ភ្នំពេញ៖ យោងតាមរបាយការណ៍របស់លោក វរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ បានឲ្យដឹងនៅព្រឹកថ្ងៃទី ៦ ខែមិថុនា ឆ្នាំ២០២០នេះ កម្លាំងប៉ុស្តិ៍នគរបាលរដ្ឋបាលភ្នំពេញថ្មី បានឃាត់ខ្លួនជនសង្ស័យ២នាក់ ករណីប្រើប្រាស់ដោយខុសច្បាប់នូវសារធាតុញៀន កាលពីវេលាម៉ោង២៣និង០០នាទី យប់ថ្ងៃទី០៥មិថុនា២០២០ នៅចំណុចតាមផ្លូវ១៩៨៦ ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ។ ជនសង្ស័យទី១/ឈ្មោះ ជៀន យុន អាយុ២០ឆ្នាំជនជាតិខ្មែរ មុខរបរគ្មាន ស្នាក់នៅបន្ទប់ជួល សង្កាត់ចោមចៅ២ ខណ្ឌពោធិ៍សែនជ័យ ទី២/ឈ្មោះ ហឿន រិទ្ធិ អាយុ១៧ឆ្នាំ ជនជាតិខ្មែរ មុខរបរកម្មករសំណង់ ស្នាក់នៅក្នុងការដ្ឋានសំណង់សង្កាត់ព្រែកព្នៅ ខណ្ឌព្រែកព្នៅ ។ សមត្ថកិច្ច ឲ្យដឹងថាមុនឃាត់យុវជនខាងលើក្រោយកម្លាំប៉ុស្តិ៍ល្បាតក្នុងមូលដ្ឋានបានឃើញជនសង្ស័យកំពុងជិះម៉ូតូ០១គ្រឿង ម៉ាកសេ១២៥ ពណ៌ខ្មៅ ពាក់ស្លាកលេខពោធិ៍សាត់1G-2072 នៅចំណុចខាងលើដោយសង្ស័យ ក៏ឃាត់សាកសួរត្រួតពិនិត្យឃើញមានក្រាមសថ្លាសង្ស័យជាគ្រឿងញៀននៅជាប់ខ្លួនក៏ឃាត់ខ្លួនតែម្តង។ បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តន៍តាមនីតិវិធី៕ធ.ដ ដោយ៖ ​ប៊ុនធី

ស្វាយរៀង៖ លោក អ៊ូ សាខឿន ប្រធានមន្ទីរការងារ និងបណ្តុះបណ្តាល និងវិជ្ជាជីវៈខេត្តស្វាយរៀង បានឲ្យដឹងនៅព្រឹកថ្ងៃទី៦ ខែមិថុនា ឆ្នាំ២០២០នេះថាកម្មការិនី៤៣នាក់ ដែលសន្លប់កាលពីម្សលមិញបានធូរស្បើយចូលធ្វើការវិញខ្លះ ហើយតែនៅព្រឹកនេះមានកម្មការិនី៦នាក់ បន្តសន្លប់ដោយក្រុមការងារកំពុងបញ្ជូនទៅសង្គ្រោះនៅមន្ទីរពេទ្យ។ លោក អ៊ូ សុខឿន បានបន្តថាការដែលនាំកម្មការិនីសន្លប់នេះដោយសារកម្មការិនីម្នាក់មិនស្រួលខ្លួន ទៅកោសខ្យល់នៅក្បែរបន្ទប់ទឹកពេលមកវិញមានអាការៈទន់ដៃទន់ជើង កម្មករដ៏ទៃទៀតឃើញដូច្នេះក៏សន្លប់តៗគ្នាទៅ ហើយនេះគ្រាន់តែជាព័ត៌មានបឋមទេ និងរង់ចាំលទ្ធផលកាអង្កេតត្រួតពិនិត្យវាយម្លៃពីគណៈកម្មការជាតិស្តីពីការទប់ស្កាត់ករណី សន្លប់តាមរោងចក្រនៅថ្នាក់ក្រសួង តែព្រឹកនេះលោកបានចាត់មន្ត្រីឲ្យទៅឈរជើងនៅរោងចក្រនឹងហើយដើម្បី សម្របសម្រួលទៅលើករណីកម្មការិនីសន្លប់នេះផងដែរ។ សូមបញ្ជាក់ថា កាលពីថ្ងៃទី៥ ខែមិថុនា ឆ្នាំ២០២០ ម្សិលមិញនៅក្នុងតំបន់សេដ្ឋកិច្ចពិសេសស្វាយរៀងហ្គីហ្គារីសស្ថិតនៅភូមិដើមពោធិ៍ ឃុំកណ្តៀងរាយ ស្វាយទាបខេត្តស្វាយរៀងមានកម្មការិនីចំនួន៤៣នាក់ បានដួលសន្លប់ជាបន្តបន្ទាប់ដោយតាមការអះអាងពីប្រភពខ្លះថាបណ្តាលមកពីមូលហេតុធំក្លិនស្អុយថ្នាំ នៅជាប់ខ្សែភ្លើង និងខ្វះខ្យល់អុកស៊ីស៊ែនបង្កឲ្យកម្មការនីណែនទ្រូងពិបាកដកដង្ហើមបណ្តាលឲ្យដួលសន្លប់តែម្តង។ បើតាមសមត្ថកិច្ចនគបាលស្រុកស្វាយទាបបានឲ្យដឹងថា មុនពេលកើតហេតុ នៅក្នុងអគាររោងចក្រធីវ៉ាយ បានបើកឃ្លាំងយកដុំខ្សែភ្លើងដាក់ចែកកម្មការនីដើម្បី រុំអំពូលភ្លើងបញ្ចូលតាមដុំស្រាប់តែមានជះ ខ្លិនស្អុយសាយភាយពេញអគារ និងហប់ខ្វះខ្យល់ដកដង្ហើមបង្កឲ្យកម្មការនី ដែលកំពុងធ្វើការថប់ដង្ហើមតឹងដើមទ្រូងដួលសន្លប់ជាបន្តបន្ទាប់ចំនួន៤៣នាក់ នៅរោងចក្រធីវ៉ាយ(ផល្លិតអំពូលភ្លើង)។ ប្រភពដ៏ដែលបន្តទៀតថា ក្រោយពីមានកម្មការនីដួលសន្លប់សមត្ថកិច្ច បានឲ្យកម្មកករមិត្តភក្តិធ្វើការជាមួយគ្នាសែងជនរងគ្រោះចេញមកក្រៅអគារហើយហៅរថយន្តសាមុយ ដឹកជនរងគ្រោះទៅកាន់មន្ទីរពេទ្យបង្អែកជីភូចំនួន៣០នាក់ និងបញ្ជូនទៅមន្ទីរពេទ្យបង្អែកស្រុកស្វាយទាបចំនួន១៣នាក់ដើម្បីសង្គ្រោះ ចំណែកកម្មការនីផ្សេងទៀតដែលនៅក្នុងអគារដែលមានកម្មការនី ដួលសន្លប់ម្ចាស់រោងចក្រឲ្យឈប់សម្រាកបណ្តោះអាសន្នថ្ងៃទី៦ មិថុនា២០២០…

ភ្នំពេញ៖ នៅលើទំព័រ Facebook នៅព្រឹកថ្ងៃសៅរ៍ ទី០៦ ខែមិថុនា ឆ្នាំ២០២០ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី ព្រះរាជាណាចក្រកម្ពុជា បានធ្វើការកត់សម្គាល់ថា ការឆ្លងរីករាលដាលជំងឺកូវីដ១៩ នៅលើពិភព លោកមិនទាន់បានថមថយនៅឡើយទេ ហើយបានរីកសាយភាយទៅដល់ប្រទេស និងដែនដីចំនួន២១៦ហើយ ។ ជំងឺ ឆ្លងសាកលមួយនេះ បាននិងកំពុងបន្តឆ្លង និងសម្លាប់មនុស្សជារៀងរាល់ថ្ងៃ ។ ជាមួយគ្នានេះ សម្តេចតេជោប្រមុខរាជរដ្ឋាភិបាលកម្ពុជា បានក្រើនរំលឹកដល់អាជ្ញាធរមានសមត្ថកិច្ច ឱ្យបន្តពិនិត្យនៅ តាមភោជនីយដ្ឋាន ផ្សារតូចធំ កន្លែងប្រជុំជន រួមទាំងកន្លែងប្រមូលផ្តុំមនុស្សច្រើន ពីការអនុវត្តវិធានការបង្ការ ការឆ្លង រីករាលដាលជំងឺកូវីដ១៩ ព្រោះថា ការរីករាលដាលនៃជំងឺនេះលើពិភពលោក មិនទាន់ថមថយនៅឡើយនោះទេ ។ សម្តេចតេជោ ក៏បានរំលឹកប្រជាពលរដ្ឋ ឱ្យបន្តប្រកាន់ខ្ជាប់នូវស្មារតីថែរក្សាសុខភាព ការពារការឆ្លងជំងឺកូវីដ១៩ ដោយ ដាក់តាមខ្លួនជាប់ជាប្រចាំនូវម៉ាស លាងសម្អាតដៃជាមួយសាប៊ូ ទឹកអាល់កុល និងជែលជាដើម ។ ទន្ទឹមគ្នានេះ សម្តេច តេជោ នាយករដ្ឋមន្ត្រី…