ស្វាយរៀង៖ សាខាការពារអ្នកប្រើប្រាស់កិច្ចការប្រកួតប្រជែង និងបង្ក្រាបការក្លែងបន្លំ សហការជាមួយមន្ទីរពាណិជ្ជកម្មខេត្តស្វាយរៀង នៅព្រឹកថ្ងៃទី៥ ខែមិថុនា ឆ្នាំ២០២០នេះ បានចុះពិនិត្យមុខទំនិញនៅផ្សារជីភូ សង្កាត់ព្រៃអង្គុញ ក្រុងបាវិត ខេត្តស្វាយរៀង ក្នុងគោលបំណងស្វែងរកសារធាតុគីមី ដែលតាំងលក់នៅលើបន្លែត្រីសាច់ គ្រឿងឧបភោគបរិភោគ និងទំនិញខូចគុណភាព និងហួសកាលបរិច្ឆេតប្រើប្រាស់។ លោក ផឹង និល ប្រធានសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ បានថ្លែងថា សកម្មភាពចុះត្រួតពិនិត្យនៅផ្សារជីភូ នាព្រឹកនេះ មន្ត្រីជំនាញយើងបានពិនិត្យគ្រឿងឧបភោគ បរិភោគនៅតាមស្តង់ក្នុងផ្សារតាំងលក់ទំនិញ និងបានប្រើប្រាស់ឧបករណ៍ធ្វើ Test Kitsបឋមលើម្ហូបអាហារចំនួន៣៣គំរូដើម្បីស្វែងរកសារធាតុគីមី ហាមឃាត់ដែលធ្វើអោយប៉ះពាល់ដល់សុខភាពប្រជាពលរដ្ឋ។ លោកផឹង និលបានបញ្ជាក់ថាជាលទ្ធផលក្រោយពីការអនុវត្តការងារមន្ត្រីជំនាញបានរកឃើញទំនិញខូចគុណភាព និងហួសកាលបរិច្ឆេតប្រើប្រាស់៦មុខ មានដូចជាទឹកដោះគោ១៦កំប៉ុង តែកញ្ចបប់ចំនួន២៣កញ្ចប់ ថ្នាំដុសធ្មេញចំនួន៧ប្រអប់ ទឹកក្រូចម៉ាក  7up ចំនួច១២កំប៉ុង និងខ្ទឹមស ១កញ្ចប់ស្មើនឹង៥kg (ខូចគុណភាព) ងៀតបបែលចំនួន២kg (មានសារធាតុគីមីborax) ហើយមន្ត្រីជំនាញបានធ្វើកំណត់ហេតុដកហូតទំនិញទាំងនោះ យកមករក្សាទុកដើម្បីធ្វើការដុតកម្ទេចចោលនៅពេលក្រោយ។ លោក ផឹង និល បានបញ្ជាក់ថា មន្ត្រីសាខាការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ និងមន្ទីរពាណិជ្ជកម្មខេត្ត…

ខេត្តព្រះវិហារ៖ អភិបាលខេត្តព្រះវិហារ និងជាប្រធានគណៈកម្មការគ្រប់គ្រងដីរដ្ឋ ថ្នាក់ខេត្ត លោក ប្រាក់ សុវណ្ណ បានជំរុញដល់មន្ត្រីមូលដ្ឋានទាំងនោះ ដោយធ្វើឡើងកាលពីថ្ងៃទី៤ មិថុនា ឆ្នាំ២០២០ គ្រាដែលលោកអភិបាលខេត្ត បានអញ្ជើញជាគណៈអធិបតី ក្នុងពិធីចាប់ឆ្នោត ដើម្បីទទួលបានបណ្ណកម្មសិទ្ធិដីកសិកម្ម ដែលរាជរដ្ឋាភិបាល បានផ្តល់ជូនប្រជាពលរដ្ឋ តាមរយៈអាជ្ញាធរខេត្ត នៅក្នុងជំហ៊ានទី២ ស្ថិតនៅក្នុងភូមិធម្មជាតិ សម្តេចតេជោ ឃុំស្រអែម ស្រុកជាំក្សាន្ត ខេត្តព្រះវិហារ។ អភិបាលខេត្តព្រះវិហារ លោក ប្រាក់ សុវណ្ណ បានមានប្រសាសន៍ថា ប្រជាពលរដ្ឋដែលបានមកចូលរួមចាប់ឆ្នោត ទទួលយកដីកសិកម្មពី រាជរដ្ឋាភិបាល តាមរយៈអាជ្ញាធរខេត្ត នៅក្នុងពេលនេះ មានចំនួន ២០៩គ្រួសារ ដែលជាការចាប់ឆ្នោតនៅក្នុងជំហ៊ានទី២។ លោកបានបន្តថា ផ្ទៃដីកសិកម្មក្នុងទំហំ២ហិចតា ដែលបានប្រគល់ជូនប្រជាពលរដ្ឋនៅក្នុងពេលនេះ គឺផ្តើមចេញពី អនុក្រឹត្យលេខ ០២ អនក្រ.បក ចុះថ្ងៃទី៦មករាឆ្នាំ២០១៦ ស្តីពីការកំណត់តំបន់សហគមន៍ ស្ថិតក្នុងតំបន់ដែនជម្រកសត្វព្រៃគូលែន-ព្រហ្មទេព លើផ្ទៃដីក្នុងទំហំ ៥ពាន់ហិកតា នៃប្រជាពលរដ្ឋ សរុប ១ពាន់ ៤៥គ្រួសារ ស្ថិតនៅក្នុងភូមិសាស្ត្រ ឃុំយាង…

កិច្ចប្រជុំគណៈកម្មាធិការសម្របសម្រួលពង្រឹង និងពង្រីកកិច្ចសហប្រតិបត្តិការ អន្តរជាតិ បានធ្វើឡើងនៅព្រឹកថ្ងៃទី០៥ ខែមិថុនា ឆ្នាំ២០២០ ក្រោមអធិបតីភាព ឯ ឧ សុខ ប្រសិទ្ធិ រដ្ឋលេខាធិការ ក្រសួងព័ត៌មាន និងជាប្រធានគណៈកម្មាធិការសម្របសម្រួលពង្រឹង និង ពង្រីកកិច្ចសហប្រតិបត្តិការ អន្តរជាតិ។ កិច្ចប្រជុំនេះក៏មានការអញ្ជើញចូលរួមពីថ្នាក់ដឹកនាំ អគ្គនាយកដ្ឋានទាំង៥ នៃក្រសួង ព័ត៌មាន ដោយបានធ្វើការពិនិត្យពិភាក្សាគ្នាលើការងារនៃកិច្ចសហការជាអន្តរជាតិ មួយចំនួន ដែលក្រសួង បានធ្វើក្នុងពេលកន្លងមក ជាលក្ខណទ្វេរភាគី និងពហុភាគី ទាំងនៅក្នុងតំបន់ ក៏ដូច ជានៅក្នុងពិភពលោក ព្រមជាមួយនឹងការពិនិត្យលើបញ្ហាមួយចំនួន នៃកិច្ចសហការ ទំនាក់ទំនងអន្តរជាតិ រួមជាមួយអនុស្សរណៈនៃកិច្ចសហការថ្មីជាមួយប្រទេសចំនួន ៣ទៀត ឡាវ មីយ៉ាន់ម៉ា និងប្រទេសរុស្ស៊ី ។ ឯ ឧ សុខ ប្រសិទ្ធិ ដែលជាប្រធានអង្គប្រជុំ បានជំរុញលើកទឹកចិត្តដល់គ្រប់ផ្នែកពាក់ ព័ន្ធទាំងអស់ នៅក្នុងគណៈកម្មាធិការ សម្របសម្រួលពង្រឹង និងពង្រីកកិច្ចសហប្រតិបត្តិការ អន្តរជាតិ ត្រូវធ្វើយ៉ាងណាយកចិត្តទុកដាក់ នៅក្នុងការកំណត់តូនាទីភារកិច្ចការងារច្បាស់ លាស់តាមផែនរបស់ខ្លួន តាមរយៈការរួមសហការសាមគ្គីភាពគ្នា ដើម្បីផលប្រយោជន៍រួម…

ភ្នំពេញ៖ បុរសម្នាក់ត្រូវក្រុមចោរលួចគាស់ផ្ទះលួចយកម៉ូតូមួយគ្រឿងទៅបាត់ដោយ សុវត្ថិភាព ហើយត្រូវម្ចាស់ម៉ូតូតាមរកតាម រយៈGPS បង្ហាញនៅក្នុងទឹកដីខណ្ឌមានជ័យ បង្កឲ្យមានការភ្ញាក់ផ្អើលកាលពីវេលា ម៉ោង ១០ព្រឹក  ព្រឹកថ្ងៃទី០៥ ខែមិថុនា ឆ្នាំ២០២០នេះ ភូមិឬស្សី សង្កាត់ស្ទឹងមានជ័យទី២ ខណ្ឌមានជ័យ។ ម្ចាស់ម៉ូតូមានឈ្មោះ លន់ អេង អាយុ៣៥ឆ្នាំ មុខរបរ លក់ដូរ មានទីលំនៅនៅបន្ទប់ជួល ភូមិជង្រុក សង្កាត់ត្រពាំងក្រសាំង ខណ្ឌពោធិ៍សែនជ័យ ។ ប្រភពព័ត៌មានពីម្ចាស់ម៉ូតូបានឲ្យដឹងថា គាត់បានទុកក្នុងបន្ទប់ផ្ទះជួលកន្លែងលក់ដូរហើយគាត់បានទៅសម្រាកផ្ទះផ្សេងមួយទៀត លុះដល់ប្រហែលម៉ោង ៥ព្រឹកគាត់មកបើកតូបលក់ដូរ ស្រាប់តែឃើញទ្វាចំហ និងបាត់ ម៉ូតូមួយគ្រឿងម៉ាកហុងដាឌ្រីម ពណ៌ខ្មៅ ពាក់ស្លាកលេខភ្នំពេញ 1HV-5342 ។ ក្រោយពេលកើតហេតុគាត់បានទៅដាក់ ពាក្យបណ្ដឹងនៅប៉ុស្ដិ៍ និងបានជិះតាមរកតាមរយៈប្រព័ន្ធGPS បានបង្ហាញមកក្នុងខណ្ឌមានជ័យ ទើបម្ចាស់ម៉ូតូបានសុំឲ្យ កម្លាំងប៉ុស្ដិ៍នគរបាលស្ទឹងមានជ័យទី២ ជួយសហការឆែករកម៉ូតូ ប៉ុន្ដែរកមិនឃើញសមត្ថកិច្ចក៏រំសាយត្រលប់ទៅប៉ុស្ដិ៍វិញ ដើម្បីណែនាំឲ្យម្ចាស់ទៅឲ្យសមត្ថកិច្ចកន្លែងកើត ហេតុចាត់ការស្រាវជ្រាវកំណត់មុខសញ្ញាជនសង្ស័យតែម្ដង៕ ដោយ ៖ បញ្ញា …

ភ្នំពេញ៖ យើងជឿជាក់ថា ភាពជាដៃគូនេះ នឹងផ្តល់ឱ្យអ្នករាល់គ្នាកាន់តែមានសេរីភាពក្នុងការទិញទំនិញ និងសេវាកម្មកាន់តែប្រសើរឡើង ។ ការទូទាត់ការចំណាយដោយប្រើប្រាស់ QR កូដ កំពុងតែមានប្រជាប្រិយពាសពេញពិភពលោក ដោយសារតែមានភាពងាយស្រួល និងសុវត្ថិភាព។ ការថ្លែងបែបនេះត្រូវបានលោក ម៉ានូ រ៉ាចាន់ អគ្គនាយកនៃធនាគារឯកទេសវីង ធ្វើឡើងក្នុងឱកាសដែលធនាគារឯកទេសវីង (ខេមបូឌា) លីមីតធីត និងក្រុមហ៊ុន អ៊ីអន ម៉ល (ខេមបូឌា) ខូអិលធីឌី  ដែលជាផ្សារទំនើបឈានមុខគេ និងធំជាងគេបំផុតនៅកម្ពុជាបានចុះហត្ថលេខាលើភាពជាដៃគូ ដើម្បីផ្តល់នូវការទិញទំនិញ និងសេវាកម្មប្រកបដោយភាពងាយស្រួល ដោយមិនចាំបាច់ប្រើប្រាស់ក្រដាស់ប្រាក់ដល់អតិថិជននៅផ្សារទំនើប អ៊ីអន ម៉ល ទាំង២ទីតាំង នៅព្រឹកថ្ងៃទី០៥ ខែមិថុនា ឆ្នាំ២០២០។ លោកអគ្គនាយកបន្តថា តាមរយៈភាពជាដៃគូថ្មីនេះ អតិថិជននៅផ្សារទំនើប អ៊ីអន ម៉ល អាចទៅទិញទំនិញ និងផលិតផលផ្សេងៗដោយមិនចាំបាច់កាន់ក្រដាស់ប្រាក់ឡើយ គឺគ្រាន់តែប្រើម្រាមដៃចុចលើស្មាតហ្វូន ដែលមានគណនីវីង នោះ នឹងទទួលបាននូវបទពិសោធន៍នៃការទិញឥវ៉ាន់ប្រកបដោយសុវត្ថិភាព ព្រមទាំងទាន់សម័យ ។ អតិថិជនអាចស្កេន QRកូដ នៅឯបញ្ជរគិតលុយដើម្បីធ្វើប្រតិបត្តិការភ្លាមៗតែម្តង។ លោក ត្ស៊ុបុយ៉ា ម៉ាសាយុគិ អគ្គនាយក…

ព្រៃវែង៖ នៅរសៀលថ្ងៃទី៤ ខែមិថុនា ឆ្នាំ២០២០ រដ្ឋបាលខេត្តរួមជាមួយនឹងសាខាកាកបាទក្រហមកម្ពុជាខេត្តព្រៃវែង រួមជាមួយសហការី អនុសាខាស្រុក និងអ្នកស្ម័គ្រចិត្ត បាននាំយកសម្ភារៈ និងបច្ច័យ ចូលរួមរំលែកទុក្ខយ៉ាងក្រៀមក្រំបំផុតជាមួយក្រុមគ្រួសារសពដែលរងគ្រោះដោយបាក់របងសង្កត់លើស្លាប់នៅភូមិសំនយ ឃុំសេនារាជឧត្តម ស្រុកព្រះស្តេច ខេត្តព្រៃវែង។ នាឱកាសនោះដោយសែនក្រៀមក្រំនោះ លោកស្រីនាយិកាសាខា បានពាំនាំនូវប្រសាសន៍សាកសួរសុខទុក្ខពីសំណាក់ ឯកឧត្តម ជា សុមេធី ប្រធានគណ:កម្មាធិកាសាខា ពិសេសសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ចូលរួមសោកស្តាយ និងរំលែកទុក្ខយ៉ាងក្រៀមក្រំជាមួយ ក្រុមគ្រួសារសព ដែលត្រូវបាត់បង់កូន និងចៅជាទីស្រលាញ់ស្មើកែវភ្នែកនេះផងដែ។ សូមបញ្ជាក់ថា៖ ចំពោះករណីនេះកើតឡើងនៅម៉ោង១៣ៈ០០នាទីនៅចំណុចផ្ទះល្វែងជាន់ផ្ទាល់ដី (កំពុងសាងសង់ថ្មី) ខាងកើតវត្តឬស្សីសាញ់ ខ័ណ្ឌដង្កោ ក្រុងភ្នំពេញ កាលពីថ្ងៃទី៣ ខែមិថុនា ឆ្នាំ២០២០ កន្លងទៅនេះ បណ្តាលអោយស្លាប់កុមារចំនួន ៣នាក់៖  ១/ឈ្មោះ ឆេង ញ៉ ភេទប្រុសអាយុអាយុ៧ឆ្នាំ , ២/ ឈ្មោះ ឆេង ចំរើន ភេទស្រីអាយុ២ឆ្នាំ, ៣/ ឈ្មោះ…

ភ្នំពេញ៖ លោកវរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ បានឲ្យដឹងនៅព្រឹកថ្ងៃទី៥ ខែមិថុនា ឆ្នាំ២០២០នេះ កម្លាំងប៉ុស្តិ៍នគរបាលរដ្ឋបាលគោកឃ្លាង ឃាត់ខ្លួនជនសង្ស័យម្នាក់ពាក់ព័ន្ធករណីប្រើប្រាស់ដោយខុសច្បាប់នូវសារធាតុញៀន នៅចំណុចតាមផ្លូវលំ ភូមិរោងចក្រ សង្កាត់គោកឃ្លាង ខណ្ឌសែនសុខ ។ ជនសង្ស័យឈ្មោះ ស្រេង វណ្ណៈ ភេទប្រុស អាយុ២២ឆ្នាំ ជនជាតិខ្មែរ មុខរបរជាងដែក ស្នាក់នៅផ្ទះជួល ភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ (ពិនិត្យទឹកនោម) ។ បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕ ដោយ៖ ភារ៉ា និង ប៊ុនធី

ភ្នំពេញ៖ យោងតាមរបាយការណ៍របស់លោក វរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ បានឲ្យដឹងនៅព្រឹកថ្ងៃទី៥ ខែមិថុនា ឆ្នាំ២០២០នេះ កម្លាំងប៉ុស្តិ៍នគរបាលរដ្ឋបាលក្រាំងធ្នង់ បានឃាត់ខ្លួនជនសង្ស័យម្នាក់ ករណីប្រើប្រាស់ដោយខុសច្បាប់នូវសារធាតុញៀន នៅចំណុចតាមផ្លូវបេតុង ភូមិក្រាំងអង្ក្រង សង្កាត់ក្រាំងធ្នង់ ខណ្ឌសែនសុខ ។ ជនសង្ស័យ ឈ្មោះ យឹង ប៊ុនរ៉ង ភេទប្រុស អាយុ២៨ឆ្នាំ ជនជាតិខ្មែរ មុខរបរគ្មាន ស្នាក់នៅមិនពិតប្រាកដ (ពិនិត្យទឹកនោម) ។ បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕ដោយ៖ ភារ៉ា និង ប៊ុនធី