ខេត្តព្រះវិហារ៖ អភិបាលខេត្តព្រះវិហារ លោក ប្រាក់ សុវណ្ណ បានអំពាវនាវបែបនេះ គឺនៅក្នុងពិធីប្រគល់រូបសំណាកព្រះគោ មួយដល់មន្ទីរវប្បធម៌ និងវិចិត្រសិល្បះខេត្ត នាំយយកទៅរក្សាទុកនៅក្នុងសារមន្ទីរ ឲ្យបានគង់វង្ស កាលពីថ្ងៃទី១ មិថុនាឆ្នាំ២០២០ បន្ទាប់ពីស្នងការនគរបាលខេត្ត លោកឧត្តមសេនីយ៍ទោ សួស សុខដារា បានប្រគល់ជូនថ្នាក់ដឹកនាំខេត្ត កាលពីថ្ងៃបន្ទាប់កន្លងទៅនេះ។ ពិធីប្រគល់រូបសំណាកព្រះគោ នៅស្នងការដ្ឋាននគរបាលខេត្ត នៅថ្ងៃម្សិលមិញនោះទៀត ក៏មានការអញ្ជើញជាអធិបតីពី អភិបាលខេត្ត លោក ប្រាក់ សុវណ្ណ ប្រធានក្រុមប្រឹក្សាខេត្ត លោក ឡុង សុវណ្ណ និងមានការអញ្ជើញចូលរួមពី អភិបាលរងខេត្ត មន្ត្រីខេត្ត ក្រុង និងកងកម្លាំងនគរបាល នៅទូទាំងខេត្តព្រះវិហារ ផងនោះទៀត។ អភិបាលខេត្តព្រះវិហារ លោក ប្រាក់ សុវណ្ណ បានមានប្រសាសន៍ថា រូបសំណាកព្រះគោមួយនេះ មានទំហំទទឹង ២០សង់ទីម៉ែត្រ បណ្តោយប្រវែង ៥០សង់ទីម៉ែត្រ និងមានកម្ពស់៣០សង់ទីម៉ែត្រ និងនៅមិនទាន់ដឹងពីអាយុកាល នៅក្នុងការកសាងឡើង ថាតើស្ថិតនៅក្នុងសតវត្សណា នៅក្នុងរជ្ជកាលស្តេចអង្គណានៅឡើយទេ ដោយរង់ចាំការពិនិត្យ និងវាយតម្លៃពីមន្ត្រីជំនាញបេតិកភណ្ឌ…

ឯកឧត្តម សឿម ប៊ុនរិទ្ធិ អភិបាលរងខេត្តបាត់ដំបង និងជាអនុប្រធានគណៈកម្មាធិការសកម្មភាពមីនខេត្តបាត់ដំបង បានថ្លែងនូវក្តីកង្វល់របស់អាជ្ញាធរខេត្តបាត់ដំបង ដោយបានបង្ហាញពីការព្រួយបារម្ភនិងពីបញ្ហាប្រឈមដោយគ្រាប់មីន និង យុទ្ធភ័ណ្ឌមិនទាន់ផ្ទុះ ហើយត្រូវបានអាជ្ញាធរមូលដ្ឋានប្រទះឃើញជាបន្តបន្ទាប់ ក្នុងស្ទឹងសង្កែ និង នៅតាមសាលារៀនក្នុងក្រុងបាត់ដំបង ដែលវាបានបន្សល់ទុកកប់ក្នុងដីជ្រៅៗហើយនៅតែបង្កការគំរាមកំហែង និងគ្រោះថ្នាក់ដល់ពលរដ្ឋ ហើយប៉ុន្មានថ្ងៃមុននេះ ក៏នៅតែបន្តកើតមានការផ្ទុះមីនមាន នៅតាមចម្ការរបស់អ្នកស្រុកមួយចំនួននិងបានសម្លាប់ជីវិតមនុស្សផងដែរ។ ការថ្លែងរំលេចបែបនេះ គឺនៅក្នុងពិធីបូកសរុបលទ្ធផលការងារឆ្នាំ២០១៩ និងលើកទិសដៅបន្តឆ្នាំ២០២០ របស់គណៈកម្មាធិការសកម្មភាពមីនខេត្តបាត់ដំបង នៅព្រឹក ថ្ងៃទី០២ ខែមិថុនា ឆ្នាំ២០២០នេះ ។ ឯកឧត្តម សឿម ប៊ុនរិទ្ធ អភិបាលរងខេត្ត និងជាអនុប្រធានគណៈកម្មាធិការសកម្មភាពមីនខេត្តបានគូសបញ្ជាក់បន្ថែមថា៖បញ្ហាគ្រាប់មីននៅក្នុងខេត្តបាត់ដំបង គឺមិនមែនមានតែនៅតំបន់អតីតសមរភូមិប្រយុទ្ធដ៏ក្តៅគគុកតាមបន្ទាត់ព្រំដែនឬក៏នៅតាមបណ្ដាស្រុកមួយចំនួនដែលជាអតីតសមរភូមិក្ដៅ នោះទេ។ សូម្បីតែនៅក្នុងក្រុងបាត់ដំបងកន្លងមកនេះ ក៏មានបញ្ហាគ្រាប់មីន ទាំងនេះផងដែរ ។ បើតាមរបាយការណ៍និងបទបង្ហាញពីលោក នួម ឆៃរួម ប្រធានម៉ាពូខេត្តបាត់ដំបង ក៏បានលើកឡើងឲ្យដឹងផងដែរថា៖ តាមការស្រាវជ្រាវប្រមូលនូវទិន្នន៏យមូលដ្ឋាន ថ្នាក់ជាតិកម្រិត១ ចាប់តាំងពីឆ្នាំ២០០១ ដល់ឆ្នាំ២០០២ និងការស្រាវជ្រាវមូលដ្ឋាន នៅថ្នាក់ជាតិកម្រិត២ ពីឆ្នាំ២០០៩ ដល់ឆ្នាំ២០១៩ក៏បានបង្ហាញឲ្យដឹងថាតំបន់សង្ស័យមានមីន និងកាកសំណល់ជាតិផ្ទុះ…

កែប៖ ឯកឧត្តមនាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរ បាល ជាតិ តំណាងដ៏ខ្ពង់ខ្ពស់ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី ក្រសួងមហាផ្ទៃ និងឯកឧត្តម សោម ពិសិដ្ឋ អភិបាល នៃគណៈអភិបាលខេត្តកែប នៅព្រឹកថ្ងៃអង្គារ ទី០២ ខែមិថុនា ឆ្នាំ២០២០ បានអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីប្រកាសផ្ទេរភារកិច្ច តែងតាំងមុខតំណែង បំពាក់ឋានន្តរស័ក្តិ ស្នងការ នៃស្នងការដ្ឋាននគរបាលខេត្តកែប ។ អង្គពិធីប្រារព្ធធ្វើឡើង នៅសាលប្រជុំធំស្នងការ ដ្ឋាននគរបាលខេត្តកែប ដោយមានថ្នាក់ដឹកនាំសាលាដំបូងខេត្តកំពត ថ្នាក់ដឹកនាំកងកម្លាំងប្រដាប់អាវុធ មន្ត្រីថ្នាក់ខេត្ត ក្រុង ស្រុក បានអញ្ជើញចូលរួមផងដែរ។ ពិធីនេះត្រូវបានតែងតាំងមុខតំណែងលោកឧត្តមសេនីយ៍ត្រី សម្បត្តិ សុធារដ្ឋ ពីស្នងការរង ទទួលផែនអត្តសញ្ញាណកម្ម នៃស្នងការដ្ឋាននគរបាលខេត្តកំពត ទៅជាស្នងការ នៃស្នងការដ្ឋាននគរបាលខេត្តកែប ជំនួសលោកឧត្តមសេនីយ៍ត្រី បែន តារា ដែលត្រូវតែងតាំងជាអនុប្រធាននាយកដ្ឋានកណ្តាល នគរបាលព្រំដែន និងតម្លើងឋានន្តរស័ក្តិជាថ្នាក់ឧត្តមសេនីយ៍ទោផងដែរ។ ឯកឧត្តម…

បន្ទាយមានជ័យ៖ នៅសាលាខេត្តបន្ទាយមានជ័យ នាថ្ងៃទី៣១ ខែឧសភា ឆ្នាំ២០២០ ក្រុមវេទិកាសម្ពន្ធ័សង្គមស៊ីវិលដឹកនាំដោយ ឯកឧត្តម ប៉ៃ សំបូរ អគ្គលេខាធិការវេទិកាសម្ព័ន្ធសង្គមស៊ីវិល និងលោកស្រី ប៉ុក ណាឌី អភិបាលរងខេត្តបន្ទាយមានជ័យ បានអញ្ជើញជាអធិបតីភាព ក្នុងវគ្គបណ្តុះបណ្តាល និងធ្វើបទបង្ហាញស្តីពីជំងឺកូវីដ ១៩ ដល់ក្រុមគ្រូពេទ្យជួរមុខជួរក្រោយ និងអជ្ញាធរមូលដ្ឋាន ដើម្បីស្វែងយល់ឲ្យកាន់តែច្បាស់ នៅចំណេះដឹងជាមូលដ្ឋាន បច្ចុប្បន្នភាពនៃស្ថានភាព និងការទប់ស្កាត់ ការពារនៃការីករាលដាល នៅក្នុងសហគមន៍នៃជំងឺកូវីដ ១៩។ លោកស្រី វេជ្ជ ម៉ែនបញ្ញ អនុបណ្ឌិតសុខភាពសាធារណៈ និងជាអនុប្រធានសមាគមប្រឹក្សាសុខភាពប្រជាជន បានឡើងធ្វើបទបង្ហាញ អំពីជំងឺកូវីដ ១៩ បញ្ជាក់ថា៖ វីរុសកូរ៉ូណា គឺជាក្រុមគ្រួសារដ៏ធំមួយ ដែលគេឃើញនៅលើសត្វ និងមនុស្សដូចជាជំងឺផ្តាសសាយធម្មតា រហូតដល់ជំងឺធ្ងន់ធ្ងរជាច្រើនទៀត ដូចជាជំងឺផ្លូវដង្ហើមវីរុសកូរ៉ូណាប្រភេទថ្មី ដែលអង្គការសុខភាពពិភពលោកបានដាក់ឈ្នោះថា ជំងឺកូវីដ ១៩ ហើយវាឆ្លងពីមនុស្សម្នាក់ទៅមនុស្សម្នាក់ទៀត តាមរបៀបតំណក់ទឹកមាននៅលើវត្ថុ និងផ្ទៃជុំវិញ ពេលអ្នកមានកូវីដ ១៩ ក្អក ឬកណ្តាស់ ដកដង្ហើម មនុស្សដទៃមកប៉ះតំណក់ទឹកទាំងនេះរួមមកប៉ះ ភ្នែក…

ភ្នំពេញ៖ ជនសង្ស័យម្នាក់ ពាក់ព័ន្ធករណីប៉ុនប៉ងលួច (ប្រើសោរចិញ្ចៀនលេខ១២ ចុងសំប៉ែតស្រួចកាច់សោរកម៉ូតូ) ត្រូវកម្លាំងនគរបាលខណ្ឌដង្កោឃាត់ខ្លួន កាលពីវេលាម៉ោង០០និង៣០នាទី ថ្ងៃទី០២ ខែមិថុនា ឆ្នាំ២០២០ ត្រង់ចំណុចដីឡូតិ៍គ្មានលេខ ផ្លូវលំ ស្ថិតនៅភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញ ។ លោក វរសេនីយ៍ឯក ជឹម សុីថា អធិការនគរបាលខណ្ឌដង្កោ បានឲ្យដឹងថា ជនសង្ស័យដែលឃាត់ខ្លួនបានមានឈ្មោះ មួន ប៊ុនរិទ្ធ ភេទប្រុស អាយុ២៨ឆ្នាំ មុខរបរមិនពិតប្រាកដ ស្នាក់នៅក្នុងផ្សារនាគមាស ស្ថិតនៅសង្កាត់ផ្សារដើមគ ខណ្ឌទួលគោក រាជធានីភ្នំពេញ (ជនសង្ស័យមានសារធាតុញៀន)។ ចំណែកវត្ថុតាងចាប់យក៖ សោរចិញ្ចៀនលេខ១២ចុងសំប៉ែតស្រួចសម្រាប់កាច់សោរម៉ូតូចំនួន០១, ទួណឺវីសចំនួន០២ (មានដង០១, គ្មានដង០១), ដែកឆាបចំនួន០១, ដែកសរសៃរ៉ឺស័រសម្រាប់ឆ្កឹះសោរផ្ទះចំនួន០២, ទូរស័ព្ទដៃចំនួន០១គ្រឿង, ម៉ូតូ ចំនួន០១គ្រឿង ។ ក្នុងរបាយការណ៍លោកវរសេនីយ៍ឯក ជឹម សុីថា បានឲ្យដឹងទៀតថា៖ កាលពីថ្ងៃទី០២ ខែមិថុនា ឆ្នាំ២០២០ វេលាម៉ោង០០និង៣០នាទី សមត្ថកិច្ចនគរបាលខណ្ឌដង្កោ បានជិះម៉ូតូល្បាតក្នុងភូមិសាស្ត្រខណ្ឌដង្កោ…

ភ្នំពេញ៖ គណៈបញ្ជការឯកភាពខណ្ឌមានជ័យ  បានប្រើធម៌ក្ដៅ ដោយដឹកនាំកម្លាំងចម្រុះចុះរុះរើតូបអាជីករលក់ដូរចំនួន៣៦តូប ដែលសាងសង់រំលោបបំពានលើចិញ្ចើមផ្លូវសម្រាប់ថ្មើរជើងយកធ្វើជាកម្មសិទ្ធផ្ទាល់ខ្លួនដើម្បីរកប្រាក់ចំណូលធ្វើ ឲ្យបាត់បង់សោភ័ណ្ឌភាពតាមដងផ្លូវ បាត់បង់ផ្លូវសំរាប់ថ្មើរជើង ប៉ះពាល់ដល់ផលប្រយោជន៍សារធារណៈនឹងសង្គម។ ក្នុងប្រតិបត្តិការនេះ បានធ្វេីឡេីងនៅព្រឹកថ្ងៃទី០២ ខែមិថុនា ឆ្នាំ២០២០ ស្ថិតនៅតាមបណ្ដោយផ្លូវ៣០ម៉ែត្រហៅផ្លូវណតប្រិជ ភូមិដំណាក់ដំ៣ សង្កាត់ ស្ទឹងមានជ័យ៣ ខណ្ឌមានជ័យ រាជធានីភ្នំពេញពេញ។ លោក អ៊ុម ហឿង ចៅសង្កាត់ស្ទឹងមានជ័យទី៣ បានប្រាប់ឲ្យដឹងថា ការចុះរុះរើតូប អាជីករលក់ដូរចំនួន៣៦តូបដែលបានសាងសង់ រំលោបលើចិញ្ចើមផ្លូវនេះគឺអនុវត្តន៍តាមបញ្ជារបស់សាលារាជធានីភ្នំពេញ ដើម្បីរំដោះចិញ្ចើមផ្លូវសំរាប់ថ្មើរជើងនឹងបញ្ជៀសការកកស្ទះចរាចរណ៍សព្វថ្ងៃ ក៏ដូចជាសោភណ្ឌភាពតាមដងផ្លូវសាធារណ:ដើម្បីទីក្រុងស្អាតនឹងមានសោភ័ណភាព។ លោកបានបន្តទៀតថា មុនឈានដល់ដាក់កម្លាំងចុះរុះរើគឺគណៈបញ្ជាការឯកភាពខណ្ឌនឹងសង្កាត់បានជូនដំណឹង ដល់ម្ចាស់តូបនឹងអាជីករលក់ដូរជាច្រើនខែ មកហើយដើម្បីធ្វើការរុះរើក្រោយមកទៀត ក៏បានទុកពេលឲ្យធ្វើការរុះរើដោយខ្លួនឯងជាងកន្លះខែទៀត តែនៅមិនព្រមធ្វើការរុះរើទើបកម្លាំងគណៈបញ្ជាឯកខណ្ឌមានជ័យសហការកម្លាំងសង្កាត់ ដឹកនាំកម្លាំងចំរុះចុះរើដោយផ្ទាល់តែម្ដង៕ដោយ៖  ភារ៉ា និងប៊ុនធី

ខេត្តព្រះវិហារ៖ នាយខណ្ឌរដ្ឋបាលព្រៃឈើព្រះវិហារ លោក នួន សុខុម បានដឹកនាំកម្លាំងផ្នែកព្រៃឈើឆែប ក្រោមកិច្ចសហការណ៍ជាមួយ កម្លាំងកងរាជអាវុធហត្ថខេត្ត ចុះបង្ក្រាបទីតាំងស្តុកឈើគ្មានច្បាប់ពីរកន្លែង និងបានស្ទាក់ចាប់រថយន្តសាំងយ៉ុងមួយគ្រឿង ដឹកឈើប្រណិត នៅលើកំណាត់ផ្លូវក្រាលគ្រួសក្រហម១ខ្សែ ស្ថិតនៅក្នុងភូមិសាស្ត្រ ភូមិចំរើន ឃុំច្រាច ស្រុកជ័យសែន នៅក្នុងថ្ងៃទី២មិថុនាឆ្នាំ២០២០ នេះ។ នាយខណ្ឌរដ្ឋបាលព្រៃឈើព្រះវិហារ លោក នួន សុខុម បានថ្លែងប្រាប់អ្នកសារព័ត៌មានថា ការចុះបង្ក្រាបទីតាំងសន្និធិឈើគ្មានច្បាប់ទាំងនោះ គឺបានធ្វើឡើងក្រោមកិច្ចសហការណ៍យ៉ាងល្អ ពីកម្លាំងកងរាជអាវុធហត្ថខេត្ត ដែលមានលោកឧត្តមសេនីយ៍ត្រី កង សៅគុណ ជាមេបញ្ជាការ ដោយលោកឧត្តមសេនីយ៍ បានចាត់កម្លាំងក្រោមឱវាទ រួមជាមួយកម្លាំងខណ្ឌរដ្ឋបាលព្រៃឈើខេត្ត និងផ្នែករដ្ឋបាលព្រៃឈើឆែប ចុះទៅកាន់ទីតាំងបើករោងសិប្បកម្មកែច្នៃឈើគ្មានច្បាប់អនុញ្ញាតពីរកន្លែង ព្រមទាំងស្ទាក់ចាប់រថយន្តសាំងយ៉ុង១គ្រឿង ដែលកំពុងធ្វើសកម្មភាពដឹកជញ្ជូនឈើប្រណិត នៅលើដងផ្លូវក្រាលគ្រួសក្រហម១ខ្សែ នៅក្នុងមូលដ្ឋានខាងលើនោះ ថែមទៀតផង។ លោកបន្តថា នៅក្នុងការចុះបង្ក្រាបទីតាំងបើករោងសិប្បកម្មកែឆ្នៃឈើ ទាំងពីរកន្លែងនោះ សមត្ថកិច្ចមិនបានដកហូតម៉ាស៊ីនឈូសឈើ តាបឈូសឈើ ឧបករណ៍កែច្នៃឈើជាច្រើនទៀត និងក៏មិនបានឃាត់ខ្លួនជនប្រព្រឹត្តបទល្មើសទាំងនោះដែរ ដោយសារពួកគេដឹងខ្លួនមុន ពួកគេបានដោះម៉ាស៊ីនទាំងនោះ ដឹកយកចេញទៅលាក់ទុក ហើយពួកគេបានរត់គេចខ្លួនអស់ នៅមុនពេលកម្លាំងសមត្ថកិច្ចចុះទៅដល់។ លោកបានបញ្ជាក់ថា ក្រោយការបង្ក្រាប កម្លាំងសមត្ថកិច្ចបានដឹកជញ្ជូនឈើ…