ភ្នំពេញ៖ អគារកម្ពស់៤៥ជាន់ ជីប ម៉ុង ថៅវើ វិនិយោគក្នុងទំហំទឹកប្រាក់អស់ប្រមាណជិត២០០លានដុល្លារ និងសម្រេចការសាងសង់បាន៣៩ភាគរយ ហើយអគារដ៏ខ្ពស់នេះគ្រោងនឹងដាក់ឲ្យដំណើរការក្នុងឆ្នាំ២០២២ខាងមុខ ។ លោក Simon Dell អគ្គនាយករងជាន់ខ្ពស់ផ្នែកសណ្ឋាគារ និងបដិសណ្ឋារកិច្ចនៃក្រុមហ៊ុន ជីប ម៉ុង បានបញ្ជាក់ថា អគារ ជីប ម៉ុង ថៅវើ ត្រូវបានសាងសង់លើផ្ទៃដីទំហំ៨០០០ម៉ែត្រការ៉េ ដែលមានតម្លៃ៥០លានដុល្លារ និងតួអគារទាំងមូលដែលមានផ្ទៃជាង១០ម៉ឺនម៉ែត្រការ៉េ ត្រូវបានវិនិយោគក្នុងទំហំទឹកប្រាក់ប្រមាណ១៥០លានដុល្លារ និងមានចំនួន៤៥ជាន់។ ក្នុងនោះ ២០ជាន់ជាសណ្ឋាគារលំដាប់ផ្កាយបី Fairfield by Marriott Phnom Penh, ១០ជាន់សម្រាប់ការិយាល័យ, ៥ជាន់សម្រាប់មណ្ឌលផ្សារទំនើប ជីប ម៉ុង, ៩ជាន់សម្រាប់ចំណតរថយន្ត និងជាន់ក្រោមដី។ លោក Michael Vong នាយកផ្នែកមណ្ឌលផ្សារទំនើបរបស់ក្រុមហ៊ុន ជីប ម៉ុង រីថែល បានបញ្ជាក់ថាមណ្ឌលផ្សារទំនើប ជីប ម៉ុង ដែលនឹងមានវត្តមានក្នុងអគារ ជីប ម៉ុង ថៅវើ នឹងមានផលិតផលផ្សេងៗជាច្រើន…

ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់  និងជាប្រធានគណៈកម្មការរៀបចំទីតាំងគម្រោងសាងសង់អាកាសយានដ្ឋានអន្តរជាតិភ្នំពេញថ្មី នៅថ្ងៃទី៣ មិថុនានេះ បានអញ្ជើញ ចុះពិនិត្យវឌ្ឍនភាពនៃការសាងសង់អាកាសយានដ្ឋានអន្តរជាតិភ្នំពេញថ្មី ដែលមានទីតាំងស្ថិតនៅក្រុងតាខ្មៅ និងស្រុក កណ្ដាលស្ទឹង ខេត្តកណ្ដាល និងស្រុកបាទី ខេត្តតាកែវ៕ធ.ដ

ភ្នំពេញ៖ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រធានគណៈកម្មធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ នាព្រឹកថ្ងៃទី០៣ ខែមិថុនា ឆ្នាំ២០២០ បានអញ្ជើញប្រកាសផ្សព្វផ្សាយ និងដាក់ឲ្យដំណើរការមន្ទីរសុខាភិបាលនៃរាជធានី-ខេត្ត នៅទីស្តីការក្រសួងមហាផ្ទៃ។សម្តេចក្រឡាហោម ស ខេង មាន ប្រសាសន៍ ថា រាជរដ្ឋាភិបាលផ្ទេរថវិកាប្រមាណ១៦៦លានដុល្លារ ទៅឲ្យរដ្ឋបាល រាជ ធានី-ខេត្ត សម្រាប់គ្រប់គ្រង និងចាត់ចែង ប្រើប្រាស់លើការអនុវត្តមុខងារសេវាសុខាភិបាល ក្នុងដែនសមត្ថកិច្ចរបស់ខ្លួន។ ក្នុងពិធីប្រកាសផ្សព្វផ្សាយ និងដាក់ឲ្យដំណើរការ មន្ទីរសុខាភិបាលនៃរដ្ឋបាល រាជធានី-ខេត្ត នេះដែរ សម្ដេចមានប្រសាសន៍ទៀតថា បន្ទាប់ពីរាជរដ្ឋាភិបាលដាក់ចេញនូវអនុក្រឹត្យ ស្តីពី ការប្រគល់មុខងារគ្រប់គ្រង និងផ្តល់សេវាសុខាភិបាលទៅឲ្យរដ្ឋបាលរាជធានី-ខេត្ត ចុងឆ្នាំ២០១៩កន្លងមក ទោះបីកម្ពុជា កំពុងជួបនូវស្ថានភាពលំបាក ដោយសារការរីករាលដាលនៃ ជំងឺកូវីដ-១៩ ដែលតម្រូវឲ្យភាគី ព័ន្ធទាំងអស់ អនុវត្តវិធានការនានា ដើម្បីការពារទប់ស្កាត់ពីការឆ្លងជំងឺ កូវីដ-១៩។ សម្ដេចក្រឡាហោម បន្ដថា ផ្អែកតាមរបាយការណ៍ ក្នុងរយៈពេលប៉ុន្មានខែ ដើមឆ្នាំ២០២០នេះ ភាគីពាក់ព័ន្ធ បានរួមគ្នារៀបចំលិខិតបទដ្ឋានគតិយុត្ត និងបានអនុវត្តន៍កិច្ចការអាទិភាពចាំបាច់ មួយចំនួន…

“សំឡូត” គឺជាឈ្មោះស្រុកមួយ ក្នុងចំណោមស្រុក-ក្រុងទាំង១៤ របស់ ខេត្តបាត់ដំបង ស្ថិតនៅភាគខាងត្បូង ទីប្រជុំជនខេត្តបាត់ដំបង និងមានចម្ងាយផ្លូវ ប្រមាណជាង ៨៥គ.ម ចេញពីទីរួមខេត្តទៅដល់ទីប្រជុំជនស្រុក។ “សំឡូត” មានទីតាំងស្ថិតនៅភាគខាងត្បូងទីរួមខេត្តបាត់ដំបង។អ្នកទេសចរណ៍អាចធ្វើដំណើរទៅកាន់តំបន់នេះតាមផ្លូវជាតិលេខ៥៧ដោយឆ្លងកាត់ចូលតាមផ្លូវបំបែកនៅខាងឆ្វេងដៃ នៃ ទីប្រជុំជនភូមិភ្ជាវ ឃុំផ្លូវមាស ស្រុករតនមណ្ឌល លើកំណាត់ផ្លូវកៅស៊ូ លេខ៥៧.៧ ដើម្បីឆ្ពោះទៅស្រុកសំឡូត ដោយប្រើរយៈពេលប្រមាណពី១ម៉ោងកន្លះ ទៅ ២ម៉ោង ទើបដល់គោលដៅស្រុក។ស្រុកនេះមានភូមិសាស្ត្រខាងជើងជាប់ ខេត្តប៉ៃលិន និងស្រុករតនមណ្ឌល។ខាងត្បូងជាបស្រុកវាលវែង ខេត្តពោធិសាត់។ ខាងកើត ជាប់ស្រុកគាស់ក្រឡ និងខាងលិចជាប់និងស្រុកបររ៉ៃ ខេត្តត្រាត ប្រទេសថៃ ។ បើតាមការគូសបញ្ជាក់ពីលោក សើ សាម៉េត អភិបាលស្រុកសំឡូត ខេត្តបាត់ដំបង បានឲ្យដឹងថា៖ក្រោមគោលនយោបាយឈ្នះ ឈ្នះ របស់សម្តេចអគ្គមហាសេនាបតី តេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាទឹកដីស្រុកសំឡូត បានប្រែក្លាយពីសមរភូមិប្រយុទ្ធដ៏ក្តៅគគុកនៅក្នុងអំឡុងសម័យសង្គ្រាមស៊ីវិលរវាងខ្មែរនិងខ្មែរ បានធ្វើឲ្យទឹកដីនៅទីនេះជាផ្ទៃដីដាំដុះដំណាំកសិកម្មដ៏សម្បូរណ៍បែបច្រើនមុខ មកជំនួសនូវគ្រាប់មីននិងគ្រាប់យុទ្ធភ័ណ្ឌមិនទាន់ផ្ទុះ ថែមទាំងធ្វើឲ្យទឹកដីនៃស្រុកសំឡូតនេះ ក្លាយជាតំបន់កសិ-ទេសចរណ៍ដ៏មានសក្តានុពល និង កំពុងតែពេញនិយម សំរាប់ការកំសាន្តរបស់ភ្ញៀវទេសចរក្នុងស្រុក និង…

ភ្នំពេញ៖ អេស៊ីលីដាយូនីធីទាន់ចិត្ត គឺជាប្រព័ន្ធឌីជីថល (បច្ចេកវិជ្ជាព័ត៌មានហិរញ្ញវត្ថុ) មួយប្រភេទដែលអនុញ្ញាតឱ្យអតិថិជន និងសាធារណជន ទូទៅ ដែលធ្លាប់ ឬមិនធ្លាប់ប្រើសេវាធនាគារពីមុនមក អាចធ្វើប្រតិបត្តិការសេវាធនាគារដោយខ្លួនឯង តាមរយៈទូរស័ព្ទចល័តដែលដំណើរការដោយប្រព័ន្ធ Android និង iOS ដែលមានលក្ខណៈងាយស្រួល និងសុវត្ថិភាពខ្ពស់បំផុត។ នៅថ្ងៃទី០២ ខែមិថុនា ឆ្នាំ២០២០នេះ ធនាគារ អេស៊ីលីដា ភីអិលស៊ី ជាធនាគារពាណិជ្ជ ដែលមានបណ្តាញប្រតិបត្តិការធំជាងគេនៅក្នុងព្រះរាជាណាចក្រកម្ពុជា បានចេញសេចក្តីជូនដំណឹងដល់អតិថិជន និងសាធារណជនទាំងអស់ ដើម្បីបំពេញនូវតម្រូវការ ស្របតាមយុទ្ធសាស្រ្តឌីជីថល ព្រមទាំងពង្រីកនូវវិសាលភាពការប្រើប្រាស់ប្រព័ន្ធបច្ចេកវិទ្យាលើសេវាហិរញ្ញវត្ថុ ឱ្យកាន់តែទូលំទូលាយ បន្ថែមទៀត។ ធនាគារ អេស៊ីលីដា ភីអិលស៊ី បានអភិវឌ្ឍន៍មុខងារសេវាកម្មធនាគារយ៉ាងពេញលេញ ក្នុងអេស៊ីលីដាយូនីធីទាន់ចិត្ត ដែលផ្តល់លទ្ធភាពជូនអតិថិជន និងសាធារណជន ធ្វើប្រតិបត្តិការសេវា ធនាគារគ្រប់ប្រភេទជំនួសឲ្យការធ្វើប្រតិបត្តិការនៅតាមបញ្ជរការិយាល័យ។ បណ្ឌិត អ៊ិន ចាន់នី ប្រធាននាយកប្រតិបត្តិ ធនាគារ អេស៊ីលីដា ភីអិលស៊ី បានបញ្ជាក់ថា “អស់រយៈពេល ជាង ៣ឆ្នាំ មកហើយ ដែល អេស៊ីលីដាយូនីធីទាន់ចិត្ត បានដាក់ឱ្យប្រើប្រាស់…

កណ្តាល៖ គ្រូបង្រៀនចូលនិវត្តន៍ម្នាក់នៅខេត្តកណ្តាលម្នាក់មានសំណាង ដោយបានឈ្នះនូវរង្វាន់ទឹកប្រាក់១០ម៉ឺនដុល្លារពីក្រុមហ៊ុនសែលកាត តាមរយៈការផ្ញើសារផ្សងសំណាងក្នុងកម្មវិធី ”ផ្ញើសារឈ្នះប្រាក់រង្វាន់១ម៉ឺនដុល្លារជារៀងរាល់ថ្ងៃ” ប៉ុណ្ណោះ។ អតីតគ្រូ បង្រៀន ចូលនិវត្តន៍ដែលបានឈ្នះប្រាក់រង្វាន់រូបនេះមានឈ្មោះ លោក យូ វ៉េងគី សព្វថ្ងៃរស់នៅភូមិព្រែកបាឡាត់ឆឹង ឃុំត្រើយឆ្លា ស្រុកស្អាង ខេត្តកណ្តាល ដោយតំណាងក្រុមហ៊ុនសែលកាត បានធ្វើដំណើរទៅប្រគល់ប្រាក់រង្វាន់ជូនគាត់ដល់គេហដ្ឋានតែម្តង។ គួរបញ្ជាក់ថា គិតរហូតមកដល់ពេលនេះ ក្រុមហ៊ុន សែលកាត នៅតែបន្តប្រគល់រង្វាន់ ជាបន្តបន្ទាប់គ្រប់ទូទាំងខេត្ត-ក្រុង អតិថិជនរបស់ខ្លួន។ ដើម្បីឈ្នះរង្វាន់ ១ម៉ឺនដុល្លារអាមេរិក ជារៀងរាល់ថ្ងៃ ពីក្រុមហ៊ុន សែលកាតអតិថិជនក្រុមហ៊ុនមួយនេះគ្រាន់តែ ផ្ញើសារជាអក្សរ «10K» រួចផ្ញើ ទៅកាន់លេខ «8888» ឬ ក៏ទូរសព្ទទៅកាន់លេខ «8888» នោះគេនឹងទទួលបានសារ ផ្ញើត្រឡប់មកវិញ ដោយភ្ជាប់មកជាមួយ នឹងលេខកូដសំណាង ហើយសូមរក្សា សារនោះទុក ដើម្បីផ្ទៀងផ្ទាត់៕