សេចក្ដីសម្រេចរបស់គជបនៅថ្ងៃទី១០កក្កដា ម្សិលមិញបានសម្រេច ព្យួរសិទ្ធiបោះឆ្នោតបណ្ដោះអាសន្ន ចំពោះប្រធាន អនុប្រធាន និងសមាជិកគណៈកម្មាធិការជាតិរៀបចំការបោះឆ្នោត សម្រាប់ការបោះឆ្នោតជ្រើសតាំង តំណាងរាស្ត្រនីតិកាលទី៦ឆ្នាំ២០១៨ ដែលនឹងធ្វើឡើងនៅថ្ងៃ២៩ ខែកក្កដា ឆាំ២០១៨។ បុគ្គទាំង៩រូបមាន ប្រធាន គ.ជ.ប. លោកស៊ិក ប៊ុនហុក អនុប្រធានគជប លោក នុត សុខុម  និងសមាជិក មានលោក មាន សទិ លោក ឌឹម សុវណ្ណារុំ លោក ឌុច សុន លោក ហ៊ីង ធីឬទ្ធិ លោកឯម សូផាត លោក ហ៊ែល សារ៉ាត់ និងលោក ហង្ស ពុទ្ធា។

ខេត្តកណ្តាល ៖ ឯកឧត្តមអគ្គបណ្ឌិតសភាចារ្យ អូន ព័ន្ធមុន្នីរ័ត្ន ប្រធានគណៈអចិន្រ្តៃយ៍គណៈពង្រឹងមូលដ្ឋានស្រុកល្វាឯម និងស្រុកខ្សាច់កណ្តាល បានថ្លែងថា ប្រវត្តិសកម្មភាពនយោបាយរបស់គណបក្សប្រជាជនកម្ពុជា គឺជាប្រវត្តិនៃការដឹកនាំដោយភាពក្លាហាន  មោះមុតឥតរាថយ លើមាគ៌ានយោបាយ ដែលមានគោលដៅច្បាស់លាស់ មានភាពប្រាកដនិយម និងមានចក្ខុវិស័យវែងឆ្ងាយ ។

សភាសម្ព័ន្ធសហជីពជាតិកម្ពុជា ដែលតំណាងឲ្យកម្មករ និយោជិតជាង៤០ម៉ឺននាក់ ក្នុងវិស័យកាត់ដេរ និងផលិតស្បែកជើងនៅកម្ពុជា នៅថ្ងៃទី១០ ខែកក្កដា ម្សិលមិញ បានដាក់លិខិតទៅប្រធានសភាសហភាពអឺរ៉ុប។ ក្នុងលិខិតបានលើកឡើងថា  តាមរយៈការផ្ដល់ប្រពន្ធ័អនុគ្រោះពន្ធ EBA សហភាពអឺរ៉ុប បានក្លាយជាដៃគូពាណិជ្ជកម្មធំជាងគេទី២របស់កម្ពុជា។ EBA បានបង្កើតការងាររាប់ម៉ឺនកន្លែង និងផ្ដល់ចំណូលរាប់ម៉ឺនកន្លែង និងផ្ដល់ចំណូលរាប់ពាន់លានដុល្លារដល់កម្មកររាប់សែននាក់ និងបានធ្វើឲ្យក្រុមគ្រួសាររបស់កម្មករនៅតាមទីជនបទរាប់លាននាក់បានរួចចាកផុតពីភាពក្រីក្រ។ លិខិតរបស់សភាសម្ពន្ធ័សហជីពជាតិកម្ពុជាបានបន្តថា EBA ក៏បានជួយធ្វើឲ្យលក្ខខណ្ឌ ការងារកាន់តែល្អជាងមុន រោងចក្រមានលទ្ធភាពដំឡើងប្រាក់ឈ្នួលអប្បរមា និង អត្ថប្រយោជន៍ផ្សេងៗដល់កម្មករ ពលកម្មកុមារក្នុងវិស័យកាត់ដេរ និងស្បែកជើងត្រូវបាន លុបបំបាត់ កម្មករទទួលបានរបបគាំពារសង្គមមួយកាន់តែល្អ មានអង្គការពលកម្មអន្តរជាតិ ILO ឃ្លាំមើលការអនុវត្តលក្ខខណ្ឌការងារសេរីភាពសហជីព និងមានក្រុមប្រឹក្សាអាជ្ញាកណ្ដាល ដោះស្រាយវិវាទការងារល្អ ដែលអង្គការ ILO និងប្រទេសមួយចំនួនបានយកជាគំរូសម្រាប់ បណ្ដាប្រទេសមួយចំនួនបានយកជាគំរូសម្រាប់បណ្ដារប្រទេសផ្សេងអនុវត្តតាម។  សភាសម្ព័ន្ធសហជីពជាតិកម្ពុជាបានស្នើដល់សហភាពអឺរ៉ុបពិចារណាឲ្យបានហ្មត់ចត់អំពី ផលប៉ះពាល់នៃការដកប្រពន្ធ័អនុគ្រោះ EBA ពីកម្ពុជា ដែលនឹងជះឥទ្ធិពលអវិជ្ជមានផ្ទាល់ ដល់ការងារ និងជីវភាពរស់នៅរបស់កម្មករ និងក្រុមគ្រួសាររបស់ពួកគេជិត៣លាននាក់។ លិខិតបានបន្តថា កម្មករកម្ពុជាដែលពឹងអាស្រ័យលើការងារ និងមុខរបរដែលពាក់ពន្ធ័នឹងវិស័យកាត់ដេរ និងស្បែកជើងមិនគួររងគ្រោះដោយសារការដក EBA ចេញពីកម្ពុជា…

កាលពីរសៀលថ្ងៃអង្គារ ១៣រោច ខែបឋមាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី ១០ ខែកក្កដា ឆ្នាំ២០១៨ ឯកឧត្តម គង់ សោភ័ណ្ឌ ប្រធានគណៈកម្មាធិការសាខាកាកបាទក្រហមកម្ពុជាខេត្តកណ្តាល បានដឹកនាំប្រតិភូសាខា១ក្រុម អញ្ជើញបានចុះសួរសុខទុក្ខ ព្រមទាំងចែកអំណោយមនុស្សធម៌ដល់ប្រជាពលរដ្ឋ ដែលរងគ្រោះដោយសារខ្យល់កន្រ្តាក់ បណ្តាលឲ្យរលំផ្ទះ២ខ្នង និងប៉ើងដំបូលផ្ទះ១ខ្នង សរុបចំនួន៣ខ្នង ស្មើនឹង៣គ្រួសារ មានសមាជិក១៤នាក់ នៅភូមិឈើទាល ឃុំព្រែកអញ្ចាញ និងភូមិក្រោលគោ ឃុំសំបួរមាស ស្រុកមុខកំពូល ។