សមាគមគ្រូពេទ្យស្ម័គ្រចិត្តយុវជនសម្តេចតេជោ(TYDA) នៅថ្ងស២៤មិថុនាម្សិលមិញ បានចុះពិនិត្យព្យាបាលជំងឺដោយឥតគិតថ្លៃ ជូនកម្មករ កម្មការនី និងប្រជាពលរដ្ឋ ក្នុងសង្កាត់គោករកា ខណ្ឌព្រែកភ្នៅ។ អនុប្រធានប្រតិបត្តិទទួលបន្ទុកបេសកកម្មរោងចក្រ នៃសមាគមTYDA លោកវេជ្ជបណ្ឌិត ស៊ឹម ស៊ូយ៉េង បានអោយដឹងថា គោលបំណងនៃ សកម្មភាពមនុស្សធម៌នេះគឺជាការរួមចំណែកជាមួយរាជរដ្ឋាភិបាលលើផ្នែកសុខុមាលភាពប្រជាពលរដ្ឋ ដោយមិនប្រកាន់និន្នាការនយោបាយ សាសនា ពណ៌សម្បុរអ្វីឡើយ។ លោកថា សមាគមបានពង្រីកសកម្មភាពមនុស្សធម៌ឱ្យគៀកដល់បងប្អូនកម្មករកម្មការនីរោងចក្រនិងប្រជាជនតាមសហគម ក្រីក្រទូទាំងប្រទេស និងបានផ្តល់ការបណ្តុះបណ្តាលដល់សមាជិក តាមរយៈការចុះបេសកកម្មផ្ទាល់ជាមួយសមាគម និងដៃគូរ និងតាមការបណ្តុះបណ្តាល ជំនាញនានាទាំងក្នុងប្រទេស និងក្រៅប្រទេស។ ក្រុមការងារបានធ្វើការពិនិត្យព្យាបាល ជំងឺជូនកម្មករកម្មការិនី និងប្រជាពលរដ្ឋ សរុបចំនួន២ពាន់៩៣២ និងបញ្ជូនបន្តទៅព្យាបាល នៅមន្ទីពេទ្យចំនួន៤០នាក់ ក្នុងនោះជំងឺទូទៅ  ជំងឺមាត់ធ្មេញ ជំងឺត្រចៀកច្រមុះបំពង់ក ជំងឺភ្នែក រោគស្ត្រី វះកាត់តូច អេកូសាស្ត្រ ផ្នែកបេះដូង ជំងឺសើស្បែក ឫសដូងបាត ជំងឺសន្លាក់ ផ្នែកមន្ទីពិសោធន៍៥០នាក់ និងចុះអប់រំសុខភាពតាមបន្ទប់ជួលចំនួន៣០០បន្ទប់។ ក្នុងឱកាសនោះរទះពិការចំនួន០៥រទេះ ជាអំណោយរបស់សម្តេចតេជោ ហ៊ុន សែន និងសម្តេចកិត្តិព្រិទ្ធបណ្ឌិត បានប្រគល់ជូនដល់ជនពិការទីទាល់ក្រផងដែរ។…

សហភាពអឺរ៉ុប បានប្រកាសផ្តល់ជំនួយចំនួន ៣,៥ លានអឺរ៉ូ ដល់អង្គជំនុំជម្រះវិសាមញ្ញក្នុងតុលាការកម្ពុជា(អ.វ.ត.ក) ដើម្បីគាំទ្រដល់ដំណើរការរបស់ អ.វ.ត.ក សម្រាប់ឆ្នាំ ២០១៨ ដែលក្នុងនោះ​ ទឹកប្រាក់ចំនួន ២,២៥ លានអឺរ៉ូ នឹងផ្តល់ជូនភាគីអន្តរជាតិ និង ១,២៥ លានអឺរ៉ូ នឹងផ្តល់ជូនភាគីជាតិ។ សហភាពអឺរ៉ុបគឺជាម្ចាស់ជំនួយធំមួយក្នុងចំណោមម្ចាស់ជំនួយធំៗបំផុតរបស់ អ.វ.ត.ក ហើយការផ្តល់ជំនួយចុងក្រោយនេះ ធ្វើឲ្យជំនួយហិរញ្ញវត្ថុដែលសហភាពអឺរ៉ុបបានផ្តល់ដល់ អ.វ.ត.ក មានចំនួនសរុប ២២,៧០ លានអឺរ៉ូ ចាប់ពីសាលាក្តីខ្មែរក្រហមចាប់បដិសន្ធិនៅឆ្នាំ ២០០៦ មក។ ឯកឧត្តម ក្រាញ់ តូនី ប្រធានការិយាល័យរដ្ឋបាលស្តីទី និងលោក Knut Rosandhaug អនុប្រធានការិយាល័យរដ្ឋ បាល អ.វ.ត.ក បានមានប្រសាសន៍នៅក្នុងសេចក្តីថ្លែងការណ៍រួមគ្នាថា៖  “តាងនាមឲ្យ អ.វ.ត.ក យើងខ្ញុំសូមថ្លែងអំណរគុណចំពោះការបន្តឧបត្ថម្ភគាំទ្រដ៏ថ្លៃថ្លារបស់សហភាពអឺរ៉ុប។ ការគាំទ្រផ្នែកហិរញ្ញវត្ថុនេះ នឹងរួមចំណែកបន្តនិរន្តរភាពកិច្ចការរបស់សាលាក្តីដើម្បីសម្រេចបានយុត្តិធម៌ចំពោះអំពើឃោរឃៅនៃរបបកម្ពុជាប្រជាធិបតេយ្យចន្លោះឆ្នាំ ១៩៧៥ ដល់ឆ្នាំ ១៩៧៩”។ អំពីសហភាពអឺរ៉ុបសហភាពអឺរ៉ុបគឺជាដៃគូអភិវឌ្ឍន៍ដ៏សំខាន់របស់ព្រះរាជាណាចក្រកម្ពុជាចាប់តាំងពីដើមទសវត្សរ៍ឆ្នាំ ១៩៩០ ហើយក៏ជាប្រទេសផ្តល់ជំនួយអភិវឌ្ឍន៍មួយ ក្នុងចំណោមប្រទេសផ្តល់ជំនួយអភិវឌ្ឍន៍ធំៗបំផុត។ សហភាពអឺរ៉ុបមានតំណាងនៅក្នុងប្រទេសកំពុងអភិវឌ្ឍន៍តាមរយៈគណៈប្រតិភូរបស់ខ្លួនចំនួន ១៣៩ ប្រទេស ដោយកសាងបណ្តាញទំនាក់ទំនង និងភាពជាដៃគូ…

ឯកឧត្តម បណ្ឌិត អេរិច សូលហេម(ErikSolheim) នាយកប្រតិបត្តិនៃអង្គការកម្មវិធីបរិស្ថានសហប្រជាតិ(UNEP)បានអញ្ជើញមកមកដល់ព្រះរាជាណាចក្រ កម្ពុជាហើយនៅវេលាម៉ោង ៨ម៣០នាទី ដើម្បីបំពេញទស្សនកិច្ច តាមការអញ្ជើញរបស់ ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាននៃកម្ពុជា។ ប្រតិភូជាន់ខ្ពស់ក្រសួងបរិស្ថាន ដឹកនាំដោយឯកឧត្តម អ៊ាង សុផល្លែត អនុរដ្ឋលេខាធិការ ក្រសួងបរិស្ថាន បានអញ្ជើញទទួលស្វាគមន៍ ឯកឧត្តម បណ្ឌិត អេរិច សូលហេម(ErikSolheim) នាយកប្រតិបត្តិនៃអង្គការកម្មវិធីបរិស្ថានសហប្រជាតិ(UNEP) ដោយផ្ទាល់នៅព្រលានយន្តហោះអន្តរជាតិភ្នំពេញ។ សូមបញ្ជាក់ថា ក្នុងដំណើរទស្សនកិច្ចពេញមួយថ្ងៃ នៅថ្ងៃទី២៥ ខែមុថុនា ឆ្នាំ២០១៨ នេះ ឯកឧត្តម បណ្ឌិត អេរីច សូលហេម(ErikSolheim) មានកម្មវិធីជួបសំដែងការគួសមជាមួយ ឯកឧត្តម សាយ សំអាល់ រដ្ឋមន្រ្តីក្រសួងបរិស្ថាន បន្ទាប់មក ឯកឧត្តម ជួបប្រជុំជាមួយក្រុមប្រឹក្សជាតិអភិវឌ្ឍន៍ដោយចីរភាព អំពីការពង្រឹងកិច្ចសហប្រតិបត្តិការរវាងកម្ពុជានិងអង្គការកម្មវិធីបរិស្ថានសហប្រជាជាតិ។បន្ទាប់មក ឯកឧត្តម សាយ សំអាល់ និង ឯកឧត្តមបណ្ឌិត អេរីច សូលហេមនឹងចូលរួមធ្វើសន្និសីទសារព័ត៌មានរួមគ្នា នៅទីស្តីការក្រសួងបរិស្ថាន។ នៅពេលរសៀល ឯកឧត្តម…

កាលពីព្រឹកថ្ងៃទី២៤ ខែមិថុនា ឆ្នាំ២០១៨ ភូមិបឹងទីង ឃុំទងត្រឡាច ស្រុកស្រីសន្ធរ ខេត្តកំពង់ចាម លោកឧកញ៉ា ឡូវ សុខសាន តំណាងអនុប្រធានក្រុមការងារចុះជួយស្រុកស្រីសន្ធរ បានអញ្ជើញសម្ពោធដាក់អោយប្រើប្រាស់ជាផ្លូវការនូវបណ្ណាល័យមួយខ្នងនៅក្នុងសាលាបឋមសិក្សាបឹងទីង ដែលជាអំណោយរបស់ឯកឧត្តមបណ្ឌិត ហ៊ុន ម៉ាណែត បានចំណាយថវិកាប្រមាណ១៤៥០០ដុល្លាសហរដ្ឋ នៅក្នុងពិធីនោះដែរក៍មានការចូលរួមសប្បុរជន លោកគ្រូ អ្នកគ្រូ សិស្សានុសិស្ស មាតា បិតា អាណាព្យាបាល និងព្រះគ្រូចៅអធិការវត្តផងដែរ។ លោក ចាស់ ជឿន មេឃុំទងត្រឡាច បានលើកឡើងជារបាយការណ៍អំពីសាលារៀននេះបានកើតឡើងនៅពាក់កណ្តាលឆ្នាំ១៩៧៩ ក្រោយរបបប្រល័យពូជសាសន៍ប៉ុលពតបានដួលរលំផុតទៅ នាពេលនោះប្រជាជនបាននាំគ្នារុះរើរោងបាយរបស់សហករណ៍ដែលនៅសេសសល់មកធ្វើជាអាគាសិក្សាក្នុងវត្តដោយសិស្សត្រូវបានអង្គុយរៀនផ្ទាល់ដីហើយអាគារគ្មានជញ្ជាំង គ្មានតុអ្វីទាំងអស់។ លោកឧកញ៉ា ឡូវ សុខសាន បានមានប្រសាសន៍ពាំនាំការផ្តាំសួរសុខទុក្ខពីសំណាក់ប្រមុខរាជរដ្ឋាភិបាល សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចកក្រកម្ពុជា ដោយបានចាត់ទុកថាវិស័យអប់រំគឺជាវិស័យអាទិភាព មួយក្នុងវិស័យផ្សេងៗទៀត ព្រោះថាសង្គមជាតិ អភិវឌ្ឍន៍ រីកចម្រើនទៅបានទាល់តែមានធនធានមនុស្សគ្រប់គ្រាន់ ដូចនេះហើយប្រមុខរាជរដ្ឋាភិបាល កម្ពុជា បានផ្តោតការយកចិត្តទុកដាក់ បង្កើតអោយមានសាលារៀន និងបណ្ណាល័យគ្រប់ទីកន្លែងទូទាំងប្រទេស ដើម្បីផ្តល់ភាពងាយស្រួលអោយកូនក្មួយ ប្រជាពលរដ្ឋបានចូលរៀនគ្រប់ៗគ្នា ។ លោកឧកញ៉ា…

បន្ទាប់ពីបានយល់ច្បាស់នូវគោលនយោបាយដ៏ល្អនិងត្រឹមត្រូវរបស់គណបក្សប្រជាជនកម្ពុជាសមាជិក សមាជិកា ដែលមកពីគណបក្សផ្សេងៗចំនួន ៨៨២ នាក់ ដែលរស់នៅក្នុងឃុំ ស្ពានត្នោត  ស្រុកជីក្រែង ខេត្តសៀមរាប បានស្ម័គ្រចិត្តចូលជាសមាជិកគណបក្សប្រជាជនកម្ពុជា ។     ពិធីបញ្ចូលសមាជិកគណបក្សថ្មីនេះ បានប្រព្រឹត្តទៅក្រោមអធិបតីភាព ឯ.ឧ មាស សំអុល ប្រធាន ក្រុមការងារថ្នាក់កណ្តាលចុះជួយឃុំស្ពានត្នោត និងសមាជិកក្រុមការងារជាច្រើនរូបទៀត ។    តាមរបាយការណ៏របស់លោក យូ លេន ប្រធានគណៈកម្មាធិការបក្សឃុំស្ពានត្នោតបានឲ្យដឹងថា៖ជានិច្ចកាលគណៈកម្មាធិការបក្សឃុំស្ពានត្នោត តែងតែយកចិត្តទុកដាក់ ក្នុងការអប់រំ កសាង ពង្រឹង និងពង្រីកសមាជិកបក្សជាបន្តបន្ទាប់ ក្នុងគោលដៅពង្រឹងសមាជិកដែលមានស្រាប់ ឲ្យកាន់តែយល់ដឹងពីមាគ៌ាគោលនយោបាយរបស់គណបក្ស និងបង្កើនចំនួនសមាជិកសំរាប់ទ្រទ្រង់គណបក្សក្នុងមូលដ្ឋានឲ្យបានទាំងបរិមាណនិងគុណភាព ។ លោក បានបន្តទៀតថា៖ ការបញ្ចូលបក្សថ្មីថ្ងៃនេះគឺដើម្បីឲ្យបងប្អូន ទាំង ៨៨២ រូបក្លាយជាសមាជិកពេញសិទ្ធិរបស់គណបក្សប្រជាជនកម្ពុជា និងក្លាយជាកំលាំងស្នូលរបស់បក្ស ចូលរួមក្នុងសកម្មភាពរបស់គណបក្ស ពិសេសដណ្តើមយកជ័យជំនះក្នុងការបោះឆ្នោតជ្រើសតាំងតំណាងរាស្ត្រ នីតិកាលទី៦ នាថ្ងៃទី ២៩ ខែ កក្កដា ឆ្នាំ ២០១៨ នាពេលខាងមុខ ។       …

កំពង់ឆ្នាំង ៖ កម្លាំងមន្ត្រីការរិយាល័យដែនជម្រាកសត្វព្រៃភ្នំឱរ៉ាល់នៅថ្ងៃទី២៣ ខែ មិថុនា ឆ្នាំ២០១៨ បានចេញល្បាត បានប្រទះឃើញសកម្មភាពគ្រឿងចក្រប្រភេទ D60  ចំនួន ៣គ្រឿងឈូសឆាយដីព្រៃ ជាដីអនុក្រិត្យនៅចំណុចអូរក្របីងាប់ UTM  426193; 1335595 ក្នុងភូមិសាស្ត្រ ភូមិកោះក្ទម្ព ឃុំជៀប ស្រុកទឹកផុស ខេត្តកំពង់ឆ្នាំង ដោយការធ្វើសកម្មភាពឈូសឆាយដីព្រៃនោះពុំមានច្បាប់អនុញ្ញាតិឡើយ ។ ក្រោយឃើញសកម្មភាពការឈូសឆាយបែបបនេះបានហៅថៅកែគ្រឿងចក្រមកសាកសួរ បានអោយដឹងថា ដីព្រៃខាងលើនេះ ពួកគេបានឈូសឆាយអោយឈ្មោះ ទេព ភារម្យ ដែលមិនបាន ស្គាល់អត្តសញ្ញាណឡើយ ។ កម្លាំងមន្ត្រីការរិយាល័យដែនជម្រាកសត្វព្រៃភ្នំឱរ៉ាល់សំណូមពរដល់អភិបាលខេត្តកំពង់ឆ្នាំង  ពិសេសឯកឧត្តម  សាយ សំអាល់ រដ្ឋមន្ត្រីក្រសួងបរិស្ថាន មេត្តាចាត់់វិធានការឱ្យបានទាន់ពេលវេលា ៕  

 សៀមរាប៖ មន្រ្តីជំនាញកាំកុងត្រូលសាខាខេត្តសៀមរាប បានសហការជាមួយមន្ទីរពាណិជ្ជកម្មខេត្ត បានចុះធ្វើការណែនាំដល់អាជីវករលក់ទំនិញនៅផ្សាររលួស ឃុំរលួស ស្រុកប្រាសាទបាគង ខេត្តសៀមរាប។ និងរកឃើញទំនិញហួសកាលបរិច្ឆេទមួយចំនួន នាព្រឹកថ្ងៃទី២៤ ខែមិថុនា ឆ្នាំ២០១៨នេះ           នាឱកាសនោះដែរ លោក ព្រៅ ខេមរិន្ទ ប្រធានសាខាកាំកុងត្រូលខេត្តសៀមរាប បានមានប្រសាសន៏ថា៖ យើងតែងតែយកចិត្តទុកដាក់យ៉ាងខ្លាំងចំពោះម្ហូបចំណីអាហារដែលបងប្អូនប្រជាពលរដ្ឋតែងតែទិញយកទៅប្រើប្រាស់នឹងលក់ដូរមួយចំនួនធំនៅតាមផ្សារឬតាមតូបខ្លះៗ យើងបានធ្វើការណែនាំដល់អាជីវករលក់ចាប់ហួយនៅក្នុងផ្សារឬតាមតូប ជាពិសេសបានណែនាំពីសារៈសំខាន់នៃការរៀបចំទុកដាក់ អោយបានត្រឹមត្រូវ និងរបៀបមើលទំនិញណាដែលគ្មានគុណភាព និងហួសសុពលភាព គ្មានផ្លាកសញ្ញាត្រឹមត្រូវ ដែលវាអាចធ្វើអោយមានផលប៉ះពាល់ដល់សុខភាពប្រជាពលរដ្ឋជាដើម។ លោក បានបន្តទៀតថា៖  មន្ត្រីជនាញបានរកឃើញផលិផផលខូចគុណភាពនឹងហួសកាលបរិច្ឆេទមួយចំនួនផងដែរ។ ដើម្បីធានាបាននូវសុវត្ថិភាពនៃការថែរក្សាសុខុភាពរបស់បងប្អូនប្រជាពលរដ្ឋស្របតាមផែនការយុទ្ធសាស្រ្តរបស់អគ្គនាយកដ្ឋានកាំកុងត្រូល ក៏ដូចក្រសួងពាណិជ្ជកម្មនោះ ដូច្នេះមន្ត្រីកាំកុងត្រូលសាខាខេត្តសៀមរាបយើងតែងតែងធ្វើការចុះត្រួតពិនិត្យទំនិញហួសសុពលភាព និងខូចគុណភាពជាប្រចាំរៀងរាល់ខែ ព្រមទាំងធ្វើការណែនាំ និង ជំរុញដល់អាជីវករទាំងអស់ ត្រូវចូលរួមសហការ និងយកចិត្តទុកដាក់ទប់ស្កាត់ទំនិញខូចគុណភាព និងហួសសុពលភាព ក្នុងន័យការពារសុខភាពប្រជាពលរដ្ឋអោយបានកាន់ តែល្អប្រសើរថែមទៀត ស្របតាមគោលនយោបាយរបស់រាជរដ្ឋាភិបាលកម្ពុជា។          លោកក៏បានបញ្ជាក់ទៀតថា៖ នៅខេត្តសៀមរាបយើងនេះ មិនមានលត់ធ្វើពីប្លាស្ទីកឬក៏ជ័រនោះឡើយ មិនដូចពាក្យចរចាមអារ៉ាមខ្លះៗដែលនិយាយតៗគ្នា នឹងក្នុងបណ្តាញ់ទំនាក់ទំនងសង្គមថា៖ នំលត់ហ្នឹងគឺគេធ្វើពីជ័រឬថង់ប្លាស្ទីក ដែលត្រូវបានគេបង្ហោះនៅក្នុង (FB) រយ:កាលកន្លងមកហើយនោះ…

នៅថ្ងៃចន្ទ ១៣កើត ខែបឋមាសាឍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី២៥ ខែមិថុនា ឆ្នាំ២០១៨ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញជាអធិបតីដ៏ខ្ពង់ខ្ពស់ក្នុងពិធីសម្ពោធដាក់ឲ្យប្រើប្រាស់ជាផ្លូវការកំពុងផែពហុបំណង ស្ថិតនៅក្នុងកំពង់ផែស្វយ័តក្រុងព្រះសីហនុ មាន តម្លៃប្រមាណ ៧៤លានដុល្លារអាមេរិកនឹងត្រូវសម្ពោធដាក់ឲ្យដំណើរការជាផ្លូវការ ដើម្បីឆ្លើតបកំណើនសេដ្ឋកិច្ចជាតិ និងការឆ្លងកាត់ទំនិញ ដែលកើនឡើងកាន់តែច្រើន ឡើងពីមួយឆ្នាំទៅមួយឆ្នាំឥតឈប់ឈរ ដែលពិធីនេះ ក៏មានការអញ្ជើញចូលរួមពីឯ,ឧ បេសសូ  ខេនអ៊ិឈិ ភារធារីស្តីទីនៃស្ថានទូតជប៉ុនប្រចាំនៅកម្ពុជា មន្ត្រីរាជការក្នុងខេត្តព្រះសីហនុ មន្រ្តីកំពង់ផែស្វយ័តខេត្តព្រះសីហនុ និងបងប្អូនប្រជាពលរដ្ឋផងដែរ ។ ឯ,ឧ ទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណ ការ និងដឹកជញ្ជូន ចំណតផែពហុបំណងនេះ រួមមាន៖ ចំណតផែទំនិញរាយប្រវែង ៣៣០ ម៉ែត្រ ជម្រៅទឹក ១៣,៥  ម៉ែត្រ, ចំណតផែមូលដ្ឋានផ្គត់ផ្គង់ភស្តុភារសម្រាប់ការរុករកប្រេងប្រវែង ២០០ម៉ែត្រ ជម្រៅទឹក ៧,៥ម៉ែត្រ  និងការផ្គត់ ផ្គង់នាវាសណ្តោង (Tugboat) ក្រោមហិរញ្ញប្បទានសម្ប…

 បន្ទាយមានជ័យ : ពីព្រឹកដល់រសៀល ថ្ងៃទី២៤ ខែមិថុនា ឆ្នាំ២០១៨ លោកជំទាវ ហ៊ុន ម៉ាណា ប្រធានក្រុមវេជ្ជសាស្ត្រសម្តេចតេជោ បានដឹកនាំក្រុមគ្រូពេទ្យ ចុះពិនិត្យ និងព្យាបាលជំងឺជូនកងទ័ព គ្រួសារកងទ័ព និងប្រជាពលរដ្ឋជាង៣.០០០នាក់ដោយឥតគិតថ្លៃនៅទីតាំងទីបញ្ជាការកងពលតូចថ្មើរជើងលេខ៥១ ស្ថិតក្នុងភូមិ ភ្នំជញ្ជាំងឃុំជប់វ៉ារីស្រុកព្រះនេត្រព្រះខេត្តបន្ទាយមានជ័យ។          កម្មវិធីនោះមានការចួលរួមពីលោកជំទាវម៉ៅម៉ាល័យ កែគឹមយ៉ាន  ប្រធានកិត្តិយសសមាគមនារីកម្ពុជាដើម្បីសន្តិភាពនិងអភិវឌ្ឍន៍ខេត្តនិងសហការី  លោកលី។សារី អភិបាលរងខេត្តបន្ទាយមានជ័យ លោកឧត្តមសេនីយីត្រី សេង ធារិនមេបញ្ជាការកងពលតូចលេខ៥១ លោកឧត្តមសេនីយីត្រីបោន ប៊ិន មេបញ្ជាការកងរាជអាវុធហត្ថខេត្ត  អមទៅដោយលោកវេជ្ជសាស្រ្តសម្តេចតេជោបានដឹកនាំលោកវេជ្ជបណ្ឌិតចំនួន៥៦នាក់និងលោកគ្រូពេទ្យគ្រូពេទ្យកងពល៥១ចំនួន២៧នាក់និងកងទ័ព គ្រួសារកងទ័ព និងប្រជាពលរដ្ឋមកពីស្រុកព្រះនេត្រនិងស្រុកដទៃទៀតមកពិនិត្យ ព្យាបាលជម្ងឺមានចំនួនជាង៣.០០០នាក់។       លោកឧត្តមសេនីយ៍ត្រី សេង ធារិន មេបញ្ជាការកងពលតូចលេខ៥១ បានថ្លែងអំណរគុណដល់លោកជំទាវហ៊ុន ម៉ាណា ដែលបានដឹកនាំក្រុមវេជ្ជសាស្ត្រសម្តេចតេជោមកជួយពិនិត្យ ព្យាបាលជម្ងឺជូនបងប្អូនដូចខាងលើ  ដែលទាំងនេះក៏ដូចកន្លងមកបានបង្ហាញនូវមនោសញ្ជេតនាស្រឡាញ់រាប់អានរួមសុខរួមទុក្ខនិងលើកទឹកចិត្ត ផ្តល់កម្លាំងចិត្តដល់កងទ័ព គ្រួសារកងទ័ពនិងពលរដ្ឋ  ដែលកំពុងនិងរួមចំណែកបំពេញភារកិច្ចការពារអធិបតេយ្យភាពបូរណភាពទឹកដី ការពារសន្តិសុខ សន្តិភាព សណ្តាប់ធ្នាប់ជូនពលរដ្ឋនិងជាតិមាតុភូមិ ក៍ដូចសេ្ថរភាពនយោបាយនិងការអភិវឌ្ឍន៍ ។         លោកជំទាវ ហ៊ុន ម៉ាណា ប្រធានក្រុមវេជ្ជសាស្រ្តសម្តេចតេជោ មានប្រាសាសន៍ថា :…