នៅទីស្ដីការក្រសួងមហាផ្ទៃ នាព្រឹកថ្ងៃពុធ ទី០៣ ខែមិថុនា ឆ្នាំ២០២០ ក្រសួងមហាផ្ទៃ បានរៀបចំកិច្ចប្រជុំអន្ដរក្រសួងបន្តពិនិត្យ និងពិភាក្សាលើសេចក្ដីព្រាងច្បាប់ស្ដីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម ក្រោមអធិបតីភាព ឯកឧត្តម នាយឧត្តមសេនីយ៍ សន្តិបណ្ឌិត ម៉ៅ ច័ន្ទតារា រដ្ឋលេខាធិការក្រសួងមហាផ្ទៃ និងជាអនុប្រធានក្រុមការងារទី១ តំណាងលោកជំទាវ ចាន់ សុទ្ធាវី រដ្ឋលេខាធិការក្រសួងយុត្តិធម៌ និងជាប្រធានក្រុមការងាររៀបចំតាក់តែងសេចក្តីព្រាងច្បាប់ស្ដីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម ដោយមានការអញ្ជើញចូលរួមពី ឯកឧត្តម ប៊ុន ហុន រដ្ឋលេខាធិការក្រសួងមហាផ្ទៃ និងជាអនុប្រធានក្រុមការងារទី២ និងឯកឧត្តម ឡាំ ជា រដ្ឋលេខាធិការក្រសួងមហាផ្ទៃ និងជាអនុប្រធានក្រុមការងារទី៣ សមាជិក សមាជិកាក្រុមការងារ តំំណាងក្រសួង ស្ថាប័នពាក់ព័ន្ធ និងអ្នកជំនាញផ្នែកច្បាប់ ព្រមទាំងមន្រ្តីពាក់ព័ន្ធជាច្រើនរូបផងដែរ។ នៅក្នុងឱកាសនោះ ឯកឧត្តម នាយឧត្តមសេនីយ៍ សន្តិបណ្ឌិត មានប្រសាសន៍ថា កិច្ចប្រជុំលើកទី២នេះ នឹងបន្តពិនិត្យពិភាក្សា និងកែសម្រួលលើខ្លឹមសារនៃសេចក្ដីព្រាងច្បាប់ស្ដីពីអត្រានុកូលដ្ឋាន ស្ថិតិអត្រានុកូលដ្ឋាន និងអត្តសញ្ញាណកម្ម ដើម្បីស្វែងរកយោបល់ជាធាតុចូលរួមក្នុងការបន្តនីតិវិធីរៀបចំសេចក្តីព្រាង ច្បាប់នេះឲ្យមានដំណើរការឆាប់រហ័ស និងប្រកបដោយភាពត្រឹមត្រូវស្របតាមបទដ្ឋានគតិយុត្តនៃច្បាប់។…

ភ្នំពេញ៖ កម្ពុជា-ទីម័រឡេស្តេ បានបង្ហាញគោលបំណងស្របគ្នាក្នុងការពង្រីកកិច្ចសហប្រតិបត្តិការលើវិស័យទេសចរណ៍ ក្នុងនោះភាគីកម្ពុជាក៏បានជំរុញឱ្យភាគីទីម័រឡេស្តេពន្លឿនការចុះហត្ថលេខាលើអនុស្សរណៈនៃការយោគយល់គ្នាស្ដីពី កិច្ចសហប្រតិបត្តិការលើវិស័យទេសចរណ៍រវាងប្រទេសទាំងពីរផងដែរ ខណៈអនុស្សរណៈនេះត្រូវបានផ្ដួចផ្ដើមជាយូរមកហើយ តែមិនទាន់បានចុះហត្ថលេខា។ ការបង្ហាញគោលបំណង និងការលើកសំណើនេះត្រូវបានធ្វើឡើងក្នុងជំនួបពិភាក្សាការងាររវាងលោក ថោង ខុ ន រដ្ឋមន្ត្រីក្រសួងទេសចរណ៍ ជាមួយលោក  Ermeneglido Kupa Lopes ឯកអគ្គរដ្ឋទូតទីម័រឡេស្តេប្រចាំកម្ពុជា នារសៀលថ្ងៃទី០៣ ខែមិថុនា ឆ្នាំ២០២០ នៅទីស្ដីការក្រសួងទេសចរណ៍។ លោកឯកអគ្គរដ្ឋទូត Kupa បានបញ្ជាក់ថា ប្រជាជនទីម័រច្រើនណាស់ដែលមានគម្រោងមកលេងផ្ទះមិត្តកម្ពុជា ព្រោះកម្ពុជាបានគាំទ្រប្រទេសពួកគេឱ្យទទួលបានឯករាជ្យ និងតែងតែគាំទ្រឱ្យទីម័រឡេស្តេចូលជាសមាជិកទី១១របស់អាស៊ាន ប៉ុន្តែដោយសារកើតវិបត្តិកូវីដនេះមក ពួកគេក៏រំសាយគម្រោងសិនទៅ ប៉ុន្តែនៅពេលចប់វិបត្តិកូវីដទូទាំងពិភពលោកហើយ ប្រហែលនឹងមានប្រជាជនទីម័រមកទស្សនាកម្ពុជាច្រើន។ ដូច្នេះហើយបានជាស្ថានទូតទីម័រឡេស្តេចង់ឱ្យមានកិច្ចសហប្រតិបត្តិការលើវិស័យទេសចរណ៍ ជាមួយមិត្តកម្ពុជាឱ្យកាន់តែទូលំទូលាយ។ លោករដ្ឋមន្ត្រី ថោង ខុន បានបង្ហាញការស្វាគមន៍ចំពោះសំណើរបស់លោកឯកអគ្គរដ្ឋទូត Kupa ពីព្រោះប្រការនេះក៏ស្របទៅនឹងគំនិតរបស់លោកដែរ ដែលតែងតែចង់ពង្រីកកិច្ចសហប្រតិបត្តិការជាមួយប្រទេសដទៃឱ្យបានកាន់តែច្រើន និងកាន់តែរឹងមាំ តួយ៉ាងកម្ពុជា-ទីម័រឡេស្ដេ មុននិងក្រោយក៏គង់តែក្លាយជាបងប្អូនរួមតំបន់តែមួយ។ ចំពោះបំណងប្រាថ្នារបស់ប្រជាជនមិត្តទីម័រដែលចង់មកទស្សនាកម្សាន្តនៅប្រទេសកម្ពុជា ក៏លោករដ្ឋមន្ត្រី ថោង ខុន បង្ហាញការស្វាគមន៍យ៉ាងពេញចិត្ត ខណៈកម្ពុជាបាននិងកំពុងខិតខំរៀបចំឱ្យកាន់តែល្អប្រសើរ ដើម្បីត្រៀមខ្លួនទទួលការវិលត្រលប់របស់ភ្ញៀវទេសចរអន្តរជាតិ នៅពេលក្រោយចប់វិបត្តិកូវីដនៅទូទាំងពិភពលោក ដល់ពេលនោះកម្ពុជានឹងរង់ចាំស្វាគមន៍មិត្តទីម័រប្រកបដោយភាពកក់ក្ដៅ។ ជាមួយគ្នានោះ លោករដ្ឋមន្ត្រី…

ខេត្តក្រចេះ៖ ពលរដ្ឋប្រុស ស្រី ប្រមាណជាង៤០នាក់ សុទ្ឋសឹងមានទីលំនៅក្នុងស្រុកស្នួល បានបន្តលើកគ្នាមកតវ៉ានៅមុខសាលាខេត្ត ដើម្បីស្នើរឲ្យអាជ្ញាធរដោះលែងមនុស្ស៣នាក់វិញ ដែលពួកគាត់ថា ជាអ្នកភូមិរបស់គាត់ហើយក៏ត្រូវបានអាជ្ញាធរមានសមត្ថកិច្ចបចាប់ខ្លួន ក្នុងបទល្មើសអាជីវកម្មរ៉ែខុសច្បាប់កាលពី ថ្ងៃទី១ ខែមិថុនា។ គិតមកទល់នឹងថ្ងៃទី៣ ខែមិថុនានេះ គឺមានរយៈពេល៣ថ្ងៃហើយ ដែលពលរដ្ឋទាំង ចំនួនជាង៤០នាក់ សុទ្ឋសឹងតែមានទីលំនៅភូមិថ្នល់ ឃុំស្វាយជ្រះ ស្រុកស្នួល បានបន្តលើក គ្នាមកតវ៉ានៅមុខសាលាខេត្តក្រចេះ ស្នើឲ្យអាជ្ញាធរដោះលែងអ្នកភូមិរបស់ពួកគាត់។ មនុស្សចំនួន៣នាក់ ដែលត្រូវអាជ្ញាធរមានសមត្ថកិច្ចចាប់ខ្លួន ក្នុងប្រតិបត្តចុះបង្រ្កាបទី តាំងធ្វើអាជីវកម្មរ៉ែខុសច្បាប់ ដែលបានធ្វើឡើងកាលពីថ្ងៃទី១ ខែមិថុនា កន្លងទៅនេះ មាន១៖ ឈ្មោះ ឡាច គឹមហេង អាយុ៥៧ឆ្នាំ, ទី២៖ ឈ្មោះ ឡាច គឹមហ៊ង អាយុ៤៧ឆ្នាំ និងទី៣៖ ឈ្មោះ អឿង សេង អាយុ៥៣ឆ្នាំ រស់នៅភូមិថ្នល់ ឃុំស្វាយជ្រះ ស្រុកស្នួល ខេត្តក្រចេះ។ក្រុមមនុស្សទាំង៣នាក់ ក្រោយការឃាត់ខ្លួន ត្រូវបានអាជ្ញាធរជំនាញ បញ្ជូនខ្លួនទៅ តុលាការដើម្បីបន្តនីតិវិធី។…

ខេត្តរតនគិរី៖ ខេត្តរតនគិរី គឺជាខេត្តនៅចុងកាត់មាត់ញកមួយ នៃភូមិភាគឥសាន្ត និងក៏ជាខេត្តដែលធ្លាប់រងគ្រោះ ដោយគ្រោះធម្មជាតិ ទឹកជំនន់ និងខ្យល់កន្ត្រាក់យ៉ាងធ្ងន់ធ្ងរ នាឆ្នាំកន្លងៗទៅ។ រីឯ បន្ទុកដ៏ធ្ងន់ធ្ងរនេះ បានធ្លាក់មកលើរាជរដ្ឋាភិបាល និងកាកបាទក្រហមកម្ពុជា និងនៅថ្ងៃទី២ មិថុនាម្សិលមិញ អាជ្ញាធរខេត្តរតនគិរី បាននាំយកអំណោយដ៏ថ្លៃថ្លា របស់ប្រធានកាកបាទក្រហមកម្ពុជា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ទៅឧបត្ថម្ភដល់ប្រជាពលរដ្ឋងាយរងគ្រោះ ៥០គ្រួសារ ដែលជាជនចាស់ជរា និងមានជីវភាពទីទ័លក្រ មកពីឃុំចំនួន៣ គឺ ឃុំលុងឃុង ឃុំឡាមិញ និងឃុំកក់ ស្ថិតក្នុងស្រុកបរកែវ ខេត្តរតនគិរី។ អភិបាលរង នៃគណៈអភិបាលខេត្តរតនគិរី លោក គិត ទ្រី បានមានប្រសាសន៍ថា ខេត្តរតនគិរី គឺជាខេត្តមួយដែលធ្លាប់រងគ្រោះ ដោយសារទឹកជំនន់ ខ្យល់កន្ត្រាក់ និងគ្រោះធម្មជាតិនានាទៀតផងដែរ។ ដូច្នេះ ជានិច្ចកាល សម្តេចនាយករដ្ឋមន្ត្រី ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន…