យោងតាមការស្នើសុំអគារសិក្សា១ខ្នង របស់អ្នកគ្រូ ពៅ សន គ្រូបង្រៀននៅសាលាបឋមសិក្សា អូរត្រាច ភូមិអូរត្រាច តាមរយៈអាជ្ញាធរ ឃុំវ៉ារិន ស្រុកវ៉ារិន ខេត្តសៀមរាប  ឯកឧត្ដម សៅ សារឿន  បានអញ្ជើញចុះពិនិត្យមើលទីតាំងដែលត្រូវកសាងអគារសិក្សាដែលផ្តល់ដោយប្រធានក្រុមការងារចុះជួយមូលដ្ឋាន ឃុំវ៉ារិន ។ អ្នកគ្រូ ពៅ សន បានបញ្ជាក់ថាដោយកំណើនសិស្សានុសិស្សមានចំនួនច្រើនទើបគណគ្រប់គ្រងសាលាបានសំផ្ទះប្រជាពលរដ្ឋដើម្បីឲ្យសិស្សចូលមក សិក្សារៀនសូត្រជាបណ្តោះអាសន្ន។ ដូច្នេះហើយទើបអាជ្ញាធរបានស្នើសំឯកឧត្ដម សៅ សារឿន ប្រធានក្រុមការងារចុះជួយមូលដ្ឋាន ឃុំវ៉ារិន ជួយកសាងអគារមួយខ្នងបន្ថែមទៀតដែលមានទីតាំងស្ថិតចំចំណុចកណ្តាលនៃភូមិអូរត្រាច ដើម្បីផ្តល់ភាពងាយស្រួលដល់ក្មួយៗសិស្សានុសិស្សធ្វើដំណើរមកសិក្សារៀនសូត្រ។

(ភ្នំពេញ)៖ ចាប់តាំងពីថ្ងៃទី១៣ ខែមិថុនា ដល់ថ្ងៃទី១៥ ខែកក្កដា ឆ្នាំ២០១៨ វីតាល់ បានផ្ដួចផ្ដើមនូវកម្មវិធីចែកបន្តោងសោ ស្បែកជើងកីឡា នៅក្នុងប្រូម៉ូសិនថ្មី «Vital Football Lovers» សម្រាប់អតិថិជន ជាអ្នកស្នេហាលើវិស័យកីឡា។ កម្មវិធីប្រូម៉ូសិននេះ មានភ្ជាប់មកជាមួយ ការរចនាកេសថ្មី ដែលមានលក្ខណៈ រឹងមាំជាងមុន ស៊ីវីល័យ និងធ្វើឲ្យបរិស្ថាន កាន់តែប្រសើរផងដែរ។

ភ្នំពេញ៖ យោងតាមសេចក្តីប្រកាសព័ត៌មាន របស់កងរាជអាវុធហត្ថលើផ្ទៃប្រទេស ដែលបានចេញផ្សាយនៅព្រឹកថ្ងៃទី១១ ខែកក្កដា ឆ្នាំ២០១៨ កងរាជអាវុធហត្ថលើផ្ទៃប្រទេស នឹងប្រារព្ធពិធីអបអរសាទរខួបអនុស្សាវរីយ៍លើកទី២៥ ដែលប្រព្រឹត្តឡើងនៅថ្ងៃទី១៤ ខែកក្កដា ឆ្នាំ២០១៨ ខាងមុខនេះ ស្ថិតនៅភូមិថ្មី សង្កាត់សង្ឃ័រ ក្រុងស្វាយរៀង ខេត្តស្វាយរៀង។ ក្នុងសេចក្ដីប្រកាសពត៌មានរបស់កងរាជអាវុធហត្ថលើផ្ទៃប្រទេសបានឱ្យដឹងទៀតថា ពិធីនេះ នឹងប្រព្រឹត្តឡើងក្រោមអធិបតីភាពសម្តេចពិជ័យសេនា ទៀ បាញ់ ឧបនាយករដ្ឋមន្ត្រី និងជារដ្ឋមន្ត្រីក្រសួងការពារជាតិ។ ជាមួយគ្នានេះ កងរាជអាវុធហត្ថ ដែលចូលរួមក្នុងធិពីអបអរសាទរខួបអនុស្សាវរីយ៍ មានចំនួន៨០០នាក់ ហើយកងរាជអាវុធហត្ថទាំងអស់នេះ នឹងចល័តពីសាលាកងរាជអាវុធហត្ថកំបូល និងមជ្ឈមណ្ឌលហ្វឹកហ្វឺនភ្នំជុំរាយ ទៅកាន់ខេត្តស្វាយរៀង ដោយចេញដំណើរចេញនៅយប់ថ្ងៃទី១២ ខែខែកក្កដា ឆ្នាំ២០១៨៕

អនុវត្តតាមច្បាប់ស្តីពីការបោះឆ្នោត និងគោលការណ៍របស់គណៈកម្មាធិការជាតិរៀបចំការបោះឆ្នោត ឯកឧត្តម ជា ច័ន្ទបរិបូរណ៍ អនុប្រធានគណៈកម្មាធិការកណ្តាលនៃគណបក្សប្រជាជនកម្ពុជាចុះជួយស្រុកក្រឡាញ់ ខេត្តសៀមរាប បានជួបសំណេះសំណាលជាមួយសមាជិកសមាជិកាក្រុមការងារ និងប្រជាពលរដ្ឋនៅឃុំស្រណាល និងឃុំសែនសុខ ស្រុកក្រឡាញ់ ខេត្តសៀមរាប ចំនួនជាង៦៥០នាក់ ។