កាលពីរសៀលថ្ងៃទី២៩ ខែមិថុនា ឆ្នាំ២០១៨នេះ ឯកឧត្តមអ្នកឧកញ៉ា សៀង ណាំ អ្នកតំណាងរាស្ត្រមណ្ឌលសៀមរាប និង លោកជំទាវបានជួបសំណេះសំណាលជាមួយប្រជាពលរដ្ឋក្រីក្រដែលជាកម្មករសំណង់មកពី សង្កាត់ស្រង៉ែ និងសង្កាត់ក្របីរៀលក្នុងក្រុងសៀមរាប ខេត្តសៀមរាបចំនួន ៣០០គ្រួសារ និងបានឧបត្ថម្ភដល់ពួកគេនូវអំណោយក្នុង១គ្រួសារ អង្ករ១បេ ស្មើរ និង ១០គីឡូក្រាម សារុង១ និងថវិកា ២ម៉ឺនរៀល។ឯកឧត្តមអ្នកឧកញ៉ា សៀង ណាំ ក្នុងនាមជាអ្នកណាងរាស្ត្រ គឺឯកឧត្តមតែងផ្សារភ្ជាប់ការរស់នៅរបស់ ឯកឧត្តមជាមួយប្រជាពលរដ្ឋជានិច្ច។ ឯកឧត្តមអ្នកឧកញ៉ា សៀង ណាំ  ក៍បានលើកឡើងផងដែរពីគោលនយោបាយដែលដឹកនាំដោយគណៈបក្សប្រជាជនកម្ពុជា គឺតែងយកចិត្តទុកដាក់ដល់ប្រជាជនជានិច្ចហើយសំរាប់អាណត្តិនៃការដឹកនាំប្រទេសជាបន្តទៀតនោះ គឺរាជរដ្ឋាភិបាលដែលផុសចេញពីគណៈបក្សប្រជាជនគឺនៅតែបន្តការកសាងនិងអភិវឌ្ឍន៍ជាបន្តទៀត ដោយបានលើកយកនូវចំណុចអាទិភាពជាច្រើន ក្នុងនោះគឺបានផ្តោតទៅលើការអភិវឌ្ឍន៍ ហេដ្ឋារចនា សម្ព័ន្ធ មណ្ដល់សុខភាព សាលារៀន ប្រព័ន្ធធារាសាស្ត្រ អគ្គីសនី និងកិច្ចការងារជាច្រើនទៀតដែលជា  កត្តាចាំបាច់នៃតម្រូវការរបស់ប្រជាពលរដ្ឋ។អ្វីដែលសំខាន់ទៀតនោះ គឺឯកឧត្តមអ្នកឧកញ៉ា សៀង ណាំ ក៍បានណែនាំអោយបងប្អូនប្រជាពលរដ្ខទាំងអស់អញ្ជើញទៅបោះឆ្នោតអោយបានគ្រប់ៗគ្នានៅ ថ្ងៃទី២៩កក្កដា២០១៨ខាងមុខដើម្បីជ្រើសរើសតំណាងរបស់បងប្អូនដែលខ្លួនពេញចិត្តក្នុងការជួយអភិវឌ្ឍន៍ មូលដ្ឋានរបស់បងប្អូន។

ភ្នំពេញ៖ គ្រឿងអលង្កាមួយចំនួនធំត្រូវបានចោរគាស់ទូរដែកយកគ្មានសល់​ខណៈម្ចាស់ផ្ទះមិនចាក់​សោរចោល​ចេញទៅក្រៅ។ហេតុការណ៍នេះបង្កភ្ញាក់ផ្អើលកាលវេលាម៉ោង២១និង០០នាទី ថ្ងៃទី២៧ ខែមិថុនា ឆ្នាំ២០១៨ ស្ថិតនៅផ្ទះលេខ(V 104)ផ្លូវកាំខូស៊ីធី ភូមិគង្គាផុស សង្កាត់ទួលសង្កែ ខណ្ឌឫស្សីកែវ។​សមត្ថកិច្ចអោយដឹងថាជនរងគ្រោះឈ្មោះ​ ខូវ​ ចាន់សុីថា​ ភេទស្រី​ អាយុ​ ២៧ឆ្នាំ​ មុខរបរ​ មេផ្ទះ​  ។សមត្ថកិច្ចបន្តទៀតថាមុនពេលកើតហេតុនៅវេលាម៉ោង១៨:០០នាទី ជនរងគ្រោះ និង ក្រុមគ្រួសារបានចេញទៅហូបអីនៅក្រៅទាំងអស់គ្នាដោយមិនមាននរណានៅចាំផ្ទះឡើយ​ លុះវេលាម៉ោងកើតហេតុខាងលើក៏ត្រលប់​មកផ្ទះវិញទើបដឹងថាទូដែកត្រូវបានចោរគាស់ទូលួចទ្រព្យសម្បត្តិ​  ទើបឆោរឡោរហើយបាន​ទូរសព្ទ៌ហៅនគរបាលប៉ុស្តិ៍ទួលសង្កែអោយមកធ្វើការត្រួតពិនិត្យកន្លែងកើតហេតុ​ ។ សំភារះបាត់បង់រួមមាន​៖ ចិញ្ជៀនពេជ្រ៤វង់​ ខ្សែករពេជ្រ២ខ្សែ​ កងដៃពេជ្រ១វង់​ (សរុបជាទឹកប្រាក់​ប្រាំពីមុឺន​ដុល្លារអាមេរិច)។ ក្រោយកើតហេតុជនរងគ្រោះបានមកដាក់ពាក្យប្ដឹងនៅប៉ុស្ដិ៍រដ្ឋបាលទួលសង្កែដើម្បីអោយសមត្ថកិច្ចជួយ​ស្រាវជ្រាវឈានទៅដល់កំណត់មុខសញ្ញានិងចាប់ជនសង្ស័យទាំងនោះមកផ្ដន្ទាទោសតាមផ្លូវច្បាប់៕

កណ្តាល ៖ ករណីគ្រោះថ្នាក់ចរាចរណ៏មួយកើតឡើងបណ្តាលឲ្យបុរសម្នាក់ស្លាប់បាត់បង់ជីវិតភ្លាមៗនៅកន្លែងកើតហេតុបន្ទាប់ពីបើកម៉ូតូល្បឿនលឿនខ្វះការប្រុងប្រយ័ត្នជ្រុលទៅបុករថយន្តហ៊ីយ៉ានដាយពេញទំហឹងបោកក្បាលនិងថ្នល់ឈាមដាបពេញផ្លូវស្លាប់ភ្លាមៗ នៅវេលាម៉ោង ០១នឹង០០នាទីរំលងអាធ្រាតឈានចូលថ្ងៃ សៅរ៍ ទី ៣០ ខែ មិថុនា ឆ្នាំ ២០១៨ ស្ថិតនៅតាមបណ្តោយផ្លូវជាតិលេខ ២១B ភូមិ ថ្មី សង្កាត់ តាខ្មៅ ក្រុង តាខ្មៅ ខេត្ត កណ្តាល ។     តាមប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុគេឃើញរថយន្តហ៊ីយន់ដាយមួយគ្រឿងដឹកទឹកកកធុនធំពាក់ស្លាកលេខភ្នំពេញ 3A-0844 បើកបរដោយបុរសម្នាក់ចេញពីផ្លូវលេខ១១៣បំណងឆ្លងផ្លូវទិសដៅពីកើតបត់ទៅត្បូងស្រាប់តែពេលកំពុងតែបត់មានម៉ូតូមួយគ្រឿងម៉ាកណៃហ៊តពណ៌ខ្មៅមិនចាំស្លាកលេខបើកបរដោយបុរសម្នាក់ក្នុងល្បឿនលឿនតាមបណ្តោយផ្លូវ២១Bទិសដៅពីជើងទៅត្បូងក៏បានទៅបុករថយន្តកំពុងតែបត់យ៉ាងពេញទឹហឹងបណ្តាលឲ្យបុរសម្នាក់ដែរជាម្ចាស់ម៉ូតូនោះបោកក្បាលផ្ទប់នឹងរថយន្តធ្លាយក្បាលហូរឈាមស្លាប់ភ្លាមៗនៅកន្លែងកើតហេតុ ។    សពបុរសម្នាក់នោះមានឈ្មោះ លន់ សុភាព អាយុ ៣០ឆ្នាំជាង មុខរបរ បញ្ជាការដ្ឋានអង្គរក្ស ស្នាក់នៅក្នុង បញ្ជាការដ្ឋានអង្គរក្ស នៅទួលក្រសាំង មានស្រុកកំណើតនៅ ភូមិព្រែកអញ្ជែញ ឃុំ ព្រែកតាមាក់ ស្រុក ខ្សាច់កណ្តាល ខេត្ត កណ្តាល ។     ក្រោយពេលកើតហេតុសម្ថកិច្ចក៏ឃាត់ខ្លួនតៃកុងយកមកសាកសួរហើយយកម៉ូតូនឹងរថយន្តយកមករក្សាទុកនៅការិយាល័យចរាចរណ៏ផ្លូវគោកនៃអធិការដ្ឋាននគរបាលក្រុងតាខ្មៅដើម្បីរងចាំដោះស្រាយទៅតាមនិតិវិធីច្បាប់​ ។ រីឯសាកសពសម្ថកិច្ចធ្វើកំណត់ហេតុប្រគល់សាកសពឲ្យទៅសាកសាច់ញាត្តិដឹងតាមរថយន្តសាម៉ុយយកទៅធ្វើបុណ្យតាមប្រពៃណីនៅឯស្រុកកំណើត ៕  

ភ្នំពេញៈ​ សមត្ថកិច្ចនគរបាលប៉ុស្តិស្ទឹងមានជ័យ៣ឃាត់ខ្លនជនសង្ស័យម្នាក់ដែលកំពុងតែចែកចាយថ្នាំញៀនកាលពីវេលាម៉ោង៣និង៣០នាទីទាបភ្លឺថ្ងៃទី២៩ខែមិថុនា​ឆ្នាំ​២០១៨ស្ថិត​នៅ​ចំនុចផ្លូវលំភូមិដំណាក់ធំ៣សង្កាត់ស្ទឹង​មាន​ជ័យ៣ខណ្ខមានជ័យរាជធានីភ្នំពេញ។ ជនសង្ស័យឈ្មោះ​ ហូ​ សុជាតា​ (ហៅស្វិត)​ភេទប្រុស​អាយុ៣១ឆ្នាំ​មុខរបរមិនពិតប្រាកដស្នាក់នៅផ្ទះជួយភូមិដំណាក់ធំ៣សង្កាត់ស្ទឹងមានជ័យ៣ខណ្ខមានជ័យ។ បើតាមអោយដឹងពីលោក ឯម ភារីនាយប៉ុស្ត៍ស្ទឹងមានជ័យ៣កម្លាំងបានលុះល្បាតនៅក្នុងមូលដ្ឋានមកដល់ចំនុចផ្លូវលំភូិមិដំណាក់ធំ៣សង្កាត់ស្ទឹងមានជ័យ៣បានជួបជាមួយនិងជនសង្ស័យដែលកំពុងតែឈរនៅលើផ្លូវមានការសង្ស័យបានឃាត់ខ្លួនត្រួតពិនិ្យបានប្រទះឃើញមានក្រាមសថ្លា(សង្ស័យជាសារធាតុញៀនចំនួន៨កញ្ចប់ថង់តូចកាន់នៅក្នុងដៃហើយបានឃាត់ខ្លួនយកមកសាកសួរនៅប៉ុស្តិនគរបាលស្ទឹងមានជ័យ៣តែម្តង។ ក្រោយពីសាកសួរនៅប៉ុស្តិនគរបាលស្ទឹងមានជ័យ៣រួចបានកសាងសំណុំរឿងបញ្ចូនទៅកាន់អធិកាដ្ឋាននគរបាលខណ្ខមានជ័យដើម្បីចាត់ការទៅតាមច្បាប់។

(ក្រុងព្រៃវែង)៖ រដ្ឋមន្ត្រីក្រសួងពាណិជ្ជកម្ម ឯកឧត្តម ប៉ាន សូរស័ក្តិ បានបង្ហាញជំនឿថាប្រជាពលរដ្ឋខ្មែរនឹងងាកមកគាំទ្រ ហើយប្រើប្រាស់ផលិតផលខ្មែរកាន់តែច្រើន នៅពេលណាដែលផលិតករ និងសហគ្រិនក្នុងស្រុក អាចផលិតទំនិញដែលមានគុណភាពខ្ពស់ ជាមួយតម្លៃសមរម្យ ប្រហាក់ប្រហែលទំនិញនាំចូលពីបរទេស ព្រោះ​នេះគឺជាកត្តាសត្យានុម័តនៃការប្រកួតប្រជែងទីផ្សារសេរី។ ឯកឧត្តមរដ្ឋមន្ត្រី បានគូសបញ្ជាក់ដូច្នោះ នាឱកាសអញ្ជើញជាអធិបតីភាព នៅក្នុងពិធីបើកព្រឹត្តិការណ៍ពិព័រណ៍ផលិតផលខ្មែរនៃយុទ្ធនាការទិញផលិតផលខ្មែរ រដូវកាលទី៣ ដែលរៀបចំឡើង កាលពីរសៀលថ្ងៃទី២៩ ខែមិថុនា ឆ្នាំ២០១៨ នៅក្នុងបរិវេណអតីតមន្ទីរពេទ្យយោធា ខាងលិចតំបន់ប្រតិបត្តិការសឹករងខេត្តព្រៃវែង ក្រោមការចូលរួមពីថ្នាក់ដឹកនាំ និងមន្ត្រីរាជការ អាជ្ញាធរខេត្ត តំណាងអង្គការ អាជីវករ ពាណិជ្ជករ និងនិស្សិតប្រមាណ ៣០០នាក់។ នៅក្នុងឱកាសនោះ ឯកឧត្តម ប៉ាន សូរស័ក្តិ បានអំពាវនាវឲ្យផលិតករ បន្តខំប្រឹងអភិវឌ្ឍន៍គុណភាពផលិតផលឲ្យបានកាន់តែប្រសើរថែមទៀត ដោយប្រើប្រាស់គំនិតច្នៃប្រឌិត ទាំងបច្ចេកទេសផលិត ការវេចខ្ចប់ ការដាក់ម៉ាក និងការកំណត់តម្លៃ ព្រមទាំងធ្វើយុទ្ធសាស្ត្រទីផ្សារ ដើម្បីអាចប្រកួតប្រជែងជាមួយទំនិញនាំចូលពីបរទេស។ ឯកឧត្តមរដ្ឋមន្ត្រី បានលើកយកបញ្ហាប្រឈម និងលក្ខខណ្ឌ ដែលកម្ពុជាត្រូវបំពេញ ក្រោយចូលរួមនៅក្នុងសហគមន៍សេដ្ឋកិច្ចអាស៊ាន និងបានពន្យល់អង្គពិធី អំពីវិធានការណ៍រយៈពេលខ្លី ដែលរាជរដ្ឋាភិបាលកំពុងអនុវត្តន៍ ដូចជាការយកពន្ធ និងការប្រើប្រាស់ច្បាប់ឧបាស្រ័យពាណិជ្ជកម្ម…

ពិធីនោះធ្វើឡើងនៅព្រឹកថ្ងៃ២៩មិថុនាឆ្នាំ២០១៩ ក្រោមអធិបតីភាព អគ្គមេបញ្ជាការរង នៃកងយោធពលខេមរ ភូមិន្ទ និងជាមេបញ្ជាការ កងទ័ពជើងទឹក អគ្គលេខាធិការ នៃគណៈ កម្មាធិការជាតិសន្តិសុខលម្ហសមុទ្រ នាយឧត្តមនាវី ទៀ វិញ អគ្គមេបញ្ជាការកងនាវា នៃកងទ័ពជើងទឹកភូមិន្ទថៃ ឧត្តមនាវី រាំងសារ៉េត សាក់យ៉ានុគួន។  មេបញ្ជាការរងកងទ័ពជើងទឹក មេបញ្ជាការទីបញ្ជាការជួមុខ អគ្គលេខាដ្ឋាន នៃគណ:កម្មាធិការជាតិសន្តិសុខលម្ហសមុទ្រ លោកឧត្តមនាវីឯក ទៀ សុខា មានប្រសាសន៍ថា ពិធីលែងសត្វអណ្ដើកសមុទ្រនាពេលនោះ ធ្វើឡើងនៅឆ្នេរឋានសួគ៌តំបន់កោះរ៉ុង សង្កាត់កោះរ៉ុង ក្រុង ខេត្តព្រះសីហនុក្រោមជំនួយឧបត្ថម្ភពីកងទ័ពជើងទឹកភូមិន្ទថៃ ដើម្បីលើកកម្ពស់កិច្ចសហ ប្រតិបត្តិការ នៃប្រទេសទាំងពីរក្នុងការរួមចំណែកអភិរក្ស សត្វអណ្តើកសមុទ្រ ក៏ដូចជាការជួយជំរុញការគាំទ្រដល់វិស័យទេសចរណ៍។ លោកថា ការលែងអណ្ដើកនោះ គឺជាការបំផុសចលនាក្នុងការអភិវឌ្ឍន៍ អភិរក្សធនធានធម្មជាតិ បាតសមុទ្រ  ដែលគេបានទម្លាក់ជម្រកមច្ឆាជាតិនៅក្នុងតំបន់កោះរ៉ុង ដោយធ្វើអនាម័យ ក្នុងបាតសមុទ្រ តំបន់កោះតាង ខេត្តកោះកុង និងតំបន់កោះរ៉ុង  និងធ្វើអនាម័យក្នុង បាតសមុទ្រ ដាក់ប៉ោល ទម្លាក់កុងតឺន័រ ដាំផ្កាថ្ម និងសារាយសិប្បនិមិត្ត…