ភ្នំពេញ៖ ជនសង្ស័យម្នាក់ ត្រូវបានម្ចាស់រថយន្តប្រទះឃើញម្ដុំពេទ្យគន្ធបុប្ផា ក្រោយពេលធេី្វសកម្មភាពកាចកញ្ចក់រថយន្តនៅហាងកាលពីពេលយប់។ ហេតុការណ៍នេះកេីតឡេីងកាលពីវេលាម៉ោង៤និង៣០នាទីល្ងាចថ្ងៃទី០២ ខែមិថុនា ឆ្នាំ២០២០ ចំណុចរបងមន្ទីរពេទ្យគន្ធបុប្ផាតាម បណ្ដោយផ្លូវលេខ៤៧ កែងផ្លូវលេខ៩០ ក្នុងសង្កាត់ស្រះចកខណ្ឌដូនពេញរាជធានីភ្នំពេញ។ តាមប្រភពពីម្ចាស់រថយន្តបានប្រាប់ឲ្យដឹងថាកាលពីវេលា០១ និង៤០នាទីយប់ថ្ងៃទី២ ខែមិថុនា ឆ្នាំ២០២០ គាត់បានទុករថយន្តមួយគ្រឿងម៉ាកតូយូតាធុនត្រាស៊េរីឆ្នាំ២០២០ ពណ៌ខ្មៅ ពាក់ស្លាកលេខភ្នំពេញ២BH-៩១២៧ នៅខាងមុខហាងកាហ្វេរបស់គាត់ដូចសព្វដង លុះមកដល់ម៉ោងប្រហែល០២រំលងអាធ្រាត្រក៏ស្រាប់តែមានជនសង្ស័យ២នាក់ ជិះម៉ូតូមួយគ្រឿងម៉ាកហុងដាវ៉េវ ពណ៌ក្រហម មិនចាំស្លាកលេខដែលធេី្វដំណើរតាមបណ្ដាយផ្លូវលេខ១១៤ ទិសដៅពីលិចទៅកេីតខណៈមកដល់ចំណុចកើតហេតុជនសង្ស័យបានឈប់ម៉ូតូ ភ្លាមនោះជនសង្ស័យម្នាក់បានចុះពីលើម៉ូតូ និងបានធេី្វសកម្មភាពលួចឆ្កឹះកញ្ចក់រថយន្តខាងស្តាំដែរចតនៅមុខហាង។ ភ្លាមនោះម្ចាស់រថយន្តក៏ស្ទុះចេញពីក្នុងហាងដេញតាមចាប់ពីក្រោយប៉ុន្ដែតាមមិនទាន់ដោយសារជនសង្ស័យរត់ឡេីងម៉ូតូជាមួយបក្ខពួក គេចខ្លួនបាត់។ លុះដល់ម៉ោង៤ល្ងាចថ្ងៃដដែលម្ចាស់រថយន្តរួមជាមួយកម្លាំងសមត្ថកិច្ចព្រហ្មទណ្ឌ ក្រសួងមហាផ្ទៃបានជិះតាមរកជនសង្ស័យរហូតមកដល់ចំនុចរបងមន្ទីរពេទ្យគន្ធបុប្ផា ក៏ប្រទះឃេីញជនសង្ស័យម្នាក់ដែលជាអ្នកធ្វេីសកម្មភាពលួច​ និងចាប់ប្រគល់ឲ្យសមត្ថកិច្ចប៉ុស្តិ៍ផ្សារថ្មី១តែម្តង។ ក្រោយពេលកេីតហេតុកម្លាំងសមត្ថកិច្ចព្រហ្មទណ្ឌក្រសួងមហាផ្ទៃ បានប្រគល់ឲ្យប៉ុស្តិ៍នរគបាលរដ្ឋបាលផ្សារថ្មី១ ដេីម្បីកសាងសំណុំរឿងបញ្ជូនទៅកាន់តុលាការចាត់ការបន្តតាមនីតិវិធី៕ធ.ដ ដោយ៖ ទឹមរតនា

ភ្នំពេញ៖ ម៉ូតូ ២គ្រឿងបុកគ្នាស្លាប់ម្នាក់របួសធ្ងន់២នាក់ នៅខណ្ឌព្រែកព្នៅ។ ហេតុការណ៍នេះ បានកើតឡើងកាល ពីវេលាម៉ោង ៣និង៥០នាទី រសៀលថ្ងៃ ទី២ខែមិថុនា ឆ្នាំ២០២០ស្ថិតតាមបណ្តោយផ្លូវបេតុងហៅផ្លូវឡុងឈឹនក្នុងភូមិផ្សារលិចសង្កាត់ព្រែកព្នៅ ខណ្ឌ ព្រែកព្នៅ រាជធានីភ្នំពេញ ។ ជនរងគ្រោះឈ្មោះ សែម សល់ ភេទប្រុសអាយុ១៦ឆ្នាំ ស្នាក់នៅស្លែងមានជ័យឃុំឈ្វាំងស្រុកពញាឮខេត្តកណ្តាលបានស្លាប់ និងម្នាក់ទៀតហ៊ាង សុនីភេទប្រុសអាយុ១៦ឆ្នាំរបួសធ្ងន់ អ្នកទាំងពីរជាកម្មកររោងសិប្បកម្មសាគូរ៉ាក្នុងខណ្ឌឬស្សីកែវជិះម៉ូតូម៉ាកនិក ពណ៌ស ពាក់ស្លាកលេខភ្នំពេញ1IB 7579។ ជនរងគ្រោះឈ្មោះ​ ឡាំង សុីនាង ភេប្រុស អាយុជាង៣០ឆ្នាំ ស្នាក់នៅឃុំអញ្ចាញរូង​ស្រុកបរិបូណ៍​ខេត្តកំពង់ឆ្នាំ ជិះម៉ូតូម៉ាកវីវ៉ាពណ៌ខ្មៅ ពាក់ស្លាកលេខពោធិ៍សាត់1B0089។ តាមប្រភពព័ត៌មានពី កន្លែងកើតហេតុ បានឲ្យដឹងថានៅមុនពេលកេីតហេតុម៉ូតូនិចដែលជិះដោយយុវជនពីរនាក់ បានជិះពីត្បូងទៅជេីងតាមបណ្តោយផ្លូវបេតុង ឡុងឈឹន ខណៈមកដល់ចំណុចកេីតហេតុស្រាប់តែមានម៉ូតូមួយគ្រឿង ម៉ាកវីវ៉ាជិះដោយបុរសម្នាក់បានបុកគ្នាពេញទំហឹងបណ្តាល ឲ្យយុវជនម្នាក់ស្លាប់ និងពីរនាក់ទៀតរងរបួសធ្ងន់ត្រូវបានបញ្ជូនទៅមន្ទីពេទ្យ។ ក្រោយពីកេីតហេតុ សមត្ថកិច្ច មូលដ្ឋាន បានមកដល់ ចំណុចកេីតហេតុទាក់ទងជំនាញមកវាស់វែងយកម៉ូតូទាំងពីរគ្រឿងទៅការិយាល័យចរាចរណ៍រាជធានីចាត់ការតាមនីតិវិធី ឬឯសពត្រូវបានប្រគល់ឲ្យក្រុមគ្រួសារយកទៅធ្វេីបុណ្យតាមប្រពៃណី៕ធ.ដ ដោយ ៖…

ភ្នំពេញ៖ ក្រុមហ៊ុនកូកា-កូឡា កម្ពុជា នាពេលថ្មីៗនេះ  បានចេញអត្ថបទ និងខ្សែវីដេអូខ្លីៗ ពី បណ្តាប្រទេសនានាជុំវិញពិភពលោកតាមបណ្តាញផ្សព្វផ្សាយសង្គមរបស់ខ្លួន ដើម្បីជាការគោរព និងអរគុណចំពោះវីរភាពរបស់អ្នកស្ម័គ្រចិត្តទាំងអស់ ដែលបានចូលរួមបរិច្ចាគទំាងកម្លាំងកាយ ពេលវេលានិងធនធានក្នុងការចូលរួមជួយសង្គ្រោះមនុស្សជាតិនិងប្រយុទ្ធប្រឆាំងនឹងការរាតត្បាតដោយវីរុសកូវីដ-១៩។ ទោះបីស្ថិតនៅទីកន្លែងផ្សេងគ្នាតែប្រជាជនមានអារម្មណ៍និងការប្រឈមដូចគ្នាស្ថិតនៅក្នុងស្ថានភាពនេះការចូលរួមពីអ្នកស្ម័គ្រចិត្តមានគ្រប់សញ្ជាតិនិងគ្រប់រូបភាពដែលបានផ្តល់នូវក្តីសង្ឃឹមនិងអារម្មណ៍វិជ្ជមានថាយើងនឹងឆ្លងផុតក្នុងគ្រាដ៏លំបាកមួយនេះទាំងអស់គ្នា។មិនខុសគ្នាពីបណ្តាប្រទេសទាំងនោះទេ នៅក្នុងប្រទេសកម្ពុជាក៏មានអ្នកស្ម័គ្រ ចិត្តជាច្រើនបានចូលរួមសង្គ្រោះសហគមន៍កម្ពុជាប្រយុទ្ធប្រឆាំងនឹងការរាលត្បាតដោយវីរុសកូវីដ-១៩ ដែលសកម្មភាពទាំងនោះត្រូវបានក្រុមហ៊ុនកូកា-កូឡាកម្ពុជាប្រមូលចងកម្រងអត្ថបទពីវីរភាពរបស់ពួកគាត់ឋ​ដោយយើងអាចចូលអានសាច់រឿងលម្អិតតាមរយៈលីងនេះ៖ https://www.facebook.com/500102870175614/posts/1375901635929062/?d=n ។ ក្រៅពីអត្ថបទដែលអាចអានតាមរយៈលីងខាងលើ កាលពីនៅថ្ងៃទី០១មិថុនាក្រុមហ៊ុនបានបញ្ចេញបញ្ចាំងខ្សែវីដេអូដ៏ខ្លីមួយ ដែលបានដកស្រង់ពីការលះបង់និងវីរភាពពិតៗរបស់អ្នកស្ម័គ្រចិត្តម្នាក់ក្នុងចំណោមអ្នកស្ម័គ្រចិត្តជាច្រើន  ដែលគាត់ជាម្ចាស់អាជីវកម្មកម្ចាត់មេរោគខ្នាតតូច  បានចូលរួមទប់ស្កាត់ការរាតត្បាតវីរុសកូវីដ-១៩  តាមរយៈការផ្តល់សេវាកម្មកម្ចាត់មេរោគដោយឥតគិតថ្លៃនៅតាមផ្លូវសារធារណៈ  សាលារៀន  មន្ទីរពេទ្យ  ផ្សារនិងសហគមន៍ ភូមិ ឃុំជាដើម ដែលសកម្មភាពរបស់គាត់បានជួយដល់ក្រុមការងារជួរមុខ។ លោកអ្នកអានអាចចូលមើលវីដូអូនេះនៅលើ៖ https://youtu.be/_UVbXICM5nQមិនត្រឹមតែជាការចូលរួមលើកទឹកចិត្តចំពោះភាពប្រសើរឡើងនៅពេលអនាគតនិងសារនៃក្តីសង្ឃឹមប៉ុណ្ណោះទេក្រុមហ៊ុនកូកា-កូឡាកម្ពុជាក៏បានបរិច្ចាគជាសម្ភារៈបង្ការនិងការពារ ដែលគិតជាសាច់ប្រាក់មានចំនួនជាង២០ម៉ឺនដុល្លារអាមេរិកដើម្បីចូលរួមប្រយុទ្ធប្រឆាំងនិងជួយសម្រាលការរីករាលដាលនៃវីរុសកូវីដ-១៩ នៅកម្ពុជា ព្រមទាំងសម្រាប់ឆ្លើយតបទៅសហគមន៍ដែលកំពុង និងងាយទទួលរងផលប៉ះពាល់បំផុតនៅកម្ពុជា។ លោក ដេវីដ វ៉ីងហ្គល់វើដ នាយកប្រតិបត្តិនៃក្រុមហ៊ុនកូកា-កូឡាបានមានប្រសាសន៍ថា «យើងសូមអរគុណ និងសូមគោរពចំពោះវីរភាពរបស់ក្រុមការងារជួរមុខ  និងអ្នកស្ម័គ្រចិត្តទាំងអស់  ដែលខិតខំប្រឹងប្រែងរក្សាសុវត្ថិភាពប្រជាជន និងសហគមន៍របស់យើងក្នុងគ្រាដ៏លំបាកនេះ»៕ធ.ដ    

កំពង់ឆ្នាំង៖ ផ្ទះ៤០ខ្នងបានប៉ើងដំបូល៥ខ្នងផ្ទះផ្សេងទៀតបានដួលរលំដល់ដី និងសត្វគោ៣ក្បាល ត្រូវបានរន្ទះបាញ់ងាប់នៅក្នុងហេតុការគ្រោះធម្មជាតិភ្លៀងខ្យល់កន្ត្រាក់ និងផ្គរន្ទះ។ ហេតុការណ៍បានកើតឡើងនៅរសៀលថ្ងៃទី១ មិថុនា២០២០ នៅក២ឃុំគឺឃុំស្វាយ និងឃុំពាមក្នុងស្រុកសាមគ្គីមានជយ័ខេត្តកំពង់ឆ្នាំង ។ បើយោងតាមការបញ្ជាក់ពីគណៈកម្មការគ្រប់គ្រងគ្រោះមហន្តរាយខេត្តកំពង់ឆ្នាំងបានឲ្យដឹងថានៅថ្ងៃទី១ ខែមិថុនា ផ្ទះប្រជាពលរដ្ឋដែលបានរងគ្រោះដោយសារភ្លៀងលាយឡំ និងខ្យល់កន្ត្រាក់គឺបណ្តាលអោយមានសរុបចំនួន ៤០ខ្នងប៉ើងដំបូលក្នុងនោះមានចំនួន ៥ខ្នងផ្សេងទៀត ដួលរលំដល់ដី និង៣៥ខ្នងងផ្ទះប៉ើងដំបូល និងបណ្ដាលអោយគោ៣ក្បាលបានងាបើដោយសាររន្ទះបាញ់ គ្រោះធម្មជាតិនេះបានកើតឡើងនៅឃុំចំនួនពីរខាងលើក្នុងស្រុកសាមគ្គីមានជ័យខេត្តកំពង់ឆ្នាំង ។ សូមរំលឹកដែរថាបន្ទាប់ពីរដូវវស្សាធ្លាក់ភ្លៀងបានមកដល់ភ្លៀងលាយឡំនិងខ្យល់កន្ត្រាក់បានបង្កឲ្យរលំផ្ទះបងប្អូនប្រជាពលរដ្ឋ ខ្លះរបើកដំបូលខ្លះទៀតដួលរៀបដល់ដី និងមានរន្ទះបាញ់សម្លាប់គោក្របីរបស់អ្នកស្រុកក្នុងខេត្តកំពង់ឆ្នាំងជាបន្តាបផងដែរ។ សម្រាប់ថ្ងៃទី១ ខែមិថុនា២០២០នេះ គឺចាត់ទុកថាជាចំនួនច្រើនជាងគេបង្អស់ចាប់តាំងពីដើមខែមិថុនានេះបានមកដល់។ យោងតាមរបាយការណ៍គ្រោះមហន្តរាយខេត្ត បានអោយដឹងថានៅចុងខែឧសភាផ្ទះ៤ខ្នងប៉ើងដំបូលក្នុងនោះរោងមាន់១ដួលរាបដល់ដី សត្វគោ២ក្បាល និងក្របី៣ក្បាលត្រូវបានរន្ទះបាញ់អោយងាប់ និង១ក្បាលត្រូបានខ្សែភ្លើងឆក់ងាប់ផងដែរ៕ ដោយ៖ សុក្ខារិន

ភ្នំពេញ៖ យោងតាមរបាយការណ៍របស់លោក វរសេនីយ៍ឯក ហួរ ម៉េងវ៉ាង  អធិការនគរបាលខណ្ឌសែនសុខ បានឲ្យដឹងនៅថ្ងៃទី ២  ខែមិថុនា ឆ្នាំ២០២០នេះ មានជនសង្ស័យចំនួន១១នាក់ ដែលពាក់ព័ន្ធករណីជួញដូរ និងប្រេីប្រាស់ដោយខុសច្បាប់នូវសារធាតុញៀន  ត្រូវបានកម្លាំងល្បាតរបស់នគរបាលប៉ុស្ដិ៍ភ្នំពេញថ្មី  និងប៉ុស្ដិ៍នគរបាលរដ្ឋបាលក្រាំធ្នង់ ចាប់ខ្លួន រួមទាំងដកហូតវត្ថតាំងមួយចំនួនផងដែរ។ ក្នុងរបាយការណ៍របស់លោកអធិការខណ្ឌសែនសុខ បានឲ្យដឹងថា មានជនសង្ស័យចំនួន៩នាក់  ត្រូវកម្លាំងនគរបាលប៉ុស្ដិ៍រដ្ឋបាលភ្នំពេញថ្មី ចាប់ខ្លួន ពីបទជួញដូរ និងប្រេីប្រាស់ដោយខុសច្បាប់នូវសារធាតុញៀន។ និងជនសង្ស័យ២នាក់ទៀត  ត្រូវបានកម្លាំងនគរបាលប៉ុស្ដិ៍រដ្ឋបាលក្រាំងធ្នង់ ចាប់ខ្លួនពីបទប្រេីប្រាស់ដោយខុសច្បាប់ នូវសារធាតុញៀន។ បច្ចុប្បន្ននេះ ជនសង្ស័យទាំង១១នាក់ រួមទាំងវត្ថុតាងខាងលេី ត្រូវបានសមត្ថកិច្ចបញ្ចូនមកកាន់អធិការដ្ឋាននគរបាលខណ្ឌសែនសុខ  ដេីម្បីឃុំខ្លួនបណ្ដោះអាសន្ន រង់ចាំកសាងសំណុំរឿងបញ្ជូនទៅតុលាការ ចាត់ការតាមនីតិវិធី៕  ដោយ៖  ភារ៉ា  និងប៊ុនធី

ភ្នំពេញ៖ យោងតាមរបាយការណ៍របស់លោក វរសេនីយ៍ឯក ហួរ ម៉េងវ៉ាង អធិការនគរបាលខណ្ឌសែនសុខ បានឲ្យដឹងនៅថ្ងៃទី២  ខែមិថុនា  ឆ្នាំ ២០២០នេះ កម្លាំងប៉ុស្តិ៍នគរបាលរដ្ឋបាលគោកឃ្លាង ឃាត់ខ្លួនជនសង្ស័យ ០២នាក់  ករណីលួចខ្សែភ្លើង នៅចំណុចផ្ទះជួល ផ្លូវ១០១៩ ភូមិត្រពាំងស្វាយ សង្កាត់គោកឃ្លាង ខណ្ឌសែនសុខ ។ សមត្ថកិច្ចបានឲ្យដឹងថា ជនសង្ស័យ០២នាក់ដែលឃាត់ខ្លួនបានរួមមាន៖ ទី១-ឈ្មោះ ហ៊ន ណេន ភេទប្រុស អាយុ៣២ឆ្នាំ ជនជាតិខ្មែរ មុខរបរដើរទិញអេតចាយ ស្នាក់នៅផ្ទះជួល  ផ្លូវបេតុង  ភូមិត្រពាំងស្វាយ សង្កាត់គោកឃ្លាង ខណ្ឌសែនសុខ (គ្មានសារធាតុញៀន) និងទី២-ឈ្មោះ ម៉ាត់ មុំ ភេទស្រី អាយុ៥៦ឆ្នាំ ជនជាតិខ្មែរ មុខរបរអ្នកបម្រើតាមផ្ទះ ស្នាក់នៅផ្ទះលេ៣៦ ផ្លូវ១០២  ភូមិត្រពាំងរាំងថ្មី សង្កាត់ឃ្មួញ ខណ្ឌសែនសុខ (គ្មានសារធាតុញៀន) ។ ជនទាំងពីរនាក់បានធ្វើសកម្មភាពលួចយកខ្សែភ្លេីងចំនួន០៤ដុំពីក្នុងផ្ទះរបស់ជនរងគ្រោះឈ្មោះ XU YOUYI ភេទប្រុស អាយុ៥៧ឆ្នាំ ជនជាតិចិន…