្ឋរស់នៅភូមិថ្មី ឃុំស្រែព្រះ ស្រុកកែវសីមា ខេត្តមណ្ឌលគីរិ ដើម្បីថែទាំសុខភាព និងលែងចូលទៅក្នុងព្រៃធម្មជាតិវិញ។ សត្វទោចថ្ពាល់លឿង ជាថនិកសត្វស្ថិតក្នុងក្រុមប្រភេទមានដោយកម្រ មានឈ្មោះជាភាសាអង់គ្លេស Yellow-cheeked Gibbon ត្រូវបានកំណត់ក្នុងឧបសម្ព័ន្ធទី១ នៃអនុសញ្ញា CITES ហើយក៏ត្រូវ បានចាត់ ចូលក្នុងបញ្ជីក្រហម នៃអង្គការសហភាពអន្តរជាតិ អភិរក្ស ធនធាន ធម្មជាតិ (IUCN) ព្រោះពួកវាជាពពួក សត្វកំពុង រងគ្រោះ ថ្នាក់ហើយ ក៏កំពុង ប្រឈម នឹង ការលួចប្រមាញ់ របស់ មនុស្ស និងការបាត់ បង់ទីជម្រក។ ហេតុនេះសូមរួមគ្នាថែរក្សា និងការពារសម្បត្តិធម្មជាតិ…

ខេត្តស្វាយរៀង៖ លោក ជំទាវ ដួង វណ្ណា ប្រធានកិត្តិយសសាខាកាកបាទក្រហមកម្ពុជាខេត្តស្វាយរៀង លោកជំទាវ ពៅ សុភាព ហេរញ្ញឹក គណៈកម្មាធិការសាខា និងសហការី បានបន្តនាំយកអំណោយមនុស្សធម៌ របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា តាមរយៈសាខាកាកបាទក្រហមកម្ពុជាខេត្ត ជូនដល់គ្រួសារងាយរងគ្រោះ (ចាស់ជារា ៨ គ្រួសារ ជនពិការ ៣ នាក់ និងស្ត្រីមេម៉ាយ ៣ គ្រួសារ ) សរុបចំនួន ១៤ គ្រួសារ មកពីឃុំថ្មី ស្រុកកំពង់រោទិ៍ នាព្រឹកថ្ងៃអង្គារ ៤រោច ខែជេស្ឋ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី៩ ខែមិថុនា ឆ្នាំ២០២០ នេះ ។ នាឱកាសនោះលោកជំទាវ ដួង វណ្ណា បានពាំនាំនូវប្រសាសន៍ផ្តាំផ្ញើសាកសួរសុខទុក្ខ និងក្តីនឹករលឹកពីសំណាក់សម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា…

បន្ទាប់ពីដំណើរចុះជួបសំណេះសំណាលជាមួយមន្ត្រីរាជការ បុគ្គលិក និងកម្មករនៃមន្ទីរសាធារណការ និងដឹកជញ្ជូនខេត្តរតនគិរីរួចមក នៅនារសៀលថ្ងៃអង្គារ ៤រោច ខែអាសាឍ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៩ ខែមិថុនា ឆ្នាំ២០២០ ឯកឧត្តមទេសរដ្ឋមន្ត្រី ស៊ុន ចាន់ថុល បានឆ្លៀតឱកាសអញ្ជើញ ចូលសួរសុខទុក្ខលោកយាយ ខាវ ថងញ៉ុត ភរិយារបស់លោកតា ស៊ីន ស៊ីសាមុត អធិរាជសំឡេងមាស និងបានពិនិត្យមើលផ្ទះចាស់ដែលលោកតាធ្លាប់បានរស់ និងដើមមានដែលលោកតាបានដាំមានអាយុជិត១០០ឆ្នាំ។ នាឱកាសនោះ ឯកឧត្តមទេសរដ្ឋមន្ត្រី បាននាំយកនូវផ្លែឈើ និងថវិកាមួយចំនួនជួនដល់លោកយាយ សម្រាប់ជួយទ្រទ្រង់ជីវភាពរស់នៅប្រចាំថ្ងៃបានមួយចំណែកផងដែរ។ សូមជម្រាបជូនថា កាលពីខែវិច្ឆិកា ឆ្នាំ២០១៥ ក្រោមគំនិតផ្តួចផ្តើម របស់ឯកឧត្តមទេសរដ្ឋមន្ត្រី ស៊ុន ចាន់ថុល ក្នុងនាមជារដ្ឋមន្ត្រីក្រសួងពាណិជ្ជកម្ម និងជាប្រធានគណៈកម្មាធិការជាតិកម្មសិទ្ធិបញ្ញា បានដឹកនាំរៀបចំកម្មវិធីប្រគុំតន្ត្រីសប្បុរសធម៌ក្រោមចំណងជើងថា៖ “ពេលវេលាដែលត្រូវតបស្នង – វិភាគទានចំពោះ អធិរាជសំឡេង មាស លោក ស៊ីន ស៊ីសាមុត” និងបានរៃអង្គាសថវិកាដើម្បីជួលដល់ក្រុមគ្រួសារលោកយាយ។  ថវិកាដែលទទួលបានពីសប្បុរសជន បាន ជួយលើកស្ទួយកម្រិតជីវភាពលោកយាយ និងក្រុមគ្រួសារបានមួយកម្រិតផង ដែរ៕…

ភ្នំពេញ៖ នៅព្រឹកថ្ងៃអង្គារ ៤រោច ខែជេស្ឋ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី៩ ខែមិថុនា ឆ្នាំ២០២០នេះ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញដឹកនាំកិច្ចប្រជុំឆ្លងផែនការសកម្មភាពប្រចាំឆ្នាំ២០២០ របស់អគ្គាធិការដ្ឋានក្រសួងមហាផ្ទៃ នៅទីស្ដីការក្រសួងមហាផ្ទៃ ដោយមានការអញ្ជើញចូលរួមពីឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ អគ្គាធិការ អគ្គនាយក អគ្គស្នងការរង និងមន្ត្រីពាក់ព័ន្ធជាច្រើនរូបទៀត។ ថ្លែងបើកកិច្ចប្រជុំ នាឱកាសនោះ សម្ដេចក្រឡាហោម ស ខេង បានមានប្រសាសន៍អំពីដំណើរការប្រមូល និងដោះស្រាយបណ្ដឹងនានា ទាំងនៅថ្នាក់ក្រសួង នៅអង្គភាពរដ្ឋបាលថ្នាក់ក្រោមជាតិ ឬអង្គភាពកងកម្លាំងនគរបាលជាតិ ពាក់ព័ន្ធនឹងភាពមិនប្រក្រតីក្នុងការងារគ្រប់គ្រង ឬចាត់ចែងនានា ដែលក្រសួងមានយន្តការពីរក្នុងការដោះស្រាយ គឺដោះស្រាយដោយអគ្គារធិការ ឬដោះស្រាយដោយមានកិច្ចសហការជាមួយអគ្គនាយកដ្ឋានដែលមានការពាក់ព័ន្ធ។សម្ដេចបានបន្តគូសបញ្ជាក់អំពីការប្រមូលព័ត៌មានជុំវិញបណ្ដឹង ឬបញ្ហាផ្សេងពីប្រភពនានា។ សម្ដេចបានមានប្រសាសន៍ថាពេលនេះ យើងអាចប្រមូលព័ត៌មានបានមួយផ្នែកតាមប្រព័ន្ធផ្សព្វផ្សាយ និងបណ្ដាញសង្គម ហើយថាព័ត៌មានពីប្រភពទាំងនេះក៏មានខ្លះជាព័ត៌មានពិត ដែលយើងមិនត្រូវមើលរំលងឡើយ ជាក់ស្ដែងទំព័រហ្វេសប៊ុកផ្ទាល់ខ្លួនរបស់សម្ដេច បានធ្វើឱ្យសម្ដេចទទួលព័ត៌មានជាច្រើនពីមហាជន តាមរយៈប្រអប់សារ និងប្រអប់បញ្ចេញមតិ ដែលត្រូវបានប្រមូលចងក្រងដោយក្រុមការងារហ្វេសប៊ុក។ សម្ដេចបានមានប្រសាសន៍ថាកន្លងមក បន្ទាប់ពីក្រុមការងារហ្វេសប៊ុកបានបញ្ជូនព័ត៌មានស្ដីអំពីបញ្ហាប្រឈម ឬភាពអសកម្មនានាមក…

ភ្នំពេញ៖ យោងតាមសេចក្ដីប្រកាសព័ត៌មានរបស់មូលនិធិគន្ធបុប្ផាកម្ពុជា នៅថ្ងៃទី៩ ខែមិថុនា ឆ្នាំ២០២០ បានឱ្យដឹងថា ក្នុងខែឧសភា ឆ្នាំ២០២០នេះ មូលនិធិគន្ធបុប្ផាកម្ពុជា បានទទួលថវិកាបរិច្ចាគចំនួន ១០៦លាន ៩សែន ២ម៉ឺន ៨ពាន់ ៥១១រៀល និង១លាន ១សែន ២ម៉ឺន ៤ពាន់ ៤៩ដុល្លារអាមេរិក ពីសប្បុរសជនចំនួន៦,០០៣រូប ។ ក្នុងចំណោមថវិកាទាំងអស់ សម្រាប់ខែឧសភានេះ, មូលនិធិគន្ធ បុប្ផាកម្ពុជា មានកិត្តិយសដែលសម្តេចតេជោ ហ៊ុន សែន និងសម្តេចកិតិ្តព្រឹទ្ធបណ្ឌិត ប៊ុន រ៉ានី ហ៊ុន សែន បានបរិច្ចាគថវិកាប្រចាំឆ្នាំ២០២០ ចំនួន៥ម៉ឺនដុល្លារអាមេរិក និងកាកបាទក្រហមកម្ពុជា បាន ប្រគល់វិភាគទានប្រចាំឆ្នាំលើកទី៣ ជូនមូលនិធិគន្ធបុប្ផាកម្ពុជា ចំនួន ១លានដុល្លារអាមេរិក ។ ក្នុងខែឧសភានេះដែរ មូលនិធិគន្ធបុប្ផាកម្ពុជា ក៏បានផ្ទេរថវិកាចំនួន ១លានដុល្លារអាមេរិក ជូន មន្ទីរពេទ្យគន្ធបុប្ផា ដើម្បីរក្សានិរន្តរភាព នៃកិច្ចដំណើរការ ក្នុងការពិនិត្យ និងព្យាបាលកុមារមានជំងឺនៅ កម្ពុជា ប្រកបដោយគុណភាព…